احيانا بتكون فى #قمة_الزعل وفجاة كلمة واحدة من زولك تنسيك كل حاجة

او يمر عليك يوم متعب مليان ضغوطات وارهاق وترقد فى السرير وفجاة تجيك رسالة كيف #كان_يومك او مكالمة بيسال منك او يقول ليك #اشتقت_لصوتك

فى اللحظة دى بتنسى كل التعب الحاصل
ومرات بتكون فى قمة الغضب والعصبية لدرجة انك ما شايف القدامك وفجأة #مسكة_يد بس تغيرك 180 درجة

وزولك يقول ليك والله لمن تزعل حلو حلاة بتتلبش وتتلخبط وفجاة تهدأ عشان #تستوعب_الحصل

بالجد احنا قلوبنا بسيطة
#كلمةحلوة
#اهتمام
#مسكة_يد
الحاجات بسيطة دي جدا بتترك فينا #اثر_عميق😍💃

Dr.HF

🌟

💕فُضفُضۃ فُي ِِهـدًوء💕 @hdoo5

في كلمات ما بكون عندنا قدره كافيه عشان نطلعها وفي ضيق مكتوم جوانا سنين وفي رسايل بنكتبها بكل ذره #وجع_فينا وفي #زر_الارسال بنمسحها ونبدلها بكلمه #الحمدلله

#المشاعر الما بتتطلب
البنفقد #طعمها بعد ما نقولها
وشوقنا الما لاقين حاجه يتبل بيها
والوعود البنبني عليها #حياه فبتموت وعودنا ونبقي وراها #ميتين_ناقصنا_كفن

واحلامنا الما بتكمل وما ببقي عندنا حيل نحلم #باحلام_غيرها

عن الف #طريق_اشتر
عن الف #جرح_مبرح
عن الف #حزن_يطرانا
عن الف #ضحكه_ممحوقه
عن احساس #الموت_الحى😔💔

#انور_ادم
🌟

💕فُضفُضۃ فُي ِِهـدًوء💕 @hdoo5

وفي #طعنات مرات بطعنونا ليها #أقرب_الناس لينا
مقدار #حبنا ليهم كان ماعندو #مقياس

بنشوف انو نحن #اتخذلنا_فيهم شديد
بس ماقادرين ناخد #قرار انو نحن نسيبهم

بنحس بيهم #ندموا على العملوهو
بنحاول #نرجع_ليهم
وبنقول انو #الزمن كفيل انو يداوي الجرح

#هم_حيحاولوا بقدر الإمكان #يفرحونا
بس حتى #طعم_الفرح بالنسبة لينا بيكون باهت
ماليهو #طعم زي اول
مهما عملو حيكون في شي #جوانا_ناقص
وكانو بنقول ليهم دي ما الحاجة #الاتوقعناها منكم

وانو #مكانتكم كانت #أكبر من الخذلان دا
بس #ما_مشكلة
بنعصر على #روحنا قدر ما نقدر عشان نرجع ليهم
بنحارب عقولنا #عشان_نقدر

#بس_صدقوني
#ما_حتقدروا
ولو #قدرتوا واتجاوزتوا النقطة دي
مع اي غلط ليهم #حتتذكروا انهم خذلوكم قبل كدا
عشان كدا لملم باقي #كرامتك
#وامشي ✋😊

#ايثار_أبوبكر

🌟

💕فضفضة في هدوء💕 @hdoo5

ممكن الناس أحياناً تفهم غلط يمكن لأنهم مروا بتجارب أحسنوا فيها الظن وخسروا بسبب طيبتهم #حاجات_مهمة

فأحيانا بنحتاج نبرر عشان نتأكد إنه الفهم العايزنو وصل لكن ما للجميع
وكمان ناسك بيظنوا فيك الخير في كل الأحوال حتى #يتبين_العكس

فشنو ما لازم تخوض كل النقاشات وتنتصر بس احيانا عليك إشعار #الطرف_التاني المكابر بأنو على صواب وانك على خطأ حتى وإن كان رأيك صح

و اي زول يحوجك انو تبرر ليو ف الهينه والقاسيه ده زول مرهق نفسيا ومفروض تمسحو من #قاموس_حياتك طوالي😒✊

#انور_ادم
🌟

💕فُضفُضۃ فُي ِِهـدًوء💕 @hdoo5

في #ناس في الدنيا دي
انت #ما_بتلقى منهم غير #الوجع
بيستهلكوا كل #الطاقة_الايجابية والحاجات الحلوة جواك

ناس انت #براك وبي #نفسك فضلتهم على روحك
بس هم جازو #الإحسان دا #بالإساءة
ناس مع كل وجع منهم #مكانتهم_بتقل جواك

الناس ديل هم #بيقيفوا_معاك
بس وقفتهم معاك بي #مزاجهم
#بيحبوك بس بمزاجهم
#وبيكرهوك بي مزاجهم
بس الوجع البجيك منهم #اضعااف وقفاتهم معاك
عايزاك #تسأل_نفسك بس مرة
انت ليه #محتفظ بي ناس ما جاييك منها غير الوجع؟!
حتى لو كانو #بيقيفوا معاك
طالما انو الوجع منهم #اكتر يبقى لي تحتفظ بيهم
ناقص وجع انت؟!
على فكرة الناس الزي ديل مهما كان انت حتقرر #تسيبهم

لمن #توعى_لي_روحك
بس لﻻسف حتسيبهم بعد #كل_المشاعر الجواك تخلص
بعد ما كل شي حلو جواك #ينتهي

#ادعي ربنا كتير ((اللهم لا تجعلني وجعا على قلبك أحد ولاتجعل احدا وجعا على قلبي ))

#المهم

نحن اتخلقنا عشان #نعيش_بسعادة
#فياريت بس ما نوجع #نفسنا_بنفسنا
#ونتخلص من كل اذى ووجع جوانا
#ونحافظ على الباقي مننا✋😊

ودمتم بخير

#إيثار_أبوبكر

🌟

💕فضفضة في هدوء💕@hdoo5

أحيانا بنقابل نوع كده من الناس غريبين خلاص زول بنستغرب منو بتلقاهو بهتما #بيك_جدا

لكن فى #نفس_الوقت بيرفض اهتمامك بيهو ع فكرة الزول دا لا متناقض ولا عندو انفصام فى الشخصية ولا حتى بيتظاهر بي اهتمامو عشان يعجبك

لكن دا النوع من كتر ما اتخذل
من ناس كان مآمن ليهم شديد و
بعتبرهم #سندو

بقى خايف يسند حيلو عليك ولا على غيرك أو يتعود على
#لذة_اهتمامك وفجأة يلقاك مافى ويدخل تانى فى دايرة #الخذلان_اللامتناهية🙂💔

#حليمه_فرح
🌟

💕فُضفُضۃ فُي ِِهـدًوء💕 @hdoo5

عايشين #احلامنا فوق للواقع
صح انو ربنا قادر بس بنٲمل كتير
بناٲمل لعشرين وخمسين #سنة_لقدام
وماعاملين حساب #شبر_اليد الممكن ندخلو هسي او بعد ساعه

واذا واحد مننا #شاف_صوره للشبر دا بيستنكر انو ممكن يدخلو هسي
وخاتي في بالو انو بعد كل احلامو ما تخلص هو ح يدخلو وبرضو بكون #مستنكرو

هو انت فاكر انو #الناس_الساكنه تحت الارض دي كملت كل احلامها؟
ولا اصلا كانت الأحلام في الدنيا بتخلص؟

#جاوبني!

ولاانت فاكر انو مكتوب عليها للكبار ومكملين احلامهم فقط؟

#ياخ_اعقل

في كم زول وكم زول قاعد تحت الشبر دا
Ĺولمن انقبضت روحو كان بيفكر يعمل شنو لبكرا

#عاوزة_اسالك

هو عاش لبكرة وحقق حلمو؟ خلاص كدا امرو انتهى ، صح ربنا أمرنا نعمر الارض وخلقنا عشان كدا لكن كمان #بالدين_والسنة احلى كتيير

كل ماتجي تعمل حاجة غلط
أتذكر انو جسمك حياكلو الدود وانت وجبة للدود #تحت_الارض

انا متأكدة انو كل الناس ما متذكرة الحتة دى بس بسيطين الممكن يتذكرو
وروحك هي الحتطلع السما
شايفين #المسافة بين الأرض والسما قدر شنو؟

شتان بينهما صح؟
#اهتم_بروحك وجملها
وأتذكر انك راحل وانك ماشي فوق وخلي #الاهتمام بالمظاهر
#المظاهر دايبة تحت
واتذكر انو أحلامك ممكن ماتكملا
اترك بصمة حلوة وخلي روحك تمشي بسلام وخلي ختامك يكون مسك #باعمالك_الطيبة😊🌹

#تقرب_أكثر
#إيثار_أبوبكر

🌟

💕فُضفُضۃ فُي ِِهـدًوء💕 @hdoo5

ما حيكون في مشاكل اذا الانسان عرف يمشي #ورا_احساسو

لانو اغلب المرات بتكون حاجة صح لكن ما شرط يكون #مبدأ_حياة انو الواحد يمشي ورا احساسو او قلبو لانو اغلبية مصايب الناس وخذلانهم في مشاعرهم كان بي سبب انو تابعو #إحساس_قلوبهم واتخذلو

عشان كدا التعامل المفرط والمشي ورا شي واحد قد يجي علي حسابنا سلبا وخصما علي #راحه_بالنا

الحياة محتاجة #توازن بين الفهم والاحساس يعني لا تميل هنا ولا تميل هناك

عشان تحاول بقدر الامكان #تعيش_متوازن 😍💪

#انور_ادم
🌟

💕فُضفُضۃ فُي ِِهـدًوء💕 @hdoo5

شكرا للوجع البجينا من ناس غاليين علينا شديد بس بخلينا اقوى بكتير من ما كنا
بخلينا شخصيات تانية
#شخصيات_اروع
#اكتر_حكمة
#اكتر_ذكاء
واقل تضحية من ما كنا عليهو زمان

حنقيف مع الناس لمن يحتاجو لينا بس ما على #حساب_روحنا

#شكرا_للوجع الخلانا نعرف قيمة روحنا
وشكرا ليهو لمن خلانا عااادي انو نعيش برانا واصلا هو مافارق يكونوا معانا ولا لا

اتعلمنا منو #قيمة_الوحدة
اتعلمنا منو نحل #مشاكلنا_بروحنا

شكرا للوجع لانو رد فيني الروح ورجعني #لي_روحي😊✋


#إيثار_أبوبكر

🌟

💕فُضفُضۃ فُي ِِهـدًوء💕 @hdoo5

عن #السعادة_الروحية_والقلبية لمن تلاقي ناس ليك منهم #زمن
ناس #ارتباطكم_ارتباط روحي قبل اي حاجة تانية
ناس #مهما_غبت منهم سنين بس حيفضلو زي ما خليتهم مافي غرابة بيناتكم
حيفضل #الود_البيناتكم زي ما هو
#والقلوب_متآلفة

مافي #غربة بيناتكم مهما بعدتكم السنين
ومهما حصل بيناتكم من #خلافات

العشرة البيناتنا أكبر من انها #تتنسي

ناس معانا على #المرة_قبل_الحلوة

ممكن ما نلقاهم في كل #تفاصيل_حياتنا
بس متأكدين انهم #حيكونوا اول الواقفين معانا
اذا حصلت لينا #اقل_حاجة

ناس اقل مافيها نسميهم
#انتو_الانا
وشكرا ليكم من القلب لانو كل ما نتوجع
انتو #البتردو_فينا_الروح
شكرا من ال❤

#شكرا ليك من الروح

#كلمة بنحبكم ما كفيلة تقول الجوانا ليكم...


#إيثار_أبوبكر
🌟

💕فضفضة في هدوء 💕 @hdoo5

بنفقد ناس كتار وبيخيب ظننا في ناس تانيه بنتآلم من ناس كنا معتبرنهم #مراهم_الامنا

بنتمشي في سكك الوجع بي #اقدام_حافيه بتشيلنا الحياه وتاخدنا في #منحنيات مختلفه بنحس بي ضيق مابعدو ضيق

بندخل في منحيات اليآس الكتيره ديك بتشتت افكارنا وبيسود عليها السواد بس في لحظه سكون بينفجر الضيق شان يبقي براح وبيشتد السواد شان #يبقي_بياض

بيجي الفرج والفرح من ناس عمرنا ما اديناهم قيمه او حسينا بي ذره عاطفه تجاهم ناس بغوصو في بساطه البساطه ناس تدافر اشواك الحزن الجوانا شان تزرع #بذره_فرح

مرات انحنا بنجهل ادوار اقليات في حياتنا ناس هم بسطاء في العدد والعده بس كتار #في_العطاء

ودايمآ مهما نحزن ونبعد عن ناس والظروف تقسي ناس علينا بس بيكون في قلوب تانيه شايله لينا #كل_خير

دايما #عيش_حياتك بي الموجودات قيس ناسك بي العطاء ما بالعاطفه

وفي حاجات في الحياه وراها حاجات تانيه في فرح #امتداد لي حزن وفي دموع بتنزل عشان تنقلنا ل #وشوش_الفرح

ومهما اسودت حياتك برضو في ناس شايله في حناياها كل خير وكل #بياض_ليك 😍🌹


#انور_ادم

🌟

💕فُضفُضۃ فُي ِِهـدًوء💕 @hdoo5

من أهم الاسئله الكانت بتراودني لفترات طويله من عمري ليه الناس الببادلوني مشاعر #حب_صادقه م بقدر أبادلهم نفس الشعور ع الرغم من أنهم ماف كلام يوصفهم

الاحساس ده كان بقتلني وبعذبني ومرات بكره نفسي م عشان الواحد بيكون كعب لكن رغبتي #بتحكمني_شديد

كنت بسمع #أقرب_الناس لي وكل زول بقول ليك أدي ياخ فرصه انت خسران شنو

سبحان الله العظيم انا عمري #م_لعبت بمشاعر زول ولا فكرت ألعب أو اتجاهل مشاعر الحولي بس كنت بعمل حاجه يمكن لي حسي هم #م_عارفين أنا كنت بتصرف كده ليه؟

والحقيقة أني #كنت_بنسحب وبقفل أي باب ممكن يدي الطرف التاني الأمل حتى بدون ما اجرب لان جرح القلوب صعب يداوى وداير #زمن_طويل عشان الواحد يرجع

اعتقد معظم الحولي فكرو اني كعب أو جلمود بالمعنى الأصح ( #زول_م_بحس )

بس انا والله كنت صادق لمن اخترت البعاد اخترت حفاظاً على مشاعر ناس كتير وخوفاً من #رب_العالمين ان يعاقبني لو كسرت خاطر عبد من عباده

#المهم

الحب ده نصيب زيو زي أي رزق مكتوب علينا ولازم نعيشه مهما نتألم ومهما حنقاسي بسببه ، ربنا يجبر بخواطرنا #ويرزقنا_الإنسان اليصونها ويحافظ ع قلوبنا 😍🌹

#انور_ادم

🌟

💕فُضفُضۃ فُي ِِهـدًوء💕 @hdoo5

وفي #رسائل_بنندم انو فكرنا في يوم نرسلها لي ناس م بتستاهل والله

شوف اي رسالة بتحس انك #متردد_عشان ترسلها

#ومتردد في انو #الزول_الماشة ليهو الرسالة دي
ممكن #م_يعبرك

يبقى #احفظ_كرامتك واوعك ترسل
عشان #الحسرة_حتقتلك لو حاولت ترسل والله

اي #حاجة_بتوجعك او ممكن تجيب ليك وجع اتجنبها

العايز يزعل #خليهو_يزعل المهم راحة بالك انت وبس😒✋

#إيثار_أبوبكر


🌟

💕فضفضة في هدوء 💕 @hdoo5

اتاكد تماما انو مستحيل زول يجي يقدم ليك #السعادة على طبق ولا السعادة دي حتجيك بمجرد انو زول اتكلم معاك او لا
انت برااك رابط سعادتك بالناس
#رابطها بالحاجات الحولك
#رابطها بالقروش وبالبتحبهم
#رابطها بي رسالة وبي سؤال منهم

#ليه تخلي الناس يتفضلو عليك بسعادتك انت؟
#ليه تخت في راسك انك من دون فلان دا حتموت وحتتكسر ؟
#ليه وعشان شنو

على فكرة فلان دا أول من يعرف عنك حاجة زي دي ح يتفضل عليك بسعادتك انت

#السعادة منبعها جواك انت
انت القادر تسعد نفسك من دون الناس
السعادة والفرح الداخلي منبعهم #الله
وبي ذكرك لي الله انت بتقدر تكون سعيد
انت من جواك البتقرر انك تتذل وانت البتقرر انك #تكون_سعيد من دون مساعدة زول

على فكرة برضوا ممكن ما تقتنع بي كلامي دا هسي بس حيجي يوم وحتعرف انو الناس ديل ولاشي
وأنهم عاوزين #يكسروك وخلاص
ومرة عن مرة حترجع أحسن
وحتسعد #نفسك_بنفسك😍🌹

#إيثار_أبوبكر

🌟

💕فُضفُضۃ فُي ِِهـدًوء💕 @hdoo5

#القرائات_النفسية بتنهى علاقه 😔💔

بنخاف مرات #نفقد_مكانتنا عند الطرف التاني مع انو بنكون شايلين ليهو كمية من الاحاسيس والمشاعر لكن الخوف من ردة فعلو بعد #اعترافنا هي البتكون مسيطرة علينا مع انو الكلام بكون واقف #في_الحلق

بنخاف نفقد تعاملو البسيط معانا حتى سلامو علينا #بنخاف نفقدو بعد الاعتراف و يبقى هم اننا نوصل ليهو الجوانا مسيطر علي قلوبنا و ننتظر لحد م تجي فرصة او ما تجي خالص الاحساس ده صعب شديد بخليك #وسط_نارين

والابشع انك تكون #بتشحد_الريده او #الكلام_الحلو من زولك مع انو انت عارف انو هو بريدك واي شئ بس في إحساس اسمو #الإطمئنان بجي بي انك تكون متأكد انو زولك متمسك بيك وعايزك بس اول ما تحس بعدم الإطمئنان والراحه والبسيط من الإهتمام ما الا الاهتمام يكون #اوفر لو الطرف التاني بيعرف انو القليل منه كالكثير من البعض

ما تكون #بخيل وما تكون #خواف عبر عن الجواك حسس زولك انو نعمه ولان النعم يجب عليك تحافظ عليها وتكون مبسوط بيها

بس لمن تكون بخيل ماتزعل لو جا زول شالا منك وانت واقف لانو النفس #بتميل_للاهتمام والتعبير عن الحب والمشاعر ، يعني ممكن تكون تجديد للوعود والزول #البريد بالجد بيعرف يصل وما بخاف 😌👌

#انور_ادم


🌟

💕فُضفُضۃ فُي ِِهـدًوء💕 @hdoo5

اسم زولك قبل ما يبقى زولك كان مجرد اسم بمر عليك في زحمة حياتك ، بس اول ما تتعرف على #سيدد_الريدد الحقيقي بالنسبه ليك البتحس انو الإسم دا حقو هو بس واساسا اتخلق علشانو

بتلقى انك محل ما تقبل بتشوف اسمو لدرجة انك بتخاف تكون بتتوهم أو بتهلوس بيهو من شدة ريدك
#اسم_صيدليه
#لافتة_بوتيك
وعنوان مكتبه وفي عناوين المجلات وفي تفاصيل الجرايد ، وحتى كمان بتكتشف ناس في حياتك انت بتعرفهم من زمان شايلين نفس الإسم بس عمرك ما فكرت في اسمهم ولا اديت الموضوع اهمية ﻷنو اساسا الإسم ما كان #حلو_شديد كده ذي ما هو اسي

ممكن يحصل انك تشوف #سيدد_الريدد ذاتو في ناس كتار شايلين ملامح منو او بقولو كلام نفس البقولو او بعملو تصرفات بتشبهو لدرجة بتخليك تبتسم براك وبتحاول تفتش على اقرب زول جمبك يكون بعرفك وبعرف زولك عشان تقول ليهو وانت عيونك بتلمع #زولي_بقول_كده_برضو

وهو في الحقيقه الكلمات والتصرفات ما حكر عليهو بس كل الحكايه انك اول مره انتبهت ليها كانت عندو حسيتها وعشتها معاهو بقت #مرتبطه ليك بيهو ف بتحس انو ما مفروض تسمعها او تشوفها الا منو وحتى لو حصل يبقى #هم_بحاكوهو

وبالنسبه للناس الشايله ملامح منو ايوه صاح يخلق من الشبه اربعين بس برضو الريد #تأثيرو_كبير والشوق #تأثيرو_اكبر

#من_بين_اشباهك_الأربعون_حظيت_أنا_بالنسخه_الأنقى 😌👌

#انور_ادم

🌟

💕فُضفُضۃ فُي ِِهـدًوء💕 @hdoo5

في كل العلاقات في #مرحلة_برود بتمر على طرف واحد أو على الإتنين
بيحسوا معاها إنو ما عندهم شي لي بعض وإنو الإحساس بينهم #تحت_الصفر ومرات بالسالب كمان

الفترة دي هي إمتحان حقيقي للناس لعقلهم و وعيهم و تفكيرهم ومقدرتهم على الإستمرار و #إدارة_علاقاتهم

وهنا #الحب بيقيف بالجنبة و بيعاين
هم ح يسووا شنو عشان روحهم

في اللحظات دي بتبدأ تظهر عيوب زولك
وحتى النت عارفها ح تبقى ليك #ما_محتملة

ح تشوف التانيين ظريفين و رهيبين
بل يكادوا يكونوا #مثاليين كمان
وإنو نقصهم ده زاتو زي كأنو ميزة #إضافية_ليهم

الواعي في المرحلة دي ح يعرف إنو
المقارنة هنا ما عادلة لأنو تفاصيل #الحاجات_بتختلف

والأوعى منو ما ح يحتاج يقارن من اساسو ، أما تعيس الحظ ف هو ال ح #يجوط_نفسو

ويخلي تغييرات وظروف المرحلة دي تسوقو #بدل ما هو يسوقها و يخليها ترتب بيهو #روحها 🙊💔


#انور_ادم
🌟

💕فُضفُضۃ فُي ِِهـدًوء💕 @hdoo5