كلنا بنعرف نتخلي ونبعد ونغيب ونتجاهل ونفتري بس جوانا ذره وفاء لسه ما ماتت 🙂

انور ادم

BäňdÄ:
بتشكي من شنو ؟

♡αňŵậř āɖαʍ♡:
كلي علي بعضي ما نافع عايز اعاده بناء

BäňdÄ:
لالا ياااخ اككيد فيك الجزء الكوويس

♡αňŵậř āɖαʍ♡:
مااااف

BäňdÄ:
ولي بقيت كدا

♡αňŵậř āɖαʍ♡:
التجارب كملت كل شي حلوو

BäňdÄ:
التجاارب ما بتككمل بتعللم عشااان انت ما اتعملت في التجاارب الفااتت فا لما تتعلم تاني ما بتعيد غلططك

♡αňŵậř āɖαʍ♡:
انا غلطتي اني ما اتعلمت
كل تجربه بخوضها بفشل فيها
وكل ما افشل بنقص الشي الحلو شويه شويه ومع كتره التجارب كملت كل الحاجات الحلوة

BäňdÄ:
طييب كووويس انك عرفت انك غلطان و انت زول فاهم واكيييد ولا حاااجه حلو نقصت مااف لانو كاانت كلها تجاارب غلط لمن تجي التجربه الصحيحه بطلع مع كلللل شعور حلو وحقيقي كدا بتلقي كل الفات اوهام وما بستحق منك ادني حااجه👌

♡αňŵậř āɖαʍ♡:
كيف اعرف التجربه اللي انا بخوضها دي تجربه ناجحه ؟؟

BäňdÄ:
سووؤال صعب فعلاا 😁 لكن انا شاايفه انو بتعرفا حسب التعااامل وجدية الشخص المعاك واهم شي الاسلوووووب م عندو اسلووب تكسسر حنك اي حااجه اهم حاجه الانساان يكون عندو اسلوب في طريقة كلامو وافعاالو واحساسك ما بخيب

♡αňŵậř āɖαʍ♡:
طبعا ي دكتوره
اي شخص في بدايه اي تجربه
ببهرك بتعامل معاك كآنو ملاك
بظهر ليك آجمل تعامل واجمل اسلوب وآجمل مظهر لدرجه انك بس خلاص تقول دا الزول المناسب واللي علي مقاسي وبعد فتره ما طويله تتصدم بالرغم من انو احساسك الكان سايقك

BäňdÄ:
دي حاجه عاادي عندد اي زووول طبييعي بظهررر الجاااانب الكووويس منو بما انو عجبو الشخص الما اللي بطبييعتو هو كمااان مدي الجااانب الحلو منو لانو اي زول عندو الحلو والشششييين معرووف بس تدعي تلقي الزووول البستحملك بي حلوك ومرك ودا لمن تلقى تمسك في بي اصابعك العشره وما تستغلو عشان هو عايزاك ومستحملك كدا لانو في ناس عندهم حركة الاستغلال دي للاسف

♡αňŵậř āɖαʍ♡:
خلاص كل شي انتهي واتلاشي ولما يجي الزول البتقبل كل عيوبي قبل الحاجات السمحه ما ح اقدر اتمسك لانو ببساطه اتلاتشت اللهفه واتلاشي الشوق البطعن

BäňdÄ:
انت ما ح تعرررف كدا الا لما يجيك الزووول الصااااح وبعدين برااااك بتشوووف انو مااااف حااااجه ضااااعت الخلاك تحس كدا تجاربك الفاشله وانت ما بتحكم علي نفسك من حاجه فاشله

♡αňŵậř āɖαʍ♡:
انتي ما عندك في فكره عن التجربه البتفقدك كتييير
بالجد كل تجربه مع شخص بتكسر حاجه جواك
التجارب دي هي البتخلينا باردين هي البتخلي الزول ما متحمس ولا خايف هي البتخلي مشاعرك اتجاة اي شخص مشاعر عاديه هي البتخليك حزين وشاحب وكئيب وفاقد الامل

{حوار عابر} 🙂🚶‍♂

ﭔـڕا۽ﮤ 🌸:
السلام عليكم

♡αňŵậř āɖαʍ♡:
وعليييك السلام

ﭔـڕا۽ﮤ 🌸:
ممكن احكي ليك وتساعدني!!

♡αňŵậř āɖαʍ♡:
ممكن جداا

ﭔـڕا۽ﮤ 🌸:
تسلم ☺️

وانا ي انور ادم كنت في علاقة حب وانفصلنا ولسسه انا بحبوو شدييد بس المشكلة انو ظهر في حياتي واحد وقال انو بحبني تاني وعشان انسى الفات بادلتو نفس المشاعر وانا فعلا حبيتو بس م الحب اللي ممكن اعيش معاه انا لسه بالي مع الفات ولسه قلبي معاه ولسه برسل ليهو رسايل ولسه بتصل ليهو وبسمع صوتو بس وبقفل ولسسه يااخ ببكي عشانو وبفكر فيهو

بس انا م عايزة اظلم المعاي وم عايزة اكسر قلبو وعارفة اني كدا بخونو وعارفة انو كسرت قلبو خلاص بس انا اعمل شنو 😪

♡αňŵậř āɖαʍ♡:
اولا العلاقات الاتزام قبل ما تكون مشاعر واحاسيس نعبر بيها لي الطرف التاني

طيب انتي اذا لسه بتحبي زولك الاول ولسه بتتفقدي احوالو وتفاصيلو ليه ورطتي نفسك في علاقه تانيه من البدايه ؟؟

ﭔـڕا۽ﮤ 🌸:
عشان انكسرت من الاول بس كان حبي الاول عشان فكري كدا ح انساه

♡αňŵậř āɖαʍ♡:
حتي ولو حبك الاول من المفروض انك تتعافي تماما من الحب دا لانو مافيو خير وخلص
كان ع الاقل تدي الوجع والحزن والزكريات فتره طويله لحدي ما تنسي ويبقي ليك زكرى عابرة حتي ما بعد داك تفكري في علاقه جديده بدون ما تظلمي نفسك وتظلمي الشخص المعاااك

ﭔـڕا۽ﮤ 🌸:
انا فكرت اني كدا ح انساه وح اهتم بالمعاي اكتر واكتر بس لسه قلبي بحن وبشتاق

♡αňŵậř āɖαʍ♡:
اذا لسه قلبك بحن وبشتاق بكدا بتظلميهو و صدقيني ما ح تقدر تكملي معاو

ﭔـڕا۽ﮤ 🌸:
عارفة بس ياخ م قادرة كمان اقول ليهو اني لسه بحبو وم قادرة اتحمل وجعو لمن يعرف كدا لانو بالجد بحبني وبعمل اي شي عشان بس يشوفني مبسوطة

بس لا سلطة لي على قلبي

♡αňŵậř āɖαʍ♡:
معناها انتي ما بتحبيو صراحه
بس مواصله معاو بس عشان خاطر انو بحبك ومالي ليك وقتك انتي كدا يدوب قاعده تظلمي فيو اكتر واكتر ، لو طال الزمن او قصر مصيرك ح تقولي ليو لانو ضميرك ما بكون مرتاح طالما انتي بتضغطي علي ضميرك وهنا ح يتوجع هو و تتوجعي انتي اضعاف

ﭔـڕا۽ﮤ 🌸:
لا انا بحبو بس م ك شريك لي او اني ح اكمل معاه

ي انور م بقدر اقول ليهو اني م ح اكمل معاه وم بقدر اخليهو يتكسر ..ح اضغط ع قلبي وانسى الفات واكرس حياتي ليهو بس ياخ م قادرة بحس قلبي بوجعني لمن احاول اتجاهل حبي الاول

♡αňŵậř āɖαʍ♡:
صراحه انتي بي كلامك دا بتظلمي نفسك ظلم كبير

ﭔـڕا۽ﮤ 🌸:
اعمل شنو طيب

♡αňŵậř āɖαʍ♡:
لازم تنسي وتتجاهلي حبك الاول عشان علي الاقل ضميرك ما يآنبك

ﭔـڕا۽ﮤ 🌸:
قعد احاول والله
بس تلقائيا بلقي نفسي مشت ليهو وقعد اكتب ليهو

تعرف قبل م ارسل ليك رسلت ليهو اول شي

♡αňŵậř āɖαʍ♡:
مستحيل القلب يحب شخصين في نفس الوقت
اقعدي مع نفسك اتحاوري ، استخيري
حددي موقفك اتجاه كل واحد فيهم شوفي انتي بتحبي منو فيهم وقلبك بحب منو ؟؟
واختاري بينهم وواصلي حياتك
اما لو واصلتي بنفس النمط دا
بتقي خيانه للشخص الحاليا معاك وخيانه لي نفسك وخيانه ل حبك الاول

ﭔـڕا۽ﮤ 🌸:
شكرا كتير لانك سمعتني وشكرا لانك اديتني من وقتك شوية دقايق ✨

{مشاكل و حلول}...! 🍂

دايما لهفه البدايات ما بتكون حب ، الزول ما بحب ب أسبوع أو شهر أو شهرين !

مثلا انت ما بتحب البحر وانت واقف علي الشاطئ صح ؟؟

لازم انك تغوص في اعماقو
تضربك الامواج
تضرب رجليك في الحجار
تشوف القاع المظلم
تلمس عيوبو ، تشوف ظلامو
تعرف كيف بيغضب وكيف بيفرح
بعد دا كلو يا اما تحبو بكل الحاجات الفيو يا اما تكرهو !

°{الحب ببدا لما ينتهي الحماس }°

انور ادم

🌟

💕 فُضفُضۃ فُي ِِهـدًوء💕 @hdoo5

لو حزنت او فرحت الحياة مستمرة حتي لو انكسرت او اتخذلت بس اهم حاجه انك تقوى قدرتك علي #استعادة_نفسك

حسي أبسط حاجة لما تكون مريض بيكون مزاجك متعكر ومافيك حيل تطلع أو تاكل أو حتى تعمل نشاطاتك اليومية المعتادة صح!؟

قيس على المثال ده حتى روحك بيزورها التعب لكن القوي هو اللي يستعين بالله ويعرف يطلع منها
أنت أدي روحك زمنها عشان تتشافى من خيباتها عادي جدا بالمناسبة الموضوع ممكن ياخد معاك #شهر_شهرين #سنة_سنتين على حسب طريقتك في خروجك من أزمتك

وقدرتك علي الوقف مره تانيه
انت بتقدر وانت بتستطيع
كلم نفسك بانك قوي وانسي الحصل في الماضي
#ما_تقيف_مكانك

الدافع القوى دا بجي منك انت وفيك انت بس #ما_تستسلم

كل ما كنت ايجابي كل ما ابتسمت ليك الحياة لانو القوة بتنبع من دواخلك حتي لو كل امورك معكسه وجايطه بتكون عايش في سلام داخلي

لما تتعافى روحك من الحاصل معاك حترجع لطبيعتك الحلوة اللي فقدتها حاليًا وكنت مفتكر أنها أتمحت من شخصيتك

انت حاليا ما تعيس ولا شخصيه كعبه انت بس فاقد السعاده السعادة الموجوده جواك
الممكن تلقاها وتسعد بيها او تخليها مكبوته

عايز اقول ليك نقطه مهمه
لما يدخل زول في حياتك هو ما سر سعادتك ، هو في الحقيقه #اضافه_جميله لحياتك السعيدة

وحاجه تانيه انت #لازم_لازم_لازم تقتنع انو الدنيا مبنيه علي الخسارات ما دايمة في حال واحد

بمعني #كل_خذلان و #كل_انكسار هو عباره عن درس وتربيه وتهذيب ليك و لنظرتك في الحياة

وخليك عارف انو عيونك ما بتستحق الا الفرح 😍💐

{سحااابة..تفاؤل}...🍂
{نحنا..معاك}

انور ادم

🌟

💕 فُضفُضۃ فُي ِِهـدًوء💕 @hdoo5

Rimaz fadlalla:
انا اتخذلت

انا بعد خطوبه سنه وحب 3 سنه جاء اقول لي مافي قسمه

انا استنفزته كل مشاعري ليه

عشته في صدمه م اتخيلت ولا يوم ولا ثانيه انو احنا نخلي بعض

م عارفه بس م متزكره عملت معاه شي غلط عشان اخذلني كده حتى لو عملت م اتخيلته انو اخليني💔 احتمال العيب فيني م عندي مشكله لكن مفروض اكلمني بي عيبي انا تأنيب الضمير قاتلني💔

انا م عملت شي غلط ي انور

خلاني ليه

♡αňŵậř āɖαʍ♡:
انتي ما عملتي شي غلط خالص
انتي صح في الوقت الصح بس هو الشخص الغلط
الشخص البحب بالجد حتي لو انت مليااان عيوب في عيوب بحاول يصلح فيك عيوبك وحتي لو ما قدر بحاول يتعايش معاها عشان خاطر الحب الفي قلبو ليك
بس غير كدا ما بكون بحبك بالجد ويتخلي عنك بالسهوله دي
ف شنو ي ريماز ما تلومي نفسك علي حاجه ما ليك ذنب فيها
في ناس ما بتعرف قيمه الحاجه العظيمه الفي ايدهم وبتفرض فيها
وفي ناس تانين ب طبعهم كدا بحبو التجديد في العلاقه
يعني يكونو مواصلين مع الشخص حلوين بس بعد شهور او سنين بملو منو وبفتشو في البديل ولما يلقو البديل بتخلو عن زولهم بس انتي اعتبريها تجربه وفشلت وانو ربنا ما كاتب لبك في العلاقه دي خير واطوي الصحفه وابدي من جديد
بنفس الروح الحلوه
بنفس الطبع ، وبنفس الاسلوب
خليك طبيعيه في اي شي
ح تلقي شخص يعوضك عن كل الطاقه الاستزفتيها ، ح يرجع بسمتك ، ثقتك ، وكل حاجه حلوه ضاعت في العلاقه الفاتت

Rimaz fadlalla:
اقسم بالله قتل اي شي فيني

م بتتخيل حبيتو قدر شنو

اول زول في حياتي هو

♡αňŵậř āɖαʍ♡:
بس كمان ما تخلي اخر زول ❤️

Rimaz fadlalla:
اعمل شنو بحاول انسى وم قادره

وم قادره اتقبل اي زول

♡αňŵậř āɖαʍ♡:
بتقدري انا متآكد

Rimaz fadlalla:
ان شاءالله بس احساس صعب والله

♡αňŵậř āɖαʍ♡:
فعلا بس لازم نتحمل عشان نصلح الاتكسر فينا

Rimaz fadlalla:
ان شاء الله

شكرا ليك يا انور


{مشاكل و حلول}...🍂

مرات لما اطلب العفو من زول رغم إني ما غلطت عليهو ، ما ناوي ادوس ليهو على طرف

الحركة دي ما بتكون ظرافة مني و لا محاولة كسير تلج

كل الحكايه وما فيها بس إحساس بالتقصير الشديد وشعوري بي إني قاعد ادي الشخص دا أقل من حقو ال بستحقو في حياتي

الإعتذار ده مجرد محاولة مني اقول ليهو بيها إنو بغض النظر عن ظروفي ووضعي وتفاصيلي الداخلية :

انت شخص سمح ، لكن انا و غصبا" عني، ما قادر اتعامل معاك بصورة كويسة و بتشبهك !

{العفو منك..كل الحب}...🍂❤️


انور ادم
🌟

💕 فُضفُضۃ فُي ِِهـدًوء💕 @hdoo5

Raghda Siddid:
الاهتمام في العلاقة حاجة مهمة ولا لا؟

♡αňŵậř āɖαʍ♡:
الاهتمام اساس اي علاقه وتحت اي مسمى

Raghda Siddid:
طيب لو ماف الاهتمام . بس ف الحب نعمل شنو😪

♡αňŵậř āɖαʍ♡:
بكل بساطه مافي حب بدون اهتمام
ولو خيرونا بين انسان بهتم بينا وانسان بحبنا وبموت فينا تلقائيا بنختار البهتم بينا

Raghda Siddid:
اامممم

وهسي دي مششكلتي زاتا

♡αňŵậř āɖαʍ♡:
يبقي انك في العلاقه الخطاء
البحب بهتم
والبهتم اكيد بحب
ف شنو راجعي علاقتك تمام

و ابتسمي لانك عرفتي تحددي وتعرفي مسمي علاقتك
Raghda Siddid:
طيب ممكن التعود يلغي الاهتمام؟

♡αňŵậř āɖαʍ♡:
الاهتمام بيولد التعويد

Raghda Siddid:
وسؤال كمان
الغياب ل كم يوم عادي ولا لا؟

كيف؟

♡αňŵậř āɖαʍ♡:
اكيييد م عادي
لانو البحب بالجد ما حيقدر يمر ساعات وما يشتاق ويفكر في الزول البحبوو

الاهتمام ب ادق التفاصيل حتي التافهه دي بتخلي الزول يتعود علي الشخص دا من خلال الاهتمام والتعود بجي عن طريق الاهتمام بي حاجاتك الخاصه او الحاجات اللي انت بتحب تشاركها مع زولك

Raghda Siddid:
حتى لو بيمر ب فترة ضغط. ايوة بيشتاق ويفكر بس ماشرط يتواصل معاو

♡αňŵậř āɖαʍ♡:
الضغط مجرد روتين وعامل شبه اساسي في حياه اي زول بس دا ما بمنعنا بي اننا ندي زولنا العزيز مساحه انو نطمن فيها عليو

Raghda Siddid:
روتين بس جديد ف حياتي . والامور جايطة
طيب بتجي ساعت بتكون متردد ف االشخصية البتحبها او ماعارف هل هو مناسب ليك ولا لا

تعمل شنو ف الحالة دي

♡αňŵậř āɖαʍ♡:
الروتين الجديد الدخل في حياتك دا
اكيد دخل عن طريق فراغ عاطفي منك او من الطرف التاني
وسبب التردد البجيك دا ناتج عن عدم اطمئنانك علي الزول اللي انت في علاقه معاو

في الحاله دي انك تقعد مع زولك وتتكلمو في محور العلاقه ولازم تصلو لي حل بدل عدم الارتياح والتسأولات والتردد البجيك في كل يوم

Raghda Siddid:
لا انا قصدي .
نحنا ف علاقة 9 سنين . واكيد فيها اليوم حلوين ويوم كعبين. زولي ده مابحب الاهتمام ده شي في طبعو . وكان سبب ف شكلة في يوم من الايام . بس بلقا الاختمام المفروص يكون منو بيجي من زول تاني .😢. واحيانا بكون سبب بيجوط لي رااسي وبيخليني افكر كتير ف العلاقة بتاعتي ..دي يحلوها كيف ولايسوو شنو؟😣

♡αňŵậř āɖαʍ♡:
الحل الوحيد انو يهتم بيك
صح هو ما بحب الاهتمام
بس كمان نحنا بي طبعنا بنعمل حاجات ما بنحبهم عشان خاطر ناس بنحبهم

{افعل ما تكره لتسعد من تحب}

خلي يغير من نفسو يعمل حاجه ما بحبها عشان يسعد بيها ع الاقل يثبت ليك انو انتي حاجه مقدسه وعظيمه بالنسبه ليو

Raghda Siddid:
كيف اعرف انو نحنا مناسبين او متوافقين مع بعض؟

♡αňŵậř āɖαʍ♡:
بتعرفي انكم مناسبين لبعض دا برجع لي طريقه تفكيركم واسلوبكم والحاجات البتتشابهو فيها البتختلفو فيها والاحترام المتبادل والاهتمام و الارتياح والانبساط واحساس الاكتفاء ! ❤️

{مشاكل و حلول}...🍂

شخص كان معاك وكنتي معاو
فجاءة اختفا وخلاك وما راعى ليكي
بعد صراع ومعاناه ايام و شهور ابتديتي تعيشي حياتك

فجاءة رجع من جديد يحوم حوليك ويشوش عليك مشاعرك

شخص ذي دا ما تحاولي حتي تفكري فيو وما تحاولي تدخليو حياتك ولا حتي تديهو مكان جواكي

لانو الاكيد حصل انو حاول يجرب الحب مع شخص تاني غيرك ولما ما اتوفق وما نجح في علاقتو الجديدة و حبو الجديد

فقد حبك
فقد احساسك
فقد اشتياقك
فقد اهتمامك

اوعك ترجعي
اوعك تحني

زولك دا جرب وفشل في محاوله انو يلقي الاحسن منك ، حاول يبقي مع غيرك وما قدر

دا معناه انو لو كان قدر ما كان ح يرجع ليكي من الاساس ، كان ح يمشي وكان ح يسيبك تبكي ، كان ح يواصل المشوار الكان مفروض يمشيو معاك

اقسي عليو وما ترجعي عشان ما تبقي مجرد زوله و مجرد تجربة

ذي ما مشي بي أرادتو
انتي كمان ارجعي بي أرادتك
ارجعي لما تحسي انك انتي العايزة ترجعي ما لما يكون هو العايز يرجعك !

