يا كثر ما مَر هالقلب من ناس و فصول
‏لين صرت أنا الطبيعه .. و هم المرحله

‏و يا كثر ما عشت فرق التعودّ و الذهول
‏يا قسى حفظ الإجابات .. قبل الاسئلة

حتى المكان اللي عجزت اتعدّاه
‏أقسى عليه أحيان، و أحيـان احنّه،

‏بسيط: للحدّ اللي أرتـاح ويّـاه،
‏و عميق : للحدّ اللي أخاف منه

سبحان من حط فيه من المزيد المزيد
‏الين مانقّص الأعمار صبر وهيام

‏من مر وجهك يسلّم حتى لو من بعيد
‏هو يعرف أنّه ليا سلّم .. عليه السلام
‏- سعد علوش

"أسج وأضحك وأتظاهر للعيون أني نسيت
‏والا أنت شيٍ تبطي أيامه وهو في الذاكرة"

بدأ يعيش الخوف في قلب الشجاع
وبديت امل من الحياة الفانية

والمشكلة مدري متى يوم الوداع
ومدري متى يوم القطوف الدانية

لكن على طاري ضياع وماضياع
انا بديت اضيع .. مره ثانية

ياكم شخص كبرته بـ عيني وردّ صغير
‏وكم حلم تطويه الليالي اذا دارت

‏به أشياء واجد قلت عنها ياليت تصير
‏ومع الوقت أقول الحمدلله ماصارت

‏الشعور اللي كتبته و الشعور اللي حكيته
‏ما يجي مثقال ذرّة عند ما بين الحنايا

‏و القصيد اللي نشرته و القصيد اللي بكيته
‏ما يجي مثقال ذرّة عند شِعري بالخفايا

‏" يجي ليلٍ يشعشع ذكرى قديمه
ضجيجٍ يرهق نعاس الأحداق ويسهّرها "

"كل ما جيت أتخلّص من علامات اضطرابي
‏ماقدرت أزيّف الواقع .. وأصدّ من الحقيقة"

‏- عويّد النجود

يوم عادك تكره السبت وتحب الربوع
‏والمواصل كان مسموح والوصل جهرا .

شعب السعوديه / ثلاثين مليون
‏وأنا ما أشوف من الثلاثين « غير انت » .

‏اواجه الدنيا ويضحك حجاجي
‏و أبكي على سجادة الثلث الأخير

‏تعبتني يا قلبي الأزدواجي
‏يا كثر ما تحمل من الشر و الخير

قناعاتي عقلٍ من الثقل مملي
‏ونفسٍ تمنى لـ العرب ما تمنّاه

‏راضيه و مرضيني ماربي قسم لي
‏وعلى كثر ما الله عطاني الحمدلله

‏بإختصار أنا إختصرت المسافه و إنصرفت
‏تاركٍ لرضاك عرض البلاد و طولها

‏بكره أو بعده تعرف إنّي أطيب من عرفت
‏عاد ذاك الوقت مالك لسان تقولها

‏سلطان بن عبّاس

ترا الشي اللي ما يجي في حزته لو هو ثمين
ما عاد .. يسوى شي عندي لا تعدّت حزته

ياربّ الناس لا من ضاقت الدنيا فـ عيوني
‏لا تجعل بيني وْبين أمنياتي ضيقة وفجوه

‏كثير اللي بكوا عندي، وكثير اللي يحسبوني
‏اعيش أيامي بـراحة واعيش سنيني الحلوه

‏وأنا! لاني مستريح و لا اطيق اللي يماشوني
‏كن بْصدري نفور مْن الحياه اللي بها "قسوه"

وشفتك في خيالي بين طيّات الدفى والقرب
‏وناديتك فديتك خلّ إيدينك لا توخرها

‏"معاك يا حلو السوالف والليالي والسهر
‏ومعاك لو باقي دروبك ما بها ظل ومقيل"

أبمتنع عنْك، وأنت إنسان مرغوب
‏ —وبكتفي فيك بأطراف الحكايا !

‏ أنا تعلّقت فيك .. وكلّك عيوب
‏وزهدت فيني .. وأنا كلّي مزايا

مغتنيه من خير ربي . . قبل خيري
‏ومكرمه نفسي ولو ما أتبـع هواها

‏و مارجيت الحاجة اللي عند غيري
‏عندي أشياء . . مات غيري ما لقاها