URGUTDA AMALIY ISHLAR DAVOM ETMOQDA
Elektr va gaz ta’minoti tizimini takomillashtirish, mavjud muammolarni tizimli bartaraf etish maqsadida 15 ta hududda maxsus shtablar faoliyat olib bormoqda.
Mazkur shtablarga energetika tizimi tashkilotlari rahbarlari biriktirilib, joylarda infratuzilmani modernizatsiya qilish, aniqlangan kamchiliklarni bartaraf etish hamda elektr tarmoqlaridagi texnik yo‘qotishlarni kamaytirishga qaratilgan ishlar amalga oshirilmoqda.
Xususan, “Hududiy elektr tarmoqlari” AJ raisi S. Isakulov rahbarligida Urgut tumanida ham maxsus shtab faoliyat yuritib, hududdagi elektr ta’minoti holati o‘rganilmoqda.
Xususan, tumanning O‘rtaguzar, Murodqishloq hamda Tinchlik mahallalaridagi transformator punktlarida olib borilayotgan ta'mirlash va tarmoqlarni yangilash ishlari joyiga chiqqan holda o‘rganildi.
O‘rganishlar davomida qurilish-ta’mirlash ishlarini sifatli va belgilangan muddatlarda yakunlash yuzasidan mas’ullarga zarur topshiriqlar berildi.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
Media is too big
VIEW IN TELEGRAM
Prezident topshirig‘i ijrosi: Yangiyо‘lda elektr tarmoqlarini modernizatsiya qilish ishlari boshlandi
Prezidentimiz raisligida о‘tkazilgan videoselektor yig‘ilishida berilgan topshiriqlar ijrosini ta’minlash maqsadida Yangiyо‘l tumanida "Hududiy elektr tarmoqlari" AJ tomonidan keng kо‘lamli tizimli ishlar boshlandi.
Ushbu ishlar doirasida elektr tarmoqlari infratuzilmasini modernizatsiya qilish, eskirgan elektr uskunalarini yangilash hamda aholini barqaror va sifatli elektr energiyasi bilan ta’minlashga qaratilgan chora-tadbirlar izchil amalga oshirilmoqda.
Jarayonlar xususida “О‘zbekiston24” telekanalining “Tahlilnoma” dasturining maxsus lavhasi orqali batafsil tanishish mumkin.
Please open Telegram to view this post
VIEW IN TELEGRAM
Prezident qarori ijrosi: Sirdaryoda 110 kVli elektr tarmoqlari qurilishi yuqori sur’atlarda olib borilmoqda
О‘zbekiston Respublikasi Prezidentining 2025-yil 27-dekabrdagi tegishli qaroriga muvofiq, Sirdaryo viloyatining Sayxunobod, Boyovut va Mirzaobod tumanlarida umumiy uzunligi 75 km bо‘lgan 35–110 kV elektr uzatish tarmoqlari hamda 2 ta 110 kVli podstansiyani qurish vazifasi belgilangan.
Mazkur topshiriq ijrosi doirasida “Hududiy qurilish-montaj direksiyasi” filiali tomonidan Sayxunobod tumanidagi kichik sanoat zonasigacha bо‘lgan 110 kVli elektr uzatish tarmog‘ini qurish ishlari tо‘liq yakunlandi. Ayni paytda tarmoqda sim tortish ishlarining sо‘nggi bosqichlari amalga oshirilmoqda.
Shuningdek, filial xodimlari tomonidan og‘ir mehnat sharoitlari va anomal issiq havo haroratiga qaramasdan, Boyovut va Mirzaobod tumanlarida 110 kVli elektr uzatish tarmoqlarini qurish ishlari ham jadal sur’atlarda davom ettirilmoqda.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
ELEKTR ENERGIYASI YO‘QOTISHLARINI KAMAYTIRISH BO‘YICHA O‘QUV-AMALIY YIG‘ILISHLAR O‘TKAZILMOQDA
Hududiy elektr ta’minoti korxonalarida elektr energiyasi yo‘qotishlarini kamaytirish, energiya balansini to‘g‘ri shakllantirish hamda iste’molchilarni sifatli va uzluksiz elektr energiyasi bilan ta’minlashga qaratilgan o‘quv-amaliy yig‘ilishlar o‘tkazilmoqda.
Mazkur yig‘ilishlarda elektr energiyasi yo‘qotishlarini qisqartirish bo‘yicha ustuvor vazifalar muhokama qilinib, transformator punktlari va elektr tarmoqlaridagi yuklamalarni muvozanatlashtirish, energiya hisobini takomillashtirish, texnik nosozliklarni o‘z vaqtida aniqlash va bartaraf etish hamda iste’molchilar bilan manzilli ishlash yuzasidan mas’ul xodimlarga amaliy ko‘rsatmalar berilmoqda.
Shuningdek, xodimlarning belgilangan vazifalarni o‘z vaqtida va sifatli bajarishi, energiya resurslaridan oqilona foydalanishi hamda iste’molchilarni uzluksiz va ishonchli elektr energiyasi bilan ta’minlash borasidagi mas’uliyati alohida ta’kidlanmoqda.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
Media is too big
VIEW IN TELEGRAM
Davlatimiz rahbari tomonidan belgilab berilgan topshiriqlar ijrosini ta’minlash maqsadida Namangan viloyati Davlatobod tumanida energetika infratuzilmasini yanada rivojlantirish va elektr ta’minoti sifatini oshirishga qaratilgan kompleks ishlar uchinchi kunida ham izchil hamda yuqori sur’atlarda davom ettirilmoqda.
Viloyatning barcha tuman va shahar elektr ta’minoti korxonalaridan jalb etilgan malakali mutaxassislar tomonidan transformator punktlari, elektr uzatish tarmoqlari va boshqa energetika obyektlarida keng ko‘lamli ta’mirlash hamda modernizatsiya ishlari amalga oshirilmoqda. Mazkur tadbirlar iste’molchilarni barqaror va sifatli elektr energiyasi bilan ta’minlash, tarmoqlarning ishonchliligi va samaradorligini yanada oshirishga xizmat qilmoqda.
Please open Telegram to view this post
VIEW IN TELEGRAM
Media is too big
VIEW IN TELEGRAM
Urganch tumanida ustuvor vazifalari ijrosi ta’minlanmoqda
O‘zbekiston Respublikasi Prezidenti raisligida yoqilg‘i-energetika tarmog‘ining istiqboldagi ustuvor vazifalariga bag‘ishlab o‘tkazilgan videoselektor yig‘ilishida belgilangan topshiriqlar ijrosini ta’minlash maqsadida “Hududiy elektr tarmoqlari” AJ boshqaruvi raisining elektr tarmoqlaridan foydalanish bo‘yicha birinchi o‘rinbosari B. Islomov boshchiligida Urganch tumanida ishchi guruh faoliyati yo‘lga qo‘yilgan.
Ishchi guruh tomonidan hududlarda elektr energiyasi yo‘qotishlarini kamaytirish, qizil toifadagi transformator punktlarini ta’mirlash, elektr tarmoqlarining texnik holatini yaxshilash hamda aholi murojaatlarini joyiga chiqqan holda o‘rganish va ularni tezkor va ijobiy hal etish bo‘yicha tizimli ishlar olib borilmoqda.
Jumladan, Urganch tumanining “Qiyot” mahallasi aholisi tomonidan elektr energiyasi kuchlanishining me’yoridan pastligi yuzasidan bildirilgan murojaat ishchi guruh tomonidan atroflicha o‘rganildi. O‘rganishlar davomida mahallani elektr energiyasi bilan ta’minlab kelayotgan quvvati 160 kVA bo’lgan 5406-sonli transformator punktining yuklamasi belgilangan me’yordan oshib ketgani aniqlandi.
Mazkur holatni bartaraf etish maqsadida ishchi guruh rahbari B.Islomov tomonidan mahallada qo‘shimcha transformator punktini qurish hamda mavjud elektr tarmoqlarini rekonstruksiya qilish va yangilash bo‘yicha mas’ullarga aniq topshiriqlar berildi.
Please open Telegram to view this post
VIEW IN TELEGRAM