📌📌📌📌📌📌

SERGELIDA "PRIGORODNAYA-2" PODSTANSIYASINING QUVVATI OSHIRILMOQDA

O‘zbekiston Respublikasi Vazirlar Mahkamasining tegishli farmoyishiga muvofiq, “Hududiy qurilish-montaj direksiyasi” filiali tomonidan Toshkent shahri Sergeli tumanidagi 110/10 kVli “Prigorodnaya-2” podstansiyasining quvvatini oshirish va modernizatsiya qilish ishlarining yakuniy bosqichi amalga oshirilmoqda.

Loyiha natijasida Sergeli tumani iste’molchilari sifatli va barqaror elektr energiyasi bilan ta’minlanadi.

Shuningdek, tadbirkorlik subyektlari uchun qo‘shimcha elektr quvvatlari yaratilishi hududning iqtisodiy rivojlanishiga xizmat qiladi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

FARG‘ONA TUMANIDA ELEKTR TA’MINOTI TIZIMI KOMPLEKS O‘RGANILMOQDA

Farg‘ona tumanida elektr energiyasini hisobga olish tizimini yanada takomillashtirish, mavjud muammolarni manzilli aniqlash va bartaraf etish, iste’molchilarga ko‘rsatilayotgan xizmatlar sifatini oshirish borasida keng ko‘lamli amaliy ishlar olib borilmoqda.

Olib borilayotgan ishlar jarayonida elektr ta’minoti tizimining mavjud holati chuqur o‘rganilib, xonadonlar va boshqa iste’molchilardagi elektr hisoblagichlarning texnik holati, ularning ASKUE tizimi bilan aloqasi hamda ma’lumotlarni uzatish jarayoni to‘liq nazoratdan o‘tkazilmoqda.

Batafsil:

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

YANGIYO‘L VA TOSHKENT TUMANLARIDA NAZORAT O‘RGANISHLARI O‘TKAZILDI

“Hududiy elektr tarmoqlari” AJning Shartnomaviy xizmatlar va mahsulot ishlab chiqarishni monitoring qilish boshqarmasi tomonidan Davlat xizmatlari markazlari hamda Yagona interaktiv davlat xizmatlari portali (YIDXP) orqali elektron tizimga kelib tushgan murojaatlarning o‘z vaqtida ijro etilishi yuzasidan amalga oshirilayotgan ishlar o‘rganildi.

Navbatdagi o‘rganishlar Toshkent viloyatining Yangiyo‘l va Toshkent tumanlarida olib borilib, shartnoma asosida bajarilishi lozim bo‘lgan obyektlar joyiga chiqilgan holda ko‘zdan kechirildi. Aniqlangan holatlar yuzasidan mas’ul xodimlarga tegishli ko‘rsatmalar berildi.

Eslatma:

Elektr tarmoqlariga oid barcha qurilish va montaj ishlari faqat amaldagi qonunchilik talablari, rasmiy shartnoma hamda tasdiqlangan loyiha-smeta hujjatlari asosida amalga oshirilishi shart.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz