📌📌📌📌📌📌

#elektr_xavfsizligi_oyligi

ELEKTR XAVFSIZLIGI – HAR BIR O‘QUVCHINING HAYOTI UCHUN MUHIM SABOQ!

Farg‘ona shahridagi 40-sonli umumta’lim maktabida “Elektr xavfsizligi oyligi” doirasida o‘quvchilar ishtirokida targ‘ibot tadbiri o‘tkazildi.

Elektr energiyasi hayotimizni yoritadi, xonadonlarimizga qulaylik, kundalik yumushlarimizga yengillik olib kiradi. Ammo undan noto‘g‘ri foydalanish, oddiygina ehtiyotsizlik ham inson hayoti uchun jiddiy xavf tug‘dirishi mumkin. Ayniqsa, hali hayotiy tajribasi kam bo‘lgan bolalarga elektr xavfsizligi qoidalarini yoshligidan o‘rgatish nihoyatda muhim.

Shu maqsadda Farg‘ona shahridagi 40-sonli umumta’lim maktabida “Elektr xavfsizligi oyligi” doirasida o‘quvchilar o‘rtasida targ‘ibot tadbiri tashkil etildi.

Tadbir davomida o‘quvchilarga elektr toki bilan bog‘liq xavf-xatarlar, elektr jihozlaridan foydalanishda rioya etilishi lozim bo‘lgan qoidalar hamda elektr qurilmalari va tarmoqlariga yaqin joylarda ehtiyotkor bo‘lish zarurligi haqida tushunchalar berildi.

Mutaxassislar bolalarga kundalik hayotda uchrashi mumkin bo‘lgan xavfli vaziyatlarni sodda va tushunarli misollar orqali izohlab, bunday holatlarda qanday yo‘l tutish kerakligini tushuntirdilar.

Ayniqsa, elektr simlariga tegmaslik, ochiq yoki shikastlangan simlarni ko‘rganda ulardan uzoq turish, elektr jihozlarini nam qo‘l bilan ushlamaslik, transformator punktlari va elektr qurilmalari joylashgan hududlarga kirmaslik kerakligiga alohida e’tibor qaratildi. Shuningdek, xavfli vaziyatga duch kelganda darhol kattalarga xabar berish lozimligi ta’kidlandi.

Mazkur targ‘ibot tadbiri 1–31-oktabr kunlari o‘tkazilayotgan “Elektr xavfsizligi oyligi” doirasidagi ishlarning bir qismi bo‘lib, bu kabi uchrashuvlar orqali yosh avlodning elektr xavfsizligi borasidagi bilimlarini oshirishga qaratilgan.

Tadbir so‘ngida esa o‘quvchilar uchun unutilmas va quvonchli lahzalar ulashildi. “Farg‘ona hududiy elektr tarmoqlari korxonasi” AJ tomonidan maktab o‘quvchilariga ertak kitoblari sovg‘a qilindi.

Zero, bolalarga xavfsizlik qoidalarini o‘rgatish bilan birga, ularga kitobga mehr uyg‘otish, bilim olishga rag‘batlantirish ham ezgu maqsadlarimizdan biridir. Chunki bugun kitob mutolaa qilayotgan, xavfsizlik qoidalarini o‘rganayotgan bolalar ertangi kunning bilimli, ongli va mas’uliyatli avlodidir.

Hududlarda belgilangan rejaga muvofiq targ’ibot ishlari davom etmoqda.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

#elektr_xavfsizligi_oyligi

YASHNOBODDA KUZ-QISH MAVSUMIGA TAYYORGARLIK: TRANSFORMATOR PUNKTI MUKAMMAL TA’MIRLANMOQDA

Kuz-qish mavsumiga puxta tayyorgarlik ko‘rish, elektr tarmoqlari va qurilmalarining texnik holatini yaxshilash hamda iste’molchilarni barqaror elektr energiyasi bilan ta’minlash maqsadida Yashnobod tuman elektr ta’minoti korxonasi mutaxassislari tomonidan amaliy ishlar olib borilmoqda.

Xususan, «Do`stobod» MFY hududida joylashgan TP-6634-sonli transformator punktida mukammal ta’mirlash ishlari amalga oshirilmoqda.

Ta’mirlash jarayonida transformator punktining texnik holatini yaxshilash, mavjud uskunalarning soz va barqaror ishlashini ta’minlash hamda elektr qurilmalarining kelgusi mavsumdagi yuklamalarga tayyorligini oshirishga alohida e’tibor qaratilmoqda.

Amalga oshirilayotgan ishlar yakunida transformator punktining texnik jihatdan barqaror ishlashi ta’minlanib, elektr ta’minotida yuzaga kelishi mumkin bo‘lgan nosozliklarning oldini olish, mavsumiy yuklamalarni ishonchli qabul qilish va «» MFY hududidagi iste’molchilarni barqaror elektr energiyasi bilan ta’minlash imkoniyatlari mustahkamlanadi.

Bu kabi ta’mirlash va modernizatsiya ishlari 2026–2027-yillar kuz-qish mavsumini betalofat o‘tkazish hamda elektr ta’minoti tizimining uzluksizligini ta’minlashga qaratilgan.

📱Facebook | 📱Telegram | 📱YouTube | 📱Instagram | 📱X | 📱 het.uz

#elektr_xavfsizligi_oyligi

SIRDARYODA ELEKTR UZILISHLARINING OLDINI OLISH CHORALARI KUCHAYTIRILMOQDA

Sirdaryo viloyatida 2026–2027-yillar kuz-qish mavsumida elektr ta’minoti barqarorligini ta’minlash maqsadida 996,2 kilometr elektr tarmog‘i va 367 ta transformator punkti mukammal ta’mirlandi. Shuningdek, 1 ming 775 kilometr elektr tarmog‘i hamda 782 ta transformator punktida joriy ta’mirlash ishlari bajarildi.

Mavsum davomida yuzaga kelishi mumkin bо‘lgan avariyaviy holatlarni tezkor bartaraf etish maqsadida 30 ta tezkor chiqish brigadasi tashkil qilinib, ularga 140 nafar xodim biriktirildi. Brigadalar 31 ta avtomashina va 14 ta maxsus texnika bilan ta’minlandi. Shuningdek, ehtimoliy nosozliklarni qisqa muddatlarda bartaraf etish uchun zarur elektr jihozlari, asbob-uskunalar va materiallar zaxirasi yaratildi.

👉https://uza.uz/posts/919897

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz