Media is too big
VIEW IN TELEGRAM
DAVLAT XIZMATCHILARI KORRUPSIYA OQIBATLARI BILAN TANISHTIRILDI
“Hududiy elektr tarmoqlari” AJ Korrupsiyaga qarshi kurashish va komplayens nazorat xizmati tomonidan Korrupsiyaga qarshi kurashish agentligi Ichki ishlar vazirligi bilan hamkorligida Jamiyat xizmatchilari uchun Olmaliq shahridagi 14-son jazoni ijro etish koloniyasiga profilaktik tashrif tashkil etildi.
Loyihaning asosiy maqsadi davlat xizmatchilarida korrupsiyaviy huquqbuzarliklarning muqarrar huquqiy va ijtimoiy oqibatlari haqida aniq tasavvur shakllantirish, xizmat vakolatlarini halollik va qonun ustuvorligi tamoyillari asosida amalga oshirish masʼuliyatini yanada kuchaytirish hamda korrupsiyaga nisbatan murosasiz munosabatni qaror toptirishdan iborat.
Tashrif davomida ishtirokchilar jazoni ijro etish muassasasidagi sharoitlar, saqlash kameralari hamda muassasa infratuzilmasi bilan tanishtirildi.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
YANGI PODSTANSIYALARDA QURILISH ISHLARI NAVBATDAGI BOSQICHDA
O‘zbekiston Respublikasi Prezidentining tegishli qarori ijrosi doirasida Sirdaryo viloyatida energetika infratuzilmasini modernizatsiya qilish va rivojlantirish ishlari izchil davom ettirilmoqda.
Ayni paytda Sayxunobod tumanidagi “Farovon” kichik sanoat zonasida hamda Boyovut tumani Yangi avlod mahallasi hududidagi “Yangi O‘zbekiston” massivida barpo etilayotgan 110/35/10 kVli podstansiyalarda qurilish-montaj ishlari navbatdagi bosqichga o‘tdi.
Hozirda obyektlarda 10 kV va 35 kVli elektr taqsimlash qurilmalarini o'rnatish,beton ishlari, metall konstruksiyalarni o‘rnatish, kabel va elektr jihozlarini montaj qilish ishlari amalga oshirilmoqda.
Qurilish ishlarining bosqichma-bosqich yakunlanishi natijasida yangi turar joy massivlari, aholi xonadonlari hamda tadbirkorlik subyektlarini barqaror va ishonchli elektr energiyasi bilan ta’minlash imkoniyati kengayadi.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
NAMANGANDA ELEKTR TARMOQLARIGA ULANISH JARAYONLARI BO‘YICHA NAZORAT-TAHLIL ISHLARI OLIB BORILMOQDA
“Hududiy elektr tarmoqlari” AJ tomonidan iste’molchilarga ko‘rsatilayotgan davlat va shartnomaviy xizmatlar sifatini oshirish, elektr tarmoqlariga ulanish jarayonlarida qonunchilik talablariga rioya etilishini ta’minlash maqsadida hududlarda nazorat-tahlil tadbirlari olib borilmoqda.
Navbatdagi nazorat-tahlil ishlari Namangan hududiy elektr tarmoqlari filialida amalga oshirilmoqda. Tadbirlar “Hududiy elektr tarmoqlari” AJning Shartnomaviy xizmatlar va mahsulot ishlab chiqarishni monitoring qilish boshqarmasi mutaxassislari tomonidan olib borilib, unda O‘zbekiston Respublikasi Vazirlar Mahkamasining 555-son qarori talablari, iste’molchilarning elektr tarmoqlariga ulanishi bilan bog‘liq jarayonlarning belgilangan tartibda amalga oshirilishi, hujjatlarning to‘g‘ri rasmiylashtirilishi hamda xizmat ko‘rsatish sifati atroflicha tahlil qilinmoqda.
Shuningdek, iste’molchilarning murojaatlarini o‘z vaqtida va sifatli ko‘rib chiqish, xizmat ko‘rsatish jarayonlarida shaffoflikni ta’minlash hamda fuqarolarning qonuniy manfaatlarini himoya qilish masalalariga alohida e’tibor qaratildi.
Nazorat tadbirlari davomida aniqlangan kamchiliklar yuzasidan mas’ul xodimlarga tegishli ko‘rsatma va tavsiyalar berilib, mavjud muammolarni bartaraf etish hamda kelgusida bunday holatlarning oldini olish bo‘yicha tushuntirish ishlari olib borildi.
Mazkur nazorat-tahlil ishlari elektr tarmoqlariga ulanish jarayonlarini yanada takomillashtirish, xizmat ko‘rsatish sifatini oshirish va iste’molchilarga qulay shart-sharoitlar yaratishga qaratilgan.
Nazorat tadbirlari belgilangan tartibda davom ettirilmoqda.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
Ish joyida tazyiq va zo‘ravonlikka qarshi yangi tizim: murojaat endi nazorat ostida bo‘ladi
Joriy yil 21-sentabr kuni “Mehnat sohasida xavfsiz va hurmatga asoslangan ish muhitini ta’minlash chora-tadbirlari to‘g‘risida” Prezident qarori qabul qilindi. Hujjat bilan ish joyida tazyiq, zo‘ravonlik, shahvoniy shilqimlik, ruhiy bosim, ta’qib va kamsitishning oldini olish, murojaatlarni xolis ko‘rib chiqish va bunday holatlarni yashirishga yo‘l qo‘ymaslik bo‘yicha yaxlit tizim joriy etilmoqda.
Raqamli tizim qachondan ishlaydi?
2026-yil 1-dekabrgacha “Xavfsiz va hurmatga asoslangan ish muhiti” axborot portali ishga tushiriladi. U orqali tazyiq va zo‘ravonlik holatlari bo‘yicha murojaatlar onlayn qabul qilinadi, murojaatlarni ko‘rib chiqish, dalillarni yig‘ish, xulosa tayyorlash va tekshiruv natijalarini nazorat qilish jarayonlari raqamlashtiriladi.
Eng muhim kafolatlar
Bunday ma’lumotlarning qonunchilikda nazarda tutilmagan hollarda oshkor qilinishiga yo‘l qo‘yilmaydi.
Bu manfaatlar to‘qnashuvining oldini olishga xizmat qiladi.
⛔ Qaror materiallarida xodim o‘z huquqlarini himoya qilgani uchun uning ish sharoitlarini yomonlashtirish yoki jazolashga yo‘l qo‘yilmasligi alohida ta’kidlangan.
Zarur holatlarda “112” orqali vakolatli organlarga yuborish mexanizmi ham tizimga integratsiya qilinadi.
Bu faqat shikoyat tizimi emas
Davlat organlari va tashkilotlari xodimlari har yili qisqa trening kurslarida o‘qitiladi. Har bir tashkilotda portalni yuritish va profilaktik treninglarni tashkil etish uchun kamida bir nafar mas’ul xodim belgilanadi.
Nodavlat tashkilotlar uchun ham dmi.mehnat.uz tizimida mazkur imkoniyatlardan ixtiyoriy foydalanish sharoiti yaratiladi.
⛔ Qarorning asosiy mazmuni bitta: ish joyidagi tazyiq yoki zo‘ravonlikni yashirish emas, uni xavfsiz bildirish, xolis ko‘rib chiqish va natijasini nazorat qilishning aniq mexanizmi yaratilmoqda.
Hurmat — imtiyoz emas. Xavfsiz ish muhiti esa endi alohida talab emas, tizimli vazifaga aylanmoqda.
Please open Telegram to view this post
VIEW IN TELEGRAM