أكثر شيء يدوّخ طالب الصيدلة هو: شلون يضبط الفارما؟ شلون يدرسها بالشكل الصحيح؟ وشلون يتمكن من فهم المادة بعمق، ويفهمها مثل ما المادة تريد؟

الجواب هنا وافي جدًا.

سواء كنت طالب مرحلة ثالثة أو رابعة، إذا فعلًا يهمك تفهم المادة وما تحب تجامل نفسك، وكنت جدي وياها، فاتبع هذي الطريقة.

هي متعبة حيل، وتحتاج وقت وجهد وصبر، لكن بالمقابل مثمرة جدًا.

الفيديو لدكتور عبد الحكيم، الي ما أتوقع أكو أحد شارح المادة بالطريقة الي ماشي عليها هو.

انتفعوا منه، والله يوفقكم جميعًا.

مثل واحد كتبلي شنو محتواك داشوفه بس سوالف..

الفرق..أنا ما أنطي معلومات جاهزة سهلة الوصول لغير الصيادلة؛ ما تهمني المشاهدات.. اللايكات
والأعداد.. ولا أريد أتشلبه فوگ رگبة متابع

دوروا بالقناة، راح تلگون الينفعكم.
ما لي خلگ ألح وأحوّل بيهن كل يوم…

بشنو تريد تطوّر معلوماتك؟

السكري؟ الضغط؟
المفاصل؟ أمراض العظام؟
الغدد؟
النفسية؟ النسائية؟ القلبية؟
الكانسر؟ …الخ

مفصّل بكل شي تحتاجه من فهم للأمراض والحالات وعلاجاتها.. دوّر بالرّسائل المثبّتة.

صار يومين أخفف بأعراض نزلة البرد لأخوية..
ما متحمّل.. رايح لصيدلية وماخذ علاجاته وياه

شايفهن الصيدلاني.. وناطيه ciprofloxacin مباشرة

ولك شني الگايدلاين مالتك مكتوب بشارع السعدون؟

تحچي.. يگلك زملائك وصيادلة لتحچي عليهم

نتاج سوء الصرف:

طبيب مديّل.
مريض ما مثقّف.
صيدلي ما يقرأ، وإن چان يقرأ
فمطلوب منه وارد يومي، ومواد لازم يصرفها وإلا ينطرد.

منو يتحمّل الذنب؟ ما تدري

"النقابات تتحمّل الذنب"

هذا تعليق صديقي، عبدالله، طب بغداد.

الاسبوع المضى چان يمي بالصيدلية، واجانا كيس.. تناقشنا بي علميا گدام المراجع، واتفقنا ما يحتاج مضاد حيوي، وقنعنا المريض ما يحتاج رغم چان طالبه بالاسم، واقتنع لأن شافنا نحچي انگليزي ( تثقّف من يمّة)

مو كافي هالشيء.. مو كلها نفس العقول.

ففتحنا موضوع الانتبيتك، والرززتنس
نصوّچ منو على سوء صرفه بالضبط.

واتفقنا عالنقابات.

النقابة من تسحب هوية الطبيب اليديّل ويكتب بكيفه لأجل الربح، وهوية الصيدلاني المنبطح الكل همّة الدخل وإرضاء الطبيب المتفق وياه.. تدريجيا راح تنتهي هذي السياسات.

فالخلل من الأساس، وإحنا نتيجة.

الحل هو المتابعة، الشدّة والعقاب.

صدّق أو لا تصدّق، المعلومة المضللة بالأصفر، تلاحگت بيها حياة مريض، تابعت وياه فترة طويلة، راجع سبعة أطباء.
ما شخصّوه، أعراضه الأذكرهن:
Fever, constipation, tonsillitis, tenderness, fatigue, weight loss (11 kg in 2 months), dry mouth, wet cough، loss of appetite.

Wbc, Crp, Esr, Alp, Ast صاعدات
بي تفاصيل أكثر ما أذكرهن.

چنت أحضرله وصفاته، وما مقتنع (بسبب فقدان الوزن)..

آخر شي گلي تعبت شنو أسوي؟
أخذت منه هستري كامل، استشاريت صديقي عبدالله، واتفقنا على الكانسر.
بلغته ثاني يوم يسوّي MRI, ويعرضه لطبيب، وگلتله لا تخاف، ولا تأخذ كلامي بجدّية، بس شاك عندك كانسر.

ما شفته بعد، بعد فترة اجتني زوجته،
زوجي بالهند، يسلّم عليك ويتشكرك، ويگول شكه چان صحيح وبديت آخذ أدوية كيمياوية.

الحمدلله

مهنتنا بالعراق ودول العالم روسها الكبار مافي.يات، خصوصا -أخص بالذكر- القائمين على شركات الأدوية…

اني وانت سمچ زينة صغيرونات مثل إلـبسوگ الغزل ، اسبوع ويموتن بمجرّد خروجهن

جمعتك مباركة

Patient Education
مهارة بطيئة النمو إلا أنها مهمّة

تعلّمت منهم
نظيفين وأحبهم

د.ضياء عارض مؤلفاته بمعرض الكتاب، وقبلهن ناشرهن بصفحة الفيس بوك مجانا.

روحوا سلموا عليه، واشتروا ما ألّفه
فما غيره بقدره يستحق الاحترام والدعم.

"Listen to your patient, he is telling you the diagnosis."

استمع لمريضك، فهو غالبا يخبرك بالتشخيص.

انتبه، التريندات جاي تسخّف بواجبك، وبلا إدراكك تبعدك عنه؛ تظهرلك واجبك على أنه تمنن عالمكان والعالم.

أذكرك، اسمع المريض ولو چنت تعبان، تابعه ولو منهك من الداخل، سولف وياه ولو ما لك خلگ، لأن الجايك مريض.
تگدر اليغثك توجّهله Fuck you من يطلع.

اصرف الأدوية بحذر ولمن يحتاجها، اسأل ولتحسس اليجيك بايعله شي عادي.
انصح، جاوب الاستشارات حسب معرفتك.

داخل الصيدلية، انتبه لمراجعي المنطقة شنو يحتاجون ووفّره، لتبقى گاعد وتگلب ريلزات، خصص ولو ربع ساعة كل يوم تابع النقوصات، واقرأ.

حتّى لو مجرّد تواجد وراتبك مثل ما هو، بس أثرك أفكارك وإضافة المعنى وشخصيتك لعملك ما يبقى هو، تعلّم الانضباط على صغر، ولا تستنكف، دگ بالگاع كعبك مهما علا، العمل شرف، والشهادة قيمتها بما تضيفه لها أنت لا هي لك.

لتنزعج، لأجلك
حافظ على مكانك.

قبل
وبعد لمسة الصيدلاني

الحمدلله!
شيءٌ كسر ملل كل يوم الأسويه

https://www.instagram.com/reel/Ddr7P-cIRtI/?stkn=MW9yNGFqb3lqbW82aA==

هاك ريل ليوم الصيادلة

https://www.instagram.com/reel/Ddw9XA6IGqB/?stkn=MTIxZTN2ZmMwM2FxbA==

هاك هذا

https://www.instagram.com/reel/DeZaMJyo3Mv/?exln=OGZpYXVoc25obGRl

الخريج الجديد
الزم
مو كلها ضدك

شروحات الصيدلاني عبد الحكيم عماد للكورس الاول

مادة العقاقير اضغط هنا

مادة الفارما اضغط هنا

مادة العلاجيات اضغط هنا

https://www.instagram.com/reel/DehEkJtoIbB/?obrf=NzA4c2E1MTl1bjZr

المصادر التفيدك بالصيدلية