#طاقة_تحمل 💔


وكتيييير بيحصل اننا بنفقد #كل_القوة والطاقة العندنا وننفجر مهما كانوا الأشخاص ومهما كانت الأسباب..

بيحصل انهم #يجو_علينا عشان نحن من اول غلط ما وقفناهم عند حدهم وسامحناهم عشان بنحبهم

ونحن بقينا نسامح وهم مستمرين في الغلط
لأنهم #ضامنين اننا حنرجع #وحنتحمل..

اديناهم احساس #الضمان_والابدية وبي كدا جنينا على روحنا جناية قتل #مشاعر_وأحاسيس 💔

#وجعنا_روحنا_بي_روحنا ..

زي الكباية المتينة البتقع منك مرة ويحصل فيها شق وما تتكسر وتكب فيها حاجة سخنة و برضوا ما تتكسر وتبقى خاتي في بالك انها خلاص حتبقى كدا وما حتتكسر لحدي ما حيجي يوم وحتلقاها طقت فيك لو ما عملت حسابك لأنك جيت عليها كتير 💔

نفس الاحساس نحن مشاعرنا مهما كانت #ليها_حدود


ونحن والله اتحملناكم اكتر من اللزوم ..
وجاء الوقت الحنشوف فيهو #حياتنا_خلاص
لأنكم لا بتحسو ولا عمركم حتفكرو تحسوا بينا
واتاكدوا انكم #خسرتوا_كتير..

#في_النهاية ..

العلاقات البنتهي #بي_بطء عمرها ما حترجع تاني ولو رجع ما بيرجع زي اول

ابقو عافية وخلو بالكم من احبابكم...

#إيثار_أبوبكر

💕فضفضة في هدوء💕 @hdoo5

داخلين علي #سنه_جديده واحساس جديد ، سنه بنتمني يحصل فيها كل خير
تحقق فيها #كل_احلامنا
نصل فيها لاعلي الاماكن ونتعداها
#سنه_جديده بروح مختلفه
روح ما بتشبهه احزانا
روح مليانه حيويه وعندها امل فينا
سنه قررنا فيها نبقي ناس تانين
قررنا نكون زي ما بنتمني
قررنا نسك احلامنا وطموحاتنا
ومهما سبقنتا نكبر خطواتنا

#سنه_جديده وفهم جديد
سنه نتصالح فيها مع روحنا قبل ما نصالح غيرنا

#بغض_النظر عن احساسنا بالسنه الفاتت
#بغض_النظر عن كانت بتعني لينا شنو
#بغض_النظر عن الحصل لينا فيها
بس بنتمني انو السنه دي ما تكون بتشبهها

اذا كانت سنه مليانه حزن
ان شاء الله #نلقي_السعاده
واذا كانت #سنه_سعيده
ان شاء الله نبقي اسعد ونبقي احسن
والاهم من دا كلو نبقي بخير ونبقي طيبيه

#سنه_سعيده 😍💐


#انور_ادم


🌟

💕فُضفُضۃ فُي ِِهـدًوء💕 @hdoo5

محاولتك للحفاظ علي علاقة انت قدمت فيها تنازلات عشان #الطرف_التاني

البحاول بكل السبل انو يخضعك لسلطتو
في الغالب #انت_الخسران

مشاعرك مستهلكها في الحتة الغلط
ولما يجي الصح بلقاك استنفدت كل العندك

زمنك اللي اتحرق علي اللي ما يستاهل
وثقتك في اللي حواليك وانت عارف تمام انو شخص واحد قدر يغير نظرتك #لمجتمع_كامل

فرجاء العندو محبة يشوف المصب الصح وما تظلم #غيرك_معاك 🙂✋


#انتهي

#انور_ادم

🌟

💕فُضفُضۃ فُي ِِهـدًوء💕 @hdoo5

ما اظن في سبب يخلي زول يضايقك بس ممكن زول يهملك او يتعبك ، والضيق فعل بجي من الشخص او يمكن زول اذاك من غير سبب صعب تلقى #ليه_عذر

وكونك تلقى عذر لي #زول_مضايقك
ف ده شي نابع من قلبك وعشمك

وكونو هو براهو يوريك عذرو
ف دا موضوع #بيلمس_عقلك

ولما عقلك وقلبك يتفقوا على حال ف دا اللي بيقولوا عليهو #راحة_البال

والعذر مع التسامح شي جمييل
معني اعذرك معناها #اني_متمسك بيك وكده لازم تجيب عذر منطقي ومقبول عشان تحافظ علي مكانتك وربنا #يريح_البال 😍👌



#انور_ادم


🌟

💕فُضفُضۃ فُي ِِهـدًوء💕 @hdoo5

ما عندك #مساحه_لزول جواك ما تخش حياتو ، عندك مشاعر قديمه ما اتخلصت منها ما تخش #حيات_زول

#عايز_تنسى زول بزول دا شي مستحيل
#عايز نفس الصفات والتعامل بتاع زول في زول تاني #كمان_مستحيل

لانو دا كيان مختلف وشخصيه غير
ف شنو ما تتعب وتتعب معاك الناس ساي

#اتخلص من الجواك اول حتى تفتش للانت عايزو او متمنيهو ، وتاني بقولها الناس تتاكد مره واتنين وتلاته ولو لقيت زول زي دا ما تديه فرصه #يدخل_حياتك 😒👎

#انور_ادم

🌟

💕فُضفُضۃ فُي ِِهـدًوء💕 @hdoo5

في شخص في عز ما انا معاهو بكون عايز اكون معاهو اكتر ، بشتاق ليهو وانا جمبو ، بريدو #كل_يوم اكتر

#هو الحاجه الحلوه في حياتي
#هو الحاجه الصاح في كل تصرفاتي
#هو ضحكتي وفرحتي وكلامي وهو سكتتي

قربو مني بفرحني ووجودو معاي بكملني ، شخص من دونو بكون ضايع وما بكون عايزو في يوم يفارقني عشان هو بالنسبه لي #نقطه_الضوء البتنور طريقي

هو #خيط_الأمل الرفيع البوصلني لغايتي هو شعاع النور البضوي في احلامي ومهما الدنيا تضيق والحاله تصعب علي ومهما خيط الأمل الرفيع يضعف والشعاع نورو يخفت بتفضل #نقطة_الضوء جواي تكبر وتضوي المكان طول ما هو معاي


الشخص دا طول ما هو معاي كل حاجه بتتسهل #بإذن_الله 😍💐

#انور_ادم


🌟

💕فُضفُضۃ فُي ِِهـدًوء💕 @hdoo5

في شخص مرتب وكلامو منمق وافكارو عميقه ورايق ومنظم وعاقل وعارف روحو بقول في شنو وعارف كمان عايز شنو #جذاب_بطبعو

بنلقى روحنا مشدودين ليهو غصبا عننا بنكون عايزين نقرب منو ، بنحس انو لازم يكون في حياتنا عشان معرفتو كنز #بالنسبه_لينا

عشان متأكدين اننا لو عرفناهو حنستفيد منو #إستفاده_فكريه بنصر اننا نكون ضمن معارفو ويا حبذا لو بقينا اكتر من معارف

بنلقى اننا مع الأيام ومع تعمق معرفتنا بيهو حصل لينا تغيير لا ارادي ، اتوسعت افكارنا واتفتحت مداركنا ، وبقى عندنا #خطط_ماشين بيها وحياتنا اترتبت وبقت احسن ، وحتى نحنا ذاتنا بقينا احسن

بنحس اننا مبسوطين بيهو عشان خلانا نكتشف في روحنا حاجات حلوه مكبوته جوانا وكانت محتاجه #تصحى_فينا

الشخص دا بنكون عايزين نقول ليهو شكرا على كل حاجه وعايزين نضحك معاهم من #دون_سبب 😍💐

#انور_ادم


🌟

💕فُضفُضۃ فُي ِِهـدًوء💕 @hdoo5

عندي حاجه سيئه دايما بتحصل لي كلما اتعرف علي زول ومشاعري اتجاهو تبدا تتحرك بتتحول من مشاعر عفويه لمشاعر بتتحسب بمعني اني اتناسيت مشاعري او #مشاعري_اتجمدت

بس بحسبها من نواحي تانيه
واقول دي حاجه جميله شديد
واني قدرت او ماشي اتعود اتخلص من الانسان الباقي لي #نقطه_ضعف ومن احساس اني اتحملت واتعلقت بيو

لما قلت في #مكالمه_هاتفيه نحن مستحيل نفترق او اليوم البجي ونبعد من بعض ما حيجي ابدا ، بس من خلال الرد حسيت بي اني ح اتخذل لي قدام
اهو كل شي ماشي للأسواء ويدمر

كل الجوطه والبعثره الحاصله لي الايام دي ناتجه من #اخر_شخص دخل حياتي
دخل في الوقت المناسب ،في الوقت الفعلا انا كنت محتاج فيو لشخص قريب مني

ما بنكر انو كان بالجد #اضافه_جميله نستني المعاناه البعيشها وانها كانت في سبب كتير من ضحكاتي

بقيت #اسأل_نفسي
هل انا سيئ ؟ ولا هو
هل انا فيني عيوب لدرجه بتخلي الشخص ما يكمل معاي؟ وكميه من التسألات والتسألات الحايمه في راسي

بس لو بتقرى كلامي دا
عايزك تعرف وتأكد اني بتمني انو ما نفترق وانو الفتره البنمر بيها دي ماهي الا اختبار لي العلاقه ونحاول بدل ما تكون في مسافه بينا نقرب اكتر ونتمسك

#بس_يا_فلان_ما_تتغير 😊


#انور_ادم

🌟

💕فُضفُضۃ فُي ِِهـدًوء💕 @hdoo5

في حاجات كتير في حياتي صعب ما اشيل ليها #هم مع إنو انا بكون متأكد من جواي إنها كده بس بحاول اتحايل عليها أو بتحايل على روحي واسميها بأسماء اكذب بيها #على_روحي

حاجاتي كتيرة وأغلبها مبهمة وحتى كتاباتي م ليها إسم غير حاجات ، لأنو اﻷسماء أبواب بكون حابي #أبوابي دي تفضل كده #مقفولة وقفلها مقفول ده كلو عشان م تفتح علي وتطلع الجواها وإنا قفلت عليها من بدري بدموعي وحاليا يمكن اكون نسيتها أو بالاحر إتناسيتها ويمكن لا

أكيد لو اتفتحت علي حتتعبني شديد لأني أهملتها شديد وحبستها #جوة_قلبي مدة م ساهلة

ولا حتى إهتميت عشان اجي فترة لفترة اجي انفض عنها #غبار_الهموم المكبوتة أو افتح ليها شباك من نور يفك الضلمة المخليها فيها

أكيد لو كل حاجة بتضايقني بفضيها على طول كان من الاساس م اضطريت اعملها وكان حتكون عندي مساحات أكتر وأكبر ﻷبواب #إيجابية دايما مفتوحة للنور وبكون دايما بسببها #متفائل وراضي عن نغسي أكتر وأكتر 😇👍


#انور_ادم


🌟

💕فُضفُضۃ فُي ِِهـدًوء💕 @hdoo5

في كتير من العلاقات التخلص منها واجب واقامه الحد ليها ، يجيك ناطي كل دقيقه ويتدخل في #ابسط_خصوصياتك مايديك الحريه حتى #في_بيتك

النوع دا بالذات توقفو في حدو وتتحلص من التعامل معاهو تكون معاهو في حدود

#اتخلص من الحبيب البيتجاهلك البصب عليك كل غضبو الانت ماعندك فيهو زنب ويربطك جنبو وهو يكون #مستهتر بي الارتباط دا

اناني جدا وعايزك تقطع كل علاقاتك وما عندك مساحه لا مع صاحب ولا صحبه حتى علاقتك بي اخوانك #في_البيت عايز يتحكم فيها اهلك ، يتعامل معاك بي مبدا انه انت مابتقدر تبعد منو ، انت اثبت ليهو العكس #اتخلص_منو

والصديق الما بيقدر ظروفك ، البفهمك بي طريقتو والاصعب يكون هو البادي بي الغلط معاك ولما ترد ليهو جزء من العملو يزعل ، ما بيحترم علاقتو بيك ومستعد في اي لحظه يخسرك #اتخلص_منو

وشوف الناس الممكن تستفيد منهم البيكون قعدتهم فرح والغياب عنهم فقد 😌👌

#انتهي


#انور_ادم



🌟

💕فُضفُضۃ فُي ِِهـدًوء💕 @hdoo5

ما كل #العلاقات بتتصنف ، وما كل العلاقات بنقدر نطلق عليها #مسميات
عشان في علاقه ممكن تكون عباره عن خليط غير متجانس مقتبس من علاقات تانيه ، علاقه شامله لكل انواع العلاقات البتمر علينا #في_حياتنا

في ناس ما بنقدر نحدد #طبيعة_علاقتنا بيهم عشان ممكن تكون #اكبر_من صحبه واعمق من خوه بس الحاجه البتخلي العلاقه دي تبقى #احلى اننا نخليها ذي ما هي وما نحاول نلقى ليها #عنوان عشان نغلفها وننمقها ونخنقها بيهو

الأحلى اننا نخليها حره ونستمتع بيها ذي ما هي ونعيش كل تفاصيلها وتقلباتها وتغمسها لكل #ادوار_شخصيات

علاقاتنا ذي شقاوة الصحبه البتخلينا مرات نتصرف تصرفات مجنونه وخوف وقلق الخوه المرات بخنقنا وبضايقنا بس #من_جوانا بنكون مبسوطين بيها

#حنية_الأم البتخليها تجي تتفقدنا نص الليل وسؤال الأب عايزين حاجه اجيبها معاي ؟ وذي التلفون البجيك لما تتأخر في الرجعه ، ووين انت مالك اتأخرت قلقنا عليك ومستنينك بالغداء

كل الحاجات دي ممكن تتجمع لينا في علاقه وحده وبتكون من #دون_عنوان 😍👌


#انور_ادم


🌟

💕فُضفُضۃ فُي ِِهـدًوء💕 @hdoo5

لما تفهم #شخصية_زولك وطبعو وكيف تتعامل معاهو وتعرف متين تتناقش معاهو ومتين مفروض تسكت ومتين مفروض تبدي برأيك ومتين مفروض انك تحترم كلامو ووجهة نظرو من دون م تعترض عليو ولو حتى #اعتراض_بسيط

لما تعرف انو في حاجات بتكون غير قابله للنقاش ولما تعرفو بحب شنو وتحاول بقدر الإمكان انك ترضيهو بيهو ولما تعرف الحاجات البكرها وتحاول انك تتحاشاها وتبعد منها عشان م تزعلو
ولما ترجع ليهو في كل خطوه بتخطوها وم تتصرف #اي_تصرف من دون علمو ورضاهو ولما تديهو مكانتو الصح وتحترمو قبل كل حاجه وتحاول بقدر الإمكان انك م #ترفع_صوتك عليهو مهما حصل

لما تسمع منو #كلام انت عارفو سلفا وتعمل فيها اناك #اول مره تعرفو منو
ولما تحسسو بضعفك وانك منو دونو بتكون خايف ومعاهو بتكون مطمئن

#كل_الحاجات دي لو قدرت تعرفا وتعمل بيها حتلقى انو حياتك بقت احسن وح تحس بالراحه وحتلقى الرضا من زولك وم حيشوف غيرك تاني وح يصحى وينوم وهو #مبسوط_منك 😍💐

#المهم

#الجمال_الخارجي عمرو م كان سبب كافي يخلي الشخص يتمسك بيك وم يشوف غيرك

#انور_ادم


🌟

💕فُضفُضۃ فُي ِِهـدًوء💕 @hdoo5

في شخص تشوفو ظاهريا تقول دا اطيب زول بتحس انو ربنا جابو ليك عشان يفرحك بيهو وهو من جواهو بكون ناوي ليك على شر وبتخابث عليك في عز م انت بتحكي عنو للناس بالخير وانك قدر شنو مبسوط بوجودو #في_حياتك

وانت عشان م تخسرو بتحاول #توريهو_الحاجات البتزعلك وتضايقك عشان يتحاشي ويحافظ عليك وانت كمان تحتفظ بيو جوه حياتك

بس هو بستغلك وبستغل طيبتك ووضوحك معاو لأنو بكون عرف نقطة ضعفك وبجي بكل بساطه يعمل كل الحاجات اللي انت م عايزيو يعملها وكلمتو بيها ذي كأنو بعاندك وبقول ليك #اكرهني

واول م تبدأ تكرهو وتفتح #صفحه_جديده في حياتك عشان تنساهو فيها هو بكون عايزك تبدأ معاو #صفحه_جديده من نوع تاني اول كلمه مكتوبه فيها #السماح

مع العلم انو بكون من النوع اللما تسامحو وتتجاوز عن اخطائو معاك #بفتكر انك م بتقدر تعيش من غيرو وبيطلع ليك في راسك ويزعجك كمان

#أألمهم

ياريت نحاول نسامح وندي فرصه لغيرنا مره واتنين وتلاته عشان لما حاجاتو تكتر علينا ونقرر نمشي ، نمشي ونحن متصافين مع ضميرنا وم حاسين اننا قصرنا #مع_زول 😊👌

#انور_ادم

🌟

💕فُضفُضۃ فُي ِِهـدًوء💕 @hdoo5

انا عموما ما بكون رافض اي علاقه اي كان نوعها بس خوفي كلو بكون من الحاجات البتجي بعد العلاقه تنتهي مشاكل ضغوطات خزلان والخوف من دخول #تجربه_جديده ودي الي هي ما ح تخليني مركز ف نفسي وكمان لما اتعرض لي #عدم_تقدير ومن من اقرب الاقربين بتكون خسااره بالنسبه لي بس عملت ليهم البقدر عليو وزياده وفي النهايه خليت العلاقات عموما لانو كميه الخزلان الاتعرضت ليهو بذيد كلو فتره والوجع البجي والتعب المستمر

ياخ حتى ثقتي بقت شبه معدومه في #اختيارات_قلبي ، تعبت من نظرات الشماته واحيانا الشفقه من الناس الحولي لما قلت #هناي_مختلف وطلع مختلف حتى في #وجعو_لي

كل مره بسمع كلام القلب وبهجر عقلي واول م اتوجع ارجع اتحسر وامسك دمعتي وعبرتي تخنقني اول م يجيبو #اسم_زول في الونسه

ليه بقت #مشاعر_الناس عند بعض الناس مجرد لعبه ورهان ومسك زمن وعادي الناس بقت #تكذب ميه كذبه وتوعد وتخذل وتوجع وتمشي وتأذي وتضحك

#ليييييه ؟؟

عموما الحب م كعب
#كعبين نحنا الخربنا معناهو او
#كعبين هم الخربو فهم الحب عندنا 🙄👉


#انور_ادم


🌟

💕فُضفُضۃ فُي ِِهـدًوء💕 @hdoo5

حاجات كتيره بتتأخر وما بتجي في وقتها لدرجة اني ممكن #اكره الحاجه ذاتها ﻷني بحس انها #اتعكست وفقدت قيمتها

حاجات كتيره بتضيع مني بسبب التأخير
حاجات كتيره بحس انها مدام ما جات في الوقت دا يبقى ما عايزها خلاص وما محتاج ليها في #وقت_تاني

بس مرات #تأخير_الحاجه او تعكيسها على حسب فهمي انا ممكن يكون في #صالحي وممكن يكون فيها خير لي وانا ما عارف

ذي لما يكون في موضوع فكري فيهو مره وقررت خلاص اني اعملو وقام اتعكس لي وبدل يحصل الليله لظروف ما اتأجل لوقت تاني

المفروض انا استغل الوقت الإضافي دا عشان اعيد فيهو حساباتي تجاه الموضوع وافكر مره واتنين وتلاته احتمال الغى فكرتو #من_الأساس

وحتى لو ما لغيت الفكره ح اكون اديت نفسي مساحه اكبر عشان اتأكد من صحة احساسي تجاه الموضوع وقدر شنو #انا_متمسك بيهو

في حاجات ما بنفع فيها التأخير والتأجيل بس كمان برضو ما ننسى انو اكيد في وراها حكمه يعلمها #رب_العالمين ☺️💐

#كلو_لي_خير

#انور_ادم


🌟

💕فُضفُضۃ فُي ِِهـدًوء💕 @hdoo5

في مشاكل وخلافات عموما ما بلقي #الوقت_الكتير عشان افكر منو الكان غلطان ومنو الكان صح ، الاحسايس في اللحظه ديك بتكون جايطه ما بقدر اعرف انا بفكر في شنو او عاوز اعمل شنو

ف الحاجه دي بتسبب لي اشكاليه بكون بين مصدوم و زعلان او ممكن تقول #فاقد_الامل

بس انت #لو_حاولت تاخد وقت معاي قبل ما تاخد اي قرار او تفكر #في_الموضوع شويه م ح تخسر شي ولا حتي ح تخسرني

كان ممكن #بكل_بساطة تتفاهم وتقعد معاي تشوف #المشكله وين ونحاول نصلحها مع بعض ونتفادى اي مشكله زيها

جواي هم وعدم ارتياح كان ممكن تشيلا مني عني بي ابتسامة #ووقفه_صادقه وفي تعقيدات كتيرة كان بامكانك تبعدها عني

#انت بس لو بقيت بسيط وبتتعامل معاي بالنيه الصافيه وتحاول تلقي ولو 5دقايق من زمنك وتهتم بي صدقني ما كان #حصل_الحصل

والله انا وانت بنستاهل #واقع_جميل وراقي وبشبه نياتنا اتجاه بعض ، بس انت خلي قلبك كبير وعقلك اكبر


#دمت_لي_شيئآ_جميلا_لم_يكتمل 😊💐


#انور_ادم


🌟

💕فُضفُضۃ فُي ِِهـدًوء💕 @hdoo5

مرات انت #بتخليني_اختار ابعد واظلم ريدي لانك بتكون عامل فيها المسيطر وانت الاهم وم بتدي اي شي من الريد البكون محتفظ بيو في قلبي ، وانا ما مضطر اضغط ع روحي اكتر من كده

ببساطه لانو اي انسان عندو طاقه تحمل محدوده وفي اي لحظه ممكن تتفجر #انفجار_سلبي

بس كمان انت ممكن في #لحظة_الفراق كان تعاين #للريد_الكبير الكان بيني وبينك وتقدرو وتتذكر الايام الحلوة الجمعتني بيك ، كان تركز في الشي الاهم بيناتنا

كان بس لو خليت #الكبرياء والعناد والكرامة بعيد عن علاقتك بي صدقني حنقدر نتفاهم ونصل لي حل يرضيني ويرضيك ويرضي الريد البيني وبينك

كنت بتمنى لو ما كل واحد مننا اختار نفسو وراحتو ، كان بس لو #اتنازلنا عن الامور عشان بس نتراضي بس للاسف ظلمنا #الريد_الكبير 🙂👉


#انور_ادم


🌟

💕فُضفُضۃ فُي ِِهـدًوء💕 @hdoo5

في اشخاص انا بفضل #طول_عمري بفتش عليهم ، اشخاص راسم ليهم صورة جواي وعندي ليهم مواصفات معينه وكل الحاجات #مفصله عليهم ،، بس راجي اليوم البلاقيهم فيهو

بكون بفتش عليهم كل يوم وحاسي انهم قاعدين وبعاينو لي بس راجين اكتشف وجودهم براي ومن دون م يساعدوني
واحتمال يكونو هم ذاتهم بفتشو علي واحتمال كمان نكون اتلاقينا في #وسط_الزحمه واثناء م نحن بنفتش على بعض بس كل واحد فينا كان ماشي في اتجاه وكنا عكس بعض

#بواصل_رحلتي في البحث عنهم على امل انو ح يجي اليوم الحيجمعني بيهم
الاشخاص ديل اول م الاقيهم لأول مره بحس انو نفسي اقول ليهم والله العظيم #مشتاقين وبحلف وانا صادق عشان عادي جدا مرات ممكن #الزول_يشتاق لي اشخاص عمرو م لاقاهم بس هو من جواهو بعرفهم وكان بفتش عليهم


لما تلاقى زول عمرك م شفتو قبل كده واول م تلاقيهو تحس انك عايز تقول ليك #مشتاقين_ياخ
م تستغرب لو قال لي #انا_كمان دا اذا م قال ليك شلتها من #طرف_لساني 🙊❤

#انور_ادم

🌟

💕فُضفُضۃ فُي ِِهـدًوء💕 @hdoo5

لما اتعود على زول معين واشتاق ليهو بكون نفسي الاقيهو في كل مكان واتكلم معاهو في #كل_وقت ، بحس اني مبسوط بيهو ومرتاح ليهو وبكون نفسي الزمن يقيف لما اكون معاهو ،، وم عايز #الزمن_يعاندني وبمشي بسرعه

بكون خاتي ليهو صوره #طيبه_جواي وحاسي ليهو احاسيس صادقه وم بكون عايز #يجي_يوم واتخذل فيهو او يطلع م ياهو الزول الكنت بفتش عليهو

بتعامل معاهو ببساطه واريحيه وبسفلت ليهو #شارع_الريد عشان لما يريدني يمشي عديل

وم بنسى آنور ليهو الكبري اللازم يعبرو عشان يصلني ويشوف دواخلي ذي م هي من دون #تشويش

الريده #حاجه_حلوه بس على قدر حلاوتا بس احيانا بتكون مرهقه بالنسبه لي 😉👉


#انور_ادم


🌟

💕فُضفُضۃ فُي ِِهـدًوء💕 @hdoo5