📌📌📌📌📌📌

URGUTDA ELEKTR VA TABIIY GAZ MUAMMOLARI JOYIDA HAL ETILYAPTIMI?

Bu savolni bejiz qo‘ymadik. Joriy yilning 27-iyul kuni Prezident boshchiligida yoqilg‘i-energetika tarmog‘idagi ustuvor masalalarga bag‘ishlab o‘tkazilgan videoselektor yig‘ilishida elektr va tabiiy gaz ta’minoti bilan bog‘liq ishlarni “tumanbay” va “mahallabay” tizimida tashkil etish bo‘yicha vazifalar belgilab berilgan edi.

Ushbu topshiriqlar ijrosi doirasida Urgut tumanida elektr ta’minotini yaxshilash bo‘yicha qator amaliy ishlar olib borilmoqda. Xususan, hozirga qadar tumandagi 85 ta transformator punktida mukammal va joriy ta’mirlash ishlari bajarilib, 2,3 kilometr yangi elektr uzatish tarmog‘i tortildi.

Elektr ta’minoti barqarorligini yanada yaxshilash maqsadida 7 ta transformator, 9,3 kilometr SIP kabel, 100 ta avtomat o‘chirgich, 30 ming dona yuqori va past kuchlanishli saqlagich, 1,3 ming dona izolyator, 2 tonna bo‘yoq hamda boshqa zarur maxsus elektr ehtiyot qismlari ajratildi.

Batafsil: Zarnews.uz

Batafsil: Uza.uz

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

HURMATLI ELEKTR ENERGIYASI ISTE’MOLCHILARI!

“Hududiy elektr tarmoqlari” AJ tomonidan yangi “HET BILLING” dasturiy kompleksi joriy etilishi doirasida mobil ilova ham ishga tushirilgan edi.

Mazkur ilova orqali iste’molchilar bevosita iste’mol qilingan elektr energiyasi hisobi, xususan, to‘lov ma’lumotlari, kunlik elektr energiya iste’moli va boshqa ma’lumotlarni onlayn tarzda kuzatib borish imkoniyatiga ega bo'ldilar.

“Hududiy elektr tarmoqlari” AJ iste’molchilardan kelib tushgan taklif va murojaatlarni inobatga olgan holda, mobil ilovani yuklab olish, tizimga kirish, ro‘yxatdan o‘tish hamda undan foydalanish tartibi bo‘yicha tayyorlangan videoqo‘llanmani e’tiboringizga havola etadi.

Iste’molchilar mazkur ilovani Android hamda IOS  operatsion tizimi qurilmalari orqali bepul yuklab olishlari mumkin. Mobil ilova dasturi avtomatlashtirilgan holda yangilab boriladi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

ELEKTR TARMOQLARIGA ULANISH JARAYONLARI USTIDAN NAZORAT KUCHAYTIRILMOQDA
 
“Hududiy elektr tarmoqlari” AJning Shartnomaviy xizmatlar va mahsulot ishlab chiqarishni monitoring qilish boshqarmasi tomonidan Surxondaryo hududiy filialida davlat va shartnomaviy xizmatlar ko‘rsatish faoliyati o‘rganildi.
 
О‘rganish davomida O‘zbekiston Respublikasi Vazirlar Mahkamasining 555-son Qarori talablariga rioya etilishi yuzasidan nazorat-tahlil ishlari olib borilib, ayrim holatlarda tegishli hujjatlarni rasmiylashtirmasdan elektr tarmoqlariga ulanish holatlari aniqlangan.
 
Aniqlangan qoidabuzarliklar yuzasidan mas’ul xodimlar ishtirokida tanqidiy yig'ilish o'tkazilib, tegishli ma'sul xodimlardan tushuntirish xatlari olindi.
 
Yig‘ilishda qonunchilik va belgilangan me’yoriy hujjatlar talablariga qat’iy rioya etish, iste’molchilarning murojaatlarini o‘z vaqtida va sifatli ko‘rib chiqish, shuningdek, elektr tarmoqlariga ulanish jarayonlarini belgilangan tartibda amalga oshirish zarurligi alohida ta’kidlandi.
 
“Hududiy elektr tarmoqlari” AJ tomonidan bu boradagi nazorat ishlari izchil davom ettiriladi. Asosiy e’tibor qonunchilik talablarining so‘zsiz bajarilishini ta’minlash, xizmat ko‘rsatish sifatini oshirish hamda elektr tarmoqlariga ulanish jarayonlarida qonuniylik va shaffoflikni ta’minlashga qaratiladi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz