#elektr_xavfsizligi_oyligi
XAVFSIZLIK – E’TIBORDAN BOSHLANADI
Yakkasaroy tumanidagi 144-sonli umumiy o‘rta ta’lim maktabida o‘quvchilar uchun elektr xavfsizligi bo‘yicha targ‘ibot tadbiri o‘tkazildi.
«Toshkent shahar elektr tarmoqlari» MCHJ hamda Yakkasaroy tuman elektr ta’minoti korxonasi mutaxassislari tomonidan o‘quvchilarga elektr energiyasidan xavfsiz foydalanish, elektr toki bilan bog‘liq xavflarni anglash va favqulodda vaziyatlarda to‘g‘ri harakat qilish bo‘yicha zarur tushunchalar berildi.
Ochiq va shikastlangan simlardan uzoq turish, elektr jihozlariga ehtiyotsiz munosabatda bo‘lmaslik, transformator punktlari va elektr qurilmalariga yaqinlashmaslik kabi muhim qoidalar hayotiy misollar asosida tushuntirildi.
Natijada o‘quvchilar xavfli vaziyatlarni to‘g‘ri baholash va bunday holatlarda o‘z xavfsizligini ta’minlash bo‘yicha amaliy ko‘nikmalarga ega bo‘ldilar.
Elektr xavfsizligi – hayotni asrashdan boshlanadi!
Please open Telegram to view this post
VIEW IN TELEGRAM
ELEKTR TARMOQLARIGA ULANISHDA QONUNIYLIK TALABLARI TEKSHIRILMOQDA
“Hududiy elektr tarmoqlari” AJ tomonidan elektr ta’minoti sohasida qonunchilik talablariga rioya etilishi hamda murojaatlarning o‘z vaqtida va sifatli ko‘rib chiqilishi yuzasidan nazorat tadbirlari davom ettirilmoqda.
Jamiyatning Shartnomaviy xizmatlar va mahsulot ishlab chiqarishni monitoring qilish boshqarmasi mas’ullari tomonidan Toshkent viloyatining Nurafshon shahri va Toshkent tumanida o‘tkazilgan o‘rganishlar davomida ayrim obyektlarda belgilangan tartiblar buzilgani aniqlandi. Jumladan, tegishli shartnomalar rasmiylashtirilmasdan, to‘lovlar amalga oshirilmasdan hamda zarur texnik hujjatlar tayyorlanmasdan qurilish-montaj ishlari bajarilib, elektr tarmoqlariga ulanish holatlari qayd etildi.
Aniqlangan qonunbuzilishlar yuzasidan tegishli choralar ko‘rilib, noqonuniy ulangan iste’molchilar elektr tarmog‘idan uzilmoqda. Shuningdek, o‘z xizmat vazifalarini lozim darajada bajarmagan mas’ul xodimlardan tushuntirish xatlari olinib, ularga nisbatan belgilangan tartibda huquqiy choralar ko‘rish ishlari olib borilmoqda.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
KUZ-QISH MAVSUMIGA PUXTA TAYYORGARLIK – BARQAROR ELEKTR TA’MINOTI GAROVI!
“Hududiy elektr tarmoqlari” AJ Xorazm hududiy filiali tomonidan kuz-qish mavsumiga tayyorgarlik doirasida elektr tarmoqlarini ta’mirlash va profilaktika ishlari olib borilmoqda.
Xususan, Hazorasp tumanidagi “Nurchi” podstansiyasidan chiquvchi 10 kVli “Hazorasp” havo elektr tarmog‘ida qo‘shimcha tayanchlar o‘rnatilib, elektr simlari va daraxt shoxlari tartibga keltirilmoqda.
Shuningdek, mazkur tarmoqdan elektr energiyasi oluvchi 130 ta transformator punktida texnik xizmat ko‘rsatish hamda ASKUE tizimiga ulangan hisoblagichlarning barqaror ishlashini ta’minlash ishlari amalga oshirilmoqda.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM