📌📌📌📌📌📌

XODIMLAR MALAKASINI OSHIRISH VA TAJRIBA ALMASHISH BO‘YICHA O‘QUV-AMALIY MASHG‘ULOTLAR TASHKIL ETILMOQDA

Xodimlarning muntazam ravishda tajriba almashishini ta’minlash, ularning malakasini oshirish jarayonini tizimli yo‘lga qo‘yish maqsadida, 2026-yil avgust oyi uchun tasdiqlangan rejaga muvofiq, “Hududiy elektr tarmoqlari” AJ tomonidan xizmat ko‘rsatish sifatini yaxshilash va energetika tizimining barqaror ishlashini ta’minlashga qaratilgan o‘quv-amaliy mashg‘ulotlar olib borilmoqda.

Jumladan, ayni kunlarda “Ilmiy-texnik va xodimlar malakasini oshirish markazi” filiali tomonidan Jamiyat tizimidagi korxona va filiallarning tuman va shahar elektr ta’minoti dispetcherlari, EEHNAT muhandislari, shuningdek, iste’molchilar bilan ishlash va debitor qarzdorlikni undirish guruhlari rahbarlari hamda muhandislari ishtirokida malaka oshirish kurslari tashkil etildi.

O‘quv kurslari davomida tinglovchilar Yashnobod tumanidagi “Olmos” nimstansiyasida bo‘lib, olgan nazariy bilimlarini amaliyotda mustahkamlash hamda zarur ko‘nikmalarga ega bo‘lish imkoniyatiga ega bo‘ldilar.

Bundan tashqari, o‘quv-amaliy mashg‘ulotlarida olingan bilim, ma’lumot va tajribalarni tizimdagi boshqa mutaxassislarga yetkazish, ularning kasbiy malakasini oshirish maqsadida filial tomonidan onlayn o‘quv-seminarlar va treninglar ham muntazam tashkil etilmoqda.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

URGUTDA ELEKTR VA TABIIY GAZ MUAMMOLARI JOYIDA HAL ETILYAPTIMI?

Bu savolni bejiz qo‘ymadik. Joriy yilning 27-iyul kuni Prezident boshchiligida yoqilg‘i-energetika tarmog‘idagi ustuvor masalalarga bag‘ishlab o‘tkazilgan videoselektor yig‘ilishida elektr va tabiiy gaz ta’minoti bilan bog‘liq ishlarni “tumanbay” va “mahallabay” tizimida tashkil etish bo‘yicha vazifalar belgilab berilgan edi.

Ushbu topshiriqlar ijrosi doirasida Urgut tumanida elektr ta’minotini yaxshilash bo‘yicha qator amaliy ishlar olib borilmoqda. Xususan, hozirga qadar tumandagi 85 ta transformator punktida mukammal va joriy ta’mirlash ishlari bajarilib, 2,3 kilometr yangi elektr uzatish tarmog‘i tortildi.

Elektr ta’minoti barqarorligini yanada yaxshilash maqsadida 7 ta transformator, 9,3 kilometr SIP kabel, 100 ta avtomat o‘chirgich, 30 ming dona yuqori va past kuchlanishli saqlagich, 1,3 ming dona izolyator, 2 tonna bo‘yoq hamda boshqa zarur maxsus elektr ehtiyot qismlari ajratildi.

Batafsil: Zarnews.uz

Batafsil: Uza.uz

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

HURMATLI ELEKTR ENERGIYASI ISTE’MOLCHILARI!

“Hududiy elektr tarmoqlari” AJ tomonidan yangi “HET BILLING” dasturiy kompleksi joriy etilishi doirasida mobil ilova ham ishga tushirilgan edi.

Mazkur ilova orqali iste’molchilar bevosita iste’mol qilingan elektr energiyasi hisobi, xususan, to‘lov ma’lumotlari, kunlik elektr energiya iste’moli va boshqa ma’lumotlarni onlayn tarzda kuzatib borish imkoniyatiga ega bo'ldilar.

“Hududiy elektr tarmoqlari” AJ iste’molchilardan kelib tushgan taklif va murojaatlarni inobatga olgan holda, mobil ilovani yuklab olish, tizimga kirish, ro‘yxatdan o‘tish hamda undan foydalanish tartibi bo‘yicha tayyorlangan videoqo‘llanmani e’tiboringizga havola etadi.

Iste’molchilar mazkur ilovani Android hamda IOS  operatsion tizimi qurilmalari orqali bepul yuklab olishlari mumkin. Mobil ilova dasturi avtomatlashtirilgan holda yangilab boriladi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz