📌📌📌📌📌📌

ELEKTR TARMOQLARIGA ULANISH JARAYONLARI USTIDAN NAZORAT ISHLARI JIZZAX VILOYATIDA DAVOM ETMOQDA

“Hududiy elektr tarmoqlari” AJning Shartnomaviy xizmatlar va mahsulot ishlab chiqarishni monitoring qilish boshqarmasi tomonidan Jizzax hududiy filialida davlat va shartnomaviy xizmatlar ko‘rsatish faoliyati yuzasidan nazorat-tahlil ishlari olib borilmoqda.

O‘rganishlar davomida O‘zbekiston Respublikasi Vazirlar Mahkamasining 555-son qarori talablari, elektr tarmoqlariga ulanishning belgilangan tartiblariga rioya etilishi hamda iste’molchilarga xizmat ko‘rsatish sifati atroflicha tahlil qilinmoqda.
Nazorat tadbirlari jarayonida aniqlangan kamchiliklar yuzasidan mas’ul xodimlarga tegishli ko‘rsatma va tavsiyalar berilib, qonunchilik talablariga qat’iy rioya etish bo‘yicha tushuntirish ishlari olib borilmoqda.

Shuningdek, iste’molchilarning murojaatlarini o‘z vaqtida va sifatli ko‘rib chiqish, elektr tarmoqlariga ulanish bilan bog‘liq jarayonlarni belgilangan tartibda amalga oshirish, hujjatlarni to‘g‘ri rasmiylashtirish hamda xizmat ko‘rsatishda shaffoflikni ta’minlash masalalariga alohida e’tibor qaratilmoqda.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

#Uzb35

MUSTAQILLIGIMIZNING 35 YILLIGI MUNOSABATI BILAN VATANPARVARLIK VA MILLIY G‘URUR TUYG‘ULARINI MUSTAHKAMLASHGA QARATILGAN MA’NAVIY-MA’RIFIY TADBIR O‘TKAZILDI

“Hududiy elektr tarmoqlari” aksiyadorlik jamiyati “Ilmiy-texnik va xodimlarni malakasini oshirish markazi” filialida tizim tashkilotlaridan kelib tahsil olayotgan tinglovchilar Temuriylar tarixi davlat muzeyida bo‘lishdi.

Ekskursiya davomida tinglovchilar Amir Temur va Temuriylar davriga oid noyob tarixiy eksponatlar, qo‘lyozmalar, qurol-yarog‘lar, davlat boshqaruvi, ilm-fan va madaniyat rivojiga oid ma’lumotlar bilan yaqindan tanishdilar.

Mazkur ma’rifiy tashrif tinglovchilarda ajdodlarimizning boy tarixiy merosiga hurmat, Vatanga muhabbat va milliy g‘urur tuyg‘ularini yanada mustahkamlashga xizmat qildi.

Ajdodlarimizning buyuk tarixini o‘rganish, milliy qadriyatlarimizni asrab-avaylash va uni kelajak avlodga yetkazish — barchamizning sharafli burchimizdir.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

O‘zbekiston Respublikasi davlat mustaqilligining 35 yilligiga bag‘ishlab, “Hududiy elektr tarmoqlari” AJ Xorazm hududiy filiali tizimida faoliyat yuritayotgan tashabbuskor xotin-qizlar o‘rtasida voleybol sport turi bo‘yicha musobaqa o‘tkazildi. Musobaqa yakunida g‘oliblar tashakkurnoma hamda esdalik sovg‘alari bilan taqdirlandilar.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz