📌📌📌📌📌📌

TOSHKENTDA TARIX VA ZAMONAVIY SAN’AT UYG‘UNLASHGAN YANGI MADANIY MAKON OCHILMOQDA

Joriy yil 6-sentabr kuni poytaxtimizda Toshkent zamonaviy san’at markazi — CCA Tashkent o‘z eshiklarini ochadi. Bu shunchaki yangi muzey yoki ko‘rgazma zali emas, balki bir asrdan ziyod tarixga ega inshootga yangi hayot bag‘ishlangan yirik madaniy loyihadir.

Ma’lumot o‘rnida: 1912-yilda me’mor Vilgelm Geynzelman loyihasi asosida barpo etilgan bino dastlab tramvay deposi, keyinchalik dizel elektr stansiyasi sifatida foydalanilgan. Bugun esa uning tarixiy qiyofasi va industrial ruhini saqlagan holda, zamonaviy san’at, ta’lim, tadqiqot va madaniy muloqot markaziga aylantirildi.

Davlatimiz rahbari tashabbusi bilan amalga oshirilayotgan ushbu loyiha tarixiy merosni asrab-avaylash va unga zamonaviy mazmun berishning yorqin namunasidir.

Fransiyaning mashhur Studio KO byurosi tomonidan ishlab chiqilgan arxitektura konsepsiyasi tarixiy meros va zamonaviy infratuzilmani uyg‘unlashtirgan. Markazda ko‘rgazma zallari, ta’lim va jamoat maydonlari, kutubxona hamda tadqiqot infratuzilmasi faoliyat yuritadi.

Eng muhimi — bu yerda nafaqat tarix saqlab qolindi, balki unga yangi mazmun berildi. Ilgari energiya ishlab chiqarilgan makonda bugun ijod, yangi g‘oyalar, san’at va insonlar muloqotining yangi energiyasi yuzaga keladi.

CCA Tashkent nafaqat Toshkentning, balki Markaziy Osiyoning yangi madaniy joziba nuqtalaridan biriga aylanishi kutilmoqda.

Bu yerda zamonaviy san’at bilan bir qatorda ma’ruzalar, kinonamoyishlar, tadqiqotlar, munozaralar, konsertlar, performanslar va turli madaniy-ta’lim tadbirlari o‘tkaziladi.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

URGUTDA YOQILG‘I-ENERGIYA RESURSLARIDAN FOYDALANISH USTIDAN NAZORAT MASALALARI MUHOKAMA QILINDI

Bugun Urgut tuman elektr ta’minotida Bosh prokuror o‘rinbosari S. Samadov rahbarligida yoqilg‘i-energiya resurslaridan foydalanish ustidan davlat nazoratini samarali tashkil etish masalalariga bag‘ishlangan yig‘ilish o‘tkazildi.

Unda tegishli idoralar, ularning hududiy hamda quyi tizimlari rahbarlari, shuningdek, shtab a’zolari ishtirok etdi.

Yig‘ilishda joriy yilning 27-iyul kuni davlatimiz rahbari tomonidan yoqilg‘i-energetika sohasi yuzasidan o‘tkazilgan yig‘ilishda belgilangan ustuvor vazifalar ijrosi atroflicha muhokama qilindi.

Xususan, energiya resurslari uchun to‘lov intizomini mustahkamlash, debitor qarzdorlikni qisqartirish, energiya samaradorligini oshirish, elektr tarmoqlaridagi texnik yo‘qotishlarni kamaytirish hamda boshqa muhim yo‘nalishlarda amalga oshirilayotgan ishlar tahlil qilindi.

Shuningdek, Urgut tumanida energiya samaradorligini oshirish borasida yangicha tizim asosida olib borilayotgan ishlar yuzasidan biriktirilgan mas’ul rahbarlarning hisobotlari tinglandi.

Yig‘ilish yakunida mas’ul idora rahbarlari va hududiy shtab a’zolariga vazifalarni samarali tashkil etish bo‘yicha qo‘shimcha topshiriqlar berildi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

URGUTDA “MAHALLABAY” TIZIM ASOSIDA ISHLAR DAVOM ETMOQDA

Urgut tumanida elektr ta’minoti va energiya samaradorligini oshirish maqsadida “mahallabay” tizim asosida 116 ta mahallada tizimli ishlar olib borilmoqda.

Mazkur jarayonda energiya iste’moli balansini shakllantirish, elektr tarmoqlari va uskunalarni xatlovdan o‘tkazish, hisoblagichlar bilan bog‘liq muammolarni bartaraf etish hamda noqonuniy foydalanish holatlarining oldini olishga alohida e’tibor qaratilmoqda.

Shuningdek, texnik yo‘qotishlarni kamaytirish, energiya resurslaridan oqilona foydalanish va to‘lov intizomini mustahkamlash bo‘yicha manzilli chora-tadbirlar amalga oshirilmoqda.

“Hududiy elektr tarmoqlari” AJ Samarqand hududiy filiali ishchi guruhi tarkibidagi profilaktika inspektori hamda soha xodimlari tomonidan barcha mahallalarda amaliy ishlar izchil davom ettirilmoqda.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

ELEKTR TA’MINOTI BARQARORLIGINI OSHIRISH MAQSADIDA MUKAMMAL TA’MIRLASH ISHLARI OLIB BORILMOQDA

"Hududiy elektr tarmoqlari" AJ Xorazm hududiy filiali tomonidan kuz-qish mavsumiga puxta tayyorgarlik ko'rish maqsadida viloyatimizning barcha hududlarida keng ko'lamli ishlar amalga oshirilmoqda.

Ayni paytda amaliy ishlar doirasida, Shovot tumanida joylashgan 110/10 kVli “Manak” podstansiyasidan chiquvchi 10 kvli “Kongli” havo tarmog’ida mukammal ta’mirlash ishlari bajarilmoqda. Ta’mirlash ishlari doirasida, eski temir-betonlar o’rniga 10 ta yangi temir-beton ustunlarini o’rnatish va texnik jihatdan eskirgan elektr qurilmalarni yangisiga almashtirish ishlari bajarilmoqda.

Ushbu mukammal ta’mirlash ishlari natijasida Chig’atoy, Yangibo’rloq, Gulshan, Qo’shko’pir, Kongli mahallalarida joylashgan aholi va xo‘jalik yurituvchi subektlarning elektr ta’minoti yanada barqarorligi ta’minlanadi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz