🇸🇩سودانيز اون لاين 🇸🇩

بما اننا الليله اجتمعنا من تاني رأيك شنو نعمل لعبه مع شعب سودانيز دا😍😍😍

يلااا موافقه💃

1.44K viewsMero♡o☺️, 19:59

ورينا لعبه شنوو

1.44K viewsMero♡o☺️, 19:59

يوم العقد الصباح 💕
قبل ما الناس يعقدوا آذان الضهر أصر عليها يلاقيها .. قالت ليهو انا محبوسه و كده ما صاح الاقيك قبل العقد ..
قال ليها اتصرفي بس و تعالي قالت ليهو يعني ما ح تسيب عنادك ولا كيف! قال ليها انا عاندتهـ الدنيا كلها عشان اصلك💜
بعد الجمله دي هي بتوب الحبسه بتاعها لفت وشها كووويس واتسحبتا زي الحرامييه🙊 .. طلعت من باب الشارع الورا و اول ما فتحت الباب لقتو واقف منتظرها بضحك 😂😂في منظرها و بهدلتها قالت ليهو شكيتك لي الله في داعي للبهدله دي 😒..
قال ليها انتي لكن سممحه كدهه في كل حاله 💕 قالت ليهو قول قولك سرييع عشان ادخل جووه قال ليها انتي ح تقعدي معاي لغايه ما يعقدوا 💕
قالت ليهو كيف يعني😳 قال ليها ما بعرف كيف المهم ح نحضر عقدنا سوا .. ساقها معاهو شالوا عنقريب شيخ الخلوه و طلعهو بره و قعدوا بي ورا باب المسجد الفي نص الحله الحيعقدوا فيهو .. رغم انو خطتو مجنونه شدييد بس هي كانت مجنونه اكتر منو 💕 كانوا الاتنين مع بعض بنسوا الدنيا باللي فيها 🙈 ..
قعدوا كدهه في العنقريب و هي تضحك و تقول ليهو والله لكن ماعارفه ح اعيش مع مجنون زيك كيف ! هسي الناس بكون بفتشوا في العروس جوهه ..
قال ليها قبييل رسلتا رساله لي اختك قلتا ليها انا عايز اخطفها كلمي اهلك ما يقلقوا ساي 💕
قالت ليهو ما كان تصبر كلها ساعه واكون مرتك ! قال ليها ما بصبر يا زوله هو انتي البريدك بقدر يبعد لحظه عنك !
اتبسمت واتخجلت ونزلت راسها و فكت لثامها من وشها و قعدت سرحت كدهه في الارض 💕
وهي بتعاين كدهه هو بقول ليها " تتذكري لما لاقيتك وسط صحباتك اول مره ! لمن كنت داير اسلم عليك و قلتي لي ما بصافح ! ضحكت وقالت ليهو كانت حركه مني عشان عارفه انك النوع البحب العناد .. قال ليها من اللحظه دييك و انا عايز اصل لي سلامك و بعد سلمتي علي طمعتا في حبك و بعد بقيتي حبيبتي ما قدرتا اصبر الا واخليك من ممتلكاتي وحقتي براااي 💕 لحدي اللحظه دي انا ما مصدق انك ح تكوني لي للآبد .. اصحى الصباح القاكٍ معاي في بيت واحد و امشي وارجع تفتحي لي الباب انتي ❤️ .. انا مهما وصفتا ليك شعوري الهسي ما اظن اقدر اوفيهو حقو 💜 .. عارفه ليه اصريت نسمع عقدنا سوا .. عشان ماعارف اللحظه دييك اصدقها ولا لا .. قالت ليهو طيب انت لابس الجلابيه مالك ! و قاااشر وصلاه النبي عليك 💕 .. قال ليها هربتا زاتي من باب بيتنا الورا 😂😂😂 .. و هم قاعدين بتونسوا ساعه العقد جات و جوا داخلين رجالهم و ابهاتهم الاتنين الجامع كانوا واقفين بعاينوا ليهم بي ورا كده زي المتلبدين💜 لحدي ما دخلوا الرجال كلهم و المأذون بدا يعقد ..
الاتنين في اللحظه ديك بقى اي واحد بفرك في يدينو الاتنين من التوتر .. الضحك والهزار القبل شويهه💕 اتجمد كدهه فجأه اي واحد بقى بحاول يثبت في رجلينو البقت بتتهزز .. لما المأذون خلص و هم قااعدييين تحت الناس بدوا يباركوا لبعض جوه الجامع.. هم لسه مصدومين من الفرحهه ..
بعد ربع ساعه كدهه حتى قال ليها بصوت واطي مبروك 💜 دموعها نزلت من غير ما تحس بقت بتبتسم ليهو ودموعها نازله .. قالت ليهو يعني حب السنين الفاتت دي ما راح ساي! قال ليها انتي هبله كده طوالي .. مسح منها دموعها و قال ليها كيفن يروح ساي وانتي روحي لو رحتي مني بروح بدون رجعه ❤️ .. قالت ليهو تفها من خشمك سرييع من اللحظه دي انا يا اعيش معاك يا اموت معاك .. قال ليها هسي انا جبتك عشان تثبتيني طلعتا انا المثبتك 😂😂 .. بعد ما خلاص صدقوا انهم بقوا لي بعض قامت على حيلها وهو قام معاها مدت ليهو يدها مبروك علينا💕 ..
ابتسم كده وجراها لحضنو .. قال ليها مبروك علي انتي يا ست البنات يا B 💜 ..
لسه كانت بتخجل وما مصدقه انو بقى حلالها .. زحت منو وهي خجلانهه قالت ليهو هسي لو شافنا ابوي😂😂 ..
قال ليها يلا انتي انا ارجعك البيت لانو الزيك لو ما لبسوا الزفاف و تموا العرس ما بصدقوا انهم عرسوا بوره شديده 😂😂 ادتو ضربه في ضهرو وقالت ليهو ثقيل خلاص ..
ساقهها من يدها وصلها البيت وهو كمل طريقو للجامع 💜 لقت البيت ملاان زغااريد و دموع فرح و امها اول ماشفتها حضنتها وبكت معاها وسألتها كنتي وين انتي ابتسمت وقالت ليها قريبه منكم .. و هو لاقى اهلوا وباركوا ليهو وبرضو سألوهو كنت وين انت ! قال ليهم كنت قريب !
... رغم انهم اتفقوا لنفس الجواب بس كلمة قريب/ وقريبه عندهم كانت بتعني .. كنت قريبه منو وده كفايه 💕 و كنت قريب من عيونها و بعد كده ما تسألوني 💜 ..

#الحلال .. احساس عندو طعم براااهو و لما الحلال يكون مع حب العمر 💕 ده احساااس تاني مابقدر يوصفو الف شعور ..
#فاللهُّم حلالاً يُشبه أمانينا

هنووووش

2.09K views❤💥Magic❤💢, 22:17