📌📌📌📌📌📌

Ishlab chiqarish jarayonlari bilan amaliy tanishuv
 
“Ilmiy-texnik va xodimlar malakasini oshirish markazi” tomonidan xodimlarning kasbiy bilim va amaliy kо‘nikmalarini yanada oshirish, ularni sohadagi zamonaviy ishlab chiqarish jarayonlari bilan yaqindan tanishtirish maqsadida “Toshelectroapparat” XK MCHJ faoliyati bilan tanishuv tashkil etildi.
 
Unda ayni paytda Markazda malaka oshirayotgan ASKUE guruhi rahbari va muhandislari, shuningdek, “Energosavdo” filialining iste’molchilar bilan ishlash va debitor qarzdorlikni undirish guruhi rahbarlari hamda muhandislari ishtirok etdilar.
 
Amaliy tanishuv davomida ishtirokchilar korxonaning ishlab chiqarish quvvatlari, texnologik jarayonlari, elektr energetika sohasida qо‘llanilayotgan zamonaviy uskuna va yechimlar bilan yaqindan tanishdilar.
 
Bunday amaliy tadbirlar xodimlarning sohaviy bilimlarini mustahkamlash, ilg‘or tajribalarni о‘rganish va ularni ish jarayonida samarali qо‘llashga xizmat qiladi.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

Prezident Shavkat Mirziyoyev kuz-qish mavsumida aholini, ayniqsa, ehtiyojmand oilalarni ijtimoiy himoya qilish boʻyicha takliflar taqdimoti bilan tanishdi.

Taqdimotda elektr energiyasi, gaz, koʻmir va kommunal xizmatlar uchun toʻlovlar boʻyicha amaldagi qoʻllab-quvvatlash mexanizmlarini kengaytirish masalalari koʻrib chiqildi.

Xususan, isitish mavsumida gazlashmagan hamda gaz yetib bormagan hududlarda elektr energiyasi boʻyicha bazaviy meʼyorni 200 kilovatt-soatdan 350 kilovatt-soatga oshirish taklifi maʼqullandi.

Dekabr oyida ehtiyojmand oilalarga bir martalik moddiy yordam ajratish masalasini ko‘rib chiqish taklif qilindi.

Shuningdek, Ijtimoiy reyestrga kirmagan ehtiyojmand oilalarning elektr energiyasi, gaz, koʻmir va kommunal xizmatlar xarajatlarini qoplashda oilaning har bir aʼzosiga qoʻllaniladigan daromad mezonini 1 million 430 ming soʻmgacha oshirish taklifi ko‘rib chiqildi. Natijada qoʻllab-quvvatlash qamrovi yana 166 ming oilaga kengayadi.

Elektr energiyasi va gaz boʻyicha bazaviy meʼyordan ortiq isteʼmoli xarajatlarining bir qismini qoplash muddatini 2028-yil 1-aprelgacha uzaytirish taklif qilindi. Bu chora bilan bir yilda 470 ming oilani qamrab olish nazarda tutilmoqda. Sharoiti ogʻir mahallalardagi 3 mingta xonadonni issiqlik jihatidan himoyalash va energiya tejovchi uskunalar bilan taʼminlash ishlari ham davom ettiriladi.

Davlatimiz rahbari Hukumatga belgilangan yordam uchun mablagʻlarni oʻz vaqtida yoʻnaltirish, ehtiyojmand oilalarni aniqlashda manzillilikni taʼminlash va yordam har bir oilaga yetib borishi ustidan nazoratni kuchaytirishni topshirdi.

Shuningdek, energiya resurslarini ishlab chiqaruvchi hamda yetkazib beruvchi korxonalar faoliyatini transformatsiya qilish, boshqaruv samaradorligini oshirish, ortiqcha xarajatlar va tarmoqlardagi yoʻqotishlarni qisqartirish boʻyicha ham qator koʻrsatmalar berildi.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

“Hududiy elektr tarmoqlari” AJ delegatsiyasi Ozarbayjonning ilg‘or energetika tajribasini o‘rgandi

“Hududiy elektr tarmoqlari” AJ delegatsiyasining Ozarbayjon Respublikasiga tashrifi doirasida mamlakat energetika tizimida amalga oshirilayotgan islohotlar, zamonaviy boshqaruv yondashuvlari hamda ilg‘or tajribalar o‘rganildi.

Tashrif davomida delegatsiya vakillari Ozarbayjonning elektr energiyasini taqsimlash sohasidagi yirik kompaniyasi — “Azərişıq” AJ faoliyati bilan yaqindan tanishdi. Jumladan, elektr energiyasini taqsimlash tarmoqlarini boshqarish, zamonaviy texnologiyalarni joriy etish, xizmatlar sifatini oshirish, iste’molchilar bilan ishlash hamda korxona faoliyatini samarali tashkil etish bo‘yicha amalga oshirilayotgan ishlar o‘rganildi.

Shuningdek, delegatsiya vakillari Ozarbayjonning qator energetika korxonalarida bo‘lib, korporativ boshqaruv, ichki va tashqi korporativ munosabatlarni rivojlantirish, biznes jarayonlarini takomillashtirish hamda transformatsiya jarayonlarini samarali tashkil etish borasidagi tajribalar bilan tanishdi.

Uchrashuvlar davomida energetika korxonalarini zamonaviy boshqaruv tamoyillari asosida rivojlantirish, raqamli texnologiyalarni keng joriy etish, mehnat jarayonlari samaradorligini oshirish va xodimlar salohiyatini rivojlantirish masalalariga alohida e’tibor qaratildi.

O‘rganilgan ilg‘or tajribalar “Hududiy elektr tarmoqlari” AJ faoliyatida korporativ boshqaruvni yanada takomillashtirish, transformatsiya jarayonlarini jadallashtirish, boshqaruv samaradorligini oshirish hamda zamonaviy yondashuvlarni amaliyotga tatbiq etishda muhim ahamiyat kasb etadi.

Tashrif doirasidagi uchrashuv va amaliy tashriflar ikki mamlakat energetika sohasi vakillari o‘rtasida tajriba almashish, o‘zaro hamkorlikni mustahkamlash va istiqboldagi hamkorlik yo‘nalishlarini belgilash uchun samarali muloqot maydoniga aylandi.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

Byurokratiyaga qarshi kurashda sizning ovozingiz muhim

“Byurokratiyani bartaraf etish – 2030” dasturi doirasida Strategik rivojlanish va islohotlar agentligi tomonidan “Byurokratiyasiz O‘zbekiston” ommaviy tashabbusi amalga oshirilmoqda.

Maqsad — fuqarolar va tadbirkorlarning fikr-mulohazalari asosida ortiqcha byurokratik jarayonlarni qisqartirish va davlat xizmatlarini soddalashtirish.

Sizni charchatgan ortiqcha hujjat yoki cho‘zilgan jarayon bormi? Bu haqda xabar bering — har bir muammo o‘zgarish uchun imkoniyatdir.

O‘z takliflaringiz bilan islohotlarga hissa qo‘shing: murojaat.byurokratiyasiz2030.uz

📱Facebook | 📱Telegram | 📱YouTube | 📱Instagram | 📱X | 📱 het.uz