📌📌📌📌📌📌

#elektr_xavfsizligi_oyligi

ELEKTR XAVFSIZLIGI — HAYOT XAVFSIZLIGI!

“Hududiy elektr tarmoqlari” AJ Navoiy hududiy filiali xodimlari tomonidan “Elektr xavfsizligi oyligi” doirasida hududlardagi umumta’lim maktablari va maktabgacha ta’lim tashkilotlarida profilaktik tadbirlar o‘tkazilmoqda.

Tadbirlar davomida o‘quvchi va tarbiyalanuvchilarga elektr tokining xavfi, elektr jihozlaridan foydalanishda ehtiyot choralariga rioya qilish hamda elektr qurilmalariga yaqinlashish bilan bog‘liq xavflarning oldini olish yuzasidan tushuntirishlar berilmoqda.

Mazkur profilaktik tadbirlar yosh avlodda elektr xavfsizligi bo‘yicha zarur bilim va ko‘nikmalarni shakllantirish, shuningdek, elektr toki bilan bog‘liq baxtsiz hodisalarning oldini olishga xizmat qiladi.

Elektr xavfsizligiga befarq bo‘lmang! Xavfsizlik oddiy qoidalarga rioya qilishdan boshlanadi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

MA’NAVIY YUKSALISH VA YURT TARAQQIYOTI YO‘LIDAGI EZGU TASHABBUSLAR

“Hududiy elektr tarmoqlari” AJda xodimlarning ma’naviy-ma’rifiy bilimlarini yuksaltirish, ularda Vatanga sadoqat, milliy qadriyatlarga hurmat va yurt taqdiriga daxldorlik tuyg‘usini mustahkamlashga qaratilgan targ‘ibot tadbirlariga alohida e’tibor qaratilmoqda.

Bugun, 13-oktabr kuni “Hududiy elektr tarmoqlari” AJ  hamda Respublika Ma’naviyat va ma’rifat markazi hamkorligida ma’naviy-ma’rifiy yo‘nalishdagi o‘quv-seminari tashkil etildi.

O‘zbekiston Respublikasi Prezidenti Shavkat Mirziyoyevning O‘zbekiston davlat mustaqilligining 35 yilligiga bag‘ishlangan tantanali marosimdagi nutqida ilgari surilgan ustuvor g‘oyalar, ezgu tashabbuslar hamda ularning mazmun-mohiyatini  keng targ'ib qilishga bag'ishlangan seminarda Jamiyat markaziy apparati va hududiy korxonalari xodimlari ishtirok etdi.

Tadbir davomida mamlakatimizda amalga oshirilayotgan islohotlarning mazmuni, ularning jamiyat hayotidagi ahamiyati hamda har bir soha vakilining umumiy taraqqiyotga qo‘shadigan hissasi yuzasidan fikr almashildi.

Iqtisodiyot fanlari bo‘yicha falsafa doktori, “Ma’rifat targ‘ibotchilari” jamiyati a’zosi Eshmurod Rahimov o‘z ma’ruzalarida Prezident nutqida ilgari surilgan ezgu g‘oya va tashabbuslarning ijtimoiy-ma’naviy ahamiyati, milliy birlik va hamjihatlikni mustahkamlash, inson qadrini ulug‘lash, yosh avlodni vatanparvarlik ruhida tarbiyalash hamda mamlakatimiz taraqqiyoti yo‘lida fidokorona mehnat qilish masalalariga atroflicha to‘xtalib o‘tdi.

Uchrashuv davomida mamlakatimizning uch ming yillik tarixiy ildizlari, milliy o‘zlik, boy ma’naviy meros hamda Yangi O‘zbekiston taraqqiyotining ustuvor yo‘nalishlari haqida so‘z yuritildi.

Tadbir davomida Yangi O‘zbekistonda amalga oshirilayotgan keng ko‘lamli islohotlar, mamlakatimizning izchil taraqqiyoti, shuningdek, xalqimizning boy tarixiy merosi, milliy qadriyatlari va o‘zligini aks ettiruvchi videomateriallar namoyish etildi.

📱Facebook | 📱Telegram | 📱YouTube | 📱Instagram | 📱X | 📱 het.uz

📌📌📌📌📌📌

ENERGETIKA SOHASIDA DUAL TA’LIM: NAZARIYA VA AMALIYOT UYG‘UNLIGI
  
Bugungi kunda mamlakatimizda oliy ta’limni ishlab chiqarish jarayonlari bilan integratsiya qilish, talabalarning nazariy bilimlarini amaliy mashg‘ulotlar orqali mustahkamlash hamda soha uchun malakali kadrlar tayyorlashga alohida e’tibor qaratilmoqda.
 
Shu maqsadda Toshkent davlat texnika universiteti Energetika muhandisligi fakultetining “Elektr ta’minoti” kafedrasi hamda “Hududiy elektr tarmoqlari” AJning “Ilmiy-texnik va xodimlarni malakasini oshirish markazi” filiali hamkorligida dual ta’lim tizimi asosida o‘quv jarayonlari tashkil etilmoqda.
 
2026–2027-o‘quv yili uchun tomonlar kelishuviga muvofiq, “Elektr ta’minoti” kafedrasining 4-guruhi talabalari uchun maxsus haftalik dual ta’lim jadvali ishlab chiqilib, tasdiqlandi. Mazkur ta’lim shakli talabalarning nazariy bilimlarini chuqurlashtirish, ularni amaliy mashg‘ulotlar orqali mustahkamlash va kasbiy ko‘nikmalarini rivojlantirishga xizmat qilmoqda.
 
Dual ta’lim dasturi doirasida talabalarning samarali bilim olishi, o‘zaro fikr almashishi va jamoada ishlash ko‘nikmalarini rivojlantirishi uchun zarur sharoitlar yaratilgan. Xususan, interaktiv mashg‘ulotlar o‘tkazish hamda guruhli muhokamalarni tashkil etish uchun maxsus jihozlangan o‘quv xonalari ajratilgan.
 
Batafsil

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz