📌📌📌📌📌📌

Samarqandda elektr ta’minotini yaxshilashga qaratilgan ishlar o‘rganildi
 
O‘zbekiston Respublikasi Prezidenti tomonidan belgilangan vazifalar ijrosini ta’minlash doirasida “Hududiy elektr tarmoqlari” AJ boshqaruvi raisi S. Isakulov Samarqand hududiy filialining temir-beton tayanchlari va travers mahsulotlarini ishlab chiqarish sexida bo‘lib, ishlab chiqarish jarayonlarini ko‘zdan kechirdi.
 
Sexda mahsulotlar sifatini yanada oshirish hamda qurilish materiallarining belgilangan standartlar asosida tayyorlanishini ta’minlash bo‘yicha mutasaddilarga tegishli ko‘rsatmalar berildi.
 
Shuningdek, Samarqand shahrida joylashgan hududiy filialning o‘quv-mashg‘ulotlari poligonida yaratilgan shart-sharoitlar bilan tanishildi.

Poligonda elektr tarmoqlari xodimlarining kasbiy mahoratini oshirish uchun zarur infratuzilma yaratilgani ta’kidlandi.
 
📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

URGUTDA 884 MILLION SO‘MLIK ELEKTR TALON-TAROJLIGIGA CHEK QO‘YILDI

“Hududiy elektr tarmoqlari” AJ boshqaruv raisi S. Isakulov boshchiligida Samarqand viloyati Urgut tumanida elektr ta’minoti sohasidagi muammolar joyiga chiqqan holda o‘rganilmoqda.

O‘rganishlar davomida Algar mahallasidagi “K X” fermer xo‘jaligiga tegishli umumiy quvvati 10,2 kVt bo‘lgan suv nasoslari elektr tarmog‘iga to‘g‘ridan to‘g‘ri noqonuniy ulangan holda foydalanilgani aniqlandi.

Holat yuzasidan belgilangan tartibda dalolatnoma rasmiylashtirildi.

Dastlabki qayta hisob-kitoblarga ko‘ra, mazkur qoidabuzarlik oqibatida elektr ta’minoti korxonasiga 268 056 kVt⋅soat yoki 884 million 584 ming 800 so‘m miqdorida zarar yetkazilgan.

Elektr energiyasidan noqonuniy foydalanish qonunchilikka muvofiq javobgarlikka sabab bo‘ladi.

Hurmatli iste’molchilar!

Elektr energiyasidan qonuniy va oqilona foydalaning. Noqonuniy ulanishlar nafaqat tizim barqarorligiga, balki boshqa iste’molchilarning sifatli elektr ta’minotiga ham salbiy ta’sir ko‘rsatadi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

HUDUDLARDA ELEKTR TARMOQLARINI O‘RGANISH ISHLARI IZCHIL DAVOM ETMOQDA

Prezidentimiz Shavkat Mirziyoyev raisligida 2026-yil 27-iyul kuni yoqilg‘i-energetika tarmog‘ining ustuvor vazifalariga bag‘ishlab o‘tkazilgan videoselektor yig‘ilishida belgilangan topshiriqlar ijrosi doirasida “Hududiy elektr tarmoqlari” AJ Andijon hududiy filiali tomonidan tizimli ishlar davom ettirilmoqda.

Bugun Respublika ishchi guruhi hamda filial tomonidan shakllantirilgan 24 ta ishchi guruh Andijon tumanidagi transformator punktlari, elektr tarmoqlari va zamonaviy elektr hisoblagichlarining texnik holatini o‘rgandi.

Shuningdek, ASKUE tizimining ishlashi nazorat qilinib, elektr energiyasi yo‘qotishlarini kamaytirish, noqonuniy ulanishlarning oldini olish hamda aniqlangan kamchiliklarni bartaraf etish yuzasidan tegishli chora-tadbirlar belgilandi.

Mazkur ishlar iste’molchilarni sifatli va barqaror elektr energiyasi bilan ta’minlash hamda elektr tarmoqlari ishonchliligini yanada oshirishga xizmat qilmoqda.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz