📌📌📌📌📌📌

QO‘SHTEPADA “TUMANBAY” VA “MAHALLABAY” ISHLASH TIZIMI: ILK NATIJALAR VA YANGI BOSQICH

Joriy yilning 27-iyul kuni Prezidentimiz Shavkat Mirziyoyev raisligida o‘tkazilgan videoselektor yig‘ilishida elektr energetikasi sohasida texnik va tijorat yo‘qotishlarini qisqartirish, noqonuniy elektr energiyasi iste’molining oldini olish hamda “Tumanbay” va “Mahallabay” ishlash tizimini joriy etish bo‘yicha muhim vazifalar belgilab berilgan edi.

Mazkur topshiriqlar ijrosini ta’minlash maqsadida Qo‘shtepa tumani hokimligida videokonferensiya shaklida viloyat miqyosidagi amaliy seminar o‘tkazildi.

Seminar Prezidentimiz topshirig‘iga asosan Qo‘shtepa tumaniga biriktirilgan shtab rahbari, “O‘zenergosotish” AJ Boshqaruv raisi Jahongir Obidjonov rahbarligida o‘tkazildi.

Unda energetika va gaz ta’minoti sohasi mutaxassislari, shahar va tuman elektr ta’minoti korxonalari rahbarlari, mahalla fuqarolar yig‘inlari raislari hamda mas’ul xodimlar ishtirok etdi.

Seminar davomida mutaxassislar tomonidan Qo‘shtepa tumanining “O‘qchi” mahalla fuqarolar yig‘ini hududidagi elektr energiyasi yo‘qotishlari yuqori bo‘lgan 285 va 286-son transformator punktlarida amalga oshirilgan ishlar taqdimot asosida tushuntirib berildi.

Ta’kidlanganidek, transformator punktlari va elektr tarmoqlari to‘liq o‘rganilib, mavjud kamchiliklar bartaraf etildi. Jumladan, 105 metr elektr tarmog‘i daraxt shoxlaridan tozalandi, 47 ta elektr hisoblagichi fasad qismiga ko‘chirildi, 7 ta ASKUE tizimiga mos zamonaviy hisoblagich o‘rnatildi.

Shuningdek, 157,8 ming kVt-soat elektr energiyasi va 187 million so‘mlik noqonuniy iste’mol aniqlandi hamda bartaraf etildi, noqonuniy ulangan 18 ta ko‘cha yoritish tarmog‘i qonuniylashtirildi.

Natijada mazkur transformator punktlaridagi elektr energiyasi yo‘qotishlari belgilangan me’yor darajasiga keltirildi. Erishilgan natijalar va qo‘llanilgan amaliy yechimlar seminar ishtirokchilariga batafsil tushuntirildi.

Seminarda CAS raqamli monitoring tizimi imkoniyatlari ham namoyish etilib, texnik va tijorat yo‘qotishlarini aniqlash, noqonuniy ulanishlarni barvaqt fosh etish hamda transformator punktlari va elektr hisoblagichlarini masofadan monitoring qilish bo‘yicha amaliy tavsiyalar berildi.

Yakunda Qo‘shtepa tumanida o‘z samarasini bergan ushbu tajribani Farg‘ona viloyatining barcha shahar va tumanlarida bosqichma-bosqich joriy etish yuzasidan tegishli vazifalar belgilandi.

Qayd etilganidek, “Tumanbay” va “Mahallabay” ishlash tizimi elektr energiyasi yo‘qotishlarini qisqartirish, noqonuniy iste’molning oldini olish hamda iste’molchilarni sifatli va barqaror elektr ta’minoti bilan ta’minlashda muhim ahamiyat kasb etadi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

ZARAFSHONDA ELEKTR ENERGIYASI YANGILANMOQDA

Zarafshon shahrida aholi va iste’molchilarni uzluksiz hamda sifatli elektr energiyasi bilan ta’minlash maqsadida elektr tarmoqlarini modernizatsiya qilish ishlariga alohida e’tibor qaratilmoqda.

Bugungi kunda shaharda amalga oshirilayotgan drayver loyihalarning asosiy qismi muvaffaqiyatli yakunlanib, elektr ta’minotining ishonchliligini oshirishga xizmat qiluvchi infratuzilma ob’yektlari barqaror elektr energiya bilan ta'minlanmoqda.

Shu bilan birga, mavjud transformator punktlarida mukammal ta’mirlash ishlari jadal sur’atlarda olib borilmoqda. Bu esa elektr tarmoqlarining texnik holatini yaxshilash, avariyaviy holatlarning oldini olish hamda iste’molchilarga yanada barqaror elektr energiyasi yetkazib berishga xizmat qiladi.

Zarafshon shahrida amalga oshirilayotgan mazkur ishlar aholi uchun qulay va ishonchli elektr ta’minotini ta’minlash yo‘lidagi muhim qadamlardan biri bo‘lib xizmat qiladi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

Elektr energiyasi — bugungi taraqqiyotning eng muhim omili. Xonadonlardagi osoyishtalik, ijtimoiy ob’ektlarning uzluksiz faoliyati, tadbirkorlik va ishlab chiqarish barqarorligi aynan ishonchli elektr ta’minotiga bog‘liq. Shu bois Sirdaryo viloyati Sirdaryo tumanida energetika sohasida yillar davomida to‘planib qolgan muammolarni bartaraf etishga qaratilgan keng ko‘lamli ishlar bugun o‘zining amaliy samarasini namoyon etmoqda.

Joriy yilning 27-iyul kuni Prezident Shavkat Mirziyoyev raisligida o‘tkazilgan yoqilg‘i-energetika tarmog‘idagi ustuvor vazifalarga bag‘ishlangan videoselektor yig‘ilishida sohadagi mavjud kamchiliklar tanqidiy muhokama qilingandi. Davlatimiz rahbari mamlakatning ayrim hududlarida elektr tarmoqlari barqaror ishlayotgan bo‘lsa, boshqa tumanlarda avariyalar muntazam takrorlanayotganini ta’kidlab, bu holat nazorat, ijro intizomi va rahbarlar mas’uliyatining bir xil emasligi bilan bog‘liq ekanini qayd etdi.

👉 https://uza.uz/posts/892096

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz