لما كل #موقف_صعب يمر بيك
وتوقف #حياتك عشان خاطرو
ح تكون انسان تعيس في حياتك
ح تكون ضعيف وما ح #تكمل_حياتك

زي صفقه شجرة تعصف بيها الريح زي ما عايزا
دايما خليك قوي واتعلم من المواقف ما تيأس وتمل خلي حياتك #عنوان_الامل

مهما عصفت بيك الحياه اكيد ح تهدا ما تزعل وتندم على كل زول عرفتو في حياتك عشان انصدمتا في #زول_واحد بس

ما #تفقد_الثقه عشان فقدتها في واحد بس
ياما الدنيا في #معادن_مختلفه الرخبيص والغالي البقيف معاك والببعيك باقل شي

استمر في حياتك وابدع واثبت وجودك بطموحك واملك ووصولك #لي_هدفك وخليك ربيع وانشر عبيرك 😍🌹

#انور_ادم

🌟

💕 فُضفُضۃ فُي ِِهـدًوء💕 @hdoo5

في بت ساكنه جمبنا كل ما تجي البقاله او تطلع من البيت اولاد حلتنا بستهترو بيها عشان هي #سمينه وبضحكو فيها و مبسوطين

#كلمة_سمينه كانت زي الصدى جوه قلبها وبقت دايما بتفكر فيها ، رجعت البيت وهي بتبكي و كارهه نفسها وبقت تخاف وتفكر في الناس والشارع الكلمه دي سببت ليها #عقده_نفسيه ، كل الحصل ليها دا بسبب
#كلمه_واحده

بعرف لي #بتين_مخطوبات اثناء ما كنا قاعدين و بنتونس واحده منهم قالت للتانيه انا خطيبي ما مقصر معاي بجيب لي هدايا ومهتم بي شديد اها انتي خطيبك جاب ليك شنو قالت ليها ما جاب لي ولا شي ف طواااالي قالت ليها : معقوله ؟؟؟ كيف يعني ما جاب ليك حاجه المفروض انو يقدرك ويعرف قيمتك !
وبالكلمتين ديل ضربت الدنيا وسخنت وحصل نقاش وجدال ووصل لدرجه انو يفسخو الخطوبه
دا كلو بسبب موضوع ما بستحق دا كلو
بس نرجع نلقي الحصل دا #بسبب_كلمه !

انا شخصيا #كنت_بحب بت شديد بس مستواها الاجتماعي اعلى مني ، كنت بشاور صحبي اني اتقدم ليها صحبي قال لي تتقدم ليها ليه ؟
انت عايز تجيب ل نفسك نفسيات ، شوف هي وين وانت وين ، شوف الفرق بين مستواها ومستواك ح يكون في خلافات كتيره ف احسن ليك #تكسر_الحنك
كلام صحبي وجعني شديد واكلت معاي لكن فكرت في كلامو شويه واخدت قرار اني ابعد عنها وبعد سنين اكتشفت انو اهلها كانو موافقين عشان سعاده بتهم ، وبسبب كلمه #ضيعت_حب وخربت اي شي

نحن ما بنعرف #الإشارة_الحمراء فى الكلام بنرمى الكلام بس ما بنسمع الالم ولا بنحس بيهو بنتكلم وخلاص بدون م نعمل كنترول على البطلع مننا والكلام البطلع مننا بيموت ف قلوب غيرنا بدون م نحس وبيهدم علاقات كتيره وبيكبر الحواجز بيناتنا -- وبيزيد مسافات البعد بين الحولينا

ما كل الناس بتعرف ترد #الكلمة_الجارحة بالمثل لانو ما عندهم القدره بانهم يعومو ف الوحل ودا ما بسبب ضعف شخصيه او قله ثقه بس دا نوع من #الانسانيه الانعدمت ف ناس كتير حولينا عشان هما متربين وجواهم إنسانية ’ بيحسبوا الكلام الطالع منهم ويوزنوهو االف مره عشان عارفين قيمتو

#كلمه_واحده ممكن ترفعك وكلمه بس ممكن تكسر مجاديفك ف احسن الناس تركز ف كل البطلع منهم عشان م تكون انت السبب ف كسر #قلب_انسان 😍❤️

#انور_ادم

🌟

💕 فُضفُضۃ فُي ِِهـدًوء💕 @hdoo5

انا الليله عايز اتكلم عن حاجات معينه غلط منتشره شديد بين الناس واللي هي #عدم_الصراحة والمجاملات الكتيره الفايته الحد و الخوف من الصراحه
كلنا عارفين انو المواجهه دايما شي صعب
بس التصنع وتغليف المواقف عمرو ما كان شي جميل

صحبك الغلط في حقك وزعلان منو وكلامو البضايقك البتفضفض بيهو لي زول غيرو لو كان صارحتو بيهو كان اتفهمك و ساوا الموضوع

صحبك البعمل #حاجات_غلط وبقي يآثر سلبيا علي نظره الناس ليو الهم خايفين يواجهوه افضل تصارحو عشان ما يفقد نفسو اكتر

الحاجه الكعبه والشي الما جميل الداسيهو من فلان احسن تواجهوه بيهو عشان ما تنافق في معاملتك معاو

#الحقيقه_المره الداسيها من فلان افضل تطلعها الليله قبل بكرة لانو مهما طال الزمن بتظهر طالما هي حقيقه

والصراحه مع نفسك اهم من ديل كلهم
لما تكون متصارح #مع_نفسك بتقدر تتصالح مع الناس الحوليك ، الصراحه مهمه شديد بس الاهم منها اسلوب الصراحه

ثانيا في مفهوم غلط و خطير واللي هو
اهتمامانا ب البقولو الناس علينا اكتر من اهتمامنا ب قناعتنا

اهتمامك علي راي الناس فيك اكتر من رايك في البتعمل فيو و اهتمامك بنظره الناس ليك اكتر من اهتمامك بي انك في نظر نفسك شنو

عايز #اقول_ليك :

(ماف خيبة اكتر من انك تكون تافه في نظرك)

ماف حاجة اكبر من انك تكون عظيم في نظرك
الناس انواع واذا بقيت ماشي ورا ارضائهم حترضي البعض وتخذل البعض ، حتعمل شنو للشايفنك ما نافع معاهم او ما عاجبهم او بالاصح ما زيهم ؟

ح تفضل #كل_مرة تتخلى عن جزو من شخصيتك عشان ترضي ناس غيرهم و في النهاية ح توصل حتة كدا لما تقيف تعاين لي نفسك ما ح تلقاك ح تلقى انسان #صنعوه_الناس وشكلوه ع اهواءهم

ما ح تلقى طباعك ح تلقى طباع ناس
ما ح تلقى اهدافك ح تلقى نفسك فشلت في اهداف فرضوها عليك ناس و ما ح تلقى شخصيتك ح تلقى شخصيات ناس

خليك ماشي بي #قناعاتك
بي #طباعك و عاداتك الجميلة وان كانت بسيطة حقق اهدافك وطموحاتك و لمن توصل وتعاين لنفسك ح تلقى شخصيتك ، شخصيتك البنيتها انت

لما تعاين حوليك بإذن الله ح تلقى ناس بتشبهك واقفة جمبك بدون تكلف او تصنع
والاهم من دا كلو ح تكون #راضي_نفسك
كن انت دوماً والسلام 😍💐

#انور_ادم

🌟

💕 فُضفُضۃ فُي ِِهـدًوء💕 @hdoo5

عارفه انا اتحملت برودك وغبائك و حماقاتك وتقل دمك ليه ؟؟ لاني لما اخترتك كنت عايز اعيش معاك لليوم اللي تخرفي فيه وتسآليني عن ناس ماتو وناس عايشه وانا اقعد اعيد ليك نفس القصه #مليون_مره

اخترتك عشان #حبيت_فيك
#قلبك
#عنادك
#هبلك
#قوة_راسك
#اسلوب_كلامك
وكل التصرفات اللي ممكن اضايق منها بعيد عن ملامحك وشكل عيونك و غيرو

اخترتك عشان #يجي_يوم اشيب انا وانتي سوا اسند ايدك المكرمشه علي كتفي عشان تقومي

اخترتك عشان لما تنسي طلبات بيتك ومطبخك وتوقعي كل شي من ايدك بسبب كبر سنك تلقيني ماشي #خطوه_خطوه عشان اجي اساعدك

اخترتك ب عيوبك قبل الشي الحلو فيك
لانك شي مقدس #رغم_عيوبك

ارتبط بيك #كآئنك_وتين اذا اختفي انقطعت الحياة عشان كدا ما تفكري انك شي نادر لما تشوفيني متعلق بيك شديد

كل الحكايه وما فيها اني بشوفك ب قلبي
#انتي_نقطه 🙂🤟

#انور_ادم

🌟

💕 فُضفُضۃ فُي ِِهـدًوء💕 @hdoo5

لما #علاقتك_تنتهي ليه ما بتدي الحزن مساحه كافيه في حياتك و تهمشو و تخليهو اخر آولوياتك و دي بالمناسبه #مشكله_كبيره

بتحاول تتظاهر بي القوة وتحافظ علي ابتسامتك وضحكتك حتي لو #كانت_باهته ، بتحاول تمد الناس الحولينك بالآمل وترسم السعاده علي قلوبهم وتعيش ايام و شهور علي النمط دا ويحصل ليك حزن ورا حزن وصدمه ورا صدمه وخزلان ورا خزلان وانت لسه #مهمش كل دا

في الحقيقة المواقف دي #بتنخر_فيك شويه شويه لحدي ما تنكسر وتقع فجاءة من دون سابق انذار وجايز ما #تلقى_زول من ناسك واقف جنبك او يطبطب عليك ما عشان هم كعبين ولا عشان أنت ما بتستاهل بس لانك ما عودتهم على أنهم يطبطبوا عليك ،ولا أتعودوا يشوفوك مكسور أو مهزوم، عشان كدا ما تستغرب لو زول بتعرفو ليك يومين وقف جنبك وسندك

حاول أدي #الحزن حقو في حياتك وحاول طلع كل غضبك وانكسارك ووشك الكعب وما تخاف أنك تكون ضعيف او مهزوم قدام ناسك لانو ناسك بالجد بكونوا معاك في كل أحوالك وحاول اتصالح مع #نفسك واتقبل البجيك بي خيرو وبي شرو بي رضا تام بدون هروب من المشكلة

#ازعل
#ابكي
#اصرخ
#اتجرس

بدون زول يشوفك و دائما في حياتك توقع الافضل واستعد للاسوء وتقبل ما ياتيك وقل الحمد لله ،، ربنا ما بظلم عبده لانه عالم بيك كويس ،، داخر ليك الحاجة البتاسبك وبتليق بيك بس دة كله في #الوقت_المناسب

#المهم

انا بنصح اي زول شايف نفسو انو اقوى من انو تأثر فيهو حاجة او صدمة انو كدا غلط و انت كدا بتكبت و بتضغط علي #الانسان_الجواك اللي مفترض يعيش حياة عادية يتأثر وينهار و بجمع شتاتو تاني وينهض

من واقع #تجربتي_الشخصية احب اقول خلي الانسان الجواك هو اليعيش الحياة بكل شي فيها وما تضغظ علي نفسك لمجرد الاحساس بانك قوى اتألم ، اضحك ، ابكي ، اصرخ ، انطوي لكن #ما_تكتم علي روحك 😍🌸

#انور_ادم

🌟

💕 فُضفُضۃ فُي ِِهـدًوء💕 @hdoo5

لازم تراعي لي مشاعر #الناس_المزاجية الناس الحساسة اليومهم كله ممكن يتقفل بسبب #كلمة_واحدة

ممكن يسمعو اغنية واحدة #طول_اليوم
بكتبو #رسائل_طويلة وفي النهاية ما برسلوها بخجلو لمن الواحد يقول ليهم #كلام_حلو ، بسكتو لمن الواحد يغلط #في_حقهم
بهربو من اي تجمعات وزحمة

كتابين في النت بس لمن تقابلهم تستغرب انو الشخصيات دي بتكتب كيف كدا وم بعرفو يتكلمو اصلا #في_الحقيقة

تلقاها طول الوقت قلبها بكون مقبوض
من غير اي #سبب_واضح

اقل حاجة ممكن تاثر فيهم
#طيبين_بريئين ومملين جدا لما تقابلهم و تشوفهم لاول مرة وتحبهم شديد لمن تقعد معاهم #وتعرف_حقيقتهم

الشخصيات الزي ديل ما اغبياء ولا ضعفاء ولا مملين ولا حتى مفترين زي ما بقولو #عليهم_الناس

الكائنات دي صافية ونقية جدا من جوه بس م بعرفو يظهرو الكلام دا ف بترجاك #رفقا_بهم 🤗💐

#انور_ادم
🌟

💕 فُضفُضۃ فُي ِِهـدًوء💕 @hdoo5

هل بالجد نحنا عايشين #حياتنا_صاح
كل زول فينا ماشي وعايش كانوا الحياة دي ليهو براو او العكس حاسي انو حياتو دي ملك لي #زول_تاني

يعني يا #عايشين عشان حالنا او عشان #غيرنا وبنفتش عن #سعادتنا بي انو نغير #نمط_حياتنا ونغير يوم ويومين وتاني حليمة ترجع #لي_قديمة

بس الحقيقة سعادتنا وحياتنا في يدنا وما لازم #نركز ع جزء ونهمل الباقى فالحياة ما جهة واحدة ولا #هدف_واحد

تعالوا معاي شوية شوية #نوازن_حياتنا صح ونحسبها صح عشان نعيشها صح
اول حاجة #نكتب_أحلامنا وأهدافنا ونختها #قدامنا

نشوفها بترضي #رب_العباد ولا لا لو بترضيها ح #نحققها واكيد ربنا ح يساعدك لانو #ربنا_كريم

وما #تخاف او تخجل او تقول الناس ع تعاين لي كيف ولا ح #تقول شنو وأتذكر انو لو اغضبت #ربنا عشان الناس بكرا الناس دي ذاتها ح #تكرهك ولو اغضبت الناس عشان خاطر ربنا اكيد ربنا ح يحبب #الناس_فيك

يلا نرجع كيف #نحقق_حلمنا اكيد ما في حلم بتحقق بين يوم وليلة بس #خطوة_خطوة وحاول انجز كل الحاجات اللي ح تواجهك في طريقة #تحقيق_حلمك

ح تلاقي #ناس_تصدك وناس تقلل من شأنك بس انت خليك #مواصل_طريقك وتأكد انو بكرا #الناس اللي حاولت تحطمك ح تكون اول #ناس_تهنئك

الحياة جميلة لو عرفنا نعيشها صح
وكمان ما #ننسى انو في ناس تانية في حياتنا ونضحك ونفرح كمان ف كمان نفسنا ليها حق علينا فلو ركزت #في_حلمك بس ح تحققوا صح بس اكيد ح تلقى نفسك خسرت #حاجات_كتيرة

#خصص_وقت لي نفسك واصحابك و أهلك وأهم شئ وقت لي #ربك صدقني ح يمر الوقت وما ح تحس بيه وح تحقق حلمك من غير ما #تخسر_شئ 😍💪


#انور_ادم

🌟

💕فُضفُضۃ فُي ِِهـدًوء💕 @hdoo5

لما #زول_يخزلني م بزعل منو
انا نقطه ضعفي اشوف الناس #البعرفهم_مكسورين

بس كمان حتى لو في #زول_خزلني ما بتغير منو واذا جا يوم واحتاجني فيهو ح يلقاني اول زول ماسك يدو #وواقف_معاهو

ما عشان انا ما #عندي_قلب او ما عندي كرامه لا بس عشان انا على ثقه انو ماف زول م بغلط وماف #زول_كامل

وشينه في حقي انو #اعاتب_زول وقت احتياجو لي اقوم اعاتبو علي شي عملو معاي

و كونو زول خلى كل الناس الحواليهو وجا طلب مساعدتي دا بيعني انو هو #على_قناعه انو #انا_غير

ح تقول لي كيف ترضى لي نفسك تكون كدا؟؟
ح اقول ليك م اي اولويات #بتكون_اولويات

انا بشجعك تغلط في حقي ولف ودور وتعال في اي وقت حتلقاني زي ما انا #ما_اتغيرتا

لأني في كل الحالات بتعامل معاك على حسب اسلوبي ما بي #اسلوبك 😊✌️

#انور_ادم

🌟


💕فُضفُضۃ فُي ِِهـدًوء💕 @hdoo5

اجمل احساس ممكن يقدمو
انسان ل انسان انو يحسسو #بالتمسك_الحقيقي

#احساس_الاحتواء لما يحتاج
ولما يجي مكبوت من بقيه البشر وانت تواسيهو و تحسسو بالسعادة

#احساس_الامان
ب الكلمات المليانه حب
و الكلمات الصادقه جدا
و الواصله للاعماق جدا

احاسيس بتجي في وقتها بالضبط
ومن #شخص_معين

انت و هو محتاجين بس شويه
#احساس_بالتمسك عشان يحصل #استقرار_كامل ل احاسيسكم اتجاه بعض

ب انو ما ممكن تتخلو عن بعض بين اللحظه والتانيه ، و انت و هو مع بعض اكبر من #شويه_المشاكل و العولاق البحصل بين كل يوم و التاني و انو المشاكل دي اتوجدت بس #عشان_تقويكم مع بعض ما عشان تفرقكم 😌👌
#وصلت ؟؟

#انور_ادم
🌟

💕 فُضفُضۃ فُي ِِهـدًوء💕 @hdoo5

#اغلب_الدردشات بقت
- سلام ؟ وعليك السلام
- كيفك ؟ تمام الحمدلله
- وانت كيفك ؟؟ بخير والله
- دايما يارب - جمعا

#مجامله
#اختصارات
#اهتمام_الباهت
#ردود_البارده

انا من #وجهت_نظري
لو حال الدردشه كدا احسن منها العدم

في النهاية السؤال و الاهتمام دا احساس
يبقي انت لو ما حاسي بيهو ما تعملو لانك لو عملت كدا #تبقي_منافق

لما الشخص يرد ليك بالكلمات
( اها ، تمام ، ظابط ، ما حنك ، براحتك ) ويكتفي بي كدا يبقي من #ابسط_حقوقك انك تطلع من الدردشة

لانك #ما_محتاج صدقه او مجامله من زول ولأنك اكبر من كدا ، ومجرد ما تحس انو الشخص القدامك دا #ما_مقدر انك رسلت أو سالت يبقي في ستين

لما شخص يرد ليك #متأخر_جدا والرد المتأخر ما مره واحده ولا مرتين ولا حتي تلاته

اوعك في يوم تكون #النقطه_الاضعف والقاسم المشترك الاصغر

#ما_تجامل علي حساب روحك
ما تظلمها وما تقلل من قيمتك وتبخسها

#الاهتمام_احساس
لو ما حسيت بيهو بالله بطل
السؤال المصتنع و #المجامله_المقرفه 🙂💐

#انور_ادم

🌟

💕 فُضفُضۃ فُي ِِهـدًوء💕 @hdoo5

#الحب_بختلف من شخص لي شخص حتي طريقه التعبير كمان بتكون مختلفه

يعني في شخص بتلقاهو بتكلم وبحكي و بقول الحاجه الجواهو #عشان_يحسس الطرف التاني بي حبو

وشخص تاني محتاج يسكت عشان #نظره_عين منو كافيه جدا انها توصل كل الجواهو

#اديك_مثال_بسيط
مثلا الآم مع طفلها في #آم بتلقاها تجوط وتكورك وتضرب وتنفعل و #آم تانيه بس نظره و اطفالها بفهموها

ﺑﺲ ﻛﻤﺎﻥ ﻧﻔﺲ #ﺍﻷﻡ_ﺍﻟﺴﺎﻛﺘﻪ ﻣﺮﺍﺕ اطفالها ﺑﺘﻤﺮﺩﻭ ﻋﻠﻴﻬﺎ ﻣﺎ ﻋﺸﺎﻥ ﻫﻢ ﻣﺎ ﻓﺎﻫﻤﻨﻬﺎ ﺑﻞ ﺑﺎﻟﻌﻜﺲ ﻫﻢ ﻓﺎﻫﻤﻨﻬﺎ ﻭﻓﺎﻫﻤﻨﻬﺎ ﺷﺪﻳﺪ ﺑﺲ ﻣﻠﻮ من ﺍﻟﻄﺮﻳﻘﻪ ﺍﻟﻮﺣﺪﻩ ﻓﻲ ﺍﻟﺘﻌﺎﻣﻞ

ﻭﺍﻟﻌﻜﺲ ﻛﻤﺎﻥ ﻓﻲ #ﺍﻷﻡ_ﺍﻟﺒﺘﺠﻮﻁ ﺡ ﺗﺠﻲ ﻟﺤﻈﻪ ﻭﺡ ﻳﻔﻠﺘﻮ ﻣﻨﻬﺎ ﻭﻳﻤﻠﻮ منها ﺑﺮﺿﻮ ﻭﻣﺎ ﺡ ﻳﺨﺎﻓﻮ ﻣﻨﻬﺎ ﺗﺎﻧﻲ

ف شنو في ﺣﺎﺟﺎﺕ ﺑﺘﺤﺘﺎﺝ ﺍﻧﻮ #ﺗﺸﺪ ﻓﻴﻬﺎ و ﻓﻲ ﺣﺎﺟﺎﺕ ﺗﺎﻧﻴﻪ ﻻﺯﻡ ﻭ ﻻﺯﻡ ﺷﺪﻳﺪ ﺍنك #ﺗﺮخى ﻓﻴﻬﺎ

يلا دا ي جميل #ﻧﻔﺲ_ﺍﻟﻤﻔﻬﻮﻡ ﺑﻨﻄﺒﻖ ﻋﻠﻰ الحب والشخصيه البتحبها ﻣﻊ ﺍﺧﺘﻼﻑ ﺍﻟﻤﻮﺍﻗﻊ ﻓﻲ ﺑﻌﺾ ﺍﻷﺣﻴﺎﻥ

#ﺍﻟﻄﺮﻳﻘﻪ_ﺍﻟﻮﺣﺪﻩ ﻓﻲ ﺍﻟﺘﻌﺒﻴﺮ ﻋﻦ الحب ﻗﺎﺗﻠﻪ ويمكن ﻳﻜﻮﻥ ﺯﻭﻟﻚ ﻓﺎﻫﻤﻚ ﻭﻋﺎﺭﻓﻚ ﻭﺍﻱ ﺣﺎﺟﻪ ﺑﺲ ﺑﺘﺒﻘﻰ ﻟﻴﻬﻮ ﻣﻤﻠﻪ ﻭيمكن #ﻳﻔﻘﺪ_ﺇﺣﺴﺎﺳﻮ ﺑﻴﻬﺎ ف عشان كدا

#ﻣﺮﻩ_ﺟﻮﻁ
#ﺍﺗﻜﻠﻢ
#ﻋﺒﺮ
#ﺃﺣﻜﻲ
وﻣﺮﻩ #ﺧﻠﻲ_ﻋﻴﻮﻧﻚ ﺗﺤﻜﻲ ﺑﺪﺍﻟﻚ 😉💜

#انور_ادم

🌟

💕 فُضفُضۃ فُي ِِهـدًوء💕 @hdoo5

اكيد بكون نفسك تحقق احلامك بي انك تجي #آول_الدفعه السنه دي بالرغم من انو #زمن_الامتحان لسه ما جا

كل ما تقول عايز تجتهد وتقرا بتحس انك مركلس وما قادر تقرا وكل ما تجي تفتح كتاب بتقوم منو وكل يوم تقوم من النوم زهجان وكل مره #توعد_نفسك بانك ح تقري بس ما بتحقق شي وبترجع كسلان اكتر من آول

#اقل_زعل بيآثر علي قرايتك وتقول الطبع بغلب التطبع بس ح تكون بالجد ما عارف تعمل شنو وتظن انك خلاص ما ح تلحق

يلا انت يا رايق يا جميل
انت كونك #عندك_أهداف عايز تحققها وغيرك يمكن حتى ما رسم اهدافه

في البداية بطل الرسائل السلبيه البترسلها لمخك لأنه بيسمع منك وبمشي علي كده وابعد من الناس السلبيين في حياتك لأنك واضح انك #شخصيه_بتتأثر بسهولة

صدقني وماتتخيل ده كلام ساي انت عارف انو نفس مفتاح الضيق هو نفسو #مفتاح_الفرج ؟

استغل #تأثر_نفسك بالكلام وسمعها دايما كلام ايجابي وح تتأثر بيه بنفس الطريقة

شوف #قدراتك الخلتك تخش الكليه دي وللان #انت_مواصل فيها ده لأنك #عندك_القدرة دي

انت بس محتاج إنك تقسم زمنك وتنظم #اولويات_حياتك حسب اهميتها

غالبا #احساس_الزول لما يبقى مقرر حاجة وما يعملها فهو إحساس سخيف جدا

شوف #شنو_البيلهيك عن القراية وشوف هل السبب ده ليه أولوية عن أحلامك ولا لا ؟؟

رغبتك هي دافعك إنت زول جميل لانك طموح وأول خطوات النجاح التخطيط والعزيمة وإنت خلاص خططت لحلمك بس محتاج #تملى_دواخلك بالعزيمة دي وتثق في روحك وفي ربنا وح تحققها بإذن الله

لما تحس إنك بديت تهرب من القرايه #اتذكر_اليوم داك يوم الفرح يوم تحقيق الحلم و دا اليوم الح تثبت فيه لنفسك انك قدرها

اتعلم تفصل #مشاكلك_الخاصه عن مذاكرتك وعلم نفسك إنك تقرى مهما كان #الظرف حتى لو بقيت تقري وانت مضايق و بتبكي وما تقول لي #ما_متعود ومافي حاجه اسمها الطبع يغلب التطبع

صحابة رسولنا عليه الصلاه والسلام لما ربنا #حرم_الخمر في منهم طلعها من خشمو ورمى الإناء البشرب بيه

خلو #العادات_الغلط طوالي
يعني لو كان الشي ده صعب ماكان هم عملو كده

هم #بشر_زينا والطبع ما بغلب التطبع بس انت #محتاج_عزيمة عشان تمشي وتدرج #حبة_حبة وفي الآخر ح توصل

#انت_قدرها_لأنك_صنعت_لنفس_حلم_وقررت_تحققه 😍🌸

#انور_ادم

🌟

💕 فُضفُضۃ فُي ِِهـدًوء💕 @hdoo5

انا بفضي نفسي ليك مخصوص عشان بس اتكلم معاك واكون جنبك وأسال عليك وفي #عز_انشغالي بطراك

بزعل شديد من روحي لما تمشي #ساعات_طويله واكتشف اني ناسيك فيها

بتزكرك لما تجوط الحاجات قدامي ولما اكون محتاج #شويه_راحه عشان استعيد تركيزي كنت بجي ارتاح معاك واطمن بيك

لما يجيني صداع من ضغط الشغل بتصل ليك اسمع صوتك واشرب #شويه_مويه بلقي الصداع راح

بس انت ليه بتطراني وقت الفراغ وقت تكون قاعد وما عارف تعمل شنو وقت تكون ما لاقي زول تتكلم معاو تتذكرني وتتونس معاي وتسألني #عن_حالي

في حين انا المسكين بكون قاعد مستنيك من الصباح و طول اليوم علي الشوق وما عارف اني مجرد #مليه_للفراغ

ليه دايما بتتظاهر لي بانك مشغول حتي في #وقت_فراغك وفي نفس الوقت بتحسسني انك ما مشغول ولا بتعمل في اي حاجه

محسسني انو انت في الدنيا دي مشغول وانو انت ما قادر حتي تحك راسك عشان انا المسكين شديد اهيئي ليك كل سبل الراحه و اديك حريتك وما اضغط عليك واسيبك تهملني #بملئ_ارادتي

واكون #شايل_همك واقول من جواي يا حليك ، بس في الحقيقه يا #حليلي_انا 😔💔

#انور_ادم

🌟

💕 فُضفُضۃ فُي ِِهـدًوء💕 @hdoo5

اكتر حاجات بكرها في حياتي
#الاهتمام_المتأخر
#التقدير_المتأخر
#الاعتراف_المتأخر
#التبرير_المتأخر
#النقاش_المتأخر
بكرهه شديد ردات الفعل المتأخره
بكرهه الحاجات المتأخره جدا جدا

ممكن ابعد #زول_كامل وبي كل تفاصيلو بدون اي شعور

القصه ما قصه زعل
يعني بالجد انت لما #تجي_متأخر معناها دا الوقت المناسب ليك بس انا برضو كمان عندي الوقت المناسب معاي

من #قناعاتي انو الأولويات والمكانه هي البتخليك تحدد انك تجي بدري ولا متأخر

#فائدة_العلاقه شنو لو كل مره اجيك جاري بلقي رده فعلك متأخره وكل ما يحصل لي شي وارفع تلفوني #اضرب_ليك القاك ما فاضي وتختصرني تحت جمله لمن افضي #برجع_ليك

طيب انت لما تفضي وترجع لي ما بكون عندي #قابليه_اتكلم !

كل ما ازعل انت بتسكت وتقولي خلاص #لما_تهداء ح اتكلم معاك
بس لما اهدأ صدقني كلامك ما ح يفرق معاي

كل ما نختلف انت بتقفل الموضوع وتقرر كمان انك ما عايز تتناقش
والغريبه تجي بعد كم يوم تقول عايز #توضح_لي

في حين انو انا من جهتي ما بكون في شي بستحق التوضيح عشان بالنسبه لي #الموضوع_انتهى

لما اختفي ومهما اختفي وتجي بعد اسبوع او او اسبوعين و تلقاني بارد #ما_تستغرب

#انا_انتظرت انك تفقدني وانت اتأخرت لانك عودتني وبقت حاجه طبيعيه

لما يحصل لي و يحصل لي وانت تكون من #أواخر_الناس الوصلتني منطقيا وانت بتعتقد انو وجودك بفرق معاي ويقويني زي ما انت فاكر ؟

يااخ انت من اقل شي بتزعل وتخاصم وانا #احاول_اصالحك بس انا لو زعلت ما بهمك ولا بتعمل شي

تفتكر كلامك تاني ح يأثر ؟؟
بعد ما تخرب البينا وما تخلي شين ما تعملو معاي وتجي بكل بساطه تقول لي بكل بساطه انا #بحاول_اصلح

#سيريلسي ؟؟؟

انا ممكن اسامحك و اواصل معاك عادي بس تفتكر #السمح الكان بينا #ممكن_يرجع ؟؟

بقولو ان تأتي متأخر خيرا من أن لا تأتي بس انا في قناعتي الشخصيه

الممكن تكون صح أو غلط بقول احسن #ما_تجي_نهائي مما تجي متأخر عشان العلاقات والتعاملات والمشاعر التأخير فيها بنهيها مهما كانت مكانتك ح تنتهي

#البتأخر_دايما
عمرو ما ح يعرف يجي بدري 🙂👈👉

#انور_ادم

🌟

💕 فُضفُضۃ فُي ِِهـدًوء💕 @hdoo5

#اشباه_العلاقات
زي علاقه لا بتعرف هي مستمره ولا بتعرف هي واقفه يعني مثلا زي طريفين كانو بيعنو لي بعض #كل_شي

المهم حصلت بينهم خلافات واخطاء و افترقو بس بعد فتره لما رجعو لي بعض رجعو بي #لون_باهت

رجعو عشان في طرف حسي بالذنب وطرف تاني رجع بس متأكد انو #مافي_خير في الاستمرار

المهم قررو انهم يبقو مع بعض وعلي تواصل واتصال عشان كل واحد فيهم #يسأل_عن الطرف الاخر بس #بعد_فتره ما طويله بقي التواصل بينهم يقل

بقي كل واحد فيهم يسأل عن الطرف التاني #مرتين في الاسبوع بعد شويه بقي #مره_واحده في الاسبوع بعد فتره بقت #3مرات في الشهر بعدها مره واحده كل #3شهور وبعد فتره بقي السؤال عن الطرف التاني #مره_واحده في السنه

المهم السؤال بقي ما بجي منهم الا لو في #مناسبه_خاصه عشان يسأل ويكلم بيها الطرف التاني في حين انو لو جا حاجه كويسه واذا ما جا عادي ولا يهم لانو لو جا او ما جا بقت حاجه #ما_بتشكل فرق زي زمان

وبقي في بهتان في العلاقه ثم ولا شي يعني حتي لو جا يوم ذكرو فيها شخص عن الطرف داك يستغرب ويقول بالله #كان_بينا_شي ؟؟

بس نقول شنو الحياة كدا
مره تخليك لي شخص #كل_شي ومره #تخليك_صفر علي الشمال !

#احذر_ثم_احذر_ثم_احذر من العلاقات الزي دي 🙂☝️

#انور_ادم

🌟

💕 فُضفُضۃ فُي ِِهـدًوء💕 @hdoo5

الليله انا م ح اكتب عن الطرف
ال فجاءة بلقي روحو براهو
بدون اي ذنب غير انو حب بجد
عايز اكتب لي #الطرف_التاني
البفرض في شخص بحبو جدا جدا وكان راضي منو بالقليل

ليه ما تكون #شخص_لطيف وتقول للطرف المعاك انا ما عايز اكمل لاني م حاسي تجاهك بنفس الحب او انا م بقيت احبك زي اول وبقي #احساسي_السمح اتجاهك ماف

ليه تبعد و تسيبو ب غلط مخطط و مصتنع و مفبرك تخلي #يحس_بالذنب باقي عمرو
وتخلي يقول انا لو ما كان عملت الحاجه الفلانيه او لو ما كان اتناقشت معاو في الحاجه الفلانيه يمكن كان و يمكن كان مع انو الغلط اساسا منك

لما تتختا في موقف زي دا وتلقى إنك ما #عايز_تواصل ماف داعي تسيب في قلبو #وصمة_عار وإحساس بالتقصير والذنب لمجرد انك #ترضي_ضميرك وتقنعه إنك عملت كل العليك

لكن بس الزول ده ما كان مناسب ليك ، أو إنو إختياره من الأساس كان #غلطة_منك مع إنو وفي الحقيقة #إختيارو_ليك هو ال كان #سوء_تقدير أداك أكبر من حجمك

عايز تسيبو سيبو بوضوح عشان لما يمشي يمش وهو لسه محترمك وكمان عشان يقدر يكمل حياتو بدون ما #يفقد_الثقة كان في نفسه ولا كان في الحب ومصيرو يعرف #الغلط_المفبرك ويعرف انك كنت متسبب ساي

لو انت متردد او خايف من انك تقول ليو الحقيقه في #الوقت_الحالي عشان ما يكرهك

#خليك_متآكد ل قدام ح تبقي عليك #كراهيه و عدم #احترام 🙂✌️

#انور_ادم
🌟

💕 فُضفُضۃ فُي ِِهـدًوء💕 @hdoo5

لما تكون زعلان من زول اتشجع وواجهو بالجواك وصارحو احسن كتير مما #تكون_زعلان منو وشايل زعلك #جوه_قلبك

عارف انت لما تواجهو بالحقيقه او الشي المزعلك حتي لو كانت صعبه بجد احسن من انك تعاملو #معامله_حقيره و استفزازيه

#تعال_بادر بالكلام لانو نحن بشر وطبيعه البشر بغلطو ويصيبو صح ؟

زولك ممكن يغلط في حقك بدون #ما_يعرف وممكن يتصرف تصرف عفوي #بقلل_مشاعرك بس بكون ما عارف انو التصرف دا بوجعك كدا

فشنو خليك #احسن_منو وتعال صارحو صدقني ح ينبسط شديد منك ومكانتك #جواهو_حتكبر

خليك عارف انو الزعل ضروري يحصل في حياتنا عموما بس م يبقي سبب #لنهاية_علاقاتكم مع بعض

تعال بادر بالاعتذار و الصراحه عشان #خاطر_حجم العلاقه الكبيره والحب الكبير #اتجاه_بعض 😍💐

#انور_ادم

🌟

💕 فُضفُضۃ فُي ِِهـدًوء💕 @hdoo5

الحاجات لما #تجي_براها
بتكون احلي بكتيييير مما نحاول نعملها أو نجيبها

مثلا لما تلقى #زول_عزيز بالصدفه بتكون حاجه جميله و تلقائيه الكلام ، النظرات ، الضحكات ، بتكون من القلب من غير تكلف

لما يفاجئك زول ب حاجه او انت تفاجئو اكيد #ردة_الفعل بتكون حقيقيه وصااح في اللحظه دي


دايما #التلقائيه والبساطة لما تكون في آي حاجه طعمها بكون مختلف وجميل وحقيقي

ليه انت بتكلف وتمثل وتخفي آي حاجه عشان تظهر من غير اغلاط عشان #تكون_كامل وما فيك آي عيب

وانتي لما تلبسي آحلي لبسه وتعملي أحسن #ميك_آب وتكوني مجهزه حتي الكلام العايزه تقوليهو

تفتكرو وين الجمال هنا ؟
لما كل واحد يكون رهيب قدام #الطرف_التاني وينبهر بيو

تفتكرو دا احساس حقيقي ؟؟

للاسف انت ما انبهرت بي
#انت_انبهرت بالصوره الخطيره اللي انا عايز اوصلها ليك

الواحد لما يجي يقول
انا اتصدمتا في فلان
انت ما اتصدمتا فيو
انت #اتصدمت_بالملائكيه الهو كان فيها

وانت عارف انو بيمثل عشان يبهرك وانت انبهرتا لآنك عايز انسان ما فيهو عيب ، تكون عايز انسان مثالي

ولما يغلط ابسط غلط
تجي وتقول انا اتصدمت فيو
ما تلومو براهو #لوم_نفسك لآنك ساعدتو يكون كدا ، وانت برضو كنت بتمثل عليهو بس كنت ابرع منو حبتين

مافيها حاجه
لما ألاقيك وأقعد معاك وآكل بيدي

مافيها حاجه
لما أتكلم بطبيعتي وأضحك بصوت عالي

مافيها حاجه
لما أعبر ليك عن إحساس جواي فجأه

مافيها حاجه
لما أزعل منك وأطلع أسوأ ماعندي وأشاكلك

يمكن أكون غلط وتصرفاتي محتاجه #شوية_عقل بس أنا كدا ودي طبيعتي #انتا_حبني زي ما أنا ببساطتي وتلقائيتي وحقيقتي وتعال أنا وانتا سوا #نصلح_أخطائنا

نحن ممكن نكون أجمل كتييير بأخطائنا

كن بسيطا .. تكن أجمل

انور ادم

🌟

💕 فُضفُضۃ فُي ِِهـدًوء💕 @hdoo5