📌📌📌📌📌📌

ELEKTR TA’MINOTI BARQARORLIGINI OSHIRISH MAQSADIDA MUKAMMAL TA’MIRLASH ISHLARI OLIB BORILMOQDA

"Hududiy elektr tarmoqlari" AJ Xorazm hududiy filiali tomonidan kuz-qish mavsumiga puxta tayyorgarlik ko'rish maqsadida viloyatimizning barcha hududlarida keng ko'lamli ishlar amalga oshirilmoqda.

Ayni paytda amaliy ishlar doirasida, Shovot tumanida joylashgan 110/10 kVli “Manak” podstansiyasidan chiquvchi 10 kvli “Kongli” havo tarmog’ida mukammal ta’mirlash ishlari bajarilmoqda. Ta’mirlash ishlari doirasida, eski temir-betonlar o’rniga 10 ta yangi temir-beton ustunlarini o’rnatish va texnik jihatdan eskirgan elektr qurilmalarni yangisiga almashtirish ishlari bajarilmoqda.

Ushbu mukammal ta’mirlash ishlari natijasida Chig’atoy, Yangibo’rloq, Gulshan, Qo’shko’pir, Kongli mahallalarida joylashgan aholi va xo‘jalik yurituvchi subektlarning elektr ta’minoti yanada barqarorligi ta’minlanadi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

“MAHALLABAY” YONDASHUVI: URGUTDA ELEKTR TA’MINOTI HOLATI O‘RGANILDI

Urgut tumanida elektr ta’minotini barqarorlashtirish va energiya samaradorligini oshirishga qaratilgan “mahallabay” yondashuvi asosidagi ishlar tizimli ravishda o‘rganib borilmoqda.

Shu maqsadda “Hududiy elektr tarmoqlari” AJ boshqaruvi raisi Sardor Isokulov Urgut tumanida amalga oshirilayotgan ishlarning amaldagi holatini joyiga chiqqan holda ko‘zdan kechirdi.

Xususan, tumanning Mo‘minobod va Quyi Mo‘minobod mahallalarida mavjud hisobga olish uskunalari ko‘zdan kechirilib, ularning aniqligi, muhrlanganlik holati hamda belgilangan foydalanish qoidalariga rioya etilishi nazoratdan o‘tkazildi.

Shuningdek, elektr energiyasidan noqonuniy foydalanish, yashirin ulanishlar hamda texnik yo‘qotishlarga sabab bo‘lishi mumkin bo‘lgan holatlarning oldini olish bo‘yicha amalga oshirilayotgan ishlar samaradorligi ham o‘rganildi.

Tahlillar davomida ayrim iste’molchilar tomonidan elektr energiyasidan foydalanish qoidalariga rioya etilmayotgani holatlari ham qayd etilib, bunday holatlarga nisbatan qonunchilikda belgilangan tartibda qat’iy choralar ko‘rish zarurligi ta’kidlandi.

O‘rganishlar yakunida energiya resurslaridan oqilona foydalanishni ta’minlash, to‘lov intizomini mustahkamlash hamda noqonuniy ulanishlarning oldini olish bo‘yicha mas’ullarga aniq vazifalar yuklatildi.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

TEMIR-BETON MAHSULOTLARINI ISHLAB CHIQARISH SIFATI NAZORATDAN O‘TKAZILDI

“Hududiy elektr tarmoqlari” AJning Shartnomaviy xizmatlar va mahsulot ishlab chiqarishni monitoring qilish boshqarmasi tomonidan navbatdagi o‘rganish ishlari Toshkent hududiy filialining Quyi Chirchiq tuman elektr ta’minoti korxonasi hududida joylashgan “Ishlab chiqarish sexi”da o‘tkazildi.

O‘rganish davomida sexda ishlab chiqarilayotgan turli xil temir-beton tayanchlar hamda travers mahsulotlarining sifati, shuningdek, ularning belgilangan texnik talab va me’yorlarga muvofiqligi ko‘rib chiqildi.

Nazorat jarayonida sifat talablariga javob bermaydigan temir-beton tayanchlar ishlab chiqarilishiga yo‘l qo‘yilgani aniqlandi. Mazkur holat yuzasidan mas’ul xodimlardan tushuntirish xatlari olindi.

Aniqlangan kamchiliklarni bartaraf etish, shuningdek, kelgusida bunday xatoliklarga yo‘l qo‘ymaslik maqsadida sex boshlig‘iga nisbatan belgilangan tartibda tegishli choralar ko‘rildi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz