#HeheStory21687
<<朋友還是情人>>
"我同左個男仔一齊三年
我地一個月都係見得一兩次
最近開始 佢有D古怪
次次問佢放假去邊 佢都答我約中學朋友
但次次問佢拎合照 佢都唔肯比我

個小三真係好蠢
佢居然係佢社交平台LIKE左我條仔個POST
跟住我見到佢地D合照
又講咩「人生好開心識到呢個人」
我真係好想嘔囉

我地一齊左三年
期間次次問佢搞野
佢都推我，話唔舒服/唔得閒
點知金屋藏嬌
到頭來都係撲空
可能條撚同精液都唔係屬於我

我天秤座 好鍾意比較
我唔甘心
講靚仔 勁多男仔都想約我玩囉 斯文仔
講外表 我唔用APPS交友 每個人都有勁多仔仔TWITTER HI我
甚至IG都約我FUN
我上年去SAUNA照燈 跟住成堆仔仔排隊等我玩

到頭來輸左比個 外表勁薯 勁唔靚仔既人
講真愛 我呢三年勁痴人 每日都想約佢出黎
想個個禮拜都見 點知佢話唔好見咁多..

最後 我終於輸左你
羸左社交平台所謂一堆虛擬既人氣
好早之前我就想問 究竟要賺錢定係要真愛
後來發覺 真愛 真心對你一輩子真係好難

沒有你贏了世界又如何 ？

我應該要攤牌定係要繼續扮唔知?"

- - - - -

admin:
既然你接受唔到，而佢又唔屬於你
咁長痛不如短痛，一刀兩斷之後繼續將自己人生過得精彩 :)

#HeheStory21688
"Block人有時係一個傲慢嘅行為。好多人會因為人地講唔match而block人。其實唔match 人地就唔會再主動搵你，你block人係咪想攞返個尾彩好似你贏左咁？好可悲囉...
有人可能會話：block左唔洗浪費大家時間。 但係，你都唔係人地杯茶咁人地仲點會同你浪費時間呢？你啲時間好寶貴你好受歡迎咩？好似我地香港特別多呢啲小心眼嘅人，喺外國又冇咩人會純粹因為人地話唔match而block人。Don't think you matter that much please"

#短文 x3
#HeheStory21689
<<有冇人試過復合?>>
"大學認識一齊兩年初戀
同前度鬧交大家分手幾個月
藕繼絲連耐唔耐都仲見面又whatsapp
但佢又好似無意複合
但我心底都仲係愛佢

有冇人有成功復合經驗share吓?"

#HeheStory21690
其實做人要自卑到咩地步先好似comment section個亂流叔咁狂妄自大，成日乞人哋認同睇見都可悲

#HeheStory21691
"re #HeheStory21672 (2)
下面啲人錯晒重點
問題唔係老，係惡意阻人玩喎
大家好來好去咪算囉"

#HeheStory21693
<<有緣無份>>
"話說小弟都會係tg識下朋友仔，岩傾嘅咪傾，唔岩傾咪hi下就算。咁係一個月前係tg DM左個仔仔，佢係香港人去左台灣讀書。無記錯一開始text msg左幾日之後我問佢有冇興趣傾下電話，佢話ok，之後就開始傾電話。
可能大家嘅背景/現況唔同啦，大家互相對對方都好新鮮，有數之不盡嘅話題(咁當然正經唔正經都會講下), 我地每晚都會傾最少2小時電話，有時會超過3小時添。

係呀大家唔好驚訝 其實我自己都覺得好surprise,
我相信就算係好朋友/兄弟/閨蜜甚至couple都未必可以晚晚傾咁耐，而我地呢個狀況就維持左接近3個星期左右。

咁當然我都會做普通人會問嘅野就係交換相/Ig, 但佢每次都用左不同嘅理由reject, 而佢係request等佢返黎香港大家面對面見到先後最真實嘅感覺。anyway我唔係度評論佢各種reject嘅理由，咁我都明嘅，始終大家現階段係網友，大家三唔識七，要保障自己係好正常。

好啦咁其實晚晚咁傾, 真係好容易有感覺(我都承認自己係幾容易沉船嘅人), 咁有一晚我就同左佢表白，而佢都話對我係有feel嘅，只係佢都係堅持要返到香港同我見面/相處下先決定可唔可以一齊。ok fine咁我都接受嘅，咁我當呢個moment大家係有d曖昧？(我自己ff)

去到大約一個星期前佢同我講 ，黎緊會去學長屋企玩+過夜1晚（但最後留左2晚）。咁我無野嘅，佢同我交代佢去邊我係持開放態度，只係個2晚我地就無傾電話。之後過左2日佢返到宿舍，咁當時其實我都幾掛住佢，所以言語中有表達少少不清嘅情緒（因為自己埋怨佢無理我2日）。Finally到而加我都唔知係咩原因，佢同我傾左幾句之後就無再覆過我，我打左比佢幾次都無聽，我都幾肯定佢應該block左我。

我打咁大篇野一黎想發洩下，我知道其實要追究咩原因已經無意思，因為事發到而加都超過一星期，我諗佢都唔會再搵返我。但我係唔甘心縱使你咩理由都好，交代一聲真係咁難咩？呢個星期我真係好掛住佢，之前我真係諗住等佢返黎大家可以見面。但應該永遠都無呢個機會喇⋯大家可以話我好傻仔，網上交友呢d野，霧水情緣黎姐洗乜咁認真？

唉我認自己都係廢J, 大家肯花時間睇完嘅，不坊比d comment小弟，鬧醒我又好比下意見又好，都想知道大家對呢件事嘅睇法=)"

- - - - -

admin:
其實都無咩意見畀到 🥲 感情事就係咁飄忽，就算見左面都唔代表對方唔會突然消失，真實既原因永遠得對方知道
唯一結論只係對方無咁into自己 🫠

#HeheStory21694
<<單身幾多歲要派利是>>
"公司得兩個單身男同事，
今年其中一位派利是俾我，
我呆左幾秒。點解佢派嘅？
佢秘密結左婚？
因為放棄左結婚所以派？
定係年紀夠幾多歲要派？

咁。。。我要唔要派？
我唔識反應，但靜左好尷尬，都係攞左先算。

「多謝，身體健康」

如果單身嘅佢都派利是，
咁佢仲收唔收利是？

唔知幾時開始，
由開心逗利是，變左尷尬收利是，
可能源自心底類覺得自己唔配攞人地封利是。"

#給他
#HeheStory21695
<<一輩子守候你>>
"上年秋季認識左佢
佢唔靚仔 又唔高
但佢真係有錢仔
佢屋企人好講究禮儀
曾經佢食西餐用錯一隻叉
比佢呀媽捉左去學課程幾星期

我自問唔係有錢 亦唔識禮儀
只係識三字經
本來風馬牛不相及既我地走埋左一齊

可惜唔夠兩個月
因為我自卑 我選擇左放棄呢段感情
佢約我去城門河傾
當時佢喊得好緊要
佢話 真係好鍾意我 唔可以無左我
其實 我都好心痛 , 但我知道
有時愛 唔一定要一齊
即使一齊左 佢父母都一定會 笑我無用 垃圾 中五畢業
但我仍然被佢既行為感動 而繼續一齊 無放棄

然而 佢有段時間要工幹
完全忙到理唔到我 連食飯都無時間
最後漸漸地遺忘左我
當時我只係講左句 暫時分開下 你真係太忙
於是 好自然就和平分開左...
佢最後講左句「 可唔可以應承我 以後都係朋友?」
我講左句 嗯...

於是...嗯就成為了絕響 去到今年二月
情人節 IG見到佢終於有人追
好幸福有另一半 又有花收

近日荃灣IKEA出返榴槤雪糕
好懷念當日你同我見面
第一次去IKEA去食榴槤雪糕 好甜好好食
我今日自己去荃灣叫左一個榴槤雪糕食
明明佢好甜 但係.. 我食到喊味...

永遠祝你幸福
雖然一齊左只有兩個月 但我永遠愛著你
用我一輩子守候著你"

#HeheStory21696
"比條仔打，鏈我頸，對住我頭嚟揼，我有錯，唔想分手唔會報警，點樣可以令到佢唔再打我"

- - - - -

admin:
有咩錯會值得咁樣被對待?
我覺得動手同不忠一樣，只有0次同無限次 🤔
佢要打你既話，會有千萬種理由可以對你郁手

#HeheStory21697
<<第31年的孤獨>>
"又過左新年啦😥，今年聽到啊哥(自己親啊哥)問最細果個妹(唔係親細妹), 佢地咁驚你夜番，叫你男友接你咪得lo. 我心諗，唉,今次我又第尾啦， 6個 siblings 入面，個個都唔係結左，就係就黎結婚同移民, 我呢？😞 係咪我地同性戀真係好難搵人一齊生活落去？ 1仔係咪都鍾意玩？ 或者只係會同男仔樣ge 0仔拍拖結婚？

之前都有post 過話自己個樣，聲同埋興趣都似女仔， 因為番哩份工(自己個行)番到好忙好緊張，已經搞到肚痛，今次重要胃抽筋，而入左A&E，見到好多公公婆婆係入面等，有d係到吵話要出院(狂爆燥)，屋企人都好無奈，有d就訓係床同屋企人又傾又講，有d就好似我咁，坐輪椅同屋企人係到等，但係有1個公公我覺得好慘，佢雖然可以出院，但係當nurse 問有冇屋企人黎接啊，佢話無啊，都慣架啦. 即刻覺得佢好慘，無人陪，自己1個番屋企，有時都會諗，我到老ge時候，會唔會好似佢咁？😟😟

其實點解我地gay 唔可以正常地識對方? 而係日日搵fun，唔通你地真係覺得搵人搞係重要過未來(而且又唔會有bb，享受真係咁重要？)

我自己就好驚一個人生活，開心又冇得share，病時又冇人照顧， 又唔可以一齊去街去旅行. 可能因為冇朋友呱，所以好驚自己一個人. 但係上次有人話去果d搵fun ge地方，有個伯伯摸左個後生ge pat pat，我心諗，老時都要去扑野？？？係咪太痴線？

希望31歲後可以沖得出SAD同抑鬱哩兩個病，同埋可以上下堂識番個男仔呱😔😔"

#性事 x2
#HeheStory21698
"太緊的問題。
以前ex入小小已經好痛，唔知係自己緊張定真係天生太緊，平時痾啲稍為粗嘅屎都會流血。
網上面啲教學都有試過，有冇啲咩練習係for比較緊嘅可以分享，有冇人係過來人都係太緊，最後成功？

定係轉1（因為其實都幾enjoy做1但自已得164cm同埋唔算man 算係cute吧lol，覺得冇market好難搵男朋友，我個ex就係man1，都想知有冇man bottom cute top 嘅couple 經驗/例子分享)"

#HeheStory21699
"我係10,不過做1多過0好多
睇片D 0仔比人入住硬,覺得好正,次次睇都想自己體驗下
試過幾次比人入,覺得後面比人塞住咁,唔係咁舒服
但有時都會想再比人入,好似上下電咁"

#HeheStory21700
"上個月底係ig識咗個人（之前有傾過少少，但最後冇傾2年到，結果呢排又傾番）咁約出黎見下面，當晚佢就想我去佢屋企同佢一齊瞓，我ok冇所謂，咁就同佢過咗2日，佢俾埋佢屋企鎖匙我，想同我一齊住，會唔會太快？
但我公司都離佢果度遠（佢新界，我番工係黃竹坑，我原本住九龍），番工搭車時間突然用多咗一倍，比平時預多d時間，我收工仲要去gym，做曬d野終於可以坐低做下自己野，結果又要夠鐘瞓，第日番工，乜都做唔到，開始發覺得有d攰。
同埋佢果度唔算係我屋企，唔知點解係佢屋企我覺得有少少壓力放鬆唔到，唔似係自己屋企平時咁relax，其實係咪我仲未準備好同人一齊住？定係生活轉變突然有d大，自己仲未接受到🤔"

- - - - -

admin:
如果未接受到咪直接同佢講你既感受
咁唔就腳無可能每日都咁，我覺得係生活轉變令你唔慣姐
無啦啦叫個市區人搬入大西北每日搭一個鐘車，唔係個個頂到

#HeheStory21701
<<因為讀書鬧大交>>
"事緣係咁嘅，我男朋友同我係同一個大學嘅department返學，不過佢讀緊master year 1，而我讀緊bachelor，而家senior

基本上department班prof都知我同佢拍咗三年拖，所以有時候會透過我或者我男朋友講返d嘢，做下傳聲筒咁樣，咁都習慣咗㗎啦，而因為我男朋友英文能力唔太夠班，好多時prof叫我幫佢手惡補下英文同埋APA之類嘅基本嘢

咁老細叫到就冇得唔谷啦，同埋佢又真係未夠班，咪有時候要佢睇多d academic journals同埋oral presentation skills，dissertation都要寫返份滿足到碩士水平嘅thesis嚟交貨，更何況重有oral defence之類嘅，全部輪住嚟，唔谷就假啦？

同埋話要讀master嗰個明明係佢自己，但係而家又奶奶閒，皇帝唔急太監急咁樣，都唔知係咪有心想讀，我咪勸佢「其實你唔想讀不如早d withdraw，你defer又要燒錢又哂時間，自己又唔開心，老細寫extension又會被上面質，冇謂搞到個個咁辛苦」

頂佢嗰肺，竟然屌柒我話我迫9佢溫習，話我連少少生存空間都唔畀佢，我咪嬲話佢冇料又學人讀master，而家嫌辛苦又賴死唔走，日日淨係掛住打機同行街，寫dissertation不嬲係辛苦㗎啦，邊有得好似平時咁放假鍾意打機就打足全日，直頭有annual都要申請嚟閉關寫論文啦

我都知佢平時要返工，兼且而家要返埋學，我都盡量忍佢脾氣，佢唔開心我就盡量疏導下佢情緒，結果佢而家得寸進尺，郁d就發我爛渣⋯⋯ 越嚟越覺得好似做咗佢阿媽⋯

於是乎，而家日日就被佢西我面，瞓覺又話唔想見到我就諗起溫習，攞個背脊對住我，有晚我真係頂唔順我落街喊咗一段時間，佢完全冇落過嚟睇我一眼，甚至乎我返去淨係見到佢大覺瞓，真係火都嚟埋⋯⋯

呢半年已經覺得好burnt out，明明之前好多事都可以handle到又溝通到，而家反而因為讀書咁閒嘅事而炒咗咁大鍋嘢出嚟⋯ 真係好攰⋯⋯"

- - - - -

admin:
如果佢 aim low，咁真係佢既事，唔好上心，呢個係佢既選擇，差在你接唔接受到佢咁樣，你睇得到佢 master 都睇唔到全個人生
既然做佢阿媽呢步唔 work，無謂做啲吃力不討好既角色

#HeheStory21702
<<我可能需要幫忙⋯⋯>>
"說起來真的慚愧，快30歲了，還有跨不過的感情關口。

算一算，那人離開快7年了，我卻原來沒有放下。上班、進修，每天都累得回家就睡。假裝這叫過得充實——誰說我不交友，我沒時間而已。

可是，偶然一個睡不著覺、夜闌人靜的深夜，總會打開封存已久的相冊，淚眼汪汪的翻看一張又一張的合照。那份歡樂，很是懷念，卻永遠也找不回——包括那個笑容滿面的自己。

翌日醒來，又好像甚麼也沒發生一樣。轉眼，自欺欺人的過了許多年。

我不知道他現在在哪裏，過得怎麼樣，卻總是好奇，些許掛念。我從不向人提起他，也不透露半點心事。因為，我知道，在人眼中，這份「怨念」、「執著」非常「可怕」、「恐怖」，讓人敬而遠之。

你說我想復合嗎？我想不是，我好像已經失去了交往的勇氣和衝動，去愛的感覺和動力。或許，我當年在他那裏留下了某部分的自己。

好像說得太不切實際了。

說了那麼多，只是知道，我已經幫不了自己，我沒能走不出那片陰霾，我已不知道該怎樣走完餘下的人生⋯⋯

厚著臉皮，一位中年男子在此懇求走出困境的良方。🙇🏻‍♂️"

#HeheStory21703
<<各位member們喺出面可唔可以檢點少少？>>
話說近排有單新聞講有位相信係bi？嘅師兄喺搭緊的士嘅時候，除咗喺電話上面大聲分享自己性經驗，仲要有意無意咁撩個司機，作為一個hehe又同時會揸的士嘅我，睇完之後真係有啲唔開心。

首先我哋作為member喺香港已經叫受盡歧視，各位member行為可唔可以尊重返自己同埋人哋少少，等我哋唔會有咁多位俾人鬧，或者形象可以好少少？
我明大家對於自己性生活可能好滿意好想同人share，但係講還講都請降低聲浪，因為其他人聽到可能真係會好唔舒服，正如如果俾你聽到人哋大大聲咁講自己點樣玩女叫雞或者屌閪一樣，相信你都會覺得好唔舒服，所以請將心比己，注意下自己嘅言行舉止，等普通人對我哋形象好少少啦。

另外，真心唔建議咁樣騷擾司機，撇開犯法依樣嘢唔講，我相信9成9司機都唔會接受你哋嘅要求（即使我都唔會，咁突然我都判斷唔到你會唔會有啲咩病），所以真係唔好咁做，依啲情節都係留返睇GV裏面FF吓就算啦...

#給他
#HeheStory21704
<<分手2周年>>
"B，跟你分手已經2年，你好嗎？有想起我嗎？

我知道那時候你很愛我，無論我做過幾多、講過幾多令你傷心失望的事，你都會原諒我！

你真的好錫我，下班幾夜幾攰，你都會回來煮飯給我吃，又會帶我出去認識你身邊的朋友，家庭聚會都會帶我出席，你的家人都對我很好。你是個很節儉的人，你會捨不得花錢在自己身上，卻很願意花錢在我身上，連一餐飯的錢都不捨得我花，無論吃飯抑或旅行，從來都是你付錢的，你常說要將最好的東西給我，而你都有做到。我是開心的！

不過有件事你一直無法兌現，我很失望和憤怒！你不是一直說會努力工作，儲錢買樓一起住，說會給我幸福，為了實現我想要結婚的夢想嗎？

可惜事與願違，疫情關係你被公司裁了，失去了本來的工作，學歷不高的你，為了養家和生活，不但身兼數職，還要大屋搬細屋，我開始感到驚慌，意識到距離我們的目標越來越遠，似乎遙不可及。

我夢醒了，我開始質疑你是否一個理想對象？直到某天，你認真地問我，如果你無法10年內買到私樓，會令你失望嗎？當時我失望到不懂回應你，你不是說要給我幸福的將來嗎？我要求不高，只要細細的一個單位幾百呎就夠，這不是兩口子最基本的嗎？如今你竟然食言，我實在很難過，你似乎已經不愛我了！

看見身邊的直男朋友，為了跟自己心愛的人結婚，努力買樓供樓，給自己心愛的人基本的生活，而你卻跟我說擔心無法實現，我想你不是沒有能力，只是你不想努力吧！

最後，我決定分手，我不能跟一個不上進、無法給我安全感和幸福的男人在一起，我不能接受你一直租樓，更加接受不到你有申請公屋的念頭。

2年了，直到現在，我還在找尋一個能給我幸福的男人，但我還是會想起你，會偷看你的FB、IG，有時都會打聽你的消息，因為你是我這三十多年來，唯一一個會遷就我、咁錫我的男人。如果有天，你終於有能力給我幸福，歡迎你再回到我的身邊。

我等你！"

- - -

admin:
有樓先有基本生活？唔好意思我同男朋友都無諗住買樓，尤其係香港呢個地方 😅

#HeheStory21659 (2)
<<第一次愛的人2 >>
"係佢叫咗聲我嘅名之後，我成個人就覺得暈暈哋咁，好似係倒立咗好耐，啲血沖晒上腦咁。同時之間，我又好迷茫，覺得自己好似做錯咗嘢，但又好enjoy。不過我都係有啲驚，我好驚我係我老母口中所不恥嘅基佬，我好驚軒仔會話俾其他人知道我係一個變態。所以我即刻起身，拎起個袋就逃離咗軒仔屋企。

其實我唔知嗰陣時我咩都無講就將軒仔一個人揼低就走咗去，佢會唔會好hurt。返到屋企之後，雖然我見阿媽煮咗我最鍾意嘅豬手，但都只係是但食咗兩啖就入房攤係張床度。嗰晚我發咗一個夢，我夢到軒仔一路喊一路同我阿媽講我係一個變態，話我錫佢，而我阿媽聽完即刻就揸住把菜刀話要斬死我。我醒返嘅時候，成塊面都濕晒，可能我喊咗。而咁啱我阿媽都入咗嚟，咁啱手入邊都係揸住一把菜刀，我本能反應將個身體縮到牆角，我話，阿媽你做咩呀！而我阿媽就問返我，我話你做咩至真，成晚都係度喺度鬼叫，快啲起身，頭先軒仔打電話嚟，問你係咪屋企，想同你一齊做功課，我就叫佢順便上嚟食lunch。

食飯嘅時候，我只係自己耷低個頭，我唔敢望住坐係我對面嘅軒仔。但突然之間有對筷夾住塊排骨送入我個碗度，我正諗住抬頭望吓係邊個時，阿媽就係度好大聲咁講，嘩！今日你哋兩個係咪調返轉靈魂呀？軒仔都開始主動幫你夾餸，你就反而粒聲唔出好似隻鵪鶉咁。我即刻擺低個碗，話自己食飽，返房先。

唔知係咪前一晚發惡夢搞到我精神好差，攤係張床度就即刻瞓著，唔知過咗幾耐，我醒返就見到軒仔坐係條凳仔度望住我。”醒喇你！ok嗎？頭先我幫auntie洗碗嘅時候佢問我你係咪有咩唔開心定係學校俾人蝦喎？”軒仔一路講一路起身過嚟坐係我張床度。“我冇嘢呀！不過你就真係好煩囉！成日都要上我屋企！乜你自己無屋企咩？”我攬住個枕頭面朝牆咁講。“竣竣… 其實我…”未等軒仔講完說話，我就將個枕頭掟落佢嘅頭，叫佢即刻扯。

我見軒仔啲眼淚一滴一滴咁留咗落嚟時，我嘅心情好複雜。有啲內疚痛心，又覺得佢篤眼篤鼻。我見軒仔慢慢起身，拎起佢啲功課裝入背囊，抹乾啲眼淚，打開道門，出咗去。唔知點解， 等仔閂返道門嘅時候，我對眼就好似爆水喉咁停止唔到。“Auntie，我走先喇，因為我唔記得咗媽媽今日會返香港… 係喇，竣竣無嘢喇，你唔使擔心…” 呢句應該係我最後一次好清晰咁聽到軒仔提到我嘅名喇。

自此之後，軒仔就無再上過我屋企。等到暑假過完，開學時我都係有啲唔知點樣面對佢，但令我驚訝嘅係佢竟然無出現。老師只係話軒仔屋企有啲事，暫時就未能夠繼續返學。放學之後，我行路竟然行到軒仔屋企樓下，呢個我只係嚟過一次嘅地方。我唔知我點會有勇氣行入間大廈，諗住上樓探下佢嘅我竟然俾看監阿伯擋住，”小朋友，你好似唔係住呢度㗎？”本身諗住即刻就走但都係對住阿伯講，”我…我搵我同學，佢住17樓05號…” “原來你係搵軒仔㗎？佢搬走喇！”

聽到”佢搬走喇！”呢四個字嘅時候我就喊咗出嚟。我哀阿伯話我知軒仔去咗邊，阿伯話自己都唔知，我以為係阿伯唔肯講，我就將身上啲零用錢全部都攞咗出嚟求阿伯。阿伯都係好無奈咁樣同我講，佢真係唔知，只不過可以肯定嘅係佢哋應該係返咗大陸啦。佢仲勸我以後少啲過嚟呢度，因為軒仔嘅繼父好惡。

我返到屋企之後，聽到阿媽同嫲嫲傾緊計，話乜嘢軒仔兩仔乸真係慘，好辛苦先申請個仔落嚟，而家又要行返轉頭啦。我問阿媽點解軒仔好慘呀？佢話今日由羅湖返嚟嘅時候，係關口見到軒仔流著眼淚同一個人女人一齊，而且明明今日開學日，無理由係深圳。佢以為係拐子佬，就過去打招呼詢問，先知道係軒仔媽媽。

唔知軒仔媽媽係咪真係冇人傾訴？竟然拉住我媽咪一路咁吐苦水。我都係嗰一刻先知，原來佢繼父有時會打佢，原來佢繼父有時唔俾飯佢食，原來軒仔過得好辛苦，原來我屋企可以俾到咁多溫暖佢。原來我好在乎佢，原來我好狠心對佢，原來我已經失去左佢。"

#HeheStory21705
"我本身係直既 但好好奇 做0會有咩感覺
但又唔知點識人
結果就膽粗粗去桑拿見識下
結果我既第一次就係黑媽媽既情況下
重要係黑到樣都見唔到個隻 就同人玩左
好睬既係 對方好好心機 同手勢 幫我放鬆左先入我
對方size唔算大 所以個感覺不錯
佢完之後 我剛剛起身 就俾另一個人捉著左 要我扒低直接入我 但佢無剛剛既人大
只係個刻個頭都好亂呢 乜都諗唔到 感覺好high
可能我既第一次經驗 俾左我好大沖擊呢
之後都有同人試一對一 但無咩感覺呢
我亦嘗試做1睇下會唔會好啲 但每次一準備入時 就軟
當然對著女就一定硬到呢
所以成日都係度幻想 想不斷俾人入
去試下桑拿玩時 唔閂門 俾人睇著入我 或者
俾人輪我呢 唔知感覺會係點呢
我都有幻想去群P 不過我唔敢去
幻想係群P時蒙著對眼 唔知俾咩人入我 唔知含緊邊個 個感覺好似好正咁
我都深信 我係M底🤣🤣"

#HeheStory21706
<<專一只是個童話>>
"我地由2月認識 當時係約FUN
我地都係一個月之內做左情人

佢係一個貪玩既男仔
佢好大性需要 佢其實想日日做愛

以前無拍拖既佢 會成日去SAUNA
宜家拍左拖
我想定落黎以後同佢玩

佢雖然表面上忍到
但係佢繼續有玩GRIDNER
有次唔小心我地睇睇下合照
有GRIDNER既人講左句 約佢幾時幾點邊度等
亦睇到有次 有人話 我都好想比你屌

我就問佢係唔係有約人玩
佢緊係話無 只係口多多
我答左句 哦 好喇咁
雖然只有四個字
但係淚水侵襲左我視線

其實我知道佢呃左我
佢都知道我知道佢呃我
我亦知道佢都知道我知道佢呃我

專一 我係呢個界別真係睇唔到好多對
有但係真係唔多

回想過去一年
我都約過唔少人夫、人地條仔
但我無去過SAUNA同漁塘

我知道專一係童話式既戀愛
唔係好多人都做到
如果一齊 應該扮睇唔到係唔係會好D?"

- - - - -

admin:
如果你可以接受到既話就一早接受左
要扮既你個心都唔會舒服

#HeheStory21707
<<讀書時的轉捩點>>
"自細都係覺得自己喜歡女仔，到中一，偷睇咸書咸片，自己用手解決，都仲係覺得自己一定係鐘意女仔。
直到中三，有個男同學，因為坐隔離，成日有機會傾計，好似越傾越熟咁，諗住都好正常，大家朋友傾下計。
有一日大家都放學留後，佢問我有冇試過用手，咁我話有啦，跟住佢就話佢都有，
然後佢問我可唔可以試下用手幫我，咁我真係未試過又貪玩，就話好啦。

課室當然唔好，咁我地就走左入廁格，我除左褲，佢就用手幫我，直至完事。
之後佢問我可唔可以幫佢，我又有少少內疚，話哂佢幫左我，咁咪試下幫佢，反正未試過摸人地下面，咁佢都好快完事。

自此之後，偶然大家一齊留後嗰時會一齊去廁格互相用手。
直至有一次，佢話想試下口的感覺，問我介唔介意，當時我都唔知解，直接應承左佢，之後再一齊入廁格玩就變左我用手+用口幫佢，佢就用手幫我。
呢段時間，我發現我對女仔冇左興趣，甚至開到咸片都唔多想睇落去。
呢個關係差不多維持左一年，大家一星期至少一次咁玩，到臨近會考，大家各有各忙就冇再一齊玩過，畢業後亦各散東西。
冇變過的是，我仍然對女仔冇興趣，到大學嗰時仲正式同男仔拍拖。

唔知有冇人都係細細個已經有呢個轉捩點呢？"

- - - - -

admin:
我中一個陣都仲有鍾意過女仔 😂
細細個係自己上咸網都仲係睇緊av，唔知點解後尾點樣search 到d gay forum，最後一路睇一路返唔到轉頭

#短文 x2
#HeheStory21708
"自己profile就寫NPNC
但一係無相，一係遮左個頭或者cut左個頭
跟住第一句就”Any pic?”

到底個腦邊個部分出左事
定其實唔知NPNC點解，見人打你又打？"

#HeheStory21709
"已經24仲係a0
有用app,但大家都知嘥鳩氣㗎啦
現實情況更加唔會識到
有無拍過拖嘅人可以話我知點到底點做先有拖拍？
一次就夠，我唔想a0到死"

- - -

admin:
21708:
仲有一點就係有時覺得先問既人應該要畀圖先 🫡
問完再 after you 係 rude 到極點，唔通得你既玉照最寶貴？

21709:
無詳細情況其實咩都答你唔到
只係按常理講d廢話：
你條件越好，你要求越低，就越容易有拖拍，就係咁簡單
唔知道你既外型性格同package同經歷各樣野，完全畀唔到意見你

#HeheStory21710
<<係因為未試過拍拖定係發姣期？😫🙈>>
"過左30啦，唉～
岩岩前日朝早番工搭火車, 又見到之前個位比較成熟粗豪大隻, 好高ge男士上車 (我諗佢應該有180到), 今次我就冇坐, 所以企係門口扶手位啦, 佢又咁岩企係我隔離, 即刻feel到佢果d好warm ge 男性hormones, 所以望著玻璃偷偷地昅佢☺手臂啦同個樣啦.

不過今次我反而留意多d佢隻腳同佢隻手掌有幾大, 望著就係, 好大隻👞👞同手掌, 跟著唔知點解又會望下佢隻手有無帶介指💍!?(唔明點解會咁諗,可能想睇下佢有冇女朋友/結婚, 跟著就失望😹 )跟著望佢對腳又忽然諗我會踩著佢隻腳, 黎kiss 佢, 重要比佢隻大手掌抱著我條腰. 跟著我下面下意識勃起左. 唉~~~~~, 差d比佢見到, 因為佢入左車有望過我兩眼, 勁embarrassing🙈 好采果日唔係著短褲姐, 唉~~
跟著落車啦, 佢又同我同站, 佢重要行係我前面, 唔知點解佢行係我前面同埋企係我隔離時, 覺得有d似女仔跟著自己男友👫行街咁, 好有安全感, 不過我反而想行快d(因為自己覺得好熱), 唔想比佢見到我好似好奇怪咁, 所以就好快咁閃左去佢前面繼續行.

跟著放左工, 今次另外一個surprise 啦 (唔關果個男仔事lu), 就係平時我follow開果位野裸日男竟然message我, 話多謝support 同繼續支持啦, 我都係禮貌地答多謝啦, 佢竟然比左心心我句reply. 完全係估唔到lo😱, 同埋見佢好多d片多數都係插囡囡, 佢自己果d就係插自己或者係街到自慰 (估係偽1 bi仔) 其實我又唔明點解佢會留意我, 因為自己twitter係咩到冇post過, 係之前幅icon 係著d比較sexy ge 睡衣, 同埋用女仔ge坐法🎎去影 (已經換左).

不過認真咁講, 自己都無搵個fun, 最多係細個時拍幾多片上網比人睇, 我諗都幾多人support ge 以前, 不過之後大病完, 變左sexual disability, 所以就冇再拍lu, 當然d人都冇再留意我有冇再放啦, 有關心我ge都得幾個鬼仔大哥哥, 都係問下咩事咁啦, 都無咩野ge.

其實有時諗我係咪唔會有機會搵到男仔拍拖, 同埋自己係咪有d奇怪🤔? 因為自己唔係多數人鍾意ge男仔樣, 有時都會望到d好似好warm ge男士, 就會留意佢地隻手有幾大, 跟著就會希望佢拖著我. 同埋雖然自己隻手唔細(以前小學到中學有玩clarinet🎶, 所以d手指都幾長), 但係又會希望自己鍾意ge男仔隻手大個我, 可以拖著我, 比佢抱著我條腰, 同埋比佢隻手包著我
啊~~~~~好痴線啊我😫😫

另外, 自己如果係真囡囡會唔會一早有人要同埋嫁左呢? or有一個男仔用佢隻手拖著我呢~~~又會唔會果個男士會望我，跟著想識我呢☺☺， 如果我係女仔? 不過算啦, 我知我係一個唔合流ge 0仔😂😂, 同埋都覺得自己都幾變態, 連番工都留意哩d野🤣🤣"