📌📌📌📌📌📌

ELEKTR TA’MINOTI: URGUTDA TIZIMLI ISHLAR OLIB BORILMOQDA

Joriy yilning 27-iyul kuni Prezidentimiz rahbarligida yoqilg‘i-energetika tarmog‘idagi ustuvor masalalarga bag‘ishlab o‘tkazilgan videoselektor yig‘ilishida elektr ta’minotini “mahallabay” tizim asosida tashkil etish bo‘yicha vazifalar belgilangan edi.

Mazkur topshiriqlar ijrosi doirasida Urgut tumanida Respublika ishchi guruhi ishtirokida yig‘ilish o‘tkazilib, 116 ta mahallada energiya iste’moli balansini shakllantirish, elektr tarmoqlari va uskunalarni xatlovdan o‘tkazish, hisoblagichlar aloqasini yaxshilash hamda noqonuniy foydalanish holatlarini bartaraf etish ishlari tahlil qilindi.

Ishlarni jadallashtirish maqsadida ichki ishlar organlari hamda “Hududiy elektr tarmoqlari” AJ Samarqand hududiy filiali xodimlaridan iborat ishchi guruh tuzilib, 130 nafar profilaktika inspektori va 130 nafar elektr tarmoqlari xodimlari tomonidan 116 ta mahallada tizimli ishlar olib borilmoqda.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

BAYRAM MASKANLARIDA ELEKTR XAVFSIZLIGI TA’MINLANMOQDA

Mustaqilligimizning 35 yillik bayramini xavfsiz va ko‘tarinki kayfiyatda nishonlash maqsadida respublikamizning barcha hududlarida zarur tayyorgarlik ishlari olib borilmoqda.

Shu maqsadda “Hududiy elektr tarmoqlari” AJ tomonidan bayram tadbirlari o‘tkaziladigan maskanlarda elektr ta’minoti holati o‘rganilib, elektr tarmoqlari, transformator punktlari, yoritish tizimlari va boshqa jihozlarning texnik holati nazorat qilinmoqda. Aniqlangan kamchiliklar bartaraf etilib, elektr xavfsizligi va ta’minot barqarorligini ta’minlash choralari ko‘rilmoqda.

Xususan, vaqtinchalik elektr qurilmalarining to‘g‘ri ulanishi, ortiqcha yuklamaning oldini olish hamda yoritish tizimlarining sozligi alohida nazoratga olingan.

“Farg‘ona HETK” AJ mutaxassislari tomonidan ham bayram maskanlarida elektr ta’minoti barqarorligini ta’minlash va yuzaga kelishi mumkin bo‘lgan nosozliklarning oldini olish bo‘yicha ishlar olib borilmoqda.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

“HET” AJ ENERGOSAVDO FILIALI RESPUBLIKA ISHCHI GURUHINING YANGIYO‘L TUMANIDAGI AMALIY ISHLARI DAVOM ETMOQDA

Yangiyo‘l tumanida elektr energiyasi bo‘yicha debitor qarzdorlikni 0 ga tushirish yuzasidan “HET” AJ Energosavdo filiali Respublika ishchi guruhi tomonidan tizimli ishlar olib borilmoqda.

Ishchi guruhlar mahalla kesimida qarzdor iste’molchilar bilan manzilli ishlash, mavjud qarzdorliklarni bartaraf etish hamda to‘lov intizomini mustahkamlashga alohida e’tibor qaratmoqda.

Mazkur jarayonlarda mahalla profilaktika inspektorlari, mahalla raislari va mahalla xodimlari bilan hamkorlikda amaliy choralar ko‘rilmoqda.

Asosiy maqsad — Yangiyo‘l tumanida elektr energiyasi bo‘yicha debitor qarzdorlikni to‘liq bartaraf etish va to‘lov intizomini mustahkamlash.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

JALAQUDUQ TUMANIDA ELEKTR TA’MINOTI TIZIMI YANGILANMOQDA

Andijon viloyati Jalaquduq tumanida “og‘ir” toifaga kiritilgan mahallalarda elektr ta’minoti barqarorligini ta’minlash, mavjud tarmoqlarni modernizatsiya qilish hamda aholiga sifatli va ishonchli elektr energiyasi yetkazib berish maqsadida keng ko‘lamli amaliy ishlar olib borilmoqda.

Xususan, Dostonobod MFY hududida 202 dona temir-beton tayanch o‘rnatilib, 5 kilometr elektr tarmog‘i tortildi hamda 2 dona transformator punkti o‘rnatildi.

Shuningdek, Neftchilar MFYda 97 dona temir-beton tayanch o‘rnatilib, 2,5 kilometr elektr tarmog‘i tortildi va 1 dona transformator punkti ishga tushirildi.

Ayni paytda tumandagi G‘ozichegi hamda A. Rahmonov mahallalarida ham elektr tarmoqlarini yangilash, temir-beton tayanchlar o‘rnatish va elektr ta’minoti infratuzilmasini mustahkamlash ishlari izchil davom ettirilmoqda.

Amalga oshirilayotgan mazkur ishlar natijasida mahallalarda elektr ta’minotining ishonchliligi oshib, iste’molchilarga ko‘rsatilayotgan xizmatlar sifati yanada yaxshilanishiga erishiladi.

📱Facebook | 📱Telegram | 📱YouTube | 📱Instagram | 📱X | 📱 het.uz