📌📌📌📌📌📌

O‘ZBEKISTON VA OZARBAYJON O‘RTASIDA ENERGETIKA SOHASIDAGI HAMKORLIK KENGAYTIRILADI
 
Bugun, 17-sentyabr kuni Boku shahrida O‘zbekiston Respublikasi Energetika vaziri Sherzod Xodjayev va Ozarbayjon Respublikasi Energetika vaziri Parviz Shahbozov o‘rtasida uchrashuv bo‘lib o‘tdi.
 
Uchrashuvda ikki davlat rahbarlarining joriy yil avgust oyidagi uchrashuvi va unda belgilangan vazifalar ijrosini ta’minlash, shuningdek, O‘zbekiston va Ozarbayjon o‘rtasidagi do‘stona va strategik sheriklik munosabatlarini energetika sohasida yanada rivojlantirish masalalari muhokama qilindi. Xususan, ikki tomonlama hamkorlikni kengaytirish, yangi istiqbolli loyihalarni ishlab chiqish hamda neft-gaz sohasidagi hamkorlikni rivojlantirishga alohida e’tibor qaratildi.
 
Shuningdek, elektr energetikasi, qayta tiklanuvchi energiya manbalari, Markaziy Osiyo — Ozarbayjon “Yashil energiya koridori”, geologik qidiruv ishlari, neft va neft mahsulotlarini yetkazib berish hamda neftni qayta ishlash sohalaridagi qo‘shma loyihalar muhokama qilindi.
 
Uchrashuvda ikki mamlakat Prezidentlari Shavkat Mirziyoev va Ilhom Aliev o‘rtasidagi do‘stona munosabatlar va o‘zaro ishonchga asoslangan hamkorlik O‘zbekiston va Ozarbayjon o‘rtasidagi strategik sheriklikni, jumladan, energetika sohasidagi amaliy hamkorlikni yanada mustahkamlash uchun muhim asos bo‘lib xizmat qilayotgani alohida ta’kidlandi.
 
Uchrashuv yakunida O‘zbekiston Respublikasi Energetika vazirligi va Ozarbayjon Respublikasi Energetika vazirligi o‘rtasida 2026–2028 yillarda energetika sohasida hamkorlikni kengaytirish bo‘yicha Yo‘l xaritasi imzolandi.

Hujjatda “Yashil energiya koridori” loyihasini amalga oshirish, neft-gaz sohasida geologik qidiruv va qazib chiqarish, neft va neft mahsulotlarini yetkazib berish, neftni qayta ishlash sohasida qo‘shma loyihalarni rivojlantirish hamda SOCARning O‘zbekistondagi faoliyatini kengaytirish kabi ustuvor yo‘nalishlar belgilandi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

ISHCHI-XODIMLAR UCHUN QULAY SHART-SHAROITLAR YARATILMOQDA
 
Avval xabar qilinganidek, “Hududiy elektr tarmoqlari” AJ tomonidan O‘zbekiston Respublikasi Prezidentining 2025-yil 27-dekabrdagi tegishli qarorida belgilangan vazifalar ijrosini ta’minlash maqsadida Sirdaryo va Jizzax viloyatlarida 35–110 kV kuchlanishli elektr tarmoqlari va podstansiyalar qurilishi ishlari olib borilmoqda.
 
Jamiyat boshqaruv raisi topshirig‘iga asosan, mazkur qurilish-montaj ishlarini amalga oshirayotgan “Hududiy qurilish-montaj direksiyasi” filiali ishchi-xodimlari uchun qulay mehnat va maishiy sharoitlar yaratishga alohida e’tibor qaratilmoqda.
 
Shu maqsadda, “Hududiy elektr tarmoqlari” AJ kasaba uyushmasi bilan hamkorlikda ishchi-xodimlarni zarur oziq-ovqat mahsulotlari bilan ta’minlash ishlari tashkil etildi.
 
Bunday e’tibor va g‘amxо‘rlik ishchi-xodimlarning mehnat samaradorligini oshirish, ular uchun munosib sharoit yaratish hamda belgilangan qurilish ishlarini sifatli va о‘z vaqtida amalga oshirishga xizmat qiladi.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

HALOLLIK VA QONUNIYLIK — HAR BIR XODIMNING MAS’ULIYATI

Korrupsiyaga qarshi kurashish, avvalo, huquqbuzarlik sodir etilgandan keyin choralar ko‘rish emas, balki unga olib kelishi mumkin bo‘lgan sabab va shart-sharoitlarni barvaqt aniqlash, oldini olish hamda har bir xodimda qonuniylik va halollik mas’uliyatini mustahkamlashdan boshlanadi.

Shu maqsadda “Farg‘ona hududiy elektr tarmoqlari korxonasi” AJ Qo‘qon shahar elektr ta’minoti korxonasida Farg‘ona viloyatidagi barcha tuman va shahar elektr ta’minoti korxonalari xodimlari ishtirokida korrupsiyaga qarshi kurashish bo‘yicha targ‘ibot-tushuntirish tadbiri o‘tkazildi.

Unda “Hududiy elektr tarmoqlari” AJ Korrupsiyaga qarshi kurashish va komplayens nazorat xizmati rahbari, “Farg‘ona HETK” AJ rahbariyati, Qo‘qon shahar prokuraturasi vakillari hamda elektr ta’minoti korxonalari xodimlari ishtirok etdi.

Tadbir davomida korrupsiyaviy xavf-xatarlarni barvaqt aniqlash va bartaraf etish, manfaatlar to‘qnashuviga yo‘l qo‘ymaslik, xizmat vakolatlaridan qonuniy va vijdonan foydalanish, poraxo‘rlikning huquqiy oqibatlari hamda korrupsiyaning oldini olishda har bir xodimning shaxsiy mas’uliyati yuzasidan tushuntirishlar berildi.

Ochiq muloqot davomida xodimlarga xizmat faoliyatida qonuniylik, xolislik va halollik tamoyillariga qat’iy amal qilish, korrupsiyaviy holatlarga befarq bo‘lmaslik va mavjud xavflarni o‘z vaqtida bartaraf etish muhimligi ta’kidlandi.

Korrupsiyaga qarshi kurashish — faqat nazorat yoki javobgarlik chorasi emas. Bu, eng avvalo, har bir xodimning kundalik faoliyatida halollikni tanlashi, o‘z vakolatiga mas’uliyat bilan yondashishi va qonun talablariga qat’iy amal qilishi bilan bog‘liq.

Zero, halollik — talab qilinadigan fazilat emas, xizmat faoliyatining kundalik mezoniga aylanishi kerak.

Ana shundagina korrupsiyaga qarshi kurashishning eng muhim natijasi — huquqbuzarlik sodir bo‘lgandan keyin unga javob berish emas, balki uning oldini olishga erishiladi.

📱Facebook | 📱Telegram | 📱YouTube | 📱Instagram | 📱X | 📱 het.uz