📌📌📌📌📌📌

TAYINLOV

Rayimov Ro‘ziqul Obloqulovich “Hududiy elektr tarmoqlari” AJ Boshqaruv raisining Kadrlar tayyorlash va ularni  malakasini oshirish bo‘yicha maslahatchisi — “Ilmiy-texnik va xodimlarning malakasini oshirish markazi” filiali direktori lavozimiga tayinlandi.

Rayimov Ro‘ziqul Obloqulovich 2023–2026-yillarda Energetika vazirining maslahatchisi lavozimida faoliyat yuritgan. Energetika sohasida 45 yildan ortiq tajribaga ega.

Uning sohani rivojlantirishdagi ko‘p yillik fidokorona mehnati 2018-yilda “Mehnat shuhrati” ordeni bilan taqdirlangani bilan e’tirof etilgan.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

URGANCH TUMANIDA “YANGIYO‘L” TAJRIBASI ASOSIDA TIZIMLI ISHLAR AMALGA OSHIRILMOQDA

O‘zbekiston Respublikasi Prezidentining yoqilg‘i-energetika sohasini yanada rivojlantirish, mavjud muammolarni bartaraf etish va energiya ta’minoti barqarorligini ta’minlashga qaratilgan topshiriqlari ijrosi doirasida Urganch tumanida keng ko‘lamli ishlar amalga oshirilmoqda.

O‘zbekiston Respublikasi Prezidentining yoqilg‘i-energetika masalalari bo‘yicha maslahatchisi Bexzot Narmatov, Energetika vaziri Sherzod Xodjayev hamda “Hududiy elektr tarmoqlari” AJ boshqaruvi raisi Sardor Isakulov, “Hududgazta’minot” AJ boshqaruv raisi Marufxon Xodjayevlar  boshchiligidagi “Yangiyo‘l” tajribasi asosida Urganch tumanida olib borilayotgan ishlar bilan tanishib, amalga oshirilgan va kelgusida bajarilishi rejalashtirilgan vazifalar taqdimotini ko‘zdan kechirdilar.

Taqdimot davomida, “Hududiy elektr tarmoqlari” AJ hamda “HududGaz” AJ tomonidan Urganch tumanida Prezident topshiriqlari ijrosini ta’minlash borasida amalga oshirilayotgan ishlar, mavjud muammolar va ularni bartaraf etish bo‘yicha ishlab chiqilgan chora-tadbirlar muhokama qilindi.

Xususan, elektr va gaz tarmoqlarining texnik holatini chuqur o‘rganish, mavjud muammolarni malakali muhandislar hamda nazorat organlari vakillari ishtirokida manzilli tahlil qilish, aniqlangan kamchiliklarni qisqa muddatlarda bartaraf etish bo‘yicha aniq va ustuvor vazifalar belgilandi.

Uchrashuvda, kuz-qish mavsumini betalafot va barqaror o‘tkazish maqsadida, avvalo, muammoli elektr tarmoqlari va uskunalarini yangilash, eskirgan infratuzilmani modernizatsiya qilish, energiya yo‘qotishlarini kamaytirish, energiya samaradorligini oshirish hamda avariyaviy uzilishlarning asosiy sabablarini bartaraf etishga alohida e’tibor qaratildi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

SIRDARYO TUMANIDA “YANGIYO‘L” TAJRIBASI ASOSIDA ISHLAR DAVOM ETMOQDA

O‘zbekiston Respublikasi Prezidentining yoqilg‘i-energetika sohasini yanada rivojlantirish, mavjud muammolarni bartaraf etish va energiya ta’minoti barqarorligini ta’minlashga qaratilgan topshiriqlari ijrosi doirasida Sirdaryo viloyatida keng ko‘lamli ishlar amalga oshirilmoqda.

O’zbekiston Respublikasi Energetika vaziri Sherzod Xodjayev hamda “Hududiy elektr tarmoqlari” AJ Boshqaruvi raisi Sardor Isakulov boshchiligidagi ishchi guruh hududdagi ishlar bilan tanishdi.

Tashrif davomida amalga oshirilgan ishlar va kelgusidagi rejalar taqdimoti o‘tkazilib, elektr tarmoqlarini modernizatsiya qilish, mavjud muammolarni bosqichma-bosqich bartaraf etish va iste’molchilarni barqaror elektr energiyasi bilan ta’minlash bo‘yicha belgilangan vazifalar muhokama qilindi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

ELEKTR TA’MINOTI: URGUTDA TIZIMLI ISHLAR OLIB BORILMOQDA

Joriy yilning 27-iyul kuni Prezidentimiz rahbarligida yoqilg‘i-energetika tarmog‘idagi ustuvor masalalarga bag‘ishlab o‘tkazilgan videoselektor yig‘ilishida elektr ta’minotini “mahallabay” tizim asosida tashkil etish bo‘yicha vazifalar belgilangan edi.

Mazkur topshiriqlar ijrosi doirasida Urgut tumanida Respublika ishchi guruhi ishtirokida yig‘ilish o‘tkazilib, 116 ta mahallada energiya iste’moli balansini shakllantirish, elektr tarmoqlari va uskunalarni xatlovdan o‘tkazish, hisoblagichlar aloqasini yaxshilash hamda noqonuniy foydalanish holatlarini bartaraf etish ishlari tahlil qilindi.

Ishlarni jadallashtirish maqsadida ichki ishlar organlari hamda “Hududiy elektr tarmoqlari” AJ Samarqand hududiy filiali xodimlaridan iborat ishchi guruh tuzilib, 130 nafar profilaktika inspektori va 130 nafar elektr tarmoqlari xodimlari tomonidan 116 ta mahallada tizimli ishlar olib borilmoqda.

📱Facebook | 📱Telegram | 📱YouTube | 📱Instagram | 📱X | 📱 het.uz