الجابتر الرّابع ( preformulation studies )

عدّينا الصّعب، والأصعب... نخاف من دوزج فورم؟!

الخوف والتّوتر والقلق أمر طبيعي، وموجود عند الجميع، بمن فيهم المتكلّم؛ فلا تدعوه يسيطر عليكم. أنتم أصحاب تجارب، ومررتم بكلّ هذه الأحاسيس؛ لذا هوّنوا على أنفسكم..
كلّكم درستم وتعبتم، ويقينًا أنّ الرّحيم المعطي لن يضيّع أيَّ جهد أبدًا.

وقبل كلّ امتحان، أتذكّر قول دكتورتنا -أيّام المرحلة الثّالثة- الذي أشاركه معكم الآن:
لتخافون من نظام الـ MCQ؛ هو يذكّركم بالحلول، والأجوبة أمامكم، فقط ركّزوا، واستبعدوا الخيارات، حتى تثبت لديكم الإجابة.

ويُقال إنّ دعوة المسلم لأخيه المسلم مستجابة، فلا تنسوني من دعائكم، كما لن أنساكم...

(الله يخلّي إيدكم على الإجابة الصحيحة، وتستذكرون كلّ المعلومات، وترجعون مجاوبين وفرحانين)

تجي تشوف السؤال ٣ أسطر تنتقل للخيارات واحد أطول من الثاني
تقلب الصفحة بلكت الثانية أهون وهم واحد أطول من الثاني.. المادة زينة جانت، عصروا الملازم عصر علمود هيج نمط خبيث :
- مستوى الأسئلة صعب
-الأسئلة الواضحة قليلة
-مطوّلة؛ الوقت غير كافي أبدًا
- نمط جديد نسبيًّا( most accurate, not accurate, inaccurately..)
-مركّزة، ومو بس تريد فهم دقيق لا نوع من الذّكاء والربط

لم يكن الختامُ كما تأمّلنا، لكنّ الحقائق يجب أن تُقال:

• دفعة "كبش الفداء"، والوزاريّ لأوّل مرّة
• دفعة تخبُّطات المنهج غير الموحّد
• دفعة الإجرام بالبايوكمستري
• دفعة السريريّة بثلاثة أيّام
• دفعة الأسئلة المسرّبة
-دفعة ٢٥ كانت عظيمة، وألهمت بقيّة الدفع بتعاونها، وأثق إنّ من هذه الدفعة سيخرج أُناس يكون لهم اسمهم بشأنٍ يرفعهم بين الجميع..

-ثقوا بأنّ لله ميزان عدلٍ إلهيٍّ مُحكم؛ فلا ينال كلّ شخص إلاّ جزاءه. فمن قضى حياته العلميّة، والعمليّة بتضليل وخداع، لن يتفوّق أبدًا
-كفاكم فخرًا أنّ أتعابكم كانت بنفسٍ أمينة، تودّ أن تكون لذّة النّجاح من تعب وجهدٍ خالص
-من لم يحالفه الحظّ لأيّ سببٍ يُذكر، ومن شعر أنّ درجتَه لا تقترب من النّجاح، فلا ييأيس؛ لأنّ التّعثُّر مرّة لا يعني الفشل، وإنَّ كلّ شيءٍ قابلٌ للتعويض الإّ الصّحة..

-كرمُ الله للمخلصين يتعدّى الجزاء على الجهود فقط؛ لذا أرجو لكم الأفضل وأن تحقّقوا كلّ طموحاتكم..

" كونوا مميّزين دائمًا، واتركوا أثرًا طيّبًا في كلّ مكان.."

ملحوظة: الدّروس المؤشّرة باللون الأصفر يتم اتباع السيليبس الجديد المقر استنادًا إلى توصية اللجنة الوزاريّة التّخصصيّة لتحديث المناهج والتي أقرّتها لجنة العمداء

المرحلة الأولى: تمّ حذف مادة Human biology
-تمّ حذف مادة مبادىء ممارسة الصيدلة من الكورس الأوّل Principles of pharmacy practice
-حذف مادة الرّياضيّات والإبقاء على biostatistics
-تمّ حذف الحاسوب من الكورس الأوّل
-إضافة مادة Physiology علم وظائف الأعضاء للكورس الثّاني
-نقل علم التّشريح للكورس الأوّل وإضافة معه الأنسجة ليصبح Human Anatomy and Histology مادة واحدة
-نقل الفيزياء الطبيّة إلى الكورس الأوّل
-حذف اللغة الانكليزيّة من الكورسين

● أصبح عدد 31Credit hours بدلاً عن 36

المرحلة الثّانيّة: إضافة ساعة نظريًّا لمادة الحاسوب في الكورس الأوّل من المرحلة الثانية وحذفها من الكورس الثّاني مع تقليل وقت مادة الأحياء المجهريّة إلى ساعتين

●أصبح عدد 40Credit hours بدلا عن 41

المرحلة الثّالثة: حذف مختبر الكيمياء العضويّة الصّيدلانيّة Organic Pharm. Chemistry I من الكورس الثّاني وإضافة المستحضرات الصّيدلانيّة والتجميليّة Pharmaceutical and cosmetic
   preparations

●أصبح عدد 36Credit hours بدلا عن 37

المرحلة الرّابعة: إضافة مادة ممارسة الصّيدلة Pharmacy practice إلى الكورس الأوّل من المرحلة الرّابعة

●أصبح عدد 36Credit hours بدلا عن 34

المرحلة الخامسة: حذف مختبر TDM من الكورس الثّاني

● أصبح عدد 34Credit hours بدلا عن 35

Cosmetic Formulation of Skin Care Products
مصدر مادة
Pharmaceutical and Cosmetic Preparations
للمرحلة الثّالثة (الكورس الثّاني) العام الدراسي ٢٠٢٦/٢٠٢٥

🔴 منقول عن الدّكتور قتيبة أكرم (أستاذ مادة التكنو في جامعة الفراهيديّ)

شروحات الصيدلاني عبد الحكيم عماد للكورس الاول

مادة العقاقير اضغط هنا

مادة الفارما اضغط هنا

مادة العلاجيات اضغط هنا

أعتقد أفضل المهارات اليتعلمها الصيدلي هي أن يعرف حدوده ليبتعد عن الخطر والمغالطة، والتواضع الوراه ثقة هادئة يلتمسها المقابل بجهد بسيط منه، إخواننا المصريين يگولون "خلّيك يسطا دايما فالسليم"، فالتواضع غنى وسلم، من تخلّي نفسك بمسمّيات وتقيّدها عن الخطأ وكأنه لن يحدث..تظلم حقّك البشري، "رقم واحد بكذا"... تعبير ثقة بي بس صحّة ما بي
لا بأس أن تمازح به بقدراتك أهلك..أصدقائك، ومن يهتمون لأمرك، أو تغيض بي اليستفزك..بس لنفسك لتلبسه..فيصير جهلك لجهلك مركّب؛ لأنه ومهما بلغت أنك تعلم، فهناك من هو الأعلم دائما، وصولا إلى علم وعقول تحمله -تحمل العلم- لا تدركها بعلمك.

أقتبس عن رونالدو عن يامين.. "دعوه ينمو"
بس من تنمون..لتصيرون مثل الحيتان السبقونا وتشغلون دخلاء بميتين وثلاثين ألف ههههه

المعنى بأيام الكلية مو بعدم تكرار ملابس أو تسريحة شعر ولا بالأماكن التروحلها والمطاعم والصور التاخذها الدقتها عالية التنزلها ستوري..
بل بمحاربة الآلامك؛ لتحفظ اتزانك وميلانك وقراراتك..ونفسك

أعظم بلوت تويست ممكن يصير بحياتك، من تبدي طالب عشوائي يهتم لمظهره بس ينافس على عدم رسوبه إلى طالب استثنائي ينافس الأوائل..يرجعوله الطلاب يتأكدون من أجوبتهم
التفتقده بعد التخرج..وحده هذا المعنى

"يرجعوله الطلاب يتأكدون من أجوبتهم"

چنت خبيث
اليجيني يتأكد من إجابته أتعبه نفسيا

حكيم هذا السؤال شنو حله؟
يا سؤال؟ ( واني أعرفه) ذكّرني
يذكّرني
شنو جانت الاختيارات؟
يذكّرني
شنو اختاريت أنت؟
يذكر إجابته
إذا صحيحة..ما أناقش
إذا إجابته خاطئة،
ما أجاوبه مباشرة..
إي؟ ليش جاوبته هيچ..فسرلي الاختيارات

يفسرلي

والطشه "بعلميا كلامك لا يصُح".. أخرّب ملامح وجهه ، وأفسرله الإجابة موثقة بالمصدر والدليل...

آسف لكل طالب أذيته بس هي هاي متعتي چانت .. تحقيق الفائدة مع دموع الطلبة

-مراجعة كيسات الـgit الشائعة داخل الصيدلية.

-التعامل مع المراجعين، ونصائح للمتدربين والخريجين الجدد.

الاستهتار والاستغلال بحق الخريجين الجدد غير مقبول إطلاقا.

الفكرة الجديدة شنو؟ يُنشر إعلان يُطلب بي تواجد صيادلة... يقابل عدد منهم ويختار الاونر الأفضل بينهم، يعطي الصيدلي أفضل ما عنده..ويحاول الاعتياد على الصيدلية وأماكن الأدوية ليتفاجئ بعد اسبوع أنه چان تدريب!
وينهون خدماته، ويدورون على صيدلي جديد..يعيدون نفس الشي وياه..نشر اعلان ومقابلة واختيار.. وانهاء خدمة بعد فترة

يخلصون أشهر بجهد الصيادلة!

ما أتعس الإنسان حين يموت بداخله الإنسان!

زملائنا الأعزاء..انتبهوا أكثر عند المقابلة، اتفقوا على كل شي قبل البدء، حاولوا تسجّلون صوت أو تكتبون عقد
لضمان حقوقكم.

أصحاب قنوات الإعلانات
لتنشرون إعلان نفس الصيدلية سطعش مرة، كافي تلهثون ورا زيادة عدد الانضمام للقناة وتبيان نشاطها، والصيدلية التسوي مثل ما ذكرت.. فضحوها.

وأنا ما عندي مشكلة أنه أحوّل القناة من "كنّاشة الحكيم للفارما والعلاجيات" إلى "كنّاشة الحكيم لفضح الاونرية" إذا استمر الحال نفسه، وأدعو زملائنا أصحاب القنوات المعروفة إلى اتخاذ نفس الموقف، أنت صاحب موقف ومتابع من قبل الصيادلة، تسكت وترضى بإذلال زملائك الصيادلة؟

ڤايروس منتشر اي..بس مو كل شخص عنده الأعراض نفسها، ولا كل حالة تجينا لازم نتعامل وياها على أنها سببها الڤايروس المنتشر..

الأعراض متداخلة ومتفاوتة أغلبها، خذ مثلا:
-حرارة عالية.
-تعب -نحول- قوي.
-گحة.
-ضيق تنفّس (خنگة)..
-اسهال
-تقيؤ
-احتقان بالأنف والبلعوم.

ماكو ماجك ثيربي يعالج كل هذي الأعراض بدواء واحد أو اثنين.. خصوصا الأطفال
تنطيهم ٥ شرابات مثلا؟ راح يشوفونا مكينة للهلس..

الحل هو التشخيص الصحيح التوصله بطرح أسئلتك لهوايه..
لا تمل...
٥٠ حالة تجيك مماثلة؟ كلهم اسألهم
اعتبرها فرصة لإبراز قدراتك وكسب ثقة المراجعين..
افحص..سوي فزكل اكزامنيشن..
البلاعيم والحرارة..ومنطقة الصدر


شخّص صح.. وفرّق بين الكمن كولد والانفلونزا السببها بكتريل انفكشن
حتى تصرف صح...

سؤال أطرحه على المراجعين
ما موجود بمصدر.. گدعنه منّي
وجاي ادخل بي لأعماق المريض..واشوفه يفيد

اسأل المريض

شنو أكثر شيء مضوجك هسه؟ افهم منه واشتغل عليه .. والباقي مناعته -الا إذا چان يحتاج مضاد حيوي- تتكفل بي

كذلك النصح مهم، انصحهم بإجراءات السلامة غير العلاجية.. وتبينله شگد الوقاية ضرورية

مملة ممارسة كل هذا كل يوم

بس لأنه واجبك طوّل خلگ

البارحة اجاني للصيدلية صديق من الإعدادية.. مشايفه

حيو عبدالحكيم..(سلام ومحاضن واشتياق)

خيرك ابو علي..سلامات
والله مدري شوف التحليل

كورونا بوزتف...

حيو حيل ابو علي..

الصيدلية البيها حكيم مو بس صديق الاعدادية يلكا بيها ..... حتى سورين ومصرين و لبنانين و افغانستانين يجون للصيدلية حسبالك الامة الاسلامية كلها موجودة هنا !

أنت لسه شفت حاگه؟
باكستانيين..غجرية..ومسيح..
ويهودي بغدادي مواليده أربعينات
يجيني بين فترة وأخرى أسمعله ما يأخذ أدوية.. لأن ما يثق بأحد
ويگلي قبل ليطلع "ماكو عراقي شريف"

لحظة أسوي المنشور مفيد شويه

المناطق الشعبية راح تعلمك أكثر على المستويين العملي والشخصي..حاول تبدي تتواجد بيهن...

راح تشوف بيها كل طبقات المجتمع
الماعنده لگمة ببيته وهدِم، العلگد حاله، الفقير صدگ بس طيّب، العنده بس فگر ودنيّة نفسه، المتأذية نفسيته ويضحك، الأدگت..
راح تتعب..ضعف
بس تتعلم وتتهذب نفسك
وتدرك سبب وجودك الوحيد
وهو تخفيف ألم أي إنسان ومساعدته..
بعيدا عن دينه..عرقه طائفته..توجهاته..عقليته

أفضل من المناطق الراقية والصيدليات إلبس وصفات، ما راح تعلمك بنفس القدر

راح تفقد الشعور وتصير توكسك وتمل
بس حاول توصل لمرحلة
بتألم ولازم أكمل

ضد كتابة أي معلومة -بلغة عربية- لعامّة النّاس، حتّى النّشرة الداخلية المفروض تكون موجهّة للصيادلة فقط وباللغة الإنگليزيّة ( عدا طريقة الاستعمال).

ضد تعليم عامّة النّاس عن استخدام الأدوية، وترويجها.

المهنة حرمة، وما يزيد تعليمك إلا هتكا بها.

إذا تحب التعليم..علّم زملاءك الصيادلة وبطريقة علمية لا يفهمها سواكم، والمشاهدات -المتفيدك بشيء- تزيد...