📌📌📌📌📌📌

#24_soatlik_ish_rejimi

soat 00:40

Havo haroratining ko‘tarilishi munosabati bilan “Hududiy elektr tarmoqlari” AJ kuchaytirilgan ish rejimida faoliyat yuritmoqda
 
Havo haroratining keskin ko‘tarilishi sharoitida tizim kuchaytirilgan ish rejimiga o‘tkazildi.
 
Soha mutaxassislari elektr tarmoqlaridagi barcha jarayonlarni doimiy nazorat qilib, yuzaga kelishi mumkin bo‘lgan nosozliklarni tezkor bartaraf etish hamda iste’molchilarni barqaror va uzluksiz elektr energiyasi bilan ta’minlash bo‘yicha zarur choralarni ko‘rmoqda.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

“E-DALOLATNOMA” – SHAFFOF NAZORAT VA RAQAMLI BOSHQARUV SARI MUHIM QADAM
 
“Hududiy elektr tarmoqlari” aksiyadorlik jamiyati tomonidan O‘zbekiston Respublikasi Prezidentining “Yoqilg‘i-energiya resurslaridan foydalanish sohasida davlat nazorati samaradorligini oshirish chora-tadbirlari to‘g‘risida”gi Qarori ijrosini ta’minlash maqsadida “E-dalolatnoma” axborot tizimi amaliyotga joriy etildi.

Mazkur zamonaviy tizim elektr energiyasidan foydalanish qoidalarini buzish bilan bog‘liq aniqlangan huquqbuzarliklar yuzasidan dalolatnomalarni elektron shaklda rasmiylashtirish imkonini beradi. Bu esa nazorat tadbirlarini yanada tezkor, aniq va shaffof tashkil etishga xizmat qilmoqda.

“E-dalolatnoma” tizimining joriy etilishi natijasida qog‘oz hujjatlar aylanmasi bosqichma-bosqich qisqartirilib, barcha jarayonlar raqamli platforma orqali yuritiladi.

Shuningdek, dalolatnomalarni rasmiylashtirishdagi inson omili kamayib, korrupsiyaviy holatlarning oldini olish, ma’lumotlarning ishonchliligini ta’minlash hamda nazorat samaradorligini oshirish uchun keng imkoniyatlar yaratilmoqda.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

MUROJAATLARGA OʻZ VAQTIDA YECHIM TOPILMOQDA
 
Jizzax shahridagi "Nurliobod" mahallasida aholi murojaatlari asosida elektr tarmoqlarini modernizatsiya qilish ishlari olib borilmoqda.
 
Xususan 30 dona eskirgan yog‘och ustunlar zamonaviy temir-beton ustunlarga almashtirilmoqda, tarmoqlarga xavfsiz va sifatli SIP kabellari tortildi.
 
Ushbu say-harakatlar hududda elektr energiyasi ta’minotini yanada barqarorlashtirish hamda aholiga sifatli xizmat ko‘rsatishga xizmat qiladi.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

Elektr energiyasi bo‘yicha ikki rekord: iste’mol ham, ishlab chiqarish ham eng yuqori ko‘rsatkichga chiqdi
 
O‘zbekiston yagona energetika tizimida yozgi mavsum uchun sutkalik elektr energiyasi iste’moli 288,1 mln kVt·soatga yetib, yangi rekord qayd etildi. Mazkur ko‘rsatkich 14-iyul kuni qayd etilgan yozgi maksimum — 284 mln kVt·soatdan 4,1 mln kVt·soatga yoki 1,44 foizga yuqori bo‘ldi.
 
Ma’lumot uchun, 2026-yil 15-iyul kuni sutkalik elektr energiyasi ishlab chiqarish hajmi ham 291,4 mln kVt·soatni tashkil etib, yangi rekord o‘rnatdi. Bu 14-iyul kuni qayd etilgan 287,3 mln kVt·soatlik maksimumdan 4,1 mln kVt·soatga yoki 1,43 foizga ko‘pdir.
 
Yuqori iste’mol davrida elektr ta’minoti barqarorligini ta’minlash maqsadida energetika korxonalarining avariya-ta’mirlash brigadalari kuchaytirilgan tartibda ishlab, elektr tarmoqlaridagi nosozlik va avariyaviy holatlarni tezkor bartaraf etishmoqda.
 
Xususan, kecha ayrim hududlarda, jumladan, Toshkent shahrining Uchtepa, Chilonzor, Shayxontohur, Mirzo Ulug‘bek, Yashnobod va Sergeli tumanlaridagi ayrim elektr tarmoqlarida yuzaga kelgan nosozliklar energetiklar tomonidan tezkor bartaraf etildi. Shuningdek, soat 10:56 da Farg‘ona viloyatidagi “L-Arsif-1” elektr uzatish tarmog‘ida nosozlik bo‘lgan. Buning oqibatida Quva tumanidagi ayrim  iste’molchilar elektr ta’minotidan vaqtincha uzilgan va ushbu nosozlik soat 11:35 da bartaraf etilib, iste’molchilarning elektr ta’minoti qayta tiklangan.
 
16-iyul kuni soat 00:12 da Toshkent shahridagi podstansiyada nosozlik kuzatilgan. Buning oqibatida Chilonzor va Yakkasaroy tumanlarining ayrim hududlarida elektr ta’minotida vaqtincha uzilash kuzatilmoqda. Energetiklar ushbu nosozlikni bartaraf etish ishlarini olib borishmoqda.
 
Elektr stansiyalar, podstansiyalar, transformator punktlari, elektr uzatish tarmoqlari hamda qurilmalarini yangilash, ularning quvvatlarini oshirish kabi qator ishlar bajarilmoqda. Bu esa, iste’molchilarni mavsumda elektr energiyasi bilan ta’minlash ishonchliligini oshirishga xizmat qiladi.
 
Yuqori iste’mol vaqtlarida ayrim hududlarda elektr tarmoqlarida yuzaga kelishi mumkin bo‘lgan texnik nosozliklar sababli elektr ta’minotida vaqtinchalik uzilishlar kuzatilishi mumkin. Energetiklar elektr ta’minotini barqaror saqlash uchun uzluksiz mehnat qilishda davom etadi.

Yurtdoshlarimizdan esa iltimos — o‘zingiz va yaqinlaringizni ehtiyot qiling, issiq kunlarda salomatlikka e’tiborli bo‘ling hamda elektr energiyasidan tejamkorlik bilan foydalaning. Bu bilan birgalikda elektr ta’minoti barqarorligini ta’minlashga hissa qo‘shamiz.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

☀️ Mas’uliyat soya izlamaydi

Quyosh 42° issiqlik bilan sinayotgan pallada ham, ular elektr uzilmasligi uchun transformator o‘rnatmoqda. Bu oddiy ish emas. Har bir harakat ortida minglab xonadonning chirog‘i yonadi.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

ORTIQCHA ELEKTR JIHOZLARNI O‘CHIRISHNI UNUTMANG!

Bugun biz odatlangan qulayliklar ortida ulkan mehnat va resurslar yotibdi. Elektr energiyasidan oqilona foydalanish — bu oddiy tejamkorlik emas, balki tabiatga bo‘lgan g‘amxo‘rlikdir.

“Hududiy elektr tarmoqlari” AJ barchamizni resurslardan mas’uliyat bilan foydalanishga chorlaydi. Har bir o‘chirilgan ortiqcha elektr jihozi— umumiy maqsadimiz sari qo‘yilgan qadamdir.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz