تدري الصيدلي المگرود الحاسدينه على الخمسة اليأخذها -إذا أخذها- بالساعة لشنو ممكن يتعرّض مستقبلا؟

-خطر الإصابة بالـDVT.
-خطر الإصابة بالـCVD.
-خطر الإصابة بالـD.M
-خطر الإصابة بالـdepression.
-خطر الإصابة بالـanxiety.
-خطر الإصابة بهشاشة العظام، وضعف الأعصاب، والإرهاق النفسي والذهني المستمر، ونقص الفيتامينات.
-خطر الإصابة بالـHaemorrhoids
-خطر الإصابة بالـAnal fisher.

-أكثر عرضة لانتقال المرض إليه، حتّى الأمراض الجلديّة؛ بسبب بيئة العمل.

ناهيك عن كل هذا، تدري الصيدلي يتحمّل ناس أهلها ما متحملتها؟
فتدري أنت راح تصير سايكو لو ما تدري؟

قبل فترة، چنت سهران مع صديقي، وهو طبيب أثق برأيه.

گلي"أنت مو علمي ويا نفسك، بس علمي أكثر من اللازم ويا المرضى، مو كلشي تعرفه لازم تطبقه، خلّي بنظر اعتبارك تأثير البلاسيبو"

كلامه سليم، بس ما چنت أطبقه.
اليسألني على مكمّل ما مقتنع بفعاليته، أگله ما يفيدك.

والدتي تعشق المكمّلات، والأعشاب.
دائما تدزلي منتجات، وأجاوبها بكلاوات، يروجولهن حگ التجارة.

جرّبت وياها لآلآم مفاصلها كلشي مقتنع بفعالتيه تقريبا، وما نفعها.

المهم، اليوم نزلت، لگيتها تلف كبّة.
مساء الخير، شلونچ حجية؟
گامت وگفت، وبقت تلف كبّة.
وجاوبتني: الحمدلله زينة يا دجال.
گتلها شكو؟
جاوبتني: العصارة الگلت متفيدچ وصيتها، وهي الموگفتني هسة.
شفتها، العصارة اسمها "معجزة المفاصل" ، عشبيّة.

سكتت ما گلت إلها بلاسيبو حتى لا تروح فعاليته، گالت اي.. اسكت اسكت.. الصيادلة كلكم دجالين.

ماشي يمّة، رحم الله والديچ.

صارلي ثمانية سنوات أدرّس
ما اعتبرت أحد درّسته "طالبي" ، وما ناديت مجموعة "بطلابّي" ، وليس في الأمر تواضعٌ في شيء إلّا أنه لا يجب أن نرتقي موضعا غير موضعنا.

بدنا نروء شوي

موضوع الـ"Allergic rhinitis" عند الحمل أو الرضاعة شائع، أسبابه:
-Hormonal changes.
-Immune system modulation.
-Enviromental tirgers.

عندنا أكثر من خيار علاجي، منها:
1-First line treatment:

-intranasal corticosteroids: (Budesonide, Fluticasone).

الـBudesonide يعتبر خيار مفضّل، آمن نسبيًّا ويُصنّف category B، يُعطى 1-2 sprays بكل فتحة أنف، مرتين يوميّا للحالة إلي تكون( moderate to sever).

-Antihistamines: (loratadine, cetirizine).
آمنات نسبيّا(category B)، ما يسبّبن sedation حتّى لو انفرزن بالحليب.
يعطى 10mg once daily للحالة إلي تكون( mild to moderate).

2-second line:

-antihistamines (diphenhydramine, chlorpheniramine)..
يسبّبن sedation وفعاليتهن أقل بأكثر سايدافكت، فما نفضّلهن كخيار علاجي أوّل، نگدر نعطيهن كل 8 ساعات أو كل 12 ساعة.

-Intranasal cromolyn sodium (non steroids).
آمن، يصنّف category B، يعطى 1spray بكل فتحة أنف، كل 4-6 ساعات للحالة إلي تكون (mild to moderate).

3-third line (montelukast + Fexofenadine).
يصنّفن category B-C، نگدر نصرفهن بحذر لفترة قصيرة، لكن السبقن أفضل.
montelukast: 10mg once daily.
Fexofenadine: 60mg twice daily or 180 mg once daily.

📗Reference: Flashcards summary of drugs during pregnancy and lactation.

محمود، شاب بگصتي..
يجيني يأخذ أدوية أمه وأبوه
ما بيوم اعترض على سعر أو تغيير شركة..

وهو من عائلة غير مترفة، أعتقد يشتغل "عمّالة" ، أيام رمضان..كلها يجيبلنا فطور للصيدلية ويا الأذان قبل لا يفطر حتّى، ويسبقنا بالدعاء.. ويبيّن وجودنا بالنسبة إلة هواي مهم..وينهي كلامه "بتهنّوا" ، من أشكره.. ما يقبل؛ لأن يعتبر اليسويه واجب...

شگد أكو عالم عندها.. بس يغالبك ويتعارك وياك عالربع.. الفگر ، هي أخلاق متجذّرة بالأصل، ومو كل واحد يشب عليها..

دعواتكم بالرزق لمحمود البطل

على يساركم، الأدوية التصرف بحذر لمرضى الكلى والكبد

على يمينكم، الأدوية التصرف بحذر لكبار العمر

مع الأسباب..اخزنوها يمكم

-مصدر ديفيدسون للباطنية

غالبا، كل رأي ينشر وله غاية، قد تكون مادية، معنوية، نفسية، أو عالواهس..

تعال..شوية
أسولفلك بلا غاية

يا مادة خايف منها؟ ابدي بيها
وبس...

احتكيت بالطلاب سنوات مو قليلة
٤٠-٦٠٪ يچذبون، يبينلك غير اليسويه، فلا تأخذ برأيه، حتّى لو چان صديقك.

أكو علم أعقد من الآخر، بس كلهن يندركن..بالدراسة والجهد المستمرّين

لتخليهم يسيطرون على دماغك..
بإظهار المستحيل أمامك، لأن ماكو مستحيل..

بعد العيد، رتّب أولوياتك، اعرف نقاط ضعفك وين، وبلّش

السّلام عليكم جميعًا، شلونكم إن شاء الله بخير..
طلاّب المرحلة الثالثة راح أشرحلكم منهج الكوزمتك-الي هو مدموج ويه التكنو- فقط؛ لأنّ التكنو هواي قنوات شارحي وما شاء الله أبدعوا..
الملف أعلاه هو منهج الكوزمتك مفصول

هذا مصدر التكنو بإضافاته الجديدة، والمؤشّر باللون الأصفر هو ما تمّ تحديثه.
● شكرًا للطالبة التي أرسلته، وشكرًا لجهود من أعدّه.

1986 من ارض المكسيك
2026 والى ارض المكسيك

مبارك لمنتخبنا ، افضل لحظة بعد 2007 .

محاضرة الـlymphoma فقط المضافة على منهج العلاجيات مقارنة بمنهج العام السابق.

وراح أشرحها الكم