الفتره الاخيره دي #اتغيرت فيني حاجات كتير ، يعني ايزي جدا #اقطع علاقتي ب شخص وانزلو من حياتي

بس في نفس الوقت بلقي #صعوبه في اني ابدا من جديد .. ابدا #افتش علي ناس جداد ، او الايام تظهر لي ناس جداد في حياتي

بس ما ح يكونو زي ناسي الزمان
ح احتاج #زمن_طويل عشان اعرف و ابدا مقارنه بينهم وبين ناسي

بس المشكله بقي ما عندي قابليه اني اتعرف علي #ناس_جديده وابدا تاني من جديد ، حتي اصحابي لما يقترحو علي مشاوير عشان اتعرف علي ناسهم ، برفض واديهم اعذار واهيه عشان اتجنب النقطه دي ، بصراحه بقيت اكتفي بي #ناسي_الزمان وشويه علاقات سطحيه امشي بيها الحال

و العلاقات السطحيه #مريحه نوعا ما
ناس ما بعرف كل تفاصيلهم ولا حتي حياتهم ماشه كيف وهم كمان ما بعرفو عني الكتيير

#علاقه_سطحيه ما بكون ملزم بي اي حاجه ، علاقه لا فيها عتاب لا لوم ولا سوء فهم عكس العلاقات العميقه تماما

بصراحه وسط الناس دي بكون مندمج معاهم بكل حواسي ،، بس من فتره لفتره انا قاعد اقيف في #نقطه_مقارنه بين ديلك و ديل
#نفس_الصوت
#نفس_الكلملت
#نفس_الضحكات
#نفس_الحركات
اي تصرف بحصل انا طوالي بربطو بي تصرفات #ناسي_الزمان ،، حتي لو نسيت ردات الفعل و الافعال مصيرها ترجعني ، بس ما مع اي زول

#كل_التفاصيل والايام والمواقف وردات الفعل بقتنع انهم ما بتنسو ، وكل ما احاول انسي وانشغل يحصل موقف او حركه تزكرني بيهم

عشان كدا شلت #من_راسي
فكره اني ابدا #من_جديد 👁👁

#انور_ادم

🌟

💕فُضفُضۃ فُي ِِهـدًوء💕 @hdoo5

احلى حاجة ممكن نقدمها لي زول اننا نحسسو انو انسان ، يعني ببساطة ممكن نخلي الزول القدامنا دا اتعس زول ولا اكتر #انسان_سعيد و مبسوط وحاسي بانو في #شخص_قدرو

يعني مثلا لو اي شخص عمل لينا اي شي مهما كان بسيط لو قلنا ليهو شكرا ح #يفرح_جدا ونحن بنحس كأننا عملنا ليهو حاجة #كبيرة_شديد ودي من الكلمات العندها #مفعول_السحر

مثلا بدل ما نقول لي زول هاك ادينا نقول ليهو #صباح_الخيير لو سمحت في الحاجة الفلانية ؟

#الابتسامة الح تكون في وش الزول دا وكان الحاجة مافي ح #يفتشها_لينا

كل شخص جواهو #حتات_سمحة كل ما اديناهو حاجة سمحة بتكبر والكلمات الصغيرة بتكبر جوانا وما بتتنسي حتي لو ما بنعرف الزول بس #كن_جميل ولازم نعرف انو الجمال جوا كل #زول_فينا 😉👌

#انور_ادم


🌟
💕فُضفُضۃ فُي ِِهـدًوء💕 @hdoo5

مع الزمن والوقت والمواقف
بكبر #غصبآ_عني
اتغيرت و اتبدلت فيني حاجات
اتعلمت السكوت و اتعودت علي الكتمان
بقي في #مسافه_فاصله ما بين الحقيقه الجواي والبطلع مني

كل مره بروح جزء كبير من #عفويتي
فقدت الامان وسلامه الذات
بجيني #احساس_مخادع ب اني قوي طالما مافي #زول_عارفني

لكن في الحقيقه
قوة آي شخص الفعليه في انو
#يكون_روحه
#يكون_ذاته
#يكون_احساسه
بدون تكلف ويعبر عن نفسو بدون زيف و ادعاء

#انا فقدت التفاصيل الغاليه دي مني
#انا ضعيف جدا في الواقع
#اتكسرت_جواي كل الاحلام و الاماني
اتقصت أجنحتي القادره تسوقني ل فرحي
بهت و بهتت الدنيا في نظري
#اتلاشت ضحكه الطفل الجواي
بديت اشوف اي شي باللون
#الاسود_و_الابيض

علي قدر #كبر_الوجع اللي ساقني للمرحله دي ف انا محتاج #رغبه_جاحمه و أرادة عشان #استرجع_شخصي عشان اقدر انفض الغبار عن طبعي وارجع انا لي ذاتي

....

ما بقدر ابوح
وانا ما قادر اصرح
لكن في حاجات #بتقولها_عيوني
و بشوف زيها جواك
دي الحاجه المصبراني علي اني حتي لو روحت ح افضل #لاقياني_فيك

#ليك 🙂

#انور_ادم

🌟

💕فُضفُضۃ فُي ِِهـدًوء💕 @hdoo5

مرات بحذف جزء #من_دردشه
واجعاني أو فيها #كسر_خاطر لي
و بنتهي بي الأمر لي إني امسحها كلها
لما القى السمح ال فيها #بيوجعني_أكتر
بمسح عشان ابدا #من_جديد
لاني كل مرة بجي اقرا الكلام البوجع واتنرفز واكتئب ، بمسح بس التأثير بفضل معاي #زي_الهاجس 🗡💔

#انور_ادم
🌟

💕فُضفُضۃ فُي ِِهـدًوء💕 @hdoo5

لما اكون الشخص البتفقدكم طوالي
اكون الانسان البيطبطب عليكم لما تكونو مضايقين ، تحكو لي عن مشاكلكم وهمومكم وانا اسمعكم واحل #معاكم_مشاكلكم وانصحكم

لما اقري ملامحكم واعرف حالتكم
من غير ما تتلفتو بكون معاكم
بكون سعيد جدا لما اشوف الحزن اتغير #لأبتسامه_جميله علي خدودكم

بس مرات بكره طيبتي
بكرها لما اكون مضايق و زهجان و ما القي زول احكي ليو ، بكرهها شديد لما احس الدنيا الواسعه دي ضيقه علي خالص والناس القبيل الكنت معاهم ديل كل واحد فيهم مشغول في همو ومافي واحد منهم #فقدني

صح انا بدي وبساعد وما بستني شي من زول لكن الانسان بحتاج ياخد زي ما هو بيدي عشان يحس بالرضا

وكلما يمر وقت زي دا علي
بكون عندي خيارين
الاول اني اكون قوي وصبور واستمر ب عطائي رغم اني بحس نفسي مهمل من #الناس_الحولي
اما الخيار التاني اني ما استحمل كل البحصل و روحي تتعب واختفي من حياتهم #اختفاء_مؤقت

يعني اقفل تلفوني وامنع نفسي من الفيس و الواتس واي حاجه بتربطني بيهم ، ما افترا مني او اني زول كعب ، لكن ابعد شويه لحد ما يهداء البركان الجواي و اعمل اي حاجه بحبها
اقري كتاب ، استمع اغاني ، افتح اللاب احضر افلام ، او اي حاجه مفيده استفيد منها واقضي بيها وقت ،
طبعا في خيار تالت نسيت اتكلم عنو
افتش علي #زول_غريب وافضفض ليو

خليني اقول ليك #خلاصه للكلام القلتو دا كلو ( طيبتك ثم طيبتك ثم طيبتك ) طيبتك دي ما تكرهها عشان زول او رده فعل زول ، طيبتك دي البترفعك عند ربنا ، ولو انت مكانتك عاليه عند ربنا باقي الناس #ما_مهمين

وكل ما تمر بي اوقات عصيبه ارجع ل ربنا واشكي واحكي ليهو .. اتوضأ وصلي ركعتين وادعي ربنا يهون عليك لانو سبحانه قادر #يغير_حالك

الناس دي لو شكيت ليها ممكن بعدها بالك يرتاح بس ما ح يتغير شي لانها ما بيدها شي

#احسن_الظن
و يا سلام لما يكون ربنا معاك كل ما تكون في مشكله او ضيقه تطلع منها بسرعه وانت في نفسك ما بتتخيل انك ح تتخلص منها عشان تعرف ربنا كريم وكريم شديد وما بتخلي عنك طالما انت بتدعي ليو

ربنا يبعد عني وعنك الاوقات العصيبه ويلهمنا #الطريق_الصح دايما ☺️🌹

#انور_ادم
🌟

💕فُضفُضۃ فُي ِِهـدًوء💕 @hdoo5

محتاج ليك برغم من #الحصل_بينا مشاق ليك ونفسي اقعد معاك واحكي ليك الحاصل لكن ما عارف نحنا فجاءه بعدنا كده ل شنو وصلنا للدرجه دي لشنو وعشان شنو ، يمكن انت ما حاسي بالمسافه ال بيناتنا دي المهم الحمدلله علي كل حال ، وانا ما كويس حاليا

لسه انا زي ما انا ما اتغير فيني شي ولا اتغيرت #مكانتك_جواي بتلقاني ودايما انا موجود ومنتظرك

انت من دون الناس اخترتك ملجأ وسند لي في كل الأوقات الحزينة والسعيده ما ساعة الوجع بس عشان انت بصراحه مصدر قوتي وفي عز لحظات الضعف والوجع ما بتحسسني بي ضعفي وما اتخليت عني وبقيت لي عكاز اتوكآءه عليو #إذا_انكسرت

ما تبقي وجع ابقي لي فرح ما تخليني اخاف منك واخاف علي فراقنا في يوم ما تخليني في نصف الامور يا معاي ويا ما معاي عشان انا #وثقت_فيك انا بقول ليك كدا عشان ما عاوز ولا حتي اتخيل اني #انجرح_منك او اتخذل ، اديني بصيص امل يخليني احس انو استحاله يجي يوم وتجرحني فيو

صح اليومين الفاتو كنت مضغوط وحاصله لي #شويه_ظروف واتصلت علي كذي مره وما قدرت ارد ولا حتي ارجع بس فعلا انا كنت مضغوط و عارف ومتآكد انك قلت في نفسك انو انا اتغيرت وافكار تانيه ، سلبيه ما ختيت حسن الظن ولو بسيط وقلت انا اتغير زي ما هو اتغير كمان وكآنك بتثبت لي #المعامله_بالمثل كمان

اتأكد انو #الصاحب هو اللي لما تبعد منه يقرب هو اكتر ويشوفك مالك لانو الصحبه ما فيها كرامتي وعزه نفسي والخ !

مهما تبعدنا الايام مفترض الجوانا لو حقيقه يفضل فعلا جوانا ، بس دا بظهر ليك منو الدايرك ومنو المنتظرك تغلط ، وانا من جهتي انا متآكد انو #الجوانا_حقيقه 😊💐

#دمت_لي_شيئا_جميلا_لا_ينتهي

#انور_ادم

🌟

💕فُضفُضۃ فُي ِِهـدًوء💕 @hdoo5

في #شخص بستغل أوقات ضعفك
و ببقى #قريب_منك شديد
عشان يكسبك و يسكن قلبك
ودا مع الوقت غالبا" ح يخسرك
لأنو حاجاتك ليو تجاهك ح تكون نمت في ظروف #غير_طبيعية و تحت إحساس بالحوجة أو النقص

وفي #شخص_تاني بكتفي بإنو يسندك
لحدي ما انت #تلملم_روحك و تقدر تقيف على رجلينك و بعد داك بديك الخيار في إنك تسمح ليو يشاركك عمرك أو لا

ف حاول تفرق ما بين الزول الاول و الزول التاني عشان #تعرف_تختار 😉👌

#انور_ادم

🌟

💕فُضفُضۃ فُي ِِهـدًوء💕 @hdoo5

انت ما بتحب تعبر عن احساسك عشان بتخاف
بتخاف انك #تمسخ للطرف التاني
بتخاف #تفقد_مكانتك عندو
بتخاف انك #تبقي_عادي مع انك بتكون شايل ليو كميه من الاحاسيس والمشاعر
مع انو زولك و ببادلك #نفس_الاحساس

#هو
عايز يحس بي ريدك
عايزك تعبر ليو
عايز #يسمع_منك

يبقي لو في خوف مفروض انك تخاف من انك #ما_تعبر وتخاف من انك ما توصل احساسك وتظلمو معاك ويجيهو احساس انك ما شايل ليهو في قلبك شي مع انو جواك شايل ليو #كل_شي

انا لو سألتك #بحصل_شنو لو وصلت ريدك وعبرت عن اشواقك وفرحت زولك وكبرت احساسك ؟؟؟

ما تخاف من ردة الفعل بعد اعترافك لانو الحاجه دي غالبا بتكون مسيطره عليك لما كلامك يكون واقف في حلقك ما تخاف تفقد تعاملو معاك
#عبر
#فضفض
طلع كل الجواك

دا الوقت المناسب انك تطلع كل الجواك
و قدر ما ربنا يديك #احساس_حلوو اتجاهو عبر عنو وما تأجلو ل بكرا
مش يمكن يكون مأفي بكرا ؟؟؟ 😅🚶‍♂

#انور_ادم

🌟

💕فُضفُضۃ فُي ِِهـدًوء💕 @hdoo5

لما الزول البتحبو يسيبك من غير اي سبب واضح او مبرر يخليهو انو يسيبك..وناسي انو انت بالنسبه ليه حياه تانيه!! ويمش ويدوس على قلبك #بدون_رحمه

يبقى هو ما بحبك
لما يكون عارف انو انت ح تتعب في بعدو يبقى هو ما حباك..وانت كنت #واهم_نفسك انو ما ح يسيبك

البحب عمرو ما يسيب عمرو ما يخلي الزول البحبو ح يتمسك بيك ويقول ليك انا معاك #مهما_حصل

ح يقول ح #افضل_معاك ح نزيل كل الشين البينا وتبقى الحاجات الحلوه

البحب عمرو ما بوجع الزول البحبوو..
ف شنو اتاكد مره واتنين وتلاته انو ده الزول الانت العايذو و انو الشخصيه دي مستعد تكمل معاها في كل حال
#خير
#شر
#صحه
#مرض
#غنى
#فقر
اتاكد عشان ما توجع روحك وتندم في الزمن الضائع..وقبل ما تختار طريقك ابقى واثق #من_رفيقك 😊❤️

#مشاركه من صديقه القناه
Shayma Aldaly

🌟

💕فُضفُضۃ فُي ِِهـدًوء💕 @hdoo5

الردود المتأخرة و الباردة #بتعكر_مزاجي و تزرع فيني شوية #كراهية للكلام معاكـ

و طبيعي جداً أعمل #إنسحاب_تكتيكي
خليك ذوق ما تصد #إحساس_اللهفة الجيتك بيهو 😊💔

#انور_ادم
🌟

💕فُضفُضۃ فُي ِِهـدًوء💕 @hdoo5

الحياة صعبة نوعاً ما و يمكن تكون #قاسية_كمان ؛ لكن رغم دا كلو ممكن تقدم ليك هدية في #شكل_انسان يخفف عنك كل الهموم و اللحظات #الصعبة

ممكن تهديك إنسان #يخليك تندم على #السنين العشتها بدونو ، تندم على أي لحظة كان هو بعيد عنك ، تبدأ معاهو #بالفضفضة والونسات الطويلة

#الأحاسيس الحلوة و الملخبطة ، و يجيك شعور إنك #كسبت_حاجة فاقدها من زمان ، الغريب جداً انك في كل ونسة حـ تسألو " إنت وين من زمان " ؟ و ليه إتأخرت عني كل الزمن دا؟ ، ومهما #فتشتو ما حتلقو إجابة غير إنو " الحاجات الحلوة #دايما_بتتاخر 😃👌

#انور_ادم
🌟

💕فُضفُضۃ فُي ِِهـدًوء💕 @hdoo5

#يوم_جديد
وانا بنفض غبار الغياب عن لمتي السمحة

#يوم_مختلف
و انا بحاول اخلق السعادة أو أستعيدها

#يوم_حنين
وانا و انت ح نتلاقوا رغم البعاد ولينا مده ما اتلاقينا

ضربة بداية اليوم فكرته و الإحساس البصحى بيهو ليهو أثر كبير على مزاجي
#قراراتي
#ردود_أفعالي
#تفاعلاتي
وبكون مؤثر أساسي على مدى مرونتي
في مواجهة #باقي_الاحداث

ف كل ما بديت #يومك_صافي
كل ما كنت قادر تواجه عكار يومك بي
رواق و حب 😍👏

#صباح_التفائل
#انور_ادم

🌟

💕فُضفُضۃ فُي ِِهـدًوء💕 @hdoo5

احياناً نشتهي الكلام مع #بعض_الناس
بس بنخت اعتبار مين #ح_يسمعنا ويحس بي كلامنا ويقدرو

وهل بنلقي الراحة في الكلام ونطلع #كل_الجوااانا اكيد لا لا

ح #نرجع_للكتابة لانها بتدينا مساحة اننا نحكي بدون حواجز

بنلقي فيها فرصة الكلام #بدون_مقاطعة ونكتب كل #احاسيسنا وعواطفنا من غير خجل او خوف او تردد

الكتابع بقت بتمثل لينا #اهم_عنصر في حياتنا بتونسنا وبتريحنا واحيانا بتسعدنا لمن نلقى الراااحة ونحرر كل طاقة #المشاعر_الكامنة في جونا

يعني عادي لمن يغلبنا التعبير لي زول معين بنجي نعترف ليهو #في_الحالة او بي منشور في الفيس

اكيد ح #نوصل_رسالتنا بصوره بريئة جدا مافي زول يقدر يلومنا فيها يعني ببساطة الكيبورد بقي احسن من #بعض_الناس 😷✌️

#انور_ادم
🌟

💕فُضفُضۃ فُي ِِهـدًوء💕 @hdoo5

احاسيسي بترجم #اسلوب_تعاملي مع الناس الحوليني ، يعني بتعامل مع البشر علي حسب الاحساس الشايلو ليو
حتي نظرتي لي الشخص بتكون علي حسب #احساسي_اتجاهو

عندي شخص بحبو
بدي من غير حساب
بعاملو احسن تعامل
كل ما يقع بقومو
كل ما يغلط بعذرو
كل ما يقصر في حقي
بطلعو من دائره اللوم
لحدي ما بقت مسامحتي ليو #شي_عادي

كل ما تحصل ليو حاجه #بلقاني_متواجد
بغض النظر عن الحاجه شنو
لدرجه الناس الحوليني لاحظو وشافو انا بديو قدر شنو

كل العطاء والحاجات دي ترجمه لي حبي ليو ، خاتيهو #محور_حياتي ، بس هو ما خاتيني محورو ، بالو واحساسو ما معاي
حساباتو واهتمامو ل حاجات تانيه
شايفتي ك #زول_كويس لكن ما شايف مدي الحاجات البعملا عشانو

#تعبي
#جهدي
#استحمالي
#اهتمامي
الحاجات دي ما شايفها او يمكن شايفها و #عامل_رايح
ما بقول ليك انو هو انسان كعب لالا طبعا
بس هو قلبو #ما_معاي

#ما_بنكر انو هو بقدرني بس بقدرني بقدر أقل من القليل وانا ما بقدر الومو ولا حتي اعاتبو

#ليه انت ما مهتم ؟
#ليه قلبك ما شايفني ؟
#ليه انت بتتعامل معاي كدا ؟
آسئله كتيره جواي ما بقدر اسألها ليو

في حاجات علي قدر ماهي بتزعل
علي قدر ما بكون في #يدي حاجه اعملا اتجاها

اقول ابعد بشوف انو البعد محتاج وقت عشان اتجاهل او اتناسى
بس بشوف نفسي #متمسك_بالوجع دا بشوف انو افضل و اهون من البعد عنو
بس بلقي اهتمامي و عطائي والحاجات دي شويه شويه ماشه تقيف او بالاصح قللت منها او بطلت اعملا
ما عشان كرهتو لكن #اي_حاجه ما تلقي مقابل مصيرها تنتهي 💔🚶‍♂

( انا لو كنت بعامل كل زول بنفس التعامل البتعامل ليك بيو ما كان #خسرت_زول )

#انور_ادم

🌟

💕فُضفُضۃ فُي ِِهـدًوء💕 @hdoo5

ما لازم يكون في #طرف_سيء ومتخاذل وخاين وبطّل يحِب عشان العلاقة تنتهي ، ولا شرط يكون في طرف بياخد وما بيدّي عشان #المركِب_يقيف

ممكن جداً علاقة تنتهي وكل واحد شايل للتاني حُب قدر الدنيا ، بس في أساس حياة اتفقد وبقى مستحيل #الناس_تكمل حتى لو الحب موجود

الحب ممكن يساعدك تستحمل #حاجات_كتيرة جداً ، بس في اساسيات لو بقت مافي الحياة حتبقى مستحيلة

ممكن تكون في علاقة طرف فيها بحب شديد ، بس ما قادر يستوعب احتياجات الطرف التاني ، ما بديه فرصة في نقاش ، ولا بطلع روحو غلطان وبهاجمه دايماً ، هنا الحب حيخلينا نتحمل لفترة معينة وبعدها هنحس إننا #ما_قادرين

في علاقة ممكن تكون مبنية على طرفين ، واحد بقدر ييعبر عن حبو بطريقة كويسة جداً ، بعرف يقول بحبك في كل الاوقات والطرف التاني لأ ، بختار إنو #يدس_حبو جواهو ، وما يجيد التعبير بطريقة كويسة يلا هنا حنرجع للطرف الأول ، إذا كان قادر يتحمل علاقة ما فيها تعبير ومليانة برود حتكملو ، وإذا لأ فحتنتهي بدون مايكون في #طرف_غلطان

ممكن قصة تنتهي ، عشان #عادات_وتقاليد وقفت في طريق الحُب ، بدون ما تقدر تطلع كمّ المشاعر الشايلو كل طرف للتاني

عايزه اقول إنو دايماً في كل نهاية بنسمع من طرف واحد ، بنصدق طرف واحد ، وبنبني انطباعنا من خلال #صوت_واحد

نادر جداً ما زول يقول ليك " #انا_غلطان" حتى ولو كان هو السبب في النهاية دي
نادر جداً ما تنتهي علاقة بنفس السلام البدت بيه حتى ولو كانت #النهاية_جبرية

لازم نطلع نفسنا مثاليين ومظلومين
وما كل نهاية معناها حُب انتهى ، مرات بننتهي عشان خسرنا #كل_شي ممكن يخلي العلاقة تستمر إلا الحُب!

ومرات بننتهي عشان بنكتشف إنو الحب ما كفاية عشان ينجو بينا #للضفة_التانية

لو كل زول ختَ في راسو شوية عقل في لحظة الفراق كان اغلب نهاياتنا حتكون مُحتملة ، وشايلة ابتسامة و #دعوات_صادقة

لانو في كل الاحوال اي حاجة انتهت يبقى ربنا قطع منها النصيب بغض النظر عن شكل النهاية
ويبقى راجينا #فرح_اكبر ، في مكان تاني ، ومع ناس تانيين

خلينا نحاول ولو لمرة ، نبعِد عن #زر_الحظر ، و #الغاء_الصداقة ، وعدم السلام ، وتشويه الطرف التاني ونبدأ نتقبل النهاية الحزينة بـ" الله يسعدك ويبعدك"

وطالما إنت بديت قصة حُب ، فخليك جاهز لكل الاحتمالات يمكن تنجو بيها و ممكن تبقى محطة في حياتك وفترة قضيتها #بخيرها_وشرّها 😊🌱

#مشاركه من
#Raghd_Abdalrhman


🌟

💕فُضفُضۃ فُي ِِهـدًوء💕 @hdoo5

ما تفكر تربط سعادتك بى انسان
البشر عموما ما دايمين ليك ف شنو
اسعد نفسك بى نفسك و سعادتك ما تربطه بى #اشخاص_معينين

انا لما اكون مضايق بمشي اقرب مطعم اشترى لى حاجه اكلها #برتاح_نفسيا يمكن تقول سعادتي ربطها ب الاكل

#بغض_النظر عن الحاجه البتعملا دى شنو ، السعاده ممكن تكون اغنيه او كبايه جبنه فى عزز الضهر او مشوار تمشيوا براك او اي حاجه تانيه المهم حااجه كده تقعد فيها مع روحك انت و روحك بس

#عود_نفسك تكون مستمتع وسعيد بدون ما يكون السبب زول كده بتكون اقوى ومهيئ روحك لى اى #خروج_مفاجئ وهبوط اضطرارى لى اى زول من حياتك بدن ما تزرف دمعه ذكرى واحده !

خلى دايما خط فاصل بينك وبين الناس
خلي #مساحه تحتوى فيها نفسك وتقعد فيها مع نفسك بدون ما يعكر مزاجك اى زول كان

الحياه دى عباره عن مراحل
كل فتره بعدوا عليك ناس بكونوا هم ناس المرحله دى مجرد ما تتخطاها ح يتقطع التواصل بينك وبينهم الا " #الاصل" منهم وديل نادرين ممكن يكملوا معاك كل مراحل الحياه بدون ما تزهج او تمل منهم ناس كده بتكون متشابهين في الافكار والتصرفات والاهتمامات وبتحسو روحكم واحده

ح يلاقيك فى طريقك كل انواع الناس مختلفه
#ناس تكون وفيه معاك
#ناس تحبك
#ناس تخلص ليك
#ناس تخزلك
#ناس وثقت فيهم وما قدروا حجم الثقه دى

انت بس ما عليك الا تتعلم من كل مرحله كيف تختار ناسك وكيف تحافظ على البستاهلوا وما تفرط فيهم ابدا
#قدر ما يتغير عليك زول عادى
#قدر م تعفص شوكه ما تهتم شيلا واجدعه واتذكر انها #تحت_رجلك 😌👌

#انور_ادم

🌟

💕فُضفُضۃ فُي ِِهـدًوء💕 @hdoo5

#الناس_نوعين
#النوع_الاول بفضي نفسو عشان يكون جمبك و #النوع_التاني بكون جمبك لما هي تفضي
طبعا بتفرق بين الاتنين

#الاول بعتبرك انت من أولوياتو ونفسو يكون جمبك علي طول اما التاني دا معتبرك حاجه #ما_مهمه او مصدر ازعاج لما يحس انو فاضي وما عندو موضوع ولا برنامج يشغل بيو نفسو ، بجيك جاري و أول ما يظهر زولو تلقا #بعد_منك

ابعد من #التاني وابعد من اي شخص ما خاتيك في أولوياتو او شايفك مصدر ازعاج ليو ، صح في شخص البعد منو صعب بس كمان ( #عزة_النفس ) ثمحه

#المهم

انت ركز و شوف منو اللي ح يقف معاك #وانت_عيان
#وانت_فاشل
#وانت_متلخبط وتايه
#وانت_مكتئب
#وانت_مبهدل
#وانت_بتغلط
منو اللي ح يكون جنبك و منو اللي ح يؤمن بيك و ح يساعدك تقوم و ح يفضل يحبك لحد #ما_تقوم

ركز وشوف منو ال ح يحبك لشخصك لذاتك و لكيانك عشان كل الناس ح تحبك وانت ناجح وقوي وغني

#كل_الناس ح تحبك وانت شعرك وجسمك مظبوطين ، #كل_الناس ح تحبك وانت بتضحك و منور

قليل و نادر جدا اللي ح يكون جنبك ويحبك وانت متكسر وباهت و ما مبهر وما متشاف ..و ديل بس #البستاهلوك😻✨

#انور_ادم

🌟

💕فُضفُضۃ فُي ِِهـدًوء💕 @hdoo5

لما احكي ليك مشكلتي ما شرط تحلها لي
بحكي عشان احس #انك_مهتم وعايزك تعرف الحاصل علي وتستمع لي بكل اريحيه

عشان عارف ومتاكد انك #لما_تتكلم بتخفف عني الكتير وبشيل مني الكتير وبرفع من معنوياتي

#اخترتك عشان انت بتهتم ب حاجات اكتر مني وبتخليني اواجهه مشاكلي بكل قوه

#شكرا لانك اديتني مساحه اطلع كل الجواي وافضفض وما خلتني اكتم حاجه
دا في حد زاتها راحه انت بتقدمها ليها

والصديق لو ما كان كدا ممكن اسمى اي حاجه تانيه ، بحكي مشاكلي وبعرف انك ما عندك حل بس بكفي اني #طلعت_الجواي ليك

انت #نعمه_كبيره من ربنا واسآل الله يحفظك ل اهلك ثم لي 😊❤️


#دمت_صديقا_جميلا

#انور_ادم


🌟

💕فُضفُضۃ فُي ِِهـدًوء💕 @hdoo5

دايما #بتنتظرني بفارغ الصبر
بتابع كلامي هنا و هناك
بتراقب #افعالي و ردود افعالي
بتبتسم لما تشوفني
بتضايق اذا #اتجاهلتك او ما باليت ليك في كلامك

كسبتك من #عالم_اسفيري
ما بعرف عنك حاجه وما كنت مديك اهتمام او جزو بسيط من التفاصيل
لكن انت الافضل و الانقى و الاصدق

بكون مبسوط لما تقرى كتاباتي
وتعمل ليها #اعاده_توجيه لي
وتعبر لي عن مدي اعجابك بيها

ف من باب انزلوا الناس منازلهم
اعتقد انو #انت_المنزل لي

دا البعيش معاه التفاصيل وبحس معاه بالامان لمجرد اهتمام و حروف في #عالم_اسفيري

بعتز بيك جدا
وبعتز لانك شاركتني #جزء_بسيط من تفاصيل حياتك

التحيه موصوله ليك ي
#اعز_واحد 😍💜


#انور_ادم

🌟

💕فُضفُضۃ فُي ِِهـدًوء💕 @hdoo5

يظهر زول في حياتك
يهتم بيك ويسأل منك
يقاسمك تفاصيلك الصغيره
يكون جمبك ايام و شهور
يزح همومك ، يقيف مع مشاكلك
ولما تخاف يطمنك لحد ما تبقي كلها حياتك دايره حولينو
ولما يحس بيك انك حبيتو
يقول ليك انا ما بحبك
انت فهمت تصرفاتي #اتجاهك_غلط

#النوع دا ليه #بعمل_كدا ؟؟ 😔💔

#انور_ادم

🌟

💕فُضفُضۃ فُي ِِهـدًوء💕 @hdoo5