📌📌📌📌📌📌

“KOGON” PODSTANSIYASIDA MUKAMMAL TA’MIRLASH ISHLARI OLIB BORILMOQDA
 
Aholi va iste’molchilarni barqaror, sifatli hamda uzluksiz elektr energiyasi bilan ta’minlash — elektr energetikasi tizimi oldidagi muhim vazifalardan biridir. Ayniqsa, kuz-qish mavsumida elektr tarmoqlari va podstansiyalarining ishonchli hamda barqaror ishlashini ta’minlashga alohida e’tibor qaratilmoqda.
 
Shu maqsadda “Buxoro hududiy elektr tarmoqlari korxonasi” AJ tomonidan “Kogon” 35/6 kV kuchlanishli podstansiyasida mukammal ta’mirlash ishlari olib borilmoqda.
 
Ta’mirlash ishlari davomida podstansiyadagi elektr qurilmalari va uskunalarining texnik holati chuqur o‘rganilib, aniqlangan kamchiliklarni bartaraf etish, ularning tashqi ko‘rinishini yaxshilash, kuch transformatorlarini ta’mirlash hamda transformator moyi sathini me’yoriy darajaga keltirish ishlari amalga oshirilmoqda.
 
Mazkur ta’mirlash ishlari podstansiyaning kuz-qish mavsumida ishonchli va barqaror ishlashini ta’minlash, shuningdek, iste’molchilarni sifatli va uzluksiz elektr energiyasi bilan ta’minlashga xizmat qiladi.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

KORRUPSIYANING OLDINI OLISH BO‘YICHA MUHIM VAZIFALAR BELGILANDI
 
 “Hududiy elektr tarmoqlari” AJ Samarqand hududiy filialida korrupsiyaga qarshi kurashish va uning oldini olish masalalariga bag‘ishlangan navbatdagi yig‘ilish bo‘lib o‘tdi.
 
Yig‘ilish Korrupsiyaga qarshi kurashish va komplayens nazorat xizmati (bo‘limi) tomonidan Urgut tuman  prokuraturasi, IJQKD bо‘limi hamda tuman ichki ishlar boshqarmasi xodimlari hamkorligida tashkil etildi. Unda Toyloq, Urgut tumanidagi Urgut va Dehqonobod elektr ta’minoti bo‘limlari hamda “Energosavdo” bo‘limlari rahbar va xodimlari ishtirok etdi.
 
Tadbirda korrupsiya mamlakatimiz taraqqiyotiga salbiy ta’sir ko‘rsatuvchi jiddiy xavf-xatarlardan biri ekani ta’kidlanib, korrupsiyaning har qanday ko‘rinishiga nisbatan murosasiz munosabatda bo‘lish, qonun ustuvorligi va halollik tamoyillariga qat’iy amal qilish muhimligi qayd etildi.
 
Shuningdek, manfaatlar to‘qnashuvining oldini olish, korrupsiyaviy xavf-xatarlarni aniqlash va ularni keltirib chiqaruvchi omillarni bartaraf etish, xodimlarning huquqiy va kasbiy bilimlarini muntazam oshirib borish masalalariga alohida e’tibor qaratildi.
 
Shu bilan bir qatorda, tadbirda xodimlarning xizmat faoliyati hamda xizmatdan tashqari vaqtdagi xulq-atvori, jamoatchilik bilan munosabatlariga oid odob-axloq qoidalari batafsil tushuntirildi.
 
Yig‘ilishda ishtirok etayotgan huquqni muhofaza qilish organlari xodimlari tomonidan kuz-qish mavsumiga puxta tayyorgarlik ko‘rish, aholiga barqaror elektr energiyasi yetkazib berish, energosamaradorlikni oshirish va mavjud resurslardan oqilona foydalanish bo‘yicha tushuntirish ishlari olib borildi.

📱Facebook | 📱Telegram | 📱YouTube | 📱Instagram | 📱X | 📱 het.uz