في ناس بكونو في حياتي بصوره منتظمه بعرفو اخباري العامه وبسآلو ب صوره عامه و مرات بغيبو وبرجعو بنفس #صورتهم_الاولى

وفي شخص كدا انا بحتاج اتكلم معاو ، عشان بحس ب راحه عشان في #حاجات_جواي عايزة كدا

الشخص دا بكون #اول_اهتماماتي
في وجعو بكون انا #آول_زول واقف معاو ، وفي فرحو بكون اخر أولوياتو عشان #يشاركني ليها

انا بالنسبه ليو اخر الاهتمامات
وما بفرح ب وجودي الا #وقت_الوجع
ما بفرق معاو كتير ، ببساطه لانو عندو ناس تانيه #اهم_مني وفي الوجع والغياب ما بلقاو ابدا وحتي في الفرح ما #بفرح_لي

في شخص تاني كمان عكس الشخص الاول دا تماما ، الشخص دا ممكن يكون مشغول #طوال_الوقت بس انا دايما حاضر جواهو ، دايما الاول في زاكرتو وفي وقت الوجع بسيب القدامو و الوراهو وبكون معاي لانو مافي اهم من راحتي بالنسبه ليو ، مافي اهم من سعادتي ، داير يشوفني #احسن_زول عشان انا جواهو حاجه كبيره
عشان انا عندي جواي مكانه بغض النظر عن هي شنو بس هي مكانه #غاليه_شديد 😍🙈

( ابنى علاقات حقيقيه واختار ناس صح )

#انور_ادم

🌟

💕فُضفُضۃ فُي ِِهـدًوء💕 @hdoo5

احيانا بحصل اني القى نفسي بين #حروف_زول لا انا بعرفو ولا هو بعرفني
لكن بحس كآنو الزول دا بتكلم عني انا بالتحديد 😍🙊

#جربت_الاحساس_دا ؟؟؟

#انور_ادم
🌟

💕فُضفُضۃ فُي ِِهـدًوء💕 @hdoo5

تعال نتفق انا وانت انو اللحظه دي نخليها #اسعد_لحظه ف حياتنا وكآنها آخر لحظه

تعال ما نحرم نفسنا #من_السعاده
تعال ندي غيرنا #لحظه_سعيده لانو فاقد الشئ لا يعطيه

مثلا لو جانا زول محتاج ، وفي نفس الوقت انا وانت مضايقين و مقهورين من نفسنا ننسي الفينا ونحاول نحتويهو وما نقول نحن ما #ناقصين_هم

#تعال_نتفق مهما اتخذلنا من الناس ما ننطوي عنهم لانو ما كل #الناس_واحد
ما كل الناس بتخذل صح ؟؟؟
وما كل زول بخون صح ؟؟؟
ومافي انسان #كعب بس في ظروف اجبرتو يكون #كعب ، مهما كنا من جوانا منهزمين نخلي ثقتنا في ربنا كبيره

تعال نتفق انو الحياه #محطاتها_كتيره
فيها #فرح وفيها #وجع بس نخلي كل الاحتمالات قدامنا ونخت كل البدائل عشان #نقدر_نعيش

تعال نخلي آثر سمح #جوه_الناس
#أثر_طيبتنا
#أثر_كلامنا
#أثر_إبتسامتنا
#آثر_وجودنا
نخلي أثر في الحولينا ب #ايجابياتنا وما نخليهم يأثرو علينا ب #سلبياتهم

تعال #نقنع_ذاتنا
مافي انسان بدوم لينا
في البتغير
في البموت
في البسافر
في البتاخدو الظروف
وفي ناس انا وانت كنا في حياتهم #لحظه_احتياج ، وفي ناس انا وانت في حياتهم #لحظه_ضعف

بس الاهم من دا كلو
ما ننكسر ل انسان سابنا و اكيد في انسان ح يجي يسد خانتو #مهما_كان

ومهما كانت #جوانا_نواقص لازم نتذكر انو جوانا حاجات بتكمل #النواقص_الفينا

انا وانت اقوياء
وعشان نحن اقوياء لازم ندي نفسنا فرصه عشان نرجع زاتنا و روحنا ونغير الحاجات السلبيه الجوانا ونعيش كل لحظه كآنها #أخر_لحظه في حياتنا 😍🌹

انا وانت #بنستحق_الحياه
انا وانت #بنستحق_الفرح

#انتهى

#انور_ادم

🌟

💕فُضفُضۃ فُي ِِهـدًوء💕 @hdoo5

ما شرط اي انسان يقدم لي #نفس_الاهتمام اللي انا بقدمو ليو ببساطه لانو #النظره_مختلفه

مثلا انا اهتميت ب شخص عشان #هو_صديقي لكن هل انا صديقو عشان يهتم بي ؟؟؟؟

انسان بعاملو احسن معامله و بلقاني في اقل حاجه #لآني_بريدو لكن هل هو بريدني عشان القاهو لما احتاجو ؟

في مواقف بتحصل مخصوص عشان اساعد زول او بالاخص عشان هو بهمني لكن هل انا بهمو ؟

بسآل عن شخص كل يوم وهو من فتره ل فتره بسآل علي هو صديقي بس انا بالنسبه ليو #مجرد_زميل

بحب ارسل لي انسان كتير واتونس معاو ويومي ما بكمل الا بيو وهو برد علي بكل البرود الممكن #هو_حبيبي لكن انا في حياتو #مجرد_صديق

بعد الامثال القلتها دي ما اظن انو #كل_الناس ببادلوني نفس المشاعر
بس برضو ح اردد جمله #الدنيا_لسه_بخير

يكفي تماما اني بعمل حاجات تساعد شخص او تفرحو وفي الاول والاخير بحس انو #ضميري_حي وواعي بغض النظر عن هل الاشخاص ديل يبادلوني نفس الشعور والمكانه ولا لا ؟؟

ح افضل ابسط الحولي و احاول اسعدهم حتي اذا كنت بالنسبه ليهم ولا حاجه
كل الحكايه وما فيها طيبه قلب ونيه صافيه واحساس بالحوليني ما عايز مقابل لاي حاجه بقدمها يكفي اني #اشوف_ابتسامتكم 😊🌹

#انور_ادم

🌟

💕فُضفُضۃ فُي ِِهـدًوء💕 @hdoo5

دايما في الاوجاع و الضيق في جوانب مشرقه ، عيبي اني دايما بعاين للجوانب الفيها #مواقف و اوجاع لانو جانبي المظلم مغرقني #في_الوجع

بس الحاجه البتهون علي ضيقي انو #ما_ابتلاني_الا_لانه_بحبني

مجرد ما بنسمع الجمله دي بنقول يارب ابتلينا تاني لو ح تزيد #حبك_لينا

ربنا لو ما شافك بعيد منو واشتاق ليك وعايزك تقرب ما كان #وجعك

كان خلاك زي ما انت تتمادي #في_صدك وهجرانك وتسوقك الدنيا والناس الفيها

انا علي يقين انو بين فرج و فرج في مساحه اسمها #الابتلاء ، بمعني مهما طال زمن #ضيقي و #وجعي متآكد تماما انو #الفرج_قريب

الضيق ح يجي يوم ويمشي و ح يشيل معاو تفاضيل صبرنا العليو و قدرها ح #ناخد_اجر

مافي حلاوه من #غير_نار
مافي اجر من #غير_صبر
الصبر حار والا ما كان ربنا قال #وبشر_الصابرين

#المهم
الدنيا اذا ضاقت عليك ح تتسهل ان شاء الله ، و اذا فقدت شخص عزيز عليك ح يجيك #انسان_اعز ،
#اصبر_كتير_حتلقي_الخير

ربنا سبحانه وتعالى ما بهون عليه وجعنا
ولا دموعنا النزلت في #طرف_عيونا ، و الدموع دي مصيرها تبقي #دموع_فرح

و الدعوات البترددها كل يوم #ربنا_سامعها بس بهيئ في الاسباب عشان #الفرح يكون اكبر و اجر الصبر يكون اعظم 😍🌹

#سنفرح
#ستفررج ولو بعد حين
#جمعه_مباركه

#انور_ادم

🌟

💕فُضفُضۃ فُي ِِهـدًوء💕 @hdoo5

اتعلقت بي انسان بعرفو بس ما بعرف عنو كل شي صراحه حبيتو بس #فكره_حبي دي ما استعوبها تمام ، بتعامل معاي مجرد صاحب ومرات كتيره ك صديق عزيز

انا بالنسبه ليو #انسان_عادي جدا اغيب ايام وشهور و هو ما ح يضرر لاني بالنسبه ليو ما #محور_حياه بالعكس انا البتآذى بالبعد دا

عادي جدا يرسل لي بعد اسبوع او شهر miss u لاني بالنسبه ليو #حاجه_عاديه

وانا المرهق نفسي في #قصه_حب عايشها براي ( نص عاشق )
#احكي_براي
#اشكي_براي
#احب_براي و اموت بناري براي......!

خليك مني ومن قصتي بس عايزك تعرف انو #الحب دا حاجه ظاهره جدا ممكن يحسو #عميان في تفاصيل صوتك
ما تفتكر انو الزول دا #ما_حاسي
لا حاااااااسي وعامل رايح لانو #ما_عايز

ف #يا_عزيزي ما تبقي زيي وترهق نفسك وقلبك في قصه تعيش فيها براك وخليك عارف انو #حلاوه_الحب في انسان يقاسمو معاك 😍❤️

( #ابعد_اذا_حسيت_بانك_براك_في_القصه )

#انور_ادم
🌟

💕فُضفُضۃ فُي ِِهـدًوء💕 @hdoo5

خلونا الليله نتكلم عن #مجال_الدراسه
كلنا عندنا حلم بنسعي دايما اننا نحققو
عندنا رغبات جوانا من ونحن صغار لما نكبر نبقي شنو

ف مرحله الدراسه دي هي الطريق الوحيد البهيئ لينا الطريق لي رغبتنا او حلمنا
بس الطريق دا #ما_ساهل فيو كميه من المراحل منها

#مرحله_الاساس
#مرحله_الثانوي
#مرحله_الجامعه
#مراحل_التحضير
ومراحل اخري غيرها

اثناء ما انت بتدرس ح تلاحظ انو المراحل دي ما ساهل ابدا ابدا
كل مرحله في #صعوبات وكميه ضغوطات ما عاديه

دا غير الظروف البتمر بيها وغير المشاكل الاسريه والعاطفيه والماديه البتقيف ليك في طريقك وتعرقل #مشوار_رغبتك

بعد ما تتخلص من مرحله الاساس والثانويه وتدخل الجامعه ، وفي الجامعه تمر من المستوي الاول والتاني و اكيد انت في المستويات دي ح تحس انك خلاث ابتديت تلامس حلمك وانك بقيت قريب جدا في تحقيقو

وفجاءه لما تصل #المستوي_التالت وتمتحن والنتيجه لما تطلع تلقي نفسك راسب في #مادتين خاصا لما تكون بتقري في مجال حساس جدا

الحاجه دي تلقآئيا #بتحطمك_نفسيا و معنويا ، بتشوف انو حلمك خلاث اتلاشي بتقول بينك وبين نفسك انا ما عايز احقق الحلم دا ، ح تكون متحسر شديد علي جهودك البذلتها عشان تنجح ، ح تتحسر علي حاجات كتيره كنت بتعملا عشان تمر ، ح تحس بانك ما عندك استعداد عشان تكمل ، او رغبتك في الحاجه دي قلت بقت ما زي الاول

يمكن تفكيرك كلو في اللحظه دي بكون محصور في الحاجه دي ، بس انا عايز اقول ليك حاجه فايته عليك
انت عارف انك #ما_نجحت ليه ؟؟؟؟
ببساطه الاجابه انو ربنا ما كاتب ليك تنحج في المرحله و لي حكمه بعرفها هو
( وعسى ان تكرهو شيئا وهو خيرا لكم )

ربنا ما نجحك #لي_اسباب
ومن ضمن الاسباب دي ، يقوي ايمانك وصبرك ، ما وفقك عشان تستعين بيو ، عشان تقرب منو اكتر ، عشان تذكرو ، وعشان وعشان حاجات كتيره

خلي هدفك زي ما هو نظرتك ما تتغير نحيتو مهما كان واتآكد انك #اتعثرت عشان تتصلح ما عشان تقيف وتنسحب زي الجبناء

انا عارف ومتآكد
#انك_ذكي
#عقلك_نضيف
#بتفهم_سريع
عارف انك فيك مقومات كتيره بتساعد في انك تصل لي مرادك

#ابدا_من_جديد
اجتهد وشوف نفسك انت ضعيف في شنو وحسن و طور الحته اللي انت ضعيف فيها اسعي لانو حلمك ما بعيد منك

اسآل اي زول ناجح في حياتو
قل ليو انت #نحجت_كيف
تلقائا ح يحكي ليك عن المعاناه والتعثرات والتحطيمات والظروف بس في النهايه ح يقول ليك انا قاومت وسعيت والحمدلله #نجحت

الناس النجوحو في حياتهم هم احسن مني في شنو ؟؟؟؟؟؟؟

انا #واثق في نجاحك
كن عند حسن #ثقتي 😍👏

#انور_ادم

🌟

💕فُضفُضۃ فُي ِِهـدًوء💕 @hdoo5

لما يكون في زول بعني لي حاجه معينه في حياتي ف ما لازم واجباري اني اكون بعني ليو #نفس_الشي

خلي اقول ليك انو المشاعر ما اختيار ولا قرار ، المشاعر حاجه عفويه بتجي للشخص

يعني انا ختيتك جواي #ك_حبيب وانت خاتيني جواك #ك_صاحب ووممكن انت تكون خاتيني #ك_زميل وانا خاتيك #ك_آخ

ف عشان كدا انا بقيت ما قاعد افرض مشاعري #علي_زول عشان ما يديني مشاعر مزيفه او مشاعر ما بتشبهه مشاعري الشايلها ليو

بطلت افرض راي علي الزول البقدم تنازلات وبياخد رايي حفاظا علي مشاعري لانو عارف ومتآكد انو ح يجي يوم ما #ح_يحترم رايي وما ح يعمل لي حساب ل مكانتي ولا ح يحافظ علي مشاعري

وصلت لي قناعه تامه انو ما اي زول بعمل لي اللي انا عايزو معناها ببادلني #نفس_الشعور وفي نفس اللحظه في شخص ما ببادلني نفس الشعور لكن بعمل لي اللي انا عايزو حفاظا علي مشاعري وما #يوجعني_بالرفض

بعمل كدا ما عشان هو منافق وبظهر خلف ما يبطن ، بعمل كدا بس عشان ما بحب يجرح الشخص القدامو ما بحب يقول كلمه ( #لا ) الجواهو عشان انا ما كنت شايفها لاني قبل اليوم حسيت #ببعض_الرفض في بعض المواقف لكن بعد كلمه وكلمتين مني جا منو #القبول

بتمني انك تخت نفسك في الحته دي وانك تحاول ما تفرض رايك ومكانتك اتجاه شخص او الناس الحوليك خصوصا لما تكون عايش حياتك وعايز الشخص يخضع ل اوامرك وكلامك و ارائك ومهما استجاب ليك مره واتنين وتلاته بعدها ما ح يتحملك ف انت حاول تدي #الطرف_التاني مساحه خصوصيه و ما تدخل في حاجات ما بتخصك مالم تضمن من #الطرف_التاني ببادلك نفس الشعور ويتقبل منك التصرف في اي حاجه سواء بتخصك او لا وخليك عارف في حياه كل #بني_ادم خصوصيات بتخصو 🌝👌

#منتتتتهي

#انور_ادم

🌟

💕فُضفُضۃ فُي ِِهـدًوء💕 @hdoo5

عايز احكي ليك جزء من قصتي
طبعا انا لي حكايه سنه او سنه ونص
عايش حياه منعزل تماما عن الناس
#بطلت_احب
#بطلت_اصاحب
بطلت ادخل في اي علاقه بغض النظر عن هي شنو ، يمكن تقول بخاف من الارتباط وانا فعلا #بقيت_اخاف ، اخاف من اني انجرح ، وبخاف قلبي يتكسر تاني

كنت برفض الناس البتحتك بي او لما احس انو الزول دا بقي يقرب مني بقطع علاقتي بيو
تعاملي مع الناس كلوو بقي سطحي
بتجنب الونسات والقعدات
#امسك_تلفوني واقعد اكتب
وما عندي اهتمامات غير #القناه القاعد اكتب فيها

عندي اخوي قال لي ح تفضل لي الحال دا لمتين يا انور ؟؟ وليه ب سبب ناس معينه جرحوك وكسرو خاطرك تقوم تحكم علي كل الناس بالشكل دا ، المهم فهمني واقنعني انو في ناس بتستاهل
#بس_المشكله

اني #ببدا_غلط
اقول عايز ادخل في علاقه بدخل غلط
حتي اختياري اختيار غلط وعشوائي
بي سبب العلاقات الفاتت بقي عندي #شفقه_مشاعر وخوف اني ما ح القي #فرصه_تانيه وللاسف دا السبب البخليني ادخل حياه كل زول بمر علي و المشكله الاكبر بقيت ما بعرف افرق بين الحبيب و الصاحب

مشاعري بقت بتطلع #لاي_زول سوا كان صاحب او حبيب ل زول مؤهل او غير مؤهل

ولما ادخل في علاقه ونستمر شويه يبدا الغلط يظهر في تعاملنا #مع_بعض
ف بتظهر الخلافات والزعل والمشاكل ونبدا ننفر من بعض وراحتي بتقل وبحصل البحصل من سلسله الصدمات والخذلان

صدمه انا سببها
عشان كدا بقيت ابعد من الناس الحولي بسبب تسرعي وتاني ارجع احكم علي كل الناس بآنهم واحد وانهم ما بستاهلو

#الببدا_غلط_بنتهي_غلط

انا حكيت ليك قصتي دي عشان انت ما تقع في نفس الدوامه اللي انا فيها دي
ف انت حاول انك ما تتسرع لما تختار
و اذا عندك شخص في حياتك حاول اقعد معاو اطول فتره ممكنه واتآكد تمام من مشاعرو اتجاهك هي بالظبط شنو 😊🌹

#شكراا_للقراءه
#ابقي_طيب

#انور_ادم

🌟

💕فُضفُضۃ فُي ِِهـدًوء💕 @hdoo5

الليله قاعد كدا سرحان
ومع السرحه جاني سؤال في بالي
يا ربي ما ح القي لي صاحب كدا #مختلف ؟ يعني بكون مختلف عن باقي الاصحاب البعرفهم صاحب كدا يكون #غياظ

يعني لما اكون في عز الانبساط ومزاجي رايق لاخر درجه يجي الصاحب دا يخرب الجو اللي انا فيو و #يعكر_مزاجي

بس لما امر بظروف او تواجهني مشاكل او حتي اكون مضايق سااي القاهو جمبي وبكون انا آولي أولوياتو ويعمل اي حاجه عشان يرجعني #لوضعي_الطبيعي

يكون اكتر زول بتقف معاو علي المشاوير والطلعات ، صاحب ينافس في #سند_بعض

#صاحب_مختلف يشوفني بوضوح كامل وعارف #كل_عيوبي بس في نظرو ما بسميها #عيوب ، بشوفها مجرد اختلاف بيني وبينو

#صاحب_مختلف يكون عارف اختلافاتي ، تفكيري ، مزاجياتي ، عنادي ، عوراتي و بمعزتي عندو ما بكسر لي خاطري

#صاحب_مختلف مهما انقطعت منو شهور ولا حتي ارسل لي #نص_رساله لكن وقت يلاقيني بالصدفه يحسسني زي الاتلاقينا امس 😍👌

#صاحب_مختلف_يلمي_حياتي


#انور_ادم

🌟

💕فُضفُضۃ فُي ِِهـدًوء💕 @hdoo5

الايام دي بمر بي اوقات ما قادر اتحمل #افقد_زول او اخسر او شخصيات معينه تتغير علي

#بغض_النظر عن قربها مني او بعدها
بس دايما بحس انو الغلط مني او فيني حاجه ما تمام

ما بحب زول #يفهمني_غلط
او ياخد عني نظره ما صحيحه
دايما بحاول اقدم كل حاجه #حلوه_جواي قبل ما اعاين لي نفسي هي وصلت لي وين وتعبانه قدر شنو

لما ما القي #نفس_الاحساس او شعور بالاهتمام واحترام راجع لي منهم
بسآل نفسي يا انور انت بتعمل كدا ليه ؟؟ و عشان شنو ؟؟

#هل انا بهمها ولا لا ؟؟
#هل هم قراب مني ولا بعاد ؟؟

بغض النظر عن #الاسئله دي مفروض افهم واتعلم متين اهتم ب نفسي واقدم الحب لي انا ، و بدون ما اتجاهل غيري او اعاملو بطريقه ما ياها او ابعد منو

متين احاول #استوعب ؟!
متين استوعب غيري واشوف انا عايز شنو بالضبط بدون ما اتعب بالتفكير العميق

بالنسبه للفقد والخساره
اي زول كان في حياتي اكيد ليو #أثر حتي لو زول ساي او زول كان بشاكلني وبدقني بفقدو لانو ليو #أثر في حياتي حتي لو كان سلبي

بس م كل زول فراقو بوجع بقدر م بسعدني #ما_منطقي انو كل الناس دي واحد وكلها خاته لي نفس الشي اللي انا خاتيو ليهم م بتجي دي

لكن حاليا اي شي ممكن اخسرو
ع فكرة ف خسارات #بتخلني_مبسوط من نفسي لكن برضو ف خسارات ممكن اضيع فيها لاني بكون خسرته وعملتة عشانها كتيير بس ف الاخر خسرتها

قبل #كم_سنه كان صعب جدا اني اخسر زول لكن اسي في كل لحظه ممكن اخسر اتنين تلاته

و دا سبب خلي توقعاتي تقل من اي شخص و اني #ما_ارسم صوره ورديه خالص ، وما اتوقع ردود افعال معينه لانو مافي انسان ملزم يلبي لي توقعاتي و راحه بالي الحقيقه هي #التخلي عن المزيد وليس #الحصول علي المزيد 😌👏


#انور_ادم

🌟

💕فُضفُضۃ فُي ِِهـدًوء💕 @hdoo5

بتمر عليك فتره او انت حاليا في فتره
بتكون عايز شخص يكون جمبك
شخص يوجهك للطريق الصح ويمعنك من انك تقع في الغلط ويفهمك و يوعيك انو الطريق اللي انت ماشي فيو دا #طريق_مائل ونهايتو مؤسفه

بتحتاج زول يكون #حنين_معاك
يطبطب عليك و يتقاسم معاك مشاكلك و همومك ، يحس بيك و يحس بالحاجات اللي انت ماري بيها ، يمد يدو ليك عشان يساعدك تمشي مره تانيه في الطريق

في حياتك دي بتدخل في #متاهات_معقده وما بتقدر تطلع منها ب سهولة ، بتقعد تتفرج وكلك يأس وحيره لانك ما قادر تحدد ياتو مدخل هو الصح والمفروض تمشي عليو

بغض النظر عن اللي انت فيو حاليا اسمح لي اسآلك كم سؤال !
#ليه حياتك ما بتعيشها ببساطه زي باقي الناس ؟
#ليه تقعد تتذكر ايام زمان ديك والحصل ليك فيها ؟
ليه بتتذكر الخذلان والالم الاندفنت فيها شهور و شهور ؟
#ليه لما تتذكر فلان دموعك تنزل لا اراديا ؟
#ليه ما تكون مبسوط وتنسي همومك ومشاكلك ومأسيك الماري بيها
#ليه لما تقع بترفض انك تقوم او ب الاصح ما قادر تقوم

بغض النظر عن مشاكلك العاطفيه قوم وقاوم لسه انت ما حققت اي حاجه
انت عندك طموح و احلام ومستقبل

ممكن تنسي #كل_الفات وتدي نفسك فرصه تعيش زي الناس
قول لي ح تستفيد شنو لما تزعل علي فلان داك ؟

في حاجات كتيرع بتغصب عليك انك لما تتذكرها لازم تحزن عليها بس كمان في حاجات فاتتك و ما بترجع وحتي لو رجعت ما ح تكون #نفس_الحاجات الزمان الكانت بتسعدك

#اصحي لي نفسك و اكسب #زمنك
اطرد اي حاجه اسمها حزن و جروح من حياتك ، لازم تتغير عشان حاجات كتيره وما عشان نفسك وبس لا بس عشان ناس تانيين #عايشين_جواك

مافي حاجه حلوه بتستمر معاك ب حلاوتها للابد
مش الاجواء بتتغير ؟؟ وكل يوم بشكل ومناخ #مختلف بس حياتك بالظبط بتغير كل فتره #بشكل_مختلف
ربنا يقويك علي التغير طلما خاتي الخير والنجاح قدام عيونك 😊👌

#انور_ادم

🌟

💕فُضفُضۃ فُي ِِهـدًوء💕 @hdoo5

الليله ح اتكلم عن حاجه كدا من الزكريات الما قادر انساها ، المهم كان في شخصيه في حياتي مدياني اهتمام ما عادي وانا #كنت_مهمشو وما معير ليو اهتمام

المهم دايما بتفقد احوالي والغريبه انا لحد الان بتذكر كلماتو الكان بقولا لي
وين #انت من قبيل ؟
رسلت ليك في #الواتس ما رديت
#علقت_ليك في الفيس
الليله مالك ما رسلت لي #صباح_الخير
امس نمت من غير ما #تتكلم_معاي
انا #مشتاق_ليك
ليه ما علقت لي علي #الاغنيه الرسلتها ليك امس اها صليت ؟ اكلت ؟ لبست ؟

المهم كلام كتير وتفاصيل كتيره شديد
عرفت انو هو لو ما بحبني ما كان انتبه لي اصلا وما كان ح ينتبه عدم ردي علي رسالتو
#ولا كان فقد كلمه صباح الخير مني ليو
#ولا كان رسل لي اغنيه من الاساس
وكمان مستني تعليقي عليها
#ولا كان ح يحس انو يومو ناقص وانا مافي
#ولا كان بتهمو صلاتي او اكلي او شرابي ولبسي اذا كان كويس ولا لا ما كان ح تكون الحاجات دي من اختصاصو

#الاهتمام دا كلو انا كنت ما شايفو ولا حتي حاسي بيو لاني #كنت_بفتش علي الاهتمام دا في ناس تانين وما لاقيو منهم ودا سبب خلاني ما احس ب اهتمام الشخص دا ولا حتي اديت نفسي #فرصه معاو عشان افهمو

بس مع مرور الوقت الشخص دا بطل الاهتمام دا وبطل يعمل الحاجات دي وقتها حسيت انو الحاجات الفوق القلتها دي مجرد ما عرفت انو بطل يسآل ويتفقدني #اتآكد_تماما هو فقد احساسو بي وبطل يحبني

يااخ والله الشخصيه دي بقدر ما قدمت لي الكتير والكتير بقدر ما #ظلمتها_معاي كتير ، ندمت علي فقدانها و كلما اتذكر بستحقر نفسي واقول يا ريت لو اهتميت ، ياريت لو بادلت #نفس_الاهتمام

و ياريت انت تقرا دواخل زولك في تصرفاتو عشان في حاجات بتحتاج منك بس انك #تفهمها_صح وتاخد الموضوع ب معناو الحقيقي ! 😊🌹

#انور_ادم

🌟

💕فُضفُضۃ فُي ِِهـدًوء💕 @hdoo5

كنت مفتكر وفي نفس الوقت متوقع انو انا بالنسبه ليك #كل_حاجه حلوه و انو لما اختفي مفتكر انك آول #زول_يفقدني ، بس اتصدمت انك
#أخر من يفقد و #أخر من يسآل

المؤسف بالجد انو الناس الحولي والناس الجواي كل فتره ببينو لي #نفس_الشي

مفروض ما اجري ورا عواطفي و اصدق اي حاجه بتتقال في #لحظه_صفاء عشان علي الاقل اتجنب الخيبات والصدمات

انت عارف #يا_فلان
انا افتكرت منك كتير
و اتوقعت منك الاكتر
انت عارف انا اتوقعت منك شنو ؟
آول حاجه اتوقعت انك ح تفقدني
اتوقعت انو لما اغيب عنك ساعات بسيطه ح تحس انها #فتره_طويله
اتوقعت منك اتصال او رساله منك تفاجئني
اتوقعت انك ح تحس انك ضايع ومستنني #ارجع_ليك
اتوقع حاجات كتيره وكتيره شديد

اتخيلت انك بتفقد وبتشتاق
خيال وداني بعيد شديد واكتشفت انو حاصل #عكس_التوقعات وكنت عايش في وهم

بي سببك ما ح اتفاجاءه بي اي شي تاني
خليتني اخت #في_حساباتي انو كل الناس خداعين ومهما يحصل منهم حاجات سمحه اتوقع انهم ح يكونو زيك

الغلط ما منك
الغلطه اني اديتك اكتر من اللازم ووثقت فيك وختيت ليك مكانه عاليه بس طلعت #عكس_التوقعات واكبر كذبه

و زي ما لقيت فراقي عادي بالنسبه ليك انا كمان مشاعري اتجاهك بقت عاديه وبقت ما فارقه انك تكون موجود او لا المهم اشتري #راحه_بالي

و من جهه تانيه كل الحاصل دا درس يخليني اعرف #ارتب_صاح واعرف منو البفرق معاو ومنو الما بفرق

وانا اذا ظلمت زول يوم من الايام
ف #انا_اسف القلب بقي ما بستحمل !
🌹😊

#انور_ادم

🌟

💕فُضفُضۃ فُي ِِهـدًوء💕 @hdoo5

العيد دايما بكون فيو تفاصيل كتيره انا بكون غاضي بصري عنها وما شايفها
بس والله احساسي بالعيد غيييير
و احلي #حاجه_حلوه فيو لما اصحي الصباح واسمع #صوت التكبيرات والتهاليل ولما يتصلو لي الاحباب والاصحاب و يهنوني

وتهاني الجيران و عوده زول غايب
لمه الاهل في البيت
صوت اعمامي وعماتي
ونسات وهمسات الخيلان وبسمه اطفالهم ودعوه حبوبه
#ضحكه ابوي و #ابتسامه امي

ولما اطلع الشارع اشوف لعب الاطفال و صوت الطلق و دخول الجيران والجوطه
و #دخان_اللحمه ^_*

ولما فلان داك يدعي انو ربنا يجمعنا مع بعض ، و عوده شخص غالي علي من سفر
و تهنئه ناس لي زمن منهم ولماني العيد بيهم و اتصال زول كدا يهنيني ويقول لي #انا_مسامحك و العفو والعافيه

ولهفه اصحابي و هظارهم
و ابتسامه العابرين و دعوه الغرباء
والسعاده #العامه للكل
الحمدلله انو ربنا بلغني العيد دا

بس رغم الحاجات القلتها دي كلها
في حاجه #ناقصه في الصوره دي وما خلاها #مكتمله لي

انا ملاحظ انو في كل عيد بمر بيو بكون عندي #زول_غايب وغايب من حياتي وبعيد بحاول اتجاوز واشغل روحي بي جوطه العيد بس بكتشف انو هو العيد زاتو

بس مواصل وكلي #آمل انو ربنا ح يديني الزول الببقي لي اكتر من #العيد

كل سنه وانت طيب وربنا يحفظ ليك #كل_عزيز وغالي عليك وان شاء الله دايما تامي ولامي و ربنا #يرجع_ليك المسافر و يقرب ليك البعيد و يحفظ ليك القريب 😍❤️

#انور_ادم

🌟

💕فُضفُضۃ فُي ِِهـدًوء💕 @hdoo5

مرات بتصل مرحلة كدة من الضيق بتكون مكتفي فيها و ما قادر تعمل حاجة و بجيك احساس #حرقة_غريب كدة جواك

تحكي لدا و تستشير داك و تفضفض لي دا ، بس لسة #نفس_الاحساس ما بيروح و مافي زول بيكون عنده الحل لي الواجعك

تقبل يمين شمال فوق تحت و ياهو نفس ذات الاحساس ، بتحاول تشغل روحك بحاجات تانية تمسك زمن بي اي شي ، المهم محاولة من روحك المتعبة انها #تعمل_رايحة

بتلف و تلف و ترجع لي شي واحد انو تتوكل على الواحد الاحد الخلقك و خلق همومك من صغيرها لي كبيرها و تؤمن من جووة #روحك انه الحصل دا اكيد لي #حكمة يعرفها هو

و ما بكون عندك حاجه غير دعوة مستغيث يا رب اغثني و اصلح حالي و فرج همي و فرح قلبي و قويني و كن معاي و ثبتني #يا_رب وارزقني فرحة من حيث لا احتسب.

بس رغم الغمة الجواك بتكون متيقن انه #اكيد بكرة ح تجي #حاجة_حلوة
#اكيد كل شي ح يتحلا
#اكيد الفرحة ليك نصيب فيها
من حق نفسك تفرح و تنبسط
اكيد كله #لي_خير ☺️👌

#انور_ادم

🌟

💕فُضفُضۃ فُي ِِهـدًوء💕 @hdoo5

حصل جاك إحساس إنك ما كويس و مستني حاجة معينة و عارف و متأكد تماااما إنها لو جات ح ترتب دواخلك
وتخليك أحسن بي كتير لكن في نفس الوقت ما قادر تعرف هي شنو ؟
يمكن تكون
#كلمة
#رسالة
#مكالمة
#ملاقاة
#ضحكة
#نظرة
ابتسامة غريب عابرة أو يد تسلم عليك و بتشد على إيدك وقتها بتحس معاها إنك اتشحنت صبر و أمل بس لمجرد احساس إنك #ما_براك

حصل جاك إحساس #إنك_مفلس
و إنو جواك #صفحة_بيضاء
تايهه فيها و متوهاك ؟
و ما قادر تعرفو اللي ليك و اللي عليك
اللي معاك و اللي ضدك وما قادر تحدد حقوقك و واجباتك ؟

#حصل كان نفسك في حاجة شديييد
و استكترتها عليك ومسكت نفسك عنها و قلت لو كانت نصيبي بتجيني ؟

#حصل_حسيت إنك من جوة مهزوز
ما قادر تحضن روحك عليك
بدون ما تسمع شهقات بكاها وما قادر تتجاهل تنهداتها ؟

#حصل_حسيت إنك ضايع منك في نقطة ما قبل الغرق ؟
اللي بتخليك عايز تستسلم و تسيب حتى روحك و تمشي ؟

#حصل_حسيت ؟؟
و اذا حسيت عملت شنو وقتها ؟؟ 🤔

#انور_ادم

🌟

💕فُضفُضۃ فُي ِِهـدًوء💕 @hdoo5