اليجيك للصيدلية ما يعرف اسم علاجه، عرفه بي بعد ميتعبك وتعرفه من وصفه.. أفضل من تصويره ونشره وكأنك تحل شفرة مورس، ما بيها ذكاء ترى ولو ١٪

مجرّد المواطن ما واصل للثقافة الصحية المطلوبة؛ فثقّفه.

لأنه مثل ما گدر يحفظ أسماء وكالات المطاعم، الأحذية، الساعات، الملابس
يگدر يحفظ اسم علاجه إذا نطقته گدامه ونبّهته على ضرورته.

التهاب اللوزتين (tonsillitis) واختيار المضاد الحيوي (antibiotic)..

ليش الـ(Ceftriaxone) يصرف لعلاج التهاب اللوزتين؟ وهل الخيار مناسب؟

في أغلب حالات التهاب اللوزتين، الـ(Ceftriaxone)..مو first line ولا المفضّل.

ليش؟ لأن المسبب -غالبا- لالتهاب اللوزتين البكتيري هو
Streptococcus pyogenes (Group A Streptococcus)..

البكتريا هذي تستجيب لمضادات أضيق وأبسط.

استخدام "broad spectrum antibiotic" مثل الـ(Ceftriaxone) ما بي فائدة إضافية، يزوّد خطر المقاومة البكتيرية، والآثار الجانبيّة.

المختصر: قوة المضاد ≠ صحة الاختيار
المعيار الحقيقي هو الاستهداف الصحيح للبكتريا.


شنو الخيارات الأفضل؟
الخيار الأول:
•Penicillin V.
•Amoxicillin.
بدائل مناسبة:
•Amoxicillin-clavulanate.
•Benzathine penicillin G.

-في حالة الحساسية من البنسلين:
•Clarithromycin.
•Azithromycin.
•Clindamycin.

تُستخدم في حالات خاصة:
•Cefuroxime.
•Cefdinir.
٠Vancomycin أو Levofloxacin.

إضافةً، ما كل التهاب لوزتين يحتاج مضاد حيوي، الـ(viral infection) هي الأكثر شيوعا.

•IDSA – Guidelines for Acute Pharyngitis.
•CDC – Group A Streptococcal Pharyngitis.
•BMJ Best Practice – Tonsillitis.
•Johns Hopkins Antibiotic Guide.
•Medscape.

الـ(who) توصف الصيدلي "بـذي النجوم التسع" ، وهي:
1-Care giver.
2-Decision maker.
3-Communicator.
4-Manager.
5-Teacher.
6-Leader.
7-Researcher.
8-Entrepreneur.
9-life-long learner.

الأخيرة عجبتني؛ منطقيّة.

الصيدلي فعلا ضروري يكون متعلّم مدى الحياة...

هنا..
يبقى يركض وعشاه خُبّاز...

الحامل أو المرضع ممكن تستخدم قطرة عين؟ كريم مضاد للاتهاب؟
ممكن مع أمان نسبي.


أولًا: الأدوية العينية (قطرات/مراهم) المسموح استخدامها خلال الـ(pregnancy)..

المضادات الحيوية العينية:
•Tobramycin
•Erythromycin
•Fusidic acid
•Acyclovir (للالتهابات الفيروسية)

-مضادات الحساسية والالتهاب:
•Cromolyn
•Dexamethasone
•Prednisolone →الخيار الأكثر أماناً
ليش أكثر أمانا؟
لأن نسبة وصوله للجنين أقل (12%) مقارنة بالديكساميثازون (90%).
لكن الديكساميثازون ممكن يُستخدم.
━━━━━━━━━━━━━━━
المضادات الحيوية الجلدية:
•Fusidic acid.
•Chloramphenicol (ما مفضّل).
━━━━━━━━━━━━━━━

ثانيًا: الأدوية المسموحة (أثناء الرضاعة)..

المضادات الحيوية العينية:
•Tetracycline.
•Tobramycin.
•Gentamicin.
•Ciprofloxacin.
•Levofloxacin.
•Moxifloxacin.
•Gatifloxacin.
•Erythromycin.
•Fusidic acid.
•Acyclovir.

مضادات الحساسية والالتهاب العينية:
نفسهن الأستخدمناهن خلال الـ(pregnancy).
━━━━━━━━━━━━━━━

أدوية الجلد الآمنة (شرط ما تلامس الطفل):
•Fusidic acid
•Mupirocin
•Chloramphenicol (ما يستخدم).
━━━━━━━━━━━━━━

References:
•BNF – British National Formulary.
•TGA Pregnancy & Lactation Guidelines.
•AMH – Australian Medicines Handbook.
•LactMed – Drugs and Lactation Database.
•Micromedex.
•FASS – Swedish Drug Compendium.
•FDA ophthalmic drug safety data.
•Medscape Ophthalmic.

"Iron Deficiency Anemia"

من الأخطاء الشائعة في علاج نقص الحديد إيقاف العلاج عند رجوع الـHb للحد الطبيعي.

الرقم يتحسّن » العلاج يتوقّف » يرجع المريض -بعد فترة- بنفس الأعراض.

ليش؟

الـHb يرتفع بسرعة؛ لأن الجسم يوجّه الحديد الداخل مباشرة لتكوين كريات الدم الحمراء، لكن الـFerritin (مخزون الحديد) يبقى منخفضا.

*Normalize Hb ≠ End of treatment

الخطة العلاجيّة:

-Phase 1: Correction phase
رفع الـHb للحد الطبيعي، غالبًا خلال (4–8) أسابيع.

-Phase 2: Repletion phase (الأهم)
الاستمرار على الحديد -بعد رجوع الـHb للطبيعي- لمدة (8–12) أسبوع.

*بعض الحالات تحتاج (3–6) شهور.

الهدف من الاستمرار : الـFerritin يوصل ≥ 50 ng/mL.

فنحصّل: استقرار الحالة، تقليل الانتكاس (Relapse)، تحمّل أفضل لأي stress (دورة، عدوى، نزيف بسيط)..


الجرعات (بشكل عملي):

أثناء التصحيح:
•Elemental iron (100–200) mg/day.

بعد رجوع الـHb طبيعي:
• نقلل الجرعة إلى (60–100) mg/day.
ــــــــــــــــــــــــــــــــــــــــــــــــــــــــــــــــــــــ
المتابعة:

قياس الـFerritin بعد نهاية فترة الاستمرار

-المخزون تصحّح » نوقّف العلاج.

-بعده منخفض » نمدّد الفترة العلاجيّة.

الخلاصة:
العلاج الصحيح = Hb طبيعي + مخزون حديد طبيعي.

*غالبا المريض ما يلتزم؛ بسبب الآثار الجانبية (الطعم، التيقؤ، أثره على المعدة)، حاول تنصحه بالاستمرار.

References:
•WHO.
•British Society for Haematology.
•UpToDate.
•NICE Guidelines.
•AAFP.
•Harrison’s Principles of Internal Medicine.

(2025/1/6 - 2026/1/6)

قبل سنة بالضّبط، بديت أشتغل تواجد.
چنت مرحلة خامسة داخل على كورس ثاني، الكورس اليتعّب أي طالب ويحاصره نفسيّا، شخصية مثلي ما ينفعلها التواجد بهذي الفترة، بس چان لا بد من أخذ خطوة للأمام باحتكاكي مع الواقع، وتوجيه ما أعرفه للعالم، مهما چنت مضغوط.

بدايتي مو شيء چانت، لأني أعرف.
صاحب الصيدليّة چان يلعب بكيفه، وما چنت أسكت، بقينا بجدال.
أگدر أگول -لو چنت سوفت- حاربني نفسيا، چنت تذكيره المستمر باحساسه بالنقص.

چان يشوفني بالكاميرات أدرس بجديّة، ويتقصّد ما يجي حتى يأذيني، ومن يجي يستهزئ.. "شدتسوي أنت هههه هي مال دراسة متفيدك هالسوالف" ، حتى بالوقت حاربني..چنت أرجع من الدوام -بعد ركوب ٤ كيّات- تعبان، وبوجهي للصيدلية..لنهاية اليوم

المهم، ما أثّر عليّ.. چنت آخذ كلامه واليسوي..وأحوله لدوافع، وحقّقت تقريبا الأريده.
بقيت متفوّق بدراستي، علّمت علمي لغيري، أديت واجبي المهني بلا مجاملة وأخطاء قليلة.

ولا تظنوا أعوفلكم سالفته بدراما، لا.
قبل لا ينتهي الكورس، أذيته بطريقة محترمة وعفته بعدها.

بالصيدلية الحالية، الوضع مختلف.
اني المسؤول الأوّل، الاونر من يشوفني أدرس يكيّف؛ ومحترم جهودي، وآرائي، فمو كل شيء مو زين.

سنة عشت بيها كل شعور، چنت بين الألم والأمل، الخيبة الخذلان السعي والخلاص.

الأهم من كل هذا
ما تخطّيت حدودي.
ما لعبت بكيفي.
ما بخست معلومة بحق مريض أو متعلّم.
ما تعاجزت عن مساعدة أي متألّم.
تعاطفت، ساعدت، تحمّلت، وهاي اني بعد، أجدّد سنة جديدة بنفس الدوافع، وإن چنت متألّم..لازم أكمّل، العالم يحتاجلنا.

شوف حبيبي، باختصار راح أحچيلك وافهمني مثل ما تريد..


ما كل ما يُدرك يباح، المهنة كلما زادت أسرارها، علا كعبها وتفرّدت بسيادتها.

لهذا؛ من تقرر تصير صانع محتوى
لا تبقى تراوح عالجرف، وتصيد الأسماك الصغيرة بأفكارك؛ لأن هناك دائما -حوت بمصطلحكم- من يتابع بجديّة.

ولا تحاول تصير لطيف بزيادة؛ لأن أثره سلبي عليك، يعني، خليهم يگولون هذا مزعج بس محتواه راقي، مو فارغ بس كيوت.

اختصاصك ما يحدّه شيء، تگدر تسولف بكل شيء.. بس شويه عوفلنا أدوية الانفلاونزا والمعدة.. وتعمّق باختصاصك؛ حتى تمثّل الصيادلة بصورة لائقة.

راح أحچيلك بقلم نبّالته أعرض شويه
وهم باختصار..هالمرة

قناتك بيها الآلاف، صيادلة أغلبهم
ما يتعبّر عن رأيك السياسي بيها؛ كل واحد تفكيره غير عن كل واحد

فيا حبيبي.. لا تشعلها ، وتميّل الزعاطيط يحچون على طائفة معينة، وأنت مكيّف لأن صار تفاعل..

الچم مرة تعبر، بس مو كل مرة
خليك حذر، حتى لا تجيك ردود ما تعجبك..

اجاني واحد يريد كريم شانتيه
گتله عدنا بس ڤيت غير شركة

شبي ما اقتنع

الرجال ممكن متعارك وي زوجته وميندل دربه
والنوب انت استلمته :)

بالابتدائية چانت أمي ما تخليني أدرس عالجدول اليومي
أي شيء تأخذه..تدرسه بنفس اليوم، وتحضّر لباچر..

معادلة رغم قسوتها إلا أنها واضحة..

تدرس كلشي = أنطيك الأتاري تلعب بي دبابات ، وتأخذ فرة بالبايسكل..

ولا عاد جماعتنا هسة
احددلكم الوزاريات قبل الفاينل شنو؟
لعب وتشتيت ما له داعي..

يا تحدد المواد الوزارية..

يا تخلي كل المواد وزارية..

أسلوب التخويف المزيف والتضليل هذا فاشل

حسين قبل ٥ أشهر چان أگرسف جدا، ضربني أكثر من مرة، وكلها تطرده
النتيجة بعد المراجعة اليومية وسماعه:

اثنينا شخطنا

شرح كيمياء عضويه صيدلانيه
منهج الوزاري سنه 2026
المرحله الرابعه
للطالب المتميز علي عباس

https://t.me/Pharmastic4TH


https://youtu.be/rxntnVlW1Bw?si=DNzuvHgjruBA3XWN

Case, Drug cause tinnitus.

منهج pharmacology الوزاري ( مرحلة رابعة) مشروح كاملا : Cℓicĸ нєяє

منهج العلاجيات الوزاري (مرحلة خامسة)
هنا : Cℓicĸ нєяє

منهج الدوزج فورم الوزاري : Cℓicĸ нєяє

انطيته علاجاته..وگلتله صحّة وعافية

جاوبني.. لو عندي عافية ما أشوف چهرتك بهالمطر

منطقي

مراجع ما تصير عنده خلفة
چانت عند زوجته مشاكل هرمونية والتهابات، وهو كذلك عنده، تابعت وياهم فترة لدرجة أنه صار صديقي، عالجت ما يحقلي، والباقي حوّلته لطبيبة أثق بعلميتها، وبقيت أتابع.

اليوم شوّفني التيست المنزلي، خطّين.

گتله مو حامل ( تلاعبت بي حتى أتأكد)، وچان يرجف.
أخذها يسوّي التحليل المختبري
جابه، وبشرته بحملها.


المهم، مو هنا السالفة

گتله -مزاحا- سمّي على اسمي إذا ولد
جاوبني، عبدالحكيم!
ثگيل اسمك!

ءه! بيوم واحد فشلتين خرّبن ملامح وجهي

Kanker sore

مواد انطيها وقت -حتى لا تغدرك- أكثر من غيرها:

المرحلة الثانية:
-فسيولوجي( وتنفعك بعد التخرّج).

المرحلة الثالثة:
-باثوفيسولوجي( وتنفعك جدّا بعد التخرّج).
-فارماكولوجي (وتنفعك جدّا بعد التخرّج).
-بايوكمستري( مزعجة، وفائدتها نسبيّة بعد التخرّج).

المرحلة الرابعة:
-فارماكولوجي.
-صناعيّة.
-سريريّة( تنفعك جدّّا).
-كيمياء صيدلانيّة (مزعجة، وبالعراق ما تفيدك).

المرحلة الخامسة:
-ثيربيوتك( غدّارة وتنفع).
-أدڤانس(صعبة، مزعجة، وبالعراق ما تفيدك).