📌📌📌📌📌📌

XODIMLAR O‘RTASIDA ODOB-AXLOQ QOIDALARIGA RIOYA ETISH MASALALARI MUHOKAMA QILINDI

Bugun “Hududiy elektr tarmoqlari” AJ Namangan hududiy filialida xodimlar o‘rtasida odob-axloq qoidalariga rioya etishni ta’minlashga qaratilgan yig‘ilish bo‘lib o‘tdi.

Yig‘ilishda Hududiy elektr tarmoqlari AJ Korrupsiyaga qarshi kurashish va komplayens nazorat xizmati boshlig‘i Xusniddin Allamurodov, tuman prokurori o‘rinbosari Bekmirza Xoldarov, Xalq deputatlari Kengashi raisi Gavxar Xakimova hamda tuman Kengashining doimiy a’zolari ishtirok etdi.

Yig‘ilishda jamiyat boshqaruv raisining ko‘rsatmalariga muvofiq, xodimlarning xizmat faoliyati hamda xizmatdan tashqari vaqtdagi xulq-atvori, jamoatchilik bilan munosabatlariga oid odob-axloq qoidalari batafsil tushuntirildi.

Shuningdek, mazkur qoidalarga rioya etilishi doimiy nazoratda ekanligi, talablar buzilgan taqdirda belgilangan tartibda intizomiy choralar ko‘rilishi ta’kidlandi.

Yig‘ilish davomida xodimlar o‘rtasida korrupsiya va boshqa huquqbuzarliklarning oldini olish, ehtimoliy holatlarni barvaqt aniqlash va ularni bartaraf etish masalalari yuzasidan ham fikr almashildi.

Shuningdek, mutaxassislar tomonidan har bir yo‘nalish bo‘yicha tegishli tushuntirish va tavsiyalar berildi. Joylarda korrupsiyaviy xavflarni kamaytirish, kuz-qish mavsumida elektr ta’minoti barqarorligini ta’minlash, shuningdek, yuridik va jismoniy shaxslarning murojaatlari bilan ishlashda mas’uliyat va ijro intizomini yanada kuchaytirish zarurligi ta’kidlandi.

Halollik, qonuniylik, mas’uliyat va ochiqlik — elektr energetikasi tizimida aholining ishonchini mustahkamlash va sifatli xizmat ko‘rsatishning muhim omilidir.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

SHAHRIXONDA ELEKTR TARMOQLARINI YANGILASH VA TA’MINOT ISHONCHLILIGINI OSHIRISH ISHLARI OLIB BORILMOQDA

“Hududiy elektr tarmoqlari” AJ Andijon hududiy filiali tomonidan Shahrixon tumanida elektr ta’minoti barqarorligini oshirish, tarmoqlardagi yo‘qotishlarni kamaytirish va mavjud muammolarni bartaraf etish bo‘yicha tizimli ishlar olib borilmoqda.

Xususan, Naynavo, Vahim, Yangi Naynavo, Azamat va Qoraqo‘rg‘on MFY hududlarini elektr energiyasi bilan ta’minlovchi “Naynavo” elektr uzatish tarmog‘ida yuklamani kamaytirish, texnik holatni yaxshilash va yo‘qotishlarning oldini olish maqsadida qurilish-ta’mirlash ishlari amalga oshirilmoqda.

Ishlar doirasida viloyat hokimligi homiyligida yangi temir-beton tayanchlar o‘rnatilib, eskirgan elektr tarmoqlari va tayanchlari yangilanmoqda. Shuningdek, noqonuniy ulanishlarning oldini olish hamda elektr energiyasidan samarali foydalanishni ta’minlashga alohida e’tibor qaratilmoqda.

Amalga oshirilayotgan ishlar natijasida hududlarda elektr ta’minotining ishonchliligi oshib, iste’molchilarni sifatli va barqaror elektr energiyasi bilan ta’minlash imkoniyatlari kengayadi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

HUDUDLARDA ELEKTR TA’MINOTINI YAXSHILASH MAQSADIDA MUKAMMAL TA’MIRLASH ISHLARI OLIB BORILMOQDA

“Hududiy elektr tarmoqlari”AJ Xorazm hududiy filiali tomonidan “Yangi yo’l” tajribasi asosida elektr ta'minotini modernizatsiya qilish, aholiga uzluksiz va sifatli elektr energiyasi yetkazib berish maqsadida mukammal ta’mirlash ishlari olib borilmoqda.

Xususan, Urganch tumanida joylashgan 110/6 kVAli “G’arbiy” podstansiyasidan chiqadigan 6 kVli “Maktab-2” havo elektr tarmog‘ida mukammal ta’mirlash ishlari olib borilmoqda. Ushbu amaliy ishlar doirasida eski elektr uzatish ustunlari o’rniga yangi temir-beton ustunlarni qurish va elektr qurilmalarini yangilash ishlari bajarilmoqda.

Ushbu mukammal ta’mirlash ishlari natijasida “Oltin koʻl”, “Yoshlik”, “Mevazor”, “Boʻston” mahallalarida joylashgan aholi va xo‘jalik yurituvchi subyektlarning elektr ta’minoti yanada barqarorligi ta’minlanadi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz