“HUDUDIY ELEKTR TARMOQLARI” JAMOASI XALQARO MUSOBAQADA ISHTIROK ETMOQDA
Ayni kunlarda Turkiyaning Anqara shahridagi TEDAŞ o‘quv poligonida turkiy davlatlar o‘rtasida taqsimlash elektr tarmoqlariga xizmat ko‘rsatuvchi elektromontyorlar o‘rtasida mahorat musobaqasi bo‘lib o‘tmoqda.
An’anaviy tarzda o‘tkazib kelinayotgan mazkur xalqaro musobaqada “Hududiy elektr tarmoqlari” AJ jamoasi ham ishtirok etmoqda.
Har yili tashkil etiladigan musobaqa doirasida jamoalar texnik tayyorgarlik, jabrlangan xodimga birinchi yordam ko‘rsatish hamda elektr qurilmalarida sodir bo‘lgan yong‘inni bartaraf etish bo‘yicha o‘zaro bellashadilar.
O‘tgan yili mazkur musobaqaga Samarqand shahri mezbonlik qilgan. Unda barcha shartlar bo‘yicha yuqori natijalarni qayd etgan “Hududiy elektr tarmoqlari” AJ jamoasi faxrli birinchi o‘rinni egallagan edi.
Jamoa bu yilgi musobaqada ham muvaffaqiyatni davom ettirib, yurtimiz sharafini munosib himoya qilish va yuqori natijalarni qayd etishni maqsad qilgan.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
SIRDARYODA YIRIK ENERGETIKA LOYIHALARI JADAL AMALGA OSHIRILMOQDA
Viloyatda yangi ishlab chiqarish quvvatlari va zamonaviy turar joy massivlarini barqaror elektr energiyasi bilan ta’minlashga qaratilgan yirik infratuzilma loyihalari izchil davom ettirilmoqda.
O‘zbekiston Respublikasi Prezidentining 2025-yil 27-dekabrdagi PQ-393-son qaroriga muvofiq, “Hududiy elektr tarmoqlari” AJning “Hududiy qurilish-montaj direksiyasi” filiali tomonidan Sirdaryo viloyatining Sayxunobod va Boyovut tumanlarida tashqi elektr ta’minotini yaxshilashga qaratilgan yirik loyihalar amalga oshirilmoqda.
Xususan, Sayxunobod tumanida tashkil etilgan kichik sanoat zonasi hamda Boyovut tumanidagi “Yangi O‘zbekiston” massivini barqaror elektr energiyasi bilan ta’minlash maqsadida 110 kVli elektr tarmog‘i va 2 ta 110 kVli podstansiya qurilishi jadal sur’atlarda olib borilmoqda.
Ayni paytda Sayxunobod tumanida quvvati 2x40 MVA bo‘lgan podstansiyada elektr qurilmalarini o‘rnatish ishlari yakuniy bosqichga yetkazilgan.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
BMT Bosh Assambleyasi 81-sessiyasida O‘zbekistonning pozitsiyasi bildirildi
BMT Bosh Assambleyasining 81-sessiyasida 130 ga yaqin davlat delegatsiyalari qatorida O‘zbekiston delegatsiyasi ham ishtirok etdi. Sessiya doirasida O‘zbekiston Respublikasi Prezidenti Administratsiyasi rahbari Saida Mirziyoyeva nutq so‘zladi.
Nutqda bugungi dunyoda ziddiyatlar tobora kuchayib, o‘zaro ishonch susayib borayotgan bir sharoitda O‘zbekistonning aniq pozitsiyasi bayon etildi:
“Tanlagan yo‘limiz aniq — ochiqlik, yaxshi qo‘shnichilik va muloqot. Biz tinchlik, hamkorlik hamda inson qadr-qimmatini e’zozlash tarafdorimiz.”
Nutqda, shuningdek, Markaziy Osiyodagi tub o‘zgarishlar, O‘zbekistonning taraqqiyot yo‘li va aholining turmush darajasi yaxshilanayotgani, BMTning bugungi dunyodagi o‘rni, Afg‘oniston masalasi, bolalar huquqlari va demografik barqarorlik, Orol fojiasi va ekologik muammolar, sun’iy intellekt taraqqiyoti, qonun ustuvorligi va ayollar huquqlari, Toshkentdagi Islom sivilizatsiyasi markazi hamda inson qadrini ulug‘lash kabi dolzarb masalalarga to‘xtalib o‘tildi.
“Bugun hech bir davlat global muammolarni yolg‘iz o‘zi hal eta olmaydi. O‘zbekiston ishonch va o‘zaro hurmatga asoslangan kelajakni barpo etish yo‘lida munosib hissasini qo‘shishga doimo tayyor.”
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
YOQILG‘I-ENERGETIKA TARMOG‘I YANADA RIVOJLANTIRILADI
Prezidentimizning 2026-yil 22-sentyabrda “Yoqilg‘i-energetika tarmog‘ini yanada rivojlantirish chora-tadbirlari to‘g‘risida”gi PF–202-son Farmoni qabul qilindi.
Farmonga ko‘ra, Energetika vazirligi (Vazirlik) tomonidan yoqilg‘i-energetika tarmog‘i korxonalari va iste’molchilariga shartnomaviy, xizmat ko‘rsatish va boshqa xo‘jalik munosabatlari bo‘yicha individual tusdagi ruxsatnomalar berish amaliyoti bekor qilinadi.
Energetika bozorini rivojlantirish va tartibga solish agentligi (Regulyator) zimmasiga elektr energiyasi bilan bir qatorda tabiiy va suyultirilgan gaz ta’minotida bozor tamoyillarini bosqichma-bosqich shakllantirish hamda tartibga solish vazifalari yuklatiladi.
Elektr energiyasi, neft mahsulotlari va gazdan foydalanishni nazorat qilish inspeksiyasiga (Inspeksiya) qoidabuzarliklarning oldini olish, profilaktika qilish, xavflarni erta aniqlashga qaratilgan preventiv nazorat modeliga asoslangan vazifalar yuklatiladi.
Yoqilg‘i-energetika tarmog‘i korxonalari tegishliligi bo‘yicha yoqilg‘i-energetika resurslarini qazib olish, ishlab chiqarish, qayta ishlash, tashish, saqlash, uzatish, taqsimlash, yetkazib berish va sotish bo‘yicha xo‘jalik (tijorat) faoliyatini amalga oshirish vazifasini bajaradi.
2027-yil 1-iyuldan Vazirlar Mahkamasi huzuridagi Idoralararo tarif komissiyasi faoliyatining shaffofligi, tezkorligi va samaradorligini ta’minlash maqsadida Yoqilg‘i-energetika sohasida idoralararo tarif komissiyasining yagona raqamli platformasi (Raqamli platforma) joriy etiladi.
Bunda Raqamli platforma orqali:
— faoliyati tartibga solinadigan korxonalar tomonidan tarif buyurtmalari hamda tariflarni hisoblash uchun zarur bo‘lgan moliyaviy, texnik va boshqa ma’lumotlarni elektron shaklda qabul qilish va qayta ishlash ta’minlanadi;
— tarif hisob-kitoblari Vazirlar Mahkamasi tomonidan tasdiqlangan tariflarni shakllantirish tartibi asosida avtomatlashtirilgan tarzda amalga oshiriladi.
Please open Telegram to view this post
VIEW IN TELEGRAM
Hurmatli iste’molchilar!
“Hududiy elektr tarmoqlari” AJ tomonidan iste’molchilarga qulaylik yaratish maqsadida maxsus “HET Xabarnoma” yordamchi boti ishga tushirildi.
Mazkur bot “Hududiy elektr tarmoqlari” AJning billing tizimi orqali iste’molchilarga xabarnoma va ma’lumotlarni yetkazish uchun mo‘ljallangan. Bot orqali shaxsiy hisob raqamingiz hamda elektr energiyasi bo‘yicha hisobingizdagi qoldiq mablag‘ to‘g‘risida batafsil ma’lumot olishingiz mumkin.
Eslatma: Bot orqali ma’lumot olish uchun foydalanayotgan mobil telefon raqamingiz elektr energiyasi bo‘yicha shaxsiy hisob raqamingizga biriktirilgan bo‘lishi lozim.
Yodda tuting: "Hududiy elektr tarmoqlari" AJ ijtimoiy tarmoqlar orqali, Sizdan hech qachon karta raqami yoki shaxsga doir ma'lumotlaringizni so'ramaydi.
Botga ulanish 👉 @uzenergy24bot
📱 Facebook | 📱 Telegram | 📱 YouTube | 📱 Instagram | 📱 X | 📱 het.uz
“Hududiy elektr tarmoqlari” AJ tomonidan iste’molchilarga qulaylik yaratish maqsadida maxsus “HET Xabarnoma” yordamchi boti ishga tushirildi.
Mazkur bot “Hududiy elektr tarmoqlari” AJning billing tizimi orqali iste’molchilarga xabarnoma va ma’lumotlarni yetkazish uchun mo‘ljallangan. Bot orqali shaxsiy hisob raqamingiz hamda elektr energiyasi bo‘yicha hisobingizdagi qoldiq mablag‘ to‘g‘risida batafsil ma’lumot olishingiz mumkin.
Eslatma: Bot orqali ma’lumot olish uchun foydalanayotgan mobil telefon raqamingiz elektr energiyasi bo‘yicha shaxsiy hisob raqamingizga biriktirilgan bo‘lishi lozim.
Yodda tuting: "Hududiy elektr tarmoqlari" AJ ijtimoiy tarmoqlar orqali, Sizdan hech qachon karta raqami yoki shaxsga doir ma'lumotlaringizni so'ramaydi.
Botga ulanish 👉 @uzenergy24bot
Please open Telegram to view this post
VIEW IN TELEGRAM