📌📌📌📌📌📌

“YANGIYO‘L TUMANI TAJRIBASI”: MIRZO ULUG‘BEK TUMANIDA ELEKTR TA’MINOTI SIFATI YAXSHILANMOQDA

2026-yil 27-iyul kuni Prezident Shavkat Mirziyoyev raisligida yoqilg‘i-energetika tarmog‘idagi ustuvor vazifalarga bag‘ishlab o‘tkazilgan videoselektor yig‘ilishida berilgan topshiriqlar ijrosini o‘z vaqtida va sifatli ta’minlash maqsadida O‘zbekiston Respublikasi energetika vazirining birinchi o‘rinbosari U. M. Mamadaminov boshchiligidagi ishchi guruhi tomonidan Toshkent shahrining Mirzo Ulug‘bek tumanida “Yangiyo‘l tumani tajribasi” asosida keng ko‘lamli o‘rganish va amaliy ishlar olib borilmoqda.

O‘rganishlar davomida tumandagi elektr ta’minoti sifatini yaxshilash, elektr energiyasi yo‘qotishlarini kamaytirish hamda iste’molchilarni uzluksiz va sifatli elektr energiyasi bilan ta’minlashga alohida e’tibor qaratilmoqda.

Mazkur ishlarni amalga oshirishga 110 nafar ishchi jalb etilgan bo‘lib, ular tomonidan belgilangan vazifalar ijrosini ta’minlash yuzasidan har kuni amaliy ishlar olib borilmoqda.

Tadbirlar boshlanganidan buyon tumandagi 105 ta transformator punkti ta’mirlandi. Ayni paytda «Olmachi», «Turon» va «Podshobog‘» mahallalari hududida joylashgan TP-1097, TP-1811, TP-1565, TP-2087, TP-743 hamda TP-43 transformator punktlarida ta’mirlash va texnik yangilash ishlari davom ettirilmoqda.

Amalga oshirilgan ishlar doirasida:
- 91,85 kilometr elektr uzatish tarmoqlari hamda 172 ta transformator punkti mukammal va joriy ta’mirlandi;
- 4,5 kilometr elektr uzatish tarmog‘i hamda 2 ta transformator punkti rekonstruksiya va modernizatsiya qilindi;
- 500 ta elektron hisoblagich almashtirildi.

Ko‘rilayotgan choralar natijasida 65 ming nafardan ziyod iste’molchining elektr ta’minoti sifati yaxshilandi.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

TAYINLOV

Rayimov Ro‘ziqul Obloqulovich “Hududiy elektr tarmoqlari” AJ Boshqaruv raisining Kadrlar tayyorlash va ularni  malakasini oshirish bo‘yicha maslahatchisi — “Ilmiy-texnik va xodimlarning malakasini oshirish markazi” filiali direktori lavozimiga tayinlandi.

Rayimov Ro‘ziqul Obloqulovich 2023–2026-yillarda Energetika vazirining maslahatchisi lavozimida faoliyat yuritgan. Energetika sohasida 45 yildan ortiq tajribaga ega.

Uning sohani rivojlantirishdagi ko‘p yillik fidokorona mehnati 2018-yilda “Mehnat shuhrati” ordeni bilan taqdirlangani bilan e’tirof etilgan.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

URGANCH TUMANIDA “YANGIYO‘L” TAJRIBASI ASOSIDA TIZIMLI ISHLAR AMALGA OSHIRILMOQDA

O‘zbekiston Respublikasi Prezidentining yoqilg‘i-energetika sohasini yanada rivojlantirish, mavjud muammolarni bartaraf etish va energiya ta’minoti barqarorligini ta’minlashga qaratilgan topshiriqlari ijrosi doirasida Urganch tumanida keng ko‘lamli ishlar amalga oshirilmoqda.

O‘zbekiston Respublikasi Prezidentining yoqilg‘i-energetika masalalari bo‘yicha maslahatchisi Bexzot Narmatov, Energetika vaziri Sherzod Xodjayev hamda “Hududiy elektr tarmoqlari” AJ boshqaruvi raisi Sardor Isakulov, “Hududgazta’minot” AJ boshqaruv raisi Marufxon Xodjayevlar  boshchiligidagi “Yangiyo‘l” tajribasi asosida Urganch tumanida olib borilayotgan ishlar bilan tanishib, amalga oshirilgan va kelgusida bajarilishi rejalashtirilgan vazifalar taqdimotini ko‘zdan kechirdilar.

Taqdimot davomida, “Hududiy elektr tarmoqlari” AJ hamda “HududGaz” AJ tomonidan Urganch tumanida Prezident topshiriqlari ijrosini ta’minlash borasida amalga oshirilayotgan ishlar, mavjud muammolar va ularni bartaraf etish bo‘yicha ishlab chiqilgan chora-tadbirlar muhokama qilindi.

Xususan, elektr va gaz tarmoqlarining texnik holatini chuqur o‘rganish, mavjud muammolarni malakali muhandislar hamda nazorat organlari vakillari ishtirokida manzilli tahlil qilish, aniqlangan kamchiliklarni qisqa muddatlarda bartaraf etish bo‘yicha aniq va ustuvor vazifalar belgilandi.

Uchrashuvda, kuz-qish mavsumini betalafot va barqaror o‘tkazish maqsadida, avvalo, muammoli elektr tarmoqlari va uskunalarini yangilash, eskirgan infratuzilmani modernizatsiya qilish, energiya yo‘qotishlarini kamaytirish, energiya samaradorligini oshirish hamda avariyaviy uzilishlarning asosiy sabablarini bartaraf etishga alohida e’tibor qaratildi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

SIRDARYO TUMANIDA “YANGIYO‘L” TAJRIBASI ASOSIDA ISHLAR DAVOM ETMOQDA

O‘zbekiston Respublikasi Prezidentining yoqilg‘i-energetika sohasini yanada rivojlantirish, mavjud muammolarni bartaraf etish va energiya ta’minoti barqarorligini ta’minlashga qaratilgan topshiriqlari ijrosi doirasida Sirdaryo viloyatida keng ko‘lamli ishlar amalga oshirilmoqda.

O’zbekiston Respublikasi Energetika vaziri Sherzod Xodjayev hamda “Hududiy elektr tarmoqlari” AJ Boshqaruvi raisi Sardor Isakulov boshchiligidagi ishchi guruh hududdagi ishlar bilan tanishdi.

Tashrif davomida amalga oshirilgan ishlar va kelgusidagi rejalar taqdimoti o‘tkazilib, elektr tarmoqlarini modernizatsiya qilish, mavjud muammolarni bosqichma-bosqich bartaraf etish va iste’molchilarni barqaror elektr energiyasi bilan ta’minlash bo‘yicha belgilangan vazifalar muhokama qilindi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz