💕 فضفضه في هدوء💕

لما تدخل #حياة_زول وتعشمو وتعلقو بيك وتلقاه بعاملك ب قلبو و روحو ومستعد يضحي بنفسو عشان بس يشوفك كويس ومبسوط،، وتلاقيه سند ليك في اي أزمة بتمر بيها وتلقاه حاسي بوجعك وبتشوف خوفو عليك والحب في عيونو ظاهرة

المهم لي سبب ما الظروف #ما_سمحت انك تكمل معاو... اي نعم ما تكمل بس كمان ما تختفي من حياتو فجاءة.. ما بنفع تبعد عنو وتقطع علاقتك بيو مرة واحدة.. لأنك بكدا بتوصل لي احساس كعب شديد وتخلي يفكر ويفكر وبتخلي يحس انو كان مجرد لعبة أو تسليه او ملي فراغ او معرفه مؤقتة عشان يقيف جنبك لحدي ما تمر من الاوقات الصعبه حقتك او انك اعتبرتو حاجه عابرة ما عندها اي قيمة في حياتك

بتخلي يسرح ب تفكيرو ل حاجات و احتمالات كلها اصعب من بعض،، مع انو ممكن كل الاحتمالات دي تكون غلط وما حقيقية وهو بكون عارف كدا بينو وبين نفسو بس السرعه ال انت فارقت وبعدت بيها وعشت حياتك #عاادي_جدا دي البتوصل تفكيرو للحاجات ديك

انت عايز تنهي كل حاجه اوك تمام ما مشكلة
بس #فيها_شنو لما تنهيها وانت محافظ عليه وعلي قلبو الما شفت منو غير حنيه و حب
#فيها_شنو لما تعرف قيمتو عندك وتعتذر ليه وتراضيه
#فيها_شنو لما تطيب خاطرو وتجبر روحو ال الكانت مكسورة من قبلك وبيك اتدمرت تماما

ليه بتوصل #المشاعر_الكعبة وتخليه يحس أنه ولا حاجة وان ال كان ولا كأنه كان.. ليه بتخليه يحس بانو رخيص هو و مشاعرو و قلبو
هو قيمك ورفعك وحسسك بحبو في كل كلمةو تصرف و نظرة.. ليه جزائو في الاخر يكون التخلي عنو بطريقه بتوجع شديد وليه بتبقي عارف انه في اشد احتياجو ليك ومع ذلك انت ولا بتكلف نفسك #تسأل_عليو

هو طاوعك و طاوع قلبو وساب نفسو ليك.
قرب ليك وقت ما انت حبيت تقرب
وبعدت وقت ما انت قررت تبعد
هو كان #مجرد_تابع بعمل الشي البريحك ويرضيك انت وبس ومع ذلك انت ما فرق معاك ولا فكرت ترضيه

بس كان ع الاقل وانت بتبعد
كان تحسسو انو غالي عندك زي ما انت غالي عندو وانك حاسي بيو زي ما هو حاسي ب وجعك
اشكرو علي احساسو و حبو و خوفو عليك
#حسسو_بالتقدير و ان غيابه فارق معاك وانك انت كمان حاسي بفرق في بعدو عنك وعن حياتك

الكلام دا ح يفرق معاو شديد
ما ح يحس انك بعدت للنهاية
بحس انك قريب منو
وما بخلي يفكر #الف_مرة او يسرح بعيد

{لما تقررو تفاروقو.. فارقو برحمة} 🥺💜

انور ادم

🌟

💕 فُضفُضۃ فُي ِِهـدًوء💕 @hdoo5

👍2😢2❤1

6.87K views♡αňŵậř āɖαʍ♡, 21:43