قبل فترة چنت ويا صاحبي گاعدين بكوفي، گالي حكيم أنت شنو تريد بالضبط..ما فاهمك
گتله بخصوص شنو؟
گال على التسويه ويا الطلاب
ما أشوف أكو نتيجة الك..
وأشوفك مرات تدخل بنقاشات حادة وتطرح آراء ما مرغوبة لأي عقل..فشنو تريد فهمني.. لا أنت من اليدورون طشة
ولا من اليريديون يستفيدون من هاي العالم...

فجاوبته بوكتها..
مختصره..
گتله العراقي ما من المفترض يكون عادي ويمر بلا أثر، إحنا مرّرنا للعالم علمنا وعلّمناهم..
گمنا نرجع ليورا، فلازم صحوة نرجع نوحّد العراق بيها..ونبيّن إمكانياتنا
اليوم أنت من تعلّم عراقي صح.. راح تتفاجئ شنو يگدر يسوّي هذا العراقي..
الفرقة ضيّعت علمنا والأجيال البنت هذا البلد..الفرقة دمّرتنا، إذا نريد نرجع لازم نتوحّد، إحنا جيل صاعد..والتغيير قائم علينا...وما تدري شوكت يجي الفرج

فصفن بوكتها..ما رد
وما أدري چانت صفنة استغراب..لو هذا شجاي يمض،رط

جزء من المحتوى راح يتحوّل لكنّاشة بصفحة الأنستا إن شئتم المتابعة والاستفادة
https://www.instagram.com/ph_hakeem1/profilecard/?igsh=Nmd3ZTU0dHEybmJz

من أساليبي الشّخصيّة بالدّراسة هي الاطّلاع العام قبل دراسة أي موضوع أريده، أفتح الملزمة أو المصدر أشوف شنو يتضمّن، العناوين الرئيسيّة الفرعيّة، المعلومات الملوّنة، بين الأقواس، النقاط، والسرد، أسلوب فائدته مثبتة عندي، يوسّع مدراكي، ويخلّيني أكثر تقبّلا للأدرسه.

دراسة ٤٥ دقيقة..وأعقبها باستراحة تنهي الساعة.

تحويل المعلومات لـmcq, والتمرّن على حل الأسئلة الكثيرة، التمرّس يزيّد لياقتك بحل الأسئلة، السرعة والدّقة مطلوبات عند الضغط، وصلت مرحلة خلّيت عبود -اليگعد وراي- يگلي بس اوگف..خل أفتهم وين جاي تحل

👆منهج Therapeutic | الملازم الموحّدة منفصلة.
Endocrine system.
CNS.
Cancer chemotherapy.

هذا المصدر مأخوذ منه المصدر المأخوذه منه محاضرات الثيرابيوتك، ترجعوله في حال أردتم الاستفاضة أكثر بالمعلومات، يبيّن معقّد بس بي توضيحات ممتازة، ويفيدكم بالمستقبل.