📌📌📌📌📌📌

“HUDUDIY ELEKTR TARMOQLARI” JAMOASI XALQARO MUSOBAQAGA TAYYORLANMOQDA

Joriy yilning 21–25-sentabr kunlari Turkiyaning Anqara shahri Go‘lboshi tumanida joylashgan TEDAŞ o‘quv poligonida Turkiy davlatlar tashkilotiga a’zo mamlakatlar elektr taqsimlash tarmoqlari mutaxassislari o‘rtasida mahorat musobaqasi o‘tkaziladi.

Musobaqada ishtirok etadigan “Hududiy elektr tarmoqlari” AJ jamoasi hozir Samarqand shahridagi o‘quv-mashg‘ulot poligonida tayyorgarlik ko‘rmoqda.

Jamoa a’zolari musobaqa shartlarini yuqori saviyada bajarish, amaliy ko‘nikmalarini mustahkamlash, kasbiy mahoratini oshirishga e’tibor qaratmoqda.

Ta’kidlash joizki “Hududiy elektr tarmoqlari” AJ jamoasi o‘tgan yili Samarqand shahrida o‘tkazilgan Turkiy tilda so‘zlashuvchi davlatlar energetiklari musobaqasida barcha shartlar bo‘yicha yuqori natijalarni qayd etib, 1-o‘rinni egallagandi.

Jamoa bu yilgi musobaqada ham muvaffaqiyatni davom ettirib, yurtimiz sharafini himoya qilish va yuqori natija qayd etishni maqsad qilgan.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

JALAQUDUQ TUMANIDAGI MAHALLALARDA  ELEKTR INFRATUZILMASI YANGILANMOQDA
 
Andijon viloyatida O‘zbekiston Respublikasi Prezidentining tegishli qarori ijrosini ta’minlash maqsadida hududdagi “og‘ir” toifadagi mahallalarda elektr ta’minotini yaxshilash bo‘yicha bunyodkorlik ishlari izchil davom ettirilmoqda.
 
Xususan, Jalaquduq tumanidagi “G‘ozichegi” MFYda 203 ta temir-beton tayanch hamda 2 ta transformator punkti o‘rnatildi. Ayni paytda 6,5 kilometr uzunlikdagi elektr tarmoqlarini qurish ishlari olib borilmoqda. Bugungi kunga qadar 1,4 kilometr elektr tarmog‘i tortildi.
 
Shuningdek, tumandagi “A. Rahmonov” MFYda 185 ta temir-beton tayanch o‘rnatish va 1 ta transformator punkti barpo etish belgilangan. Hozirga qadar 90 ta temir-beton tayanch o‘rnatildi.
 
Mazkur yangilanishlar mahallalarda elektr ta’minotining barqarorligini oshirish, xonadonlar hamda tadbirkorlik subyektlari uchun yanada qulay sharoitlar yaratishga xizmat qiladi.
 
Mahalla ahli yaratilayotgan sharoitlardan mamnunligini bildirib, amalga oshirilayotgan ezgu o‘zgarishlar uchun shukronalik va minnatdorlik tuyg‘ularini izhor etmoqda.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

QASHQADARYODA ELEKTR TARMOQLARIDAGI KAMCHILIKLAR ANIQLANDI
 
“Hududiy elektr tarmoqlari” AJning Shartnomaviy xizmatlar va mahsulot ishlab chiqarishni monitoring qilish boshqarmasi tomonidan Qashqadaryo viloyati ishlab chiqarish sexida temir-beton tayanchlarini sifatli ishlab chiqarish, shuningdek, Davlat xizmatlari markazlari orqali elektron tizimga kelib tushayotgan murojaatlarning o‘z vaqtida va sifatli ijrosini ta’minlash yuzasidan navbatdagi o‘rganish ishlari olib borildi.

O‘rganishlar davomida Qashqadaryo viloyatidagi filialning tuman va shahar ETK xodimlari tomonidan obyektlarda bajariladigan ishlar bo‘yicha tegishli shartnomalar rasmiylashtirilmasdan hamda loyiha hujjatlari mavjud bo‘lmagan holda qurilish-montaj ishlari amalga oshirilgani, shuningdek, O‘zenergoinspeksiyaning tegishli ruxsatisiz elektr tarmoqlariga ulanish holatlari aniqlangan.

Aniqlangan holatlar yuzasidan belgilangan tartibda tegishli huquqiy choralar ko‘rilmoqda. Shuningdek, xizmat vazifalarini lozim darajada bajarmagan mas’ul xodimlarga nisbatan tegishli choralar ko‘rilib, o‘rganish ishlari davom ettirilmoqda.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz