ديلا انجب
وروح للصيدلية

شلون شوكت صار شگد؟ عرفت كنّاشة

يُفضّل كتابة موقف أو قصة إذا موجودات
ملّان من الشفت خلصولياه

مبدئيا..
شكر موصول للزميلات
د.نور حامد (جامعة العميد).
د.زهراء قاسم ( جامعة المستنصرية).
على توجيه متابعينهم -بتصرّف ذاتي- لدراسة المواد بطريقة صحيحة، ودعم زملاء المهنة، وكل من يشير إلى الخير وفعله وإن كان خفيةً.

ردي على الزميل المرفق حسابه بالصورة، ومن يفكّر مثله..

مقارنة الأساتذة الكبار بالطلبة ضربٌ من الحمق، لا استنقاصا بالطلبة، فهناك طلبة تتغلّب على معلّميها، ارجع للتاريخ.
إنما لا يصح، احتراما..وتقديرا لمسيرتهم العلمية وخبراتهم المتراكمة، وكذلك المقارنة بين الطلبة، من ترتاح لشارح لتقلل من مسيرة غيره.

لغة التعميم لغة بتراء جاهلة، حاول تتخلّص منها، سبب ردّي لا لنصحك إنما لتجاوزك على زملاء مهنتك، خصوصا الشروحاتهم مجّانية.

انتقد لكن لا للتقليل.

النعتتهم بالدخلاء ، أفضل منك.
شلون؟

-اجرأ منك، ما بقوا خلف الكيبورد
إنما ظهروا فغيّروا.

-بزمن الاستغلال الحقد والحسد ، ما احتكروا نجاحهم على أنفسهم.

-حاولوا بتعبهم، وكتبوا أسماءهم بتاريخ أحدهم.

-بميزان الحق والمعرفة، همّ أثگل.

حاول تسمع - أكاد أجزم ما سامع الهم محاضرة- محاضراتهم، وتتعلّم.
بطريقك راجع درس التفريق بين الهاء والتاء المربوطتين.. ذبحنّي بالقراءة

المراجعين ينتبهون، ويعرفون أكو دخلاء، تحرّكاتك مهمّة.
ما تحتاج تزيّد ثقتهم شخصيا بيك، إنما علميا؛ حفاظا على ما تبقّى من مهنتك، وفائدةً للصيدلية التشتغل بيها.

كوننا خرّيجين جدد يوجب علينا دفع ضريبة فهمنا بإثباتها.

باوع صح، واسمع هوايه.
لا تحچي، اسمع.. للحد التحسس بي المراجع ما تعرف شنو ديسولف.
بعدها اصدمه.

سماعك ما هو إلا مساحة تفكير، واستدعاء لمعرفتك، وترتيبها بتسلسل ذهني متفرّد، وبه تعرف حدودك، بتعاملك معها أو تحويلها لطبيب.

ضمن الأمور النفعتني ببداية تواجدي، خلّيت ورقة مسودة ألخّص بيها أعراض المريض.

مثلا : عنده حرارة، أشير لها بحرف F ( أي fever ) ، عنده گحة أشير لها بحرفها، وكذلك باقي الأعراض.

تصرّف ينفعك بطريقتين، الأولى وهي نظرة المراجع لك، نفسيا، راح يكوّن فكرة عنك أنك صيدلي مهتم فاهم، مو مجرّد تريد تبيع أو دخيل.
الثانية وهي عند تشخيصك وصرفك للعلاج، راح تشخّص بصورة أسرع وما راح تنسى عَرَض عند الصرف.

انطي وقت للمراجع ( ٢-٤ دقائق) مهما چانت الصيدلية مزدحمة، وإذا شفت لوّدت استأذن من صاحب الحالة التحتاج قرارك بيها، وگله مهتم لحالتك، أريد أعرف أكثر.
بس اصبرلي أمشّي اليريد دواءه بسرعة، وابتسم..

شيء آخر، لتميّز نفسك عن الدخيل، اشرح للمراجع شنو عنده باختصار، مع ادراج مصطلحات طبية درستها، مثلا: عنده رشح، واحتقان باللوزتين.

گله عندك runny nose،nasal congestion..
بعدها عرّبلهيا بمفردات قريبة لتفكيره، راح يعرف أنك دارس مو اعتباطا كلامك.

الأخطاء واردة، تعلّم منها.
بناء اسمك مهم، شيء حلو من مراجع ما يثق غير بعلمك، وينتظرك مهما طوّلت عليه، ويعبرلك شگد قرارك الاتخذته نفعه.

Antidotes.

چنت أتمنى أصير صيدلي سريري
أنا مش بتاع أرقام وجرد وگعدة
انطوني مرضى أتابعهم وأسولف وياهم

الفائدة المادية 0-1%

كل يوم يجيني نهاية اليوم
نسولف نفس السوالف، من ما يجي أفتقده

مؤسس علم الفگريات أبو عمار
متعبني بس مو بيدي أحبه

أغلبكم سمع كلام د.رنا المجيد
يتابعها 180k
اختصاصها غدد.. تعاملها ويا النساء
ومحتواها انتقادي..لما يتم تداوله

"لا تأخذون معلوماتكم من صيدلاني، ٩٩٪ منهم غير مؤهلين"

هذا كلامها.. تجاوز صريح أمام العوام، ومع نبرة صوتها غير الأنثوي يعظم التجاوز..

الاعتذار ورد الاعتبار.. واجب النقابة مو واجبك..
فلا تصير بطل وتروح تحرگ الخاص عليها..وتفجّر المحادثة والتعليقات فشار


لأن راح تنشرك وتضحك عليك..وتبينك بموقف ضعيف ، وتدينك بكلامك
شخصيتها واضحة
هي تلهث ورا الاتينشن.. من السبعين ستوري باليوم التنشره..

المختصر..
تجاوزت = نقابتك ترجّع هيبتك ( المفروض)

نظرة من جهة ثانية..

شلون تجرأت تتجاوز على شريحة مهمة بالمجتمع؟
إيه، بسبب بعض الصيادلة المنبطحين..
المابقوا قيمة لنفسهم ولمهنتهم..

نعم هي اخطأت بالتعميم..وقدّرت نسبة الـ٩٩٪ ، بس أكو ينطبق عليهم الگالته.. بعدل ومنطق

لهذا يا حبيبي، لا تنطي بزميلك، صير جدّي بعملك، ولا تحچي معلومات بكيفك، تابع الگايدلانات الحديثة والمصادر، والايتمات العندك لا تضيف عليهن ميزات ما بيهن، لتخدع وتبقى تروّج وتسوّي بوڤات، وازن بين
علمك، أخلاقك، والجانب التجاري

محد راح يفك وياك حلگه يگدر

وخلّيك شويه نحس بمهنتك.. مو بأي مكان تحچي بيها ..

يلا زين صارت باردة عالفاينل

غطي راسك وابچي

أكو چم طالب يسألوني عالبوت طريقة دراستي.. شلون چانت

نظامي الدراسي چان بسيط، وخالٍ من الأخطاء تقريبا إلا *خطأ واحد*

مبدئيا، ما چان مثالي..
ما مبرمج على مكان ووقت معيّن

المكان؟ گرايندرز هههههه

لا..عادي چنت أفرلشي دوشگ بالگاع واقرأ، أگعد يم الصوبة، بالمطبخ على ميز الأكل، عالثيل، بالكية، بالشارع وأنا أمشي..

الوكت؟ الچانوا ينافسوني.. عصرية يوم الامتحان يراجعون المادة وأنا بادي بيها توني.. أي وقت يعجبني أبدي بي، ثقافة الاستيقاظ مبكرا طاگها بالحزام..

هذا خطأي الاستثنيته؟ لا

خطأي الوحيد..الأفتخر بي والماريدكم تسوونه
أنه لا تتعمقوا.. احترموا المنهج
وادرسوا على گد الموجود..

العمق بالمعلومات كلّفني ٣ درجات بالسادس عالمعدل، وبسببه دخلت أهلية، وبالكلية استمريت بي، صحيح من الأوائل تسلسلي.. بس ضيعت هوايه درجات.. وبإرداتي خلّيت اثنين ثلاثة يعبروني..


فلا تتعمّق بوكت بي أنت محصور بالدرجات، أي شيء تتعمّق بي نهايته راح تعورك...

شروحات الصيدلاني عبد الحكيم عماد للكورس الاول

مادة العقاقير اضغط هنا

مادة الفارما اضغط هنا

مادة العلاجيات اضغط هنا

أول مرحلتين.. الطّالب يكون بيها مستجد، ما عنده خبرة، كل شيء جديد عليه، عشوائي غير مرتّب، هذا الطبيعي، المو طبيعي أنه يستغل -من البعض- بطريقة مستفزّة ويدركها من يصير مرحلة رابعة..خامسة (المفروض)..يضحك عليها.. مع ندم بسيط..يگله شچنت تسوي بروحك أنت، وإن ما أدركها.. فعنده مشكلتين.

الأولى: ضعف اطّلاعه، يبقى يراوح بمكانه حدّ التخرّج وبعده، ينتظر فلان ينزّله معلومة، ما يبحث بنفسه للوصول لأي معلومة يريدها، التطوّر النفسي بين مرحلة وأخرى يبقى بعيد عنه.

الثاني: ضعف بتحليله النقدي لما يقدّم إليه من معلومات.

أذكر قبل ٤ سنوات صادفني ملف pdf بإحدى القنوات الچانت معروفة، فتحته..قريته وأنهيته
بإيش التمضرط ذا؟ وغادرت القناة.

كاتبه تخرّج، الفاجئني..
أنه الملف تحوّل لكتاب وصار بي عنوان مختلف، الجانب التوجيهي والتنموي..ويقدّم بكورس مدفوع!

أخوية المستجد، اهدأ
حتى اليقدملك المعلومة يهدأ وياك؛ لا تخلي يتعملق..عليك وتصير بيدقه اللطيف..

اصبر..راح تتعلم، بس اتعبلك شويه

لحظة ، شدتني معلومة

شلون يعني أگعد بالصيدلية وأبقى مهيوب؟

شايف آخر ساعة بالتواجد؟ حتى حزامك تنزعه

اتركوهم يجربون، يبقون على طبيعتهم..

كافي مثاليات..

الكلنكل غرضه واحد فقط، وهو الوصول إلى "diagnosis" دقيق، ويحتاج إلى ثلاثة أذرع:

-نأخذ "history" من المريض.
-نسوّي "examination" ( جنرل أو لوكل).
-نطلب "investigation".

شنو أهم شيء بيهن؟
الـ"history"، الطبيب الخبرة دائما تشوفه سريع بالتشخيص بسبب سرعته بأخذ ال"history" وربط المعلومات ببعضها، غالبا وبنسبة ٧٠٪ تگدر تشخّص صحيح منه.

شلون نأخذ history؟

أولا: نبدأ بلـ"personal history"، ويشمل:

1-Name.
الاسم يعزز ثقة المريض بيك.
2-Age.
العمر مهم جدًّا بلـ"differential diagnosis"، لكل عمر أمراضه، وكذلك ينفع بصرف العلاج.

3-Sex.
ينفع بلـ"dfferential diagnosis"، لكل جنس أمراضه، فهناك أمراض نسبتها أكثر عند الرجل وأقل عند المرأة، والعكس صحيح.
فمثلا السايكل عند المرأة فقط، وتفيدنا عند التشخيص وصرف العلاجات، نسأل شوكت بدأت أول سايكل، شوكت انتهت، منتظمة أو لا، مدة البليدنگ وكميته، نوع الألم، المضاعفات، وغيرها..

4-ocubasional (مهنته أو عمله)
ربما تكون المهنة سببا بالمرض، والأمثلة كثيرة.
أغلبها المشاكل التنفسية، التحسسية، والمفاصل، وغيرها.

5-maretal state
متزوّج أو لا، خصوصا إذا كيس "fertility"..وعنده ضعف جنسي مثلا، تسأل عن خلفته إذا مخلّف، وفارق العمر بينهم شگد؛ لأن احتمال المشكلة تكون هرمونية أو عصبية أو جسدية.

6-Resident
تسأل عن عنوانه، سكنه..
ممكن تگول شنو راح يفيدني؟
أگلك، مثلا چان بمنطقة ريفية سكّانها يسبحون بالشط، واجاك عنده إسهال دموي، معناها بشنو تشك عنده غالبا؟ بلهارزيا
أو چانت منطقة فقيرة، ناسها ما مثقفين وما يهتمون للنظافة، واجاك ابنهم يهرش بجسمه؟ غالبا تشك عنده "Scabies" ( جرب).. قبل لا تسأله ماكل شيء أو ماخذ أدوية..

7-habit
نسأل عن العادات إلي تأثر على صحته، أشهرها: التدخين، الكحول، المخدرات.
كل عادة ولها أمراضها.

كل مفردة تأخذك لموضوع منفصل تتثقّف بي، لهذا؛ على قدر المعرفة يأتي التشخيص (يعني كلما تدرس وتطّلع أكثر..راح تشخّص بشكل أسرع وتصرف علاج بشكل أصح)..

ثانيا: شكوى المريض (complaining of):

مبدئيا، حوارك يكون بلغة وعقليّة المريض.

تسأل المريض، إيه سولفلي شعندك؟ ليش جايني؟ شنو المتعبك؟ شنو المضوجك؟ شتحس؟
المريض راح يبدي يسولف الـ"symptoms"، تركّز بكل كلمة تطلع منه حتى تكون حازم بقرارك بفلترة كلامه، مع تسلّحك بمفدراته الدارجة الممكن ما سامعها أنت قبل؛ كثير من المرضى ما يعرف يعبّر عن داخله واليحسه، دائما سوالفه "nonspecific" ما راح توصل لنتيجة بيها.

مثلا تجيك امرأة چبيرة، تگعد عالكرسي وتبدي تسولف ( يمة كل جسمي يوجعني، شعري ديوگع، معدتي تحرگني وقولوني امّوتني، مغص انتفاخ لعبان نفس وغازات، امساك وحرگة بالإدرار..سكر.. ضغط ..).. وزين إذا بقت بس على هذا، تبدي تحچيلك عن همومها ومشاكلها وأولادها وشگد العيشة صعبة..وفرش الزوالي متعب..الخ

ما راح تستفاد منها شيء، فقاطعها بأسئلتك المحدّدة..حتى توصل للتريده أنت وهو "complain" مع "duration"
المختصر: شكوى المريض تشير إلى المشكلة لأي سستم تنتمي؟ فقط.

ثالثا: "history of present illness"
هنا نسأل عن تاريخ مرضي، غالبا يكون عشوائي، نبدي نربط الأعراض ونسقّط احتمالات، التشتكي منها أكثر..نطلب بيها investigation ( تحاليل..سونار منظار ايكو رنين..وغيرهن).. والما تشتكي منهن ومرتبطة بحالتها -حتى لو غير سستم- نسأل عنهن، يعني نسوّي عملية analysis للـ"complain" ، وللـ "symptoms"
والـ "another disease"

كل هذا المفروض ما يعبر الچم دقيقة للطبيب بتحليله، والصيدلي يحتاج فترة أقل، كون التشخيص إذا مو بسيط.. يتخطّى صلاحياته يحوله لطبيب.

وهنا تجي عبقرية التشخيص، بسرعة البديهة وربط المعلومات بتسلسل..كأنك program ثابت، وهي أصعب شيء يتعامل وياه أي دماغ بشري معرّض للسهو والنسيان والخطأ،

السوالف متفيد، الممارسة وحدها تعلمك.