{وصلت يا حواء ؟}...♡

انور ادم

🌟

💕 فُضفُضۃ فُي ِِهـدًوء💕 @hdoo5

LÕõla Bℜeŝtĝa♡:
السلام عليكم ورحمة الله وبركاته

معليش بس عايزة استشيركم في قصتي
انا طالبه بسنة رابعة .. عمري ٢١سنه .. شهادة عربيه . جيت قريت تامنه ف السودان وخلال الفترة دي حبيت ود خالتي وهو بادلني نفس الشعور هو اصغر مني ب ٩شهور . . علاقتنا استمرت ومستمرة للان ووجاهت صعوبة وانتقادات كتيرة من الاهل بس هم حاليا شبه مقتنقين ومتقبلين. بس احيانا بيراودني افكار عن انو علاقتنا ماظابطة وانها مجرد تعود على بعض .. واحيانا انو الاهل حيرفضو بسسب العمر وكده .. من ناحيتو هو بحبني بس برضو بيجيهو التفكير ده احيانا. وبحس احيانا انو لسه صغير على اتخاذ القرار .. يعني ممكن ينسحب ف اي وقت. . انا زاتي بقيت ماعارفة شعوري تجاهو ده كيف.. وسيلة تواصلنا اكتر شي الواتس .. ومرة مرة المكالمات . برضو بحس انو في حاجات كتيرة مفروض يعملا بس مابقدر اقول ليهو يسوهيا . زي الاهتمام والسؤال وكده.. بغيب عادي يومين تلاته ويجي عادي كأن شيئا لم يكن. مابنكر هو زول كويس وظريف وكل شي . بس ماعارفة هل انا عشان اتعودته عليو بقى لي الي شي يسويو عادي ولا المشكلة شنو .. غير كده عندي زميلي ف الجامعة علاقتنا كانت عادية ك زملة واخوة وكده بدت من سنه ٢ومستمرة للان .. بتاخد ايام بنكون قراب من بعض يعني بنسال من بعض وكده وايام كل زول بكون ف حالو .. بس المشكلة اني بقيت بفكر فيو كتير .. وبحس تصرفاتو معاي هي التصرفات اللي انا عايزاها في زولي . . بس المشكلة موضوع التفكير فيو ده متعبني شديد لدرجة بلقاو قاعد حتى ف احلامي وانا ماااااعايزة الشي ده نهاي . نسبة لانو انا عندي زول وهو كمان عندو زول.. وكمان عندنا زميلتنا .. هي صحبتو وكده بس دايما ف حالة زعل من بعض .. مشكلتي اني لمن اشوفو معاها بزعل وبكون مبسوط وكده بس انا بقول ف نفسي ده ماممكن خصوصياتك وهو مجرد زميل ليك وبس .. وراعي لانو عندك زول بحبك وراجيك .. انا حاسة بجوطة شديدة. انا عايزة منو فيهم ولا شعوري تجاه ود خالتي حب ولا مجرد اعتياد ولا زميلي ده فهمو شنو بقيت ماعارفة اي شي .. والفتر دي داخلة على امتحانات والمشكلة الراس ضارب بالمواضيع الفارغة دي .. وماعارفه كيف اتخبص منها والا احدد انا عايزة شنو وارتاح .. وعايزة منكم المشورة
شكرا🙂

♡αňŵậř āɖαʍ♡:
المشوره انك تشييل بتااع الجامعه داك من رأسك نهائيا ولا تفكر فيهوو بالغلط عالاقل لو ما عشان مصلحتك عشان المسكينه حبيبتو ديك ولو كاان بحبها مااكان عندوو زووله وماكان شااف غييرك حاتقوولي طيب بهتم بي ليه لصفه حلووة فيك او طيبك او تعاملك.الحلوو مع الناس بس اسمعيني ماكل واحد بهتم بيك يعني بحبك لو ختيتي التفكير دا فيك بالك ياااما حاتخسري كتتيير وقلتي انو ايام بسال واياام لا طيب الحاجة دي في ود خالتك ماعجباك مالك اقعدي مع نفسك وفكري بعقلك فاهمني يعني شنو عقلك يعني دا❤️ طلعي لي برا خالص فكري في ود خالتك وووبس بس ودخالتك وشووفي انتي عاايزة شنوو وماتنسي الاهتماام ماكل شي لما تبقي انتي حقتوو بعرف يهتم بيك كيف ومااف زوول فينا بهمل حاجة بتخصو حاتقولي في نفسك انو هو بهملني وانا حقتو حااقول ليك لا انتي لسه مابقيتوو حقتوو بعد العرس بس بتكووني حقتوو وماتقولي لي اسي نحنا حاليا حالتنا واحد حااقول ليك الوضع بختلف وبعد تاخدي حسمك في الموضوع بكل عقل وفهم وتفكيير طوويل امشي ليهوو واعرفي فهموو شنوو لقدام عايزك ولا لا بس ماممكن تهجمي بيها عايزني ولا لا عشاان تصنعوو مشكله كبيرة خلاص بقيتو نااس كبار وواعين اسالي واعرفي وضعك.شنوو بس.انت بعد تشاووري عقلك ونفسك فيهوو واخدي رااحتك في التفكير يعني كم يووم واحتمال اسبووع واتنين دا مصير ودي حياة وماتنسي تستخيري ربك فيهوو لانو اعلم مني ومنك !

LÕõla Bℜeŝtĝa♡:
اممم طيب .. من ناحية الاستخارة . من انا في تامن بستخير فيو والحمدلله
بس مرة مرة بحس انو علاقتنا ماحتظبط وانو لسه مشوارو طويل وكده
..بالنسبة ل زميلي الفي الجامعة . انا لااراديا بلقى نفسي مثلا ف المحاضرة بفتش عنو . بفقدو لو جا ولا لا . لمن القاهو مع غيري بزعل. وضميري بأنبني شديد لاني بحس اني ف حالة خيانة ل ود خالتي
عايزة احس بالجد او عارف اني بحبو ولا لا .. بس ماعارفة كيف اعرف الشي ده 😔
♡αňŵậř āɖαʍ♡:
حاجة عاديه بتفتشي عنوو دي ماتخليها ووهم ليك عادي ممكن تفقديهو لانو مهتمي بيك ودايما نحن بنفقد البهتما بينا .....ودخالتك احسمي الموضوع مع نفسك اولا وبعدين بتقدري تعرفي رايو وصدقيني مهما كاان رايوو بالنسبه ليك وانتي محددة موقفك تجااهو احسن ماتعرفي وانتي مجهجهة بينو وبين غيروو اتخلصي من جووطه نفسك دي بانك تقعدي من نفسك وتصارحيها وتكون صريحة شديد وتفكري بكل عقللك وماتنسي انتي عايزة راجل سند رفيق ماعايزة حبيب ولا مهتم انت بتختااري رفيق عمر فلازم تحكمي عقلك

الحمدلله انك بتستخيري باستمرار ودي حاجه حلوه شديد فيك
دايما في العلاقه ما تحسي بانك علاقتك حتتدهوربي سبب افكارك السلبيه والافكار السلبيه بتسبب ليك الخوف في العلاقه
فع

لا انو بي سبب افكارك السلبيه والافكار السلبيه بتسبب ليك الخوف في العلاقه
فعلا انو العلاقه مشوارها طويل وعايزه صبر وطول بال بس انتي اصبري وادي نفسكم فرصه بانكم تفهمو بعض وتتشاور في نوع علاقتكم وتحدد مسارها الصحيح مع ود خالتك
واما بالنسبه لي زميلك الفي الجامعه انا بقول ليك ما صح انك تفكري فيو البتستحق التفكير والفقد والشوق ود خالتك
ضميرك بانبك لانك بتخوني الحاجه الجواك مع شخص هو في الحقيقه ما ليك او مرتبط مع غيرك

ومن ناحيه انك محتاجه انك تحسي انك بتحبيو ف لازم تدي مشاعرك واحساسك الجايط مساحه يستكين فيها وتتربت لانها جايطه بي سبب زميلك ومن ناحيه تانيه لازم ود خالتك يحسسك بحبو ليك وانتي تحسسي بي حبك ليو لازم يكون في اعتراف وبوح وان شاء الله لو عملتو كدا مسار علاقتك حتثمر !

LÕõla Bℜeŝtĝa♡:
شكككررا وجزاك الله الف خير.. تسلم ع المشورة .. 😊. ودائما ف ازدهار ان شالله

{مشاكل و حلول}...🍂

مرات بكون في كلام كتير جواك ما قادر تقولو تكتب رسائل كتيره وتمسحها

مرات بكون في احساس جواك عارف بيهو كل الناس القريبين منك بس لما تجي علي الزول سيد الاحساس او الزول المفروض انك توصل ليو الحاجه الجواك مركبك بتقيف وما بتقدر توصل ليهو شعورك

مرات بتجهز كلامك وبتتمرن عليو بالساعات وبتحاول تجربو في صديق او صديقه و الغريبه انك بتكون تمام

بس أول ما يجي وقت المواجهه وتقيف قدام الزول المفروض تقول ليو الكلام لسانك يتربط ويعاندك

وترجع تكتب رسائل تعبر فيها عن احساسك وبعد ما تخلصها بترجع تمسحها وترجع تكتبها من جديد بس للآسف بترجع تمسحها للمره التانيه وتلغي فكرتها

تقعد تكتب مزكرات وخواطر و يوميات
تكتب عن الشوق والمشاعر والريد بس للاسف تقعد تعبر عنها مع نفسك بطريقه ممكن تكون حلوة في بعض الاحيان و مؤلمه في نفس الوقت لانها ما طلعت للنور و ما وصلتها للزول المعنى بيها

{رسائل اتغيرت وجهتها ل سلة المهملات}

الرسائل الغير معبر عنها ما بتموت
بتندفن حية بس بترجع ب اقبح الطرق
عبر عن كل رساله انت بتكتبها بس اوعك تسكت ...♡

انور ادم

🌟

💕 فُضفُضۃ فُي ِِهـدًوء💕 @hdoo5

حاجة حلوة انك تكون موضع ثقه للناس
حاجة حلوة انو كل ما زول يضايق يختارك انت من دون الناس ويفضفض ليك

حاجه حلوة انك تكون مخزن الاسرار في شلتك ، حاجه حلوة انك تكون محبوب بين الناس

عشان تقدر تكسب ثقة الناس لازم تكون صادق لانو ممكن تكذب على زول في حاجه وبعد فترة يكتشف انك كذاب وبكدا ثقتو فيك حتهتز

لازم تتجنب الغيبة والنميمه لانو ممكن تكون قاعد بتقطع في زول مع زول تاني الزول التاني دا حيقول فلان دا بقطع في الناس انا ما بوريهو حاجاتي ممكن يمشي يكلم بيها الناس

ولو كنت محبوب بين الناس اتجنب الغرور والتكبر ما تقول انا الناس ديل بحبوني وانا مهما عملت فيهم ما حيبعدو عني لانو انت كدا بتعمل العكس كدا يادوووب حيبعدو عنك

كون امين يعني لو زول امنك على حاجه لازم تحتفظ بيها زي ما هي حتى لو خلاها معاك سنين ما تقول فلان دا حاجاتو دي ما عايزها انا اشيلها لي نفسي

كون صادق في وعودك يعني حاجه ما بتقدر تعملها ما توعد بيها...!

{اتفقنا ؟}...🥺🍂

انور ادم
🌟

💕 فُضفُضۃ فُي ِِهـدًوء💕 @hdoo5

احساس حلوو شديد لما تلقي العيد جاا وسط لمة اسرتنا واهلنا واصحاب صالحين بحبونا وبقدرونا وبهتمو بوجودنا معاها وطبعا العيد داايما بذكرنا بي #زكريات_الطفولة اللي جووه كل زول فينا بتذكرها في قلبو من صغرو

لما كنا بنخت جمبنا #ملابس_العيد الجديده والجزمة الجديده بنقوم نختها جمبنا وننوم معاها علي سريرنا وبنفضل الليل كلوو نحلم بيهم والفرحة في خيالنا ما بتسيبنا

ونصحي الصباااح بدري #نشيل_العيدية من الحااج والحاجة واهلنا وننزل نجيب مسدسآات والعااب ومفرقعات ونلعب العاب حلوه تسعدنا وتفرحنا من جووه قلبنا والنسمة الحلوه بترفرف حولينا فرحانة لفرحتنا الحلووه

بجد كاانت اياام ما بتتقااس بماال الدنيا ولا بكنوز العاالم ،ومجرد انو نسرح فيها #بنبتسم_تلقائيا

المهم العيد جا عشان نتسامح ونغفر لبعض وتتصافى قلوبنا من الزعل والحسد وغيرو !

العيد فرصة لينا عشان نُحيّي علاقات ونجدّدها و وننفّض منها الغبار والاتربة !

وبرضو فرصة عشان #نزور_الاهل والاصحاب الطولنا منهم وما شفناهم !

خلوا المرة دي يكون عيدنا غير ، يعني بدل نرسل رسالة لزول ونقول ليه كل سنة وانت طيب ، نمشي ليه مادام قادرين نمشي ونتحرك وهو قريب لينا

ونخلي الرسائل والمكالمات للناس البعيدة مننا وما في طريقة نصل ليها !

خلونا نبعد شوية عن #االتهنئة_الالكترووونية دي ونجدع تلفوناتنا علي جانب ونبدا نزور ونواصل الاهل والاحباب ..

ونعيش إحساس انو الواحد تقول ليه : العفو ، والعافية ، ويردها ليك ؛ لله والرسول مع #إبتسامة_جميلة ، تخليك تحس إنو بالجد مسامحك ، وما شايل في قلبو حاجة إتجاهك !

كل سنة وانتم خييييير العااام

ربنا يجعل عيد السعد والهنا والخير والفرج علينا كلنا اان شااء الله وينعاد عليكم بالصحة والعافية يارب !

{كل الحب}...😻❤️

انور ادم
🌟

💕 فُضفُضۃ فُي ِِهـدًوء💕 @hdoo5

قناتنا علي اليوتيوب

Subscribe & share ❤️

💕 فُضفُضۃ فُي ِِهـدًوء💕 👉

وجهات نظر ميئوسه !

عندنا مشكلة في علاقتنا مع الناس حقيقة بالجد انك بتكون شايف الزول او الزولة دي كدا وبتعجبك وممكن تحبها وترتبط او تحبيهو ترتبطي بيهو بعد الارتباط بشوية بتبقي الحاجة دي ما عجباك

فجاءة بتبقي دي مشكلة وحاجز كمان عند بعض الناس وندخل يا انا يا الحاجة دي انت ما سويت انت ما فعلت انت ما قلت ودوامة ما ليها نهاية

#السبب_الرئيسي بكون طريقة طلبك للحاجة يعني اذا في حاجة كنت متقبلها قبل الحب يخش جواك

وبقيت ببتضايق منها ساعدوا ياخ يتخلص منها اديهو وقت طويل قدر الريد الماليك اتجاهو اديهو حبك دا خليهو يقوي بيهو لمن يتغير وحيتغير عشانك

ولو #ما_قدر ما مشكلة ياخ انت حاول تتقبلو شوف بروحك جواتو مليان حاجات تانية لييك انت شوفو قدر كييف حاول وما قدر واكتفي بالحاجة دي

ماضروري نغير زول عشان نرضي روحنا ممكن نرضي روحنا باننا نكتفي ونحن بنعاين للبحبو بتغير عشانا 🥺♥

انور ادم
🌟

💕 فُضفُضۃ فُي ِِهـدًوء💕 @hdoo5

3na Ba🐼:
انور ؟!

ممكن احكي مشكلتي عادي

انا كنت في علاقه والصراحة هو اول حب لي وعلاقتنا ما استمرت كتيير زي 3شهور وفصلنا مع انو مدة العلاقه بسيطة بس كان اعمق واحلى حب لي في حياتي اتشاركنا كل شي وتاني اختلفنا وما حصل بينا نصييب المشكلة ما هنا لاني اقتنعت انو ماف بيناتنا نصيب من بعد انفصالنا انا كان عندي واحد شبه صحبي المهم في الفترة ديك كنت بتعرف على اولاد كتار عشان املأ وقتي وما احس بي فراق في حياتي

اتكلمت مع الولد البقى لي صاحب ده كتتير وبقى جزء لا يتجزاء من يومي وبقيت احكي ليو وهو كان بحسسني بانه بحبني وفي يوم اعترف لي وانا ما اترددت ودخلت معاه في علاقه على طول المهم هو بعد شهر بس بداء اتغير علي وبقيت بحس بي انه غريب

وبعد فترة لا تتعدى ال6شهور انفصلنا وهو اسي رجع لي حياتي ورجعت علاقتنا من تاني وبقى شبه مهتم والمشكلة الاكبر انو الشاب الاول رجع برضو وبقو الاتنين في حياتي وبقيت ما عارفه اواصل مع منو

3na Ba🐼:
صح احنا اسي في عيد تخيل يوم امس ما اتصل علي ولا حتى عايدني بي رساله وبكون اون لاين وما برد علي

♡αňŵậř āɖαʍ♡:
لانو لما رجع ليك رجع عن فراغ ما اكترر

3na Ba🐼:
هو مرات بحسسني انو ماف زول في الدنيا دي غيري وانو انا حاجه خاصة بيو

♡αňŵậř āɖαʍ♡:
ااي نعم بس وقت يكون ما عندو موضوع تجي في بالو ويهتم بيك فتره وتاني يغيب

كويس انو فتره العلاقه بسيطه

بس انتي ظلمتي نفسك بانك بقيتي تتعرفي علي اولاد كتير عشان تملي فراغك
3na Ba🐼:
ظلمت نفسي وظلمت بعض منهم
3na Ba🐼:
طيب انا لسه بحبو

♡αňŵậř āɖαʍ♡:
طالما بتحبيو
اقعدي معاو فهميو انك بتحبيو شديد
واتكلمي معاو في موضوع عدم الاهتمام يعني عاتبيهو وشوفي رده الفعل شنو

3na Ba🐼:
اتكلمت معاو وتاني ما ح اعيدها لان كده بزل في نفسي لم اترجاو افضل معاي

♡αňŵậř āɖαʍ♡:
كون هو بقعد كم يوم وما يفقدك معناها انتي ما في بالو اصلا وانتي كونك تكوني عاديه بدون ما تتآلم شديد وتبكي
يعني تقعدي عادي كم يوم بدون تواصل معاو معناه برضو ما حب

نفس القصه ذي ما انتي كنتي بتملي فراغك هو كمان بجيك وقت فراغ ومجرد ما يلقي موضوع تاني يختفي وينشغل عنك

3na Ba🐼:
طيب كمان مرات بحس بي اني بحبو

♡αňŵậř āɖαʍ♡:
يمكن ما حب !
يمكن مجرد شغف بالشخص
يمكن التعود الشديد علي الشخص دا بيوهم ليك انك بتحبيو

3na Ba🐼:
ومرات بحس بي نفسي بحبهم الاتنين

♡αňŵậř āɖαʍ♡:
القلب بشيل شخص واحد بس ومستحيل يحب شخصين في نفس الوقت
راجعي احساساك دا تمام
ح تلقي انك ما بتحبيهم الاتنين من الاساس بس التعود الشديد والايام والتفاصيل البينكم بتوحي وبتوهم ليك دا حب

3na Ba🐼:
طيب ممكن حبي الاول اختفي

♡αňŵậř āɖαʍ♡:
انا ما بقول ليك دا حب او لا لانو الفتره بسيطه جدا وما كتيره

3na Ba🐼:
طيب انا اعمل شنو اسي

♡αňŵậř āɖαʍ♡:
ابعدي خلي في مساااحه بينكم عشان الصوره توضح ليك زي الناس
انا حاسس انهم الاتنين ما جادين في العلاقه معاك ودا بيتضحح لما تبعدي منهك لفتره ح تكتشفي صدق مشاعرهم اتجاهك او لا

3na Ba🐼:
بس انا ما قادرة ابعد

♡αňŵậř āɖαʍ♡:
معناها ح تكوني في نفس الدوامه دي وما ح تلقي حل

3na Ba🐼:
انهي العلاقه يعني

♡αňŵậř āɖαʍ♡:
قلت ليك ابعدي شويه وعايني للعلاقه من بعيد وقيميها بعدها ح تلاقي الاجابه

3na Ba🐼:
💜طيب

💙مشكور شديييد 💜وبتمنى انك تكون سعيد في حياتك

{مشاكل و حلول}...🍂♡

اعتبرتهم اقرب الناس لي
#اعتبرتهم_الاصحاب البكونو معاي في المرة و الحلوة

وثقت فيهم وختيت ليهم مكانه عاليه بس للأسف ثقتي فيهم كانت أكتر من اللازم

من آول موقف احتجت ليهم فيو خذلوني وفجاءة لقيت روحي براي #بواجهه_الصعاب

في حين انو كنت بعتبرهم السند بس للآسف ما وقفو معااي طلعو اصحاب مصلحه ،، كانو معاي بس وقت مصلحتم ومجرد ما انتهت بقيت بالنسبه ليهم غير قابل للآستعمال مره تانيه

للآسف الشديد في كتير زيهم حولي بس متخفيين ورا #ستاارات_االصحبه لكن متأكد ح يجي يوم ويظهرو من خلف الستار

اي نعم انو الناس القراب ما وقفو معاي لكن غريبين عني وعمري ما فكرت انو يجي يوم ويساعدوني حتي من غير ما اتكلم

{وقفو معاي بالجد وساعدوني}

الخلاصه :-

انو ابعد الناس يمكن اقربهم لينا بس نحن بنكون ما عارفين بس شكراا لي كل #زوول_غرييب بقي لي سند اكتر من كل القريبيييين 🥺❤️

انور ادم

🌟

💕 فُضفُضۃ فُي ِِهـدًوء💕 @hdoo5

شخصيات في حياتنا
مهما كنا عايزنهم بنلقي انهم ما بنفعو معانا

يعني عندهم #تصرفات_معينه
ما بخلوها حتي لو اديناهم الف فرصه

في بدايه #كل_فرررصه بكونو كويسين بس تاني برجعو لي نفس التصرفات و الحركات

يعني مهما اتماشينا واتنازلنا بنلقاهم زي ما هم ما عشان كعبين لالا بس عشان دي صفه فيهم او احتمال عشان عايزين يخسرونا واحتمال تاني كمان عشان اتعودو انو نحن بنديهم فرصه في كل مرة

بنلقى انو ما بنفع حتي لو صبرنا و صبرنا
بنلقي انو ما بنفع حتي لو اتنازلنا واتجاهلنا لانو بنزعل في روحنا ساااي

بس بالبرغم من انو بنحبهم وبرغم حركاتهم حبهم جوانا لا نقص لا اتغير بس بنلقي ردات فعلنا اتجاهم بقت باردة

يعني حتي لو انفعلنا
بننفعل #انفعال_مؤقت وتاني بننسي

بقينا بنستهون بي افعالهم
بس دا ما بعني انو بقينا ما بنحبهم بس اتعودنا علي #حركاتهم_الباايخه

كفايه لحد هنا
كفايه يكون لسه في احترام بينا وبينهم
وكونو وقفنا تعاملنا معاهم دا ما معناه انو نحن كعبين لا ،، معناها عايزين نحافظ علي ال بقي بينا وبينهم وما نخربو زياده

{يعني ما نخرب اي شي للنهاية}...🥺


انور ادم

🌟

💕 فُضفُضۃ فُي ِِهـدًوء💕 @hdoo5