📌📌📌📌📌📌

#elektr_xavfsizligi_oyligi

ELEKTR XAVFSIZLIGI — HAR BIR XONADONDAN BOSHLANADI!

Xonadonda elektr jihozlaridan foydalanishda xavfsizlik qoidalariga rioya qilish, xavfli holatlarni barvaqt aniqlash va aniqlangan kamchiliklarni o‘z vaqtida bartaraf etish muhim.

O‘zingizni va yaqinlaringizni asrang! Elektr xavfsizligiga befarq bo‘lmang!

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

“HUDUDIY ELEKTR TARMOQLARI” AJGA MUROJAAT YO‘LLASH UCHUN RASMIY ALOQA KANALLARI

Hurmatli iste’molchilar!

Elektr energiyasi ta’minoti bilan bog‘liq barcha turdagi ariza, taklif, shikoyat va murojaatlaringizni “Hududiy elektr tarmoqlari” AJga quyidagi rasmiy aloqa kanallari orqali yuborishingiz mumkin:

📞 1154 – Call-markaz
☎️ (71) 202 23 76– ishonch telefoni
📱 Telegram bot – @HET_admin
📱 het.uz rasmiy saytidagi onlayn maslahatchi
📱 Shuningdek, Facebook va Instagramdagi rasmiy sahifalar orqali ham murojaatlar qoldirish mumkin.

Sizning murojaatlaringiz belgilangan tartibda ko‘rib chiqilib, tegishli mas’ullar tomonidan zarur choralar ko‘riladi.

Murojaatlaringiz biz uchun muhim! Elektr ta’minoti bilan bog‘liq masalalar yuzasidan faqat rasmiy aloqa kanallaridan foydalanishingizni so‘raymiz.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

AHOLI MUROJAATI IJOBIY HAL ETILDI

“Hududiy elektr tarmoqlari” AJ Namangan hududiy filiali tomonidan Shohidon mahallasida yashovchi fuqarolardan kelib tushgan murojaat o‘rganilib, unda ko‘tarilgan masala ijobiy hal etildi.

Aholi murojaatlarini o‘z vaqtida ko‘rib chiqish va elektr ta’minoti bilan bog‘liq muammolarni bartaraf etish ishlari izchil davom ettirilmoqda.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

#elektr_xavfsizligi_oyligi

ELEKTR ENERGIYASIDAN FOYDALANISHDA XAVFSIZLIK QOIDALARIGA AMAL QILING!

Sovuq kunlarda xonadonlarni isitish va qulaylikni ta’minlash maqsadida elektr energiyasiga bо‘lgan talab keskin ortadi. Bu esa elektr tarmoqlariga tushadigan yuklama oshishiga olib keladi. Shu bois, har bir iste’molchi elektr energiyasidan oqilona va tejamkor foydalanishi, xavfsizlik qoidalariga qat’iy amal qilishi muhimdir. Zero, elektr energiyasini tejash — barqaror elektr ta’minoti va xavfsizlikka qо‘shilgan hissadir!

Iste’molchilarga tavsiyalar:

💡 Elektr jihozlaridan foydalanishda ishlab chiqaruvchining yо‘riqnomalariga amal qiling.
💡 Bir vaqtning о‘zida kо‘plab elektr jihozlarini bitta rozetkaga ulamang.
💡 Shikastlangan elektr simlari, nosoz rozetkalar va uzaytirgichlardan foydalanmang.
💡 Elektr jihozlarini nam qо‘l bilan ushlamang va ularni suvdan uzoqda saqlang.
💡 Elektr jihozlarini, ayniqsa, isitish moslamalarini yoqilgan holda nazoratsiz qoldirmang.
💡 Elektr tarmoqlari, hisoblagichlar va elektr jihozlarini о‘zboshimchalik bilan ta’mirlamang.
💡 Bolalarni ochiq elektr simlari va rozetkalardan ehtiyot qiling.
💡 Uzilgan elektr simlariga yaqinlashmang va ularga tegmang. Bunday holat haqida tegishli elektr ta’minoti tashkilotiga xabar bering.

Energiyani tejang! Foydalanilmayotgan chiroq va elektr jihozlarini о‘chirib, elektr energiyasidan oqilona foydalaning.

⚠️ Unutmang: elektr xavfsizligi qoidalariga rioya qilish — hayotingiz va yaqinlaringiz xavfsizligining muhim garovidir!

“Hududiy elektr tarmoqlari” AJ barcha iste’molchilarni elektr energiyasidan xavfsiz va oqilona foydalanishga chaqiradi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

#elektr_xavfsizligi_oyligi

ELEKTR XAVFSIZLIGI OYLIGI

“Hududiy elektr tarmoqlari” AJ Jizzax hududiy filiali tomonidan “Elektr xavfsizligi oyligi” doirasida hududlarda elektr energiyasidan xavfsiz va oqilona foydalanish bo‘yicha targ‘ibot tadbirlari tashkil etilmoqda.

Mazkur tadbirlarning mazmun-mohiyati va ahamiyati haqida JTV telekanalining “Zamin” axborot dasturi orqali batafsil tanishishingiz mumkin.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

ENERGETIKA TIZIMI: KECHA VA BUGUN
 
Mamlakatimiz energetika tizimida keng ko‘lamli islohotlar, elektr tarmoqlarini modernizatsiya qilish va zamonaviy texnologiyalarni joriy etish ishlari izchil davom etmoqda.
 
Elektr energiyasini ishlab chiqarishdan tortib, uni har bir iste’molchiga barqaror yetkazib berishgacha bo‘lgan jarayonlarda qanday o‘zgarishlar amalga oshirilmoqda?
 
“Mahalla” telekanalida efirga uzatilgan lavhada energetika tizimidagi yangilanishlar va erishilayotgan natijalar haqida batafsil tanishing!

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

RASMIY MUNOSABAT
 
Ijtimoiy tarmoqlarda Toshkent shahri Mirobod tumani Nukus ko‘chasida joylashgan “Parkwood” turar joy majmuasining transformator punktida yong‘in sodir bo‘lgani hamda ushbu hodisa “Toshkent shahar elektr tarmoqlari” hududiy filiali faoliyati bilan bog‘liqligi haqida xabarlar tarqalmoqda.

Mazkur holat “Toshkent shahar elektr tarmoqlari” hududiy filiali mutaxassislari hamda O‘zenergoinspeksiyaning Toshkent shahar hududiy boshqarmasi tomonidan o‘rganildi.

O‘rganishlar natijasida ushbu transformator punkti iste’molchining balansida ekanligi, “Toshkent shahar elektr tarmoqlari” hududiy filiali, jumladan, Mirobod tuman elektr ta’minoti korxonasi balansiga tegishli emasligi aniqlandi.

Shuningdek, hodisa iste’molchining o‘z xodimi tomonidan transformator punktida ta’mirlash ishlari olib borilayotgan vaqtda fazalararo qisqa tutashuv yuzaga kelishi oqibatida sodir bo‘lgani ma’lum bo‘ldi. Mazkur xodim Mirobod tuman elektr ta’minoti korxonasi xodimi hisoblanmaydi.

Eslatib o‘tamiz: elektr qurilmalarida ta’mirlash ishlarini belgilangan xavfsizlik talablari va qoidalariga qat’iy rioya qilgan holda amalga oshirish zarur.

Yuqoridagilardan kelib chiqib, mazkur hodisani “Toshkent shahar elektr tarmoqlari” hududiy filiali faoliyati bilan bog‘lovchi xabarlar haqiqatga mos emasligini ma’lum qilamiz.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

“NAMUNALI ISTE’MOLCHILAR” UCHUN YANGI TARTIB!

Endilikda elektr energiyasidan intizomli foydalanib kelayotgan tadbirkorlik subyektlari elektr energiyasi uchun 100 foiz emas, 15 foiz miqdorida oldindan to‘lovni amalga oshiradi.

Mazkur tartib elektr energiyasi uchun o‘z vaqtida to‘lovlarni amalga oshiradigan, qarzdorligi va qoidabuzarliklari mavjud bo‘lmagan hamda belgilangan talablarga javob beradigan tadbirkorlar uchun joriy etildi.

Ushbu yangilik tadbirkorlarning aylanma mablag‘larini samarali boshqarish, ishlab chiqarishni rivojlantirish va zarur xarajatlarni amalga oshirish uchun qo‘shimcha imkoniyat yaratadi.

Batafsil ma’lumot va yangiliklar uchun bizni kuzatib boring!

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

#elektr_xavfsizligi_oyligi

SO‘XDA ELEKTR TARMOQLARINI YANGILASH ,KUZ-QISH MAVSUMIGA TAYYORGARLIK ISHLARI HAMDA MEHNATNI MUHOFAZA QILISH BO‘YICHA AMALGA OSHIRILGAN ISHLAR O‘RGANILDI

Viloyatimizning So‘x tumanida elektr ta’minoti barqarorligini oshirish, mavjud elektr infratuzilmasini modernizatsiya qilish hamda kuz-qish mavsumini betalafot o‘tkazish maqsadida amalga oshirilayotgan ishlar izchil davom ettirilmoqda.

“Hududiy elektr tarmoqlari” AJ mutaxassislari tumanda bo‘lib, elektr ta’minoti tizimining bugungi holati, amalga oshirilgan ta’mirlash ishlari hamda mavsumga tayyorgarlik jarayonlarini atroflicha o‘rgandilar.

O‘rganishlar davomida tumandagi podstansiyalar, transformator punktlari va elektr uzatish tarmoqlarining texnik holatiga alohida e’tibor qaratildi. Xususan, yil davomida mazkur infratuzilma obyektlarida bajarilgan mukammal va joriy ta’mirlash ishlarining sifati, belgilangan vazifalarning ijrosi hamda amalga oshirilgan ishlarning elektr ta’minoti ishonchliligini oshirishdagi ahamiyati tahlil qilindi.

Shuningdek, mavjud elektr qurilmalarining kuz-qish mavsumidagi yuklamalarga tayyorligi, aniqlangan kamchiliklarni bartaraf etish, elektr tarmoqlarida yuzaga kelishi mumkin bo‘lgan nosozliklarning oldini olish va iste’molchilarga barqaror elektr energiyasi yetkazib berish masalalari muhokama qilindi.

O‘rganish jarayonida joylarda soha xodimlari bilan ham muloqot o‘tkazilib, elektr tarmoqlarida ishlarni sifatli tashkil etish, ta’mirlash jarayonlarida belgilangan talablar asosida ish yuritish hamda mehnat muhofazasi va xavfsizlik texnikasi qoidalariga qat’iy rioya qilish zarurligi ta’kidlandi.

Xodimlarning hayoti va salomatligini muhofaza qilish, baxtsiz hodisalarning oldini olish hamda har bir ishni xavfsiz bajarish ustuvor vazifa ekani qayd etildi.

O‘rganish yakunida elektr ta’minoti tizimida mavjud imkoniyatlardan samarali foydalanish, aniqlangan muammolarni o‘z vaqtida bartaraf etish, ta’mirlash ishlarining sifati va samaradorligini yanada oshirish yuzasidan tegishli vazifalar belgilandi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

“Salom, men is gaziman!” — Kо‘rinmas qotil о‘zi haqida gapirib berdi

Har yili kо‘plab insonlarni nobud qiluvchi kulfat – is gazi haqida nimalar bilamiz? Animatsiyamiz orqali siz bu gaz va uning hujumidan saqlanish haqida eng muhim narsalarni bilib olasiz.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz