📌📌📌📌📌📌

HALOLLIK VA QONUNIYLIK — HAR BIR XODIMNING MAS’ULIYATI

Korrupsiyaga qarshi kurashish, avvalo, huquqbuzarlik sodir etilgandan keyin choralar ko‘rish emas, balki unga olib kelishi mumkin bo‘lgan sabab va shart-sharoitlarni barvaqt aniqlash, oldini olish hamda har bir xodimda qonuniylik va halollik mas’uliyatini mustahkamlashdan boshlanadi.

Shu maqsadda “Farg‘ona hududiy elektr tarmoqlari korxonasi” AJ Qo‘qon shahar elektr ta’minoti korxonasida Farg‘ona viloyatidagi barcha tuman va shahar elektr ta’minoti korxonalari xodimlari ishtirokida korrupsiyaga qarshi kurashish bo‘yicha targ‘ibot-tushuntirish tadbiri o‘tkazildi.

Unda “Hududiy elektr tarmoqlari” AJ Korrupsiyaga qarshi kurashish va komplayens nazorat xizmati rahbari, “Farg‘ona HETK” AJ rahbariyati, Qo‘qon shahar prokuraturasi vakillari hamda elektr ta’minoti korxonalari xodimlari ishtirok etdi.

Tadbir davomida korrupsiyaviy xavf-xatarlarni barvaqt aniqlash va bartaraf etish, manfaatlar to‘qnashuviga yo‘l qo‘ymaslik, xizmat vakolatlaridan qonuniy va vijdonan foydalanish, poraxo‘rlikning huquqiy oqibatlari hamda korrupsiyaning oldini olishda har bir xodimning shaxsiy mas’uliyati yuzasidan tushuntirishlar berildi.

Ochiq muloqot davomida xodimlarga xizmat faoliyatida qonuniylik, xolislik va halollik tamoyillariga qat’iy amal qilish, korrupsiyaviy holatlarga befarq bo‘lmaslik va mavjud xavflarni o‘z vaqtida bartaraf etish muhimligi ta’kidlandi.

Korrupsiyaga qarshi kurashish — faqat nazorat yoki javobgarlik chorasi emas. Bu, eng avvalo, har bir xodimning kundalik faoliyatida halollikni tanlashi, o‘z vakolatiga mas’uliyat bilan yondashishi va qonun talablariga qat’iy amal qilishi bilan bog‘liq.

Zero, halollik — talab qilinadigan fazilat emas, xizmat faoliyatining kundalik mezoniga aylanishi kerak.

Ana shundagina korrupsiyaga qarshi kurashishning eng muhim natijasi — huquqbuzarlik sodir bo‘lgandan keyin unga javob berish emas, balki uning oldini olishga erishiladi.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

ANDIJON TUMANIDA ELEKTR TARMOQLARINI YANGILASH ISHLARI UCHUN ZARUR JIHOZLAR YETKAZIB BERILDI

O‘zbekiston Respublikasi Prezidentining 2026-yil 27-iyul kuni o‘tkazilgan “Yoqilg‘i-energetika tarmog‘idagi yo‘qotishlarni kamaytirish va kelgusidagi ustuvor vazifalar” mavzusidagi videoselektor yig‘ilishida berilgan topshiriqlar ijrosini ta’minlash maqsadida Andijon viloyatida elektr energiyasini iste’molchilarga yetkazib berishda tarmoq yo‘qotishlarini kamaytirish hamda yuzaga kelishi mumkin bo‘lgan avariyalarning oldini olish bo‘yicha Andijon tumani namunaviy hudud sifatida belgilangan.

Mazkur vazifalarni samarali amalga oshirish, elektr tarmoqlarining texnik holatini yaxshilash va iste’molchilarni barqaror elektr energiyasi bilan ta’minlash maqsadida zarur choralar ko‘rilmoqda.

Ayni vaqtda “Hududiy elektr tarmoqlari” AJ tomonidan Andijon tumani hududidagi ishlarni amalga oshirish uchun zarur bo‘lgan barcha elektr jihozlari “Hududiy elektr tarmoqlari” AJ Andijon hududiy filialining markaziy omboriga yetkazib berildi.

Kelgusida mazkur jihozlardan belgilangan manzillarda samarali foydalanilib, elektr tarmoqlarini modernizatsiya qilish, tarmoq yo‘qotishlarini kamaytirish va elektr ta’minoti ishonchliligini oshirishga qaratilgan amaliy ishlar izchil davom ettiriladi.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

Prezident Shavkat Mirziyoyev “Yashil makon” umummilliy loyihasini yangi bosqichga olib chiqish, mahallalarda aholi uchun qulay ekologik muhit yaratish yuzasidan taqdimot bilan tanishdi.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

Saida Mirziyoyeva BMT qarorgohida Antoniu Guterrish bilan muloqot o‘tkazdi

Bugun Prezident Administratsiyasi rahbari Nyu-York shahrida BMT Bosh kotibi bilan uchrashdi. Unda o‘zaro aloqalarni rivojlantirish masalalariga e’tibor qaratildi.

Xalqaro munosabatlar tizimi uchun murakkab bo‘lgan hozirgi davrda global miqyosda yetakchilik salohiyatini namoyon etayotgani hamda xavfsizlikning barcha asosiy jabhalarida mamlakatimizni qo‘llab-quvvatlayotgani uchun janob Guterrishga samimiy minnatdorlik bildiraman,- dedi S.Mirziyoyeva.

Mamlakatimiz va BMT institutlari o‘rtasidagi munosabatlar bugun aniq ko‘rsatkichlar bilan mustahkamlanib bormoqda. Hozirgi vaqtda tashkilot tuzilmalari ishtirokida yurtimizda umumiy qiymati 293 million dollarlik 166 ta qo‘shma loyiha amalga oshirilmoqda. Ushbu dasturlar sog‘liqni saqlash, sifatli ta’lim, kambag‘allikni qisqartirish va ekologik barqarorlikni ta’minlash kabi eng muhim yo‘nalishlarni qamrab olgan.

Prezident Administratsiyasi rahbarining Antoniu Guterrish bilan muloqoti O‘zbekistonning BMT maydonida dunyo miqyosidagi dolzarb chaqiriqlarga yangicha g‘oyalar bilan javob berish, global muammolarga amaliy yechim topish bo‘yicha qat’iy intilishini namoyon etadi.

📱Facebook | 📱Telegram | 📱YouTube | 📱Instagram | 📱X | 📱 het.uz