📌📌📌📌📌📌

JURNALIST VA BLOGERLAR “FARG‘ONA HETK” AJNING KUZ-QISH MAVSUMIGA TAYYORGARLIK ISHLARI BILAN TANISHDI

Farg‘ona viloyatida jurnalist va blogerlar ishtirokida aholini kuz-qish mavsumida tabiiy gaz va elektr energiyasi bilan barqaror ta’minlash borasida amalga oshirilayotgan ishlar bilan tanishuv tashkil etildi. Unda hududiy ommaviy axborot vositalari vakillari, gaz va elektr ta’minoti korxonalari rahbarlari hamda mutaxassislari ishtirok etdi.

Bugungi kunda viloyatda elektr energiyasiga bo‘lgan talab ortib bormoqda. Xususan, 2025-yilda Farg‘ona viloyatida 5,2 milliard kilovatt-soat elektr energiyasi iste’mol qilingan bo‘lsa, iste’molchilar soni va ehtiyojning ortishi hisobiga joriy yilda ushbu ko‘rsatkich 5,6 milliard kilovatt-soatga yetishi kutilmoqda.

Tashrif davomida jurnalist va blogerlar “Yangiyo‘l tajribasi” joriy etilayotgan Farg‘ona tumani hududlarida ham bo‘lib, jumladan, Beruniy va Mehnatobod mahallalarida amalga oshirilayotgan ishlar bilan yaqindan tanishdi. Xususan, aholini tabiiy gaz va elektr energiyasi bilan ta’minlash, kuz-qish mavsumiga puxta tayyorgarlik ko‘rish hamda mavjud muammolarni bartaraf etish borasida olib borilayotgan ishlar yuzasidan ma’lumotlar berildi.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

ELEKTR TARMOQLARIGA ULANISHDA QONUNIYLIK TALABLARI TEKSHIRILMOQDA

“Hududiy elektr tarmoqlari” AJ tomonidan elektr ta’minoti sohasida qonunchilik talablariga rioya etilishi hamda murojaatlarning o‘z vaqtida va sifatli ko‘rib chiqilishi yuzasidan nazorat tadbirlari davom ettirilmoqda.

Jamiyatning Shartnomaviy xizmatlar va mahsulot ishlab chiqarishni monitoring qilish boshqarmasi mas’ullari tomonidan Toshkent viloyatining Nurafshon shahri va Toshkent tumanida o‘tkazilgan o‘rganishlar davomida ayrim obyektlarda belgilangan tartiblar buzilgani aniqlandi. Jumladan, tegishli shartnomalar rasmiylashtirilmasdan, to‘lovlar amalga oshirilmasdan hamda zarur texnik hujjatlar tayyorlanmasdan qurilish-montaj ishlari bajarilib, elektr tarmoqlariga ulanish holatlari qayd etildi.

Aniqlangan qonunbuzilishlar yuzasidan tegishli choralar ko‘rilib, noqonuniy ulangan iste’molchilar elektr tarmog‘idan uzilmoqda. Shuningdek, o‘z xizmat vazifalarini lozim darajada bajarmagan mas’ul xodimlardan tushuntirish xatlari olinib, ularga nisbatan belgilangan tartibda huquqiy choralar ko‘rish ishlari olib borilmoqda.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌

KUZ-QISH MAVSUMIGA PUXTA TAYYORGARLIK – BARQAROR ELEKTR TA’MINOTI GAROVI!

“Hududiy elektr tarmoqlari” AJ Xorazm hududiy filiali tomonidan kuz-qish mavsumiga tayyorgarlik doirasida elektr tarmoqlarini ta’mirlash va profilaktika ishlari olib borilmoqda.

Xususan, Hazorasp tumanidagi “Nurchi” podstansiyasidan chiquvchi 10 kVli “Hazorasp” havo elektr tarmog‘ida qo‘shimcha tayanchlar o‘rnatilib, elektr simlari va daraxt shoxlari tartibga keltirilmoqda.

Shuningdek, mazkur tarmoqdan elektr energiyasi oluvchi 130 ta transformator punktida texnik xizmat ko‘rsatish hamda ASKUE tizimiga ulangan hisoblagichlarning barqaror ishlashini ta’minlash ishlari amalga oshirilmoqda.

📱 Facebook | 📱 Telegram | 📱 YouTube | 📱 Instagram | 📱 X | 📱 het.uz