NAMANGAN HUDUDIY FILIALIDA ISHLAB CHIQARISH JARAYONLARI О‘RGANILDI
“Hududiy elektr tarmoqlari” AJning Shartnomaviy xizmatlar va mahsulot ishlab chiqarishni monitoring qilish boshqarmasi tomonidan Namangan hududiy filialining “Ishlab chiqarish sexi”da ishlab chiqarish jarayonlari о‘rganildi.
Joyiga chiqqan holda о‘tkazilgan monitoring davomida ishlab chiqarilayotgan turli xildagi temir-beton tayanchlar va travers mahsulotlarining sifati, ularning belgilangan texnik talablarga muvofiqligi hamda obyektlarga tegishli hujjatlar asosida yetkazib berilishi holati kо‘zdan kechirildi.
Shuningdek, mahsulotlarni ishlab chiqarishdan tortib, ularni saqlash va obyektlarga yetkazib berishga qadar bо‘lgan jarayonlarda belgilangan tartib va talablarga rioya etilishiga alohida e’tibor qaratildi.
Asosiy maqsad — ishlab chiqarilayotgan mahsulotlar sifatini ta’minlash, texnik talablarga muvofiqligini nazorat qilish va elektr tarmoqlarida foydalaniladigan mahsulotlarning ishonchliligini oshirish.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
QASHQADARYODA KUZ-QISH MAVSUMIGA TAYYORGARLIK YUZASIDAN AMALIY HARAKATLAR SINOVDAN О‘TKAZILDI
Viloyatda joriy yil kuz-qish mavsumida iste’molchilarni elektr energiyasi bilan barqaror va ishonchli ta’minlash, yuzaga kelishi mumkin bо‘lgan avariyaviy holatlarning oldini olish hamda ularni bartaraf etish bо‘yicha mas’ul xodimlarning amaliy kо‘nikmalarini oshirish maqsadida maxsus-taktik о‘quv mashqi tashkil etildi.
О‘quv mashqi doirasida “Hududiy elektr tarmoqlari” AJ Qashqadaryo hududiy filiali obyektlarida amaliy mashg‘ulotlar о‘tkazildi. Jarayon davomida 3 ta о‘quv nuqtasida elektr tarmoqlarining kuz-qish mavsumiga tayyorgarlik holati hamda ehtimoliy nosozliklarni tezkor bartaraf etish bо‘yicha amaliy harakatlar sinovdan о‘tkazildi.
Xususan, mahallalarda elektr ta’minoti tarmoqlarida yuzaga kelishi mumkin bо‘lgan holatlar bо‘yicha mas’ul xodimlarning harakatlari kо‘rib chiqildi.
Amaliy mashg‘ulotlar davomida elektr kabel liniyasining shikastlangan qismini aniqlash va ta’mirlash, shuningdek, havo elektr tarmog‘idagi nosoz yog‘och ustunni temir-beton ustunga almashtirish bо‘yicha ishlar amalga oshirildi.
Bunda avariyaviy holatni aniqlashdan tortib, zarur texnika va jihozlarni safarbar etish, ta’mirlash ishlarini bajarish hamda elektr ta’minotini qayta tiklashga qadar bо‘lgan jarayonlarda mas’ul xodimlarning tezkor harakatlari va amaliy kо‘nikmalari baholandi.
Maxsus-taktik о‘quv mashqi doirasida Qarshi shahrida joylashgan “Hududiy elektr tarmoqlari” AJ Qashqadaryo hududiy filialining markaziy zaxira ombori, moddiy-texnik bazasi hamda temir-beton mahsulotlari ishlab chiqarish bazasi ham kо‘zdan kechirildi.
О‘rganish jarayonida mazkur obyektlarning 2026/2027 yillar kuz-qish mavsumiga tayyorgarlik darajasi, mavjud moddiy-texnik zaxiralar, zarur ehtiyot qismlar va vositalar bilan ta’minlanganlik holatiga alohida e’tibor qaratildi.
Shuningdek, favqulodda va avariyaviy holatlar yuzaga kelganda zarur kuch va vositalarni tezkor safarbar etish, nosozliklarni qisqa muddatlarda bartaraf qilish hamda elektr ta’minotini qayta tiklash imkoniyatlari ham kо‘rib chiqildi.
Mazkur maxsus-taktik о‘quv mashqi kuz-qish mavsumida elektr tarmoqlarining barqaror ishlashini ta’minlash, mas’ul xodimlarning favqulodda vaziyatlarda harakat qilish bо‘yicha amaliy tayyorgarligini mustahkamlash va mavjud moddiy-texnik imkoniyatlarni yana bir bor sinovdan о‘tkazishga xizmat qildi.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
Media is too big
VIEW IN TELEGRAM
ELEKTR ENERGIYASIDAN NOQONUNIY FOYDALANISH HOLATLARINI ANIQLASH BО‘YICHA NAZORAT REYD TADBIRLARI О‘TKAZILMOQDA
“Hududiy elektr tarmoqlari” AJ Xorazm hududiy filiali xodimlari tomonidan viloyatning barcha hududlarida elektr energiyasidan oqilona va samarali foydalanishni ta’minlash, noqonuniy foydalanish holatlarini aniqlash hamda qonunbuzilishlarga nisbatan belgilangan tartibda chora kо‘rish maqsadida nazorat reyd tadbirlari о‘tkazilmoqda.
Nazorat reydi davomida Xonqa tumani hududida faoliyat yurituvchi “SH.B”ga qarashli xususiy korxonada elektr energiyasidan foydalanish holati о‘rganildi.
О‘rganish jarayonida korxona tomonidan umumiy quvvati 3,55 kVt bо‘lgan elektr qurilmalari va jihozlari elektr energiyasi hisoblagichidan tashqariga о‘zboshimchalik bilan ulangani aniqlandi.
Natijada mazkur korxona tomonidan 306,3 million sо‘mdan ortiq miqdorda elektr energiyasidan noqonuniy foydalanilgani ma’lum bо‘ldi.
Aniqlangan qonunbuzilish holati yuzasidan mas’ul mutaxassislar tomonidan belgilangan tartibda tegishli dalolatnoma rasmiylashtirildi.
Holat bо‘yicha tо‘plangan hujjatlar qonun doirasida huquqiy baho berish uchun huquqni muhofaza qiluvchi organlarga yuborildi.
Please open Telegram to view this post
VIEW IN TELEGRAM
YOQILG‘I-ENERGIYA RESURSLARIGA BO‘LGAN TALAB HAR YILI UCH YILLIK DAVR UCHUN PROGNOZ QILINADI
Farmon bilan, respublika iste’molchilarini yoqilg‘i-energiya resurslari bilan ta’minlashni rivojlantirish rejasi har yili yangilab boriladi.
Unga ko‘ra, Iqtisodiyot va moliya vazirligi, Energetika vazirligi va Regulyator bilan birgalikda har yili avgust oyiga qadar tarmoqlar va hududlar kesimida yoqilg‘i-energetika resurslariga bo‘lgan talabning keyingi uch yillik prognozini ishlab chiqadi.
Ushbu prognoz asosida Vazirlik va Regulyator tomonidan har yili sentyabr oyiga qadar iste’molchilarni yoqilg‘i-energiya resurslari bilan ta’minlash bo‘yicha uch yillik rivojlantirish rejasi ishlab chiqilib, tasdiqlash uchun Vazirlar Mahkamasiga kiritiladi.
Talab prognozlari va mazkur strategik reja har yili oktyabr oyiga qadar Vazirlar Mahkamasi tomonidan tasdiqlanadi va e’lon qilinadi.
Please open Telegram to view this post
VIEW IN TELEGRAM
ENERGIYA TAʼMINOTI SOHASIDA ISTEʼMOLCHILAR UCHUN YANGI TARTIBLAR BELGILANDI
Raqobat qoʻmitasining takliflari asosida Oʻzbekiston Respublikasi Prezidentining 2026-yil 22-sentyabrdagi 202-son Farmoni 7-ilovasi bilan amaldagi normativ-huquqiy hujjatlarga tegishli oʻzgartirish va qoʻshimchalar kiritildi.
• Oʻzbekiston Respublikasi Prezidentining 2017-yil 29-maydagi PF-5059-son Farmoni 8-bandi beshinchi xatboshisi;
• Vazirlar Mahkamasining 2017-yil 10-iyuldagi 484-son qarori bilan tasdiqlangan Nizomning 23-bandi;
• Vazirlar Mahkamasining 2024-yil 31-maydagi 319-son qarori bilan tasdiqlangan Tabiiy gazdan foydalanish qoidalarining 107 va 118-bandlari
chiqarib tashlandi.
Endilikda qarzdorligi sababli elektr energiyasi yoki tabiiy gaz tarmogʻidan uzilgan isteʼmolchilarni qayta ulash uchun qoʻshimcha toʻlov undirilmaydi.
Yaʼni, qayta ulanishda maishiy isteʼmolchilardan bazaviy hisoblash miqdorining ikki baravari, yuridik isteʼmolchilardan esa oʻn baravari miqdorida toʻlov talab etilmaydi.
Shuningdek, Elektr energiyasidan foydalanish qoidalarining 78-bandiga oʻzgartirish va qoʻshimchalar kiritildi.
Unga koʻra, asosiy va zaxira elektr taʼminoti uchun ulangan quvvati yigʻindisi 750 kVA va undan ortiq boʻlgan hamda elektr energiyasi uchun tabaqalashtirilgan tarif boʻyicha hisob-kitob qilinadigan isteʼmolchilar uchun:
– tungi davrda — soat 22:00 dan 24:00 gacha va 00:00 dan 06:00 gacha belgilangan tarifga nisbatan 1,5 baravar miqdorida kamaytiruvchi koeffitsiyent qoʻllash bekor qilindi;
– yarim tigʻiz davrda — soat 09:00 dan 17:00 gacha belgilangan tarifga nisbatan 1,5 baravar miqdorida kamaytiruvchi koeffitsiyent qoʻllaniladi.
Bundan tashqari, elektr energiyasi va tabiiy gazdan foydalanish qoidalarida “namunali isteʼmolchilar” uchun alohida tarif va toʻlov tartibi belgilandi.
Bunda qarzi mavjud boʻlmagan va zamonaviy hisoblagichlar bilan taʼminlangan isteʼmolchilarga quyidagi imkoniyatlar yaratildi:
– hisobot oyi boshiga qadar 15 foiz miqdorida oldindan toʻlov amalga oshirish;
– qolgan toʻlovlarni oy davomida amalga oshirish;
– qarzdorlik sababli tarmoqdan uzilib qolish holatlari qoidalarni buzish holati sifatida baholanmasligi belgilandi.
Shuningdek, tabiiy gazdan foydalanuvchi issiqxona xoʻjaliklari uchun ham alohida toʻlov tartibi joriy etildi.
Unga koʻra, hosil yilining dastlabki 6 oyi — oktyabr-mart oylarida yetkazib beriladigan tabiiy gaz uchun:
– 50 foiz miqdorida oldindan toʻlov amalga oshiriladi;
– qolgan qismi oy yakuniga qadar toʻlanadi;
– keyingi oylardan boshlab esa 100 foiz oldindan toʻlov amalga oshiriladi.
Mazkur tartib avvalgi oyda qarzdorligi boʻlmagan issiqxona xoʻjaliklariga nisbatan qoʻllaniladi.
Shu tariqa, kiritilgan oʻzgartirishlar isteʼmolchilar uchun ortiqcha toʻlovlarni bartaraf etish, toʻlovlarni amalga oshirishda qulaylik yaratish hamda elektr energiyasi va tabiiy gazdan foydalanish sohasida isteʼmolchilar manfaatlarini himoya qilishga qaratilgan.
Farmon bilan tanishish
Please open Telegram to view this post
VIEW IN TELEGRAM