📌📌📌📌📌📌

"HUDUDIY ELEKTR TARMOQLARI" AJ TOMONIDAN ZARUR MATERIALLAR YETKAZIB BERILDI

Prezident topshirig‘i ijrosi doirasida Sh.Rashidov tumanida olib borilayotgan keng ko‘lamli qurilish-ta’mirlash ishlarini jadallashtirish maqsadida “Hududiy elektr tarmoqlari” AJ tomonidan “Hududiy elektr tarmoqlari” AJ Jizzax hududiy filialiga zarur elektr texnik materiallari yetkazib berildi.

Ayni paytda ishchi guruhlar zarur materiallar bilan ta’minlanib, belgilangan hududlardagi ish joylariga biriktirildi. Mutaxassislar o‘z ish joylarida elektr tarmoqlarini modernizatsiya qilish, transformator punktlarini ta’mirlash, eskirgan tayanch va simlarni yangilash hamda yangi elektr uzatish tarmoqlarini qurish ishlarini bosqichma-bosqich amalga oshirmoqda.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

Urgut tumanida iste’molchilarni barqaror va sifatli elektr energiyasi bilan ta’minlash va tarmoqlardagi texnik yo‘qotishlarni qisqartirish maqsadida modernizatsiya ishlari ham davom etmoqda.

Jumladan, O‘roqboyjar mahallasida “Pochvon” fideriga ulangan 5626-transformator punktining yuklamasini kamaytirish uchun qo‘shimcha yangi transformator punkti o‘rnatildi. Uni yuqori kuchlanishli elektr tarmog‘iga ulash maqsadida zarur temir-beton ustunlar o‘rnatilib, rekonstruksiya ishlari amalga oshirildi.

Shuningdek, Quyi O‘roqboyjar mahallasida ham aholini yanada sifatli elektr energiyasi bilan ta’minlash, mavjud tarmoqlardagi yuklamani me’yorlashtirish va texnik yo‘qotishlarni kamaytirish maqsadida yangi transformator punkti hamda qariyb 40 ta temir-beton ustunni o‘rnatish ishlari olib borilmoqda.

Mazkur tadbirlar elektr tarmoqlarining ishonchliligini oshirish, texnik yo‘qotishlarni qisqartirish va iste’molchilarga uzluksiz hamda sifatli elektr energiyasi yetkazib berishga xizmat qiladi.
 
📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

URGUTDA AMALIY ISHLAR DAVOM ETMOQDA

Elektr va gaz ta’minoti tizimini takomillashtirish, mavjud muammolarni tizimli bartaraf etish maqsadida 15 ta hududda maxsus shtablar faoliyat olib bormoqda.

Mazkur shtablarga energetika tizimi tashkilotlari rahbarlari biriktirilib, joylarda infratuzilmani modernizatsiya qilish, aniqlangan kamchiliklarni bartaraf etish hamda elektr tarmoqlaridagi texnik yo‘qotishlarni kamaytirishga qaratilgan ishlar amalga oshirilmoqda.

Xususan, “Hududiy elektr tarmoqlari” AJ raisi S. Isakulov rahbarligida Urgut tumanida ham maxsus shtab faoliyat yuritib, hududdagi elektr ta’minoti holati o‘rganilmoqda.

Xususan, tumanning O‘rtaguzar, Murodqishloq hamda Tinchlik mahallalaridagi transformator punktlarida olib borilayotgan ta'mirlash va tarmoqlarni yangilash ishlari joyiga chiqqan holda o‘rganildi.

O‘rganishlar davomida qurilish-ta’mirlash ishlarini sifatli va belgilangan muddatlarda yakunlash yuzasidan mas’ullarga zarur topshiriqlar berildi.

📱Facebook | 📱Telegram | 📱YouTube | 📱Instagram | 📱X | 📱 het.uz