📚✍نعي للسيده الزهراءعليها السلام


من يومج   ييمه  ماشفت...راحه
وتعبتي   شكثر  ودكيتي ...راحه
وظليت  اصفك بديه عله ...راحه
يمن  جنتي    ا مظويه   الثنيه


نامت  عيونج  وغفن  حرامات
وراج    اونن   واجري   دمعات
خليتي  بكلبي   هواي  الجمات


شلتي  من  النزل  والنزل   خالي
وايوميه  ابجي  واصيحن  تعالي
ظلمت الدنيابعيني  وحشه اليالي



ارجوج   يم  كلب   الحنين  ردي
وخلاف  عينج   مابقه شي عندي
وبس  عيوني  دمعهن  عله  خدي


بطلي  النوم   يايمه  كافي وتعاي
وخل نكعد سويه  ونسولف  بهاي
وتشركين   ابهمي   وظيم   دنياي


يلعفتيني  ونامت عيونج بلتراب
كلبي  بغيبتج   جرحه   لاماطاب
صوبني الدهرعلئ عيوني اصواب


كلساعه  اكولن    اشلون  واشلون
والعميهه  وراج من البجي العيون
أيس  ييمه ترديني واكطع الظنون


وسفه    الموت  من ايدي   خذاج
واصرخ ردي البنيتج بصوت وراج
واستعجلتي  علئ المكبره  شجاج 


هيهات  بعد رده  الج وتردين اليه
يلجنتي تنشدين   وتسيرين  عليه
يريت  اصوابج منج  و يندار  بيه


نمتي    بلكبر    وسكنت    عيونج
يلحلوه معانيج وشحلاته ارسومج
وابليل اظلم تالي  ابساع  يدفنوج


خادمةالسيده الزهراء والسيده رقيه ع
(( ا لشاعره  ام  زهراء   الفاطميه ))
لايجوزحذف الاسم  أسم الكتاب

🏴أنت المعزى سيدي يا صاحب الزمان ... عظم الله اجوركم💔

❌
لا اجيز  شرعا .حذف اسم🔚 الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا
https://t.me/hhhhhzxcvb

📚✍نواعي للزهراء عليها السلام

مصاب الزچية ماسده وصار
هجمو عليها الگوم للدار
غدت ترتعد من لهبت النار
هجمو عمت عيني عليها
ضلعها انكسر وابرض ثدياها
تفرفح ومحد سمع بيها
الباب والحايط عصرها
ونبت البسمار بصدرها
اويلاه يغصتها وعصرها
صاحت يفضه حسين وينه
الوجن ويدير عليج عينه
اريدج يفضه تلزميني
فضها اعتنت ليها بهمة
وشافت ضلعها يسيل دمه
ومخطوف لون ام الائمة

كلمات الملة والشاعرة زهره
🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚✍نواعي للزهراء عليها السلام

وين اليساعد زينب اليوم
امها ضلعها ينكط ادموم
ينحب حسن وحسين مهظوم
امنه وجها من الوطن غاب
وحسين ينحب والكلب ذاب
بناتج بجن يم حسن عكبج
وعيونهن تربي اعله دربج
تعوفيهن ينطيج كلبج
بنات ام الحسن يبجن عكبها
امنه الذي تحبنه ونحبها
شنهو الذي بدل كلبها
اشبدله كلب الحنينه
بعد هيهات الحبيبة تجينه
اشكبر خلتج صارت علينه

كلمات الملة والشاعرة رتبه الاصدار
الثالث 🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚✍نعي  لزهراء  عليها السلام

شحلات الوالده بالبيت يمنه
ولافد يوم حضن امنه   يمنه
العمر ما يسوه   بلياج   يمنه
ارحلت  وياج كل كعده هنيه
.............
يضعن الحنينه وين  ناوي
خليت الكلب جانون داوي
والراس من الدمع  خاوي
..............
طاح الدمع ويفص العيون
من كامو  بنعشج  يحملون
والفارك امه يصبر  شلون
.............
شلون الصبر  للفاكد  امه
لو ثكل حزنه  وزاد  همه 
حزنه  بوسط كلبه يضمه
...........
يضل بالكلب همه ويخليه
بعد ياهو اليكله شبيه مابيه
الام  غايبه  والمن   يوديه
............
بياحال  عفتينه ومشيتي
شلتي  الحيل   وحمليتي
بولادج يزهره   مادريتي
..............
صاحو ييمه بصوت عالي
سمعي بواجينه   وتعالي
ماهي شوفتج والبيت خالي
............

✍ام زينب كربلاء غير
🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚✍نعي حول الزهراء


شال النعش وابعد علينه
وانه واخيي اشكد بچينه
انرافگ شخصهه لو بدينه

يالوالده من عدنه ترحين
وعلينه يشفجه ما تردين
گولي شوكت يمه وتعودين

شيجيبهه الراحت من ايدي

تعودين وتگعدين يمنه
ونرجع سوه بذاكه نزلنه
غفله رحلتي ليش عنه

عنه مشيتي وما اجيتي
وصوب المنيه غربيتي
صار الفراگ وبيه رضيتي

گعدنه يشفجه ويمنه ردناچ
وبالدار وسفه ما لگيناچ
فكدناچ يمه ودوريناچ

ماظن تجي وترجع علينه

يوحش نزلهه من چهبته
وجهج علينه يعود ردته
من زغري يا يمه وفگدته

فگدته ومشت مني المحنه
وماظن ترد وتعود يمنه
يا ريحتج تشفي مرضنه


شنهي العمر لو رحتي بعيد
مايسوه والله وبعد شيفيد
غير الحزن بالكلب ماريد


من يومهه ماشفت راحه


ماريد عمري ما اريده
وعني الوالده صارت بعيده
گلبي يون والون شيفيده

شيفيد گلبي الفارگاها
ومن يوم شالت ما نساها
حنينه الوالده وامشي وراها


وراها لون يصير لمشيت
ويم الكبر بيتي بنيت
كل ما تحن الروح ونيت

عزيزه وتحن الروح ليهه


كل ما تحن روحي عليهه
اشتاگ وبصفي اجيهه
وبلكت بعد اسمع حچيهه

شيعودهه وترجع عليه

اجاور گبرهه طول عمري
واگلهه علي باليل مري
حنينه يبعد الروح يا امي


كلچ محنه وما اعوفچ
ويمچ اظل كل ساع اشوفچ
شگالت علي يا يمه روحچ

روحچ حنينه شگد عليه
وتنشد تره صبح ومسيه
ضاگ الخلگ واشلون بيه

جاوين احل اهموم كلبي

ضاگ الخلگ ويريد  يمهه
وكل ساع لو مخنوگ اشمهه
ترجع علينه انريد منهه


لخادمة الزهراء. العلويه ام جعفر
غير مبري الذمه من يحذف الاسم وياخذ الكلام وينسبه له م



🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم الناشر .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا
https://t.me/hhhhhzxcvb

📚✍نعي حول دفن الزهراء


شال النعش باليل عني
وظلوعي عله امي  يوجعني
غربت جن بعيد مني

عزيزه عليه وضيعتهه


غرب نعشهه وحيل ونيت
وعله باب دار امي انتجيت
الذيج اليالي اشكثر حنيت

حنيت والفركه ثجيله
واليل اجه وشثكل ليله
الفاكد شخصهه يروح حيله

بعيد النعش صار عله عيني
واليل اجه وزود ونيني
ويبجون اخوتي مجابليني


اعاين عليهم حيل يبجون
واليل كله ما ينامون
ازغار وبعد ليهه يحنون

ظلمه صفه يالبيت منهه
وشتاكينه عله امنه وحظنهه
ما ترجع علينه بعد جنهه


مكسور يالفاكد حنانج
وفارغ يصد صعبه المجانج
بعدنه تره ابعازت احضانج

انحن بعد وريد ملكه
وتريد حيل الهه الفركه
بدارج بعد كولي شنلكه


عتبنه عليج اشلون تمشين
ويحبيبه من عدنه تبعدين
يبجي الحسن يا يمه وحسين

يبجون عدج ظلو ازغار
وتوحش عليهم ظلت الدار
وليدج ييمه حيل محتار

محتار ظل والعين تجري
والنار وصط الكلب تسري
اخلافج بعد شلي بعمري


*لخادمة الزهراء.  العلويه ام جعفر*
غير مبري الذمه من يحذف الاسم وياخذ الكلام وينسبه له ج



🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم الناشر .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا
https://t.me/hhhhhzxcvb

📚✍نعي حول الزهراء


تمنيتج ييمه دوم يمي
وبشوفتج ينزاح همي
اخبرج كثر من رحتي هظمي



ريضي ييمه ولا تشيلين
وبنص الكلب ونه تخلين
كليلي عليه هم تعودين

تعودين وتكعدين يمنه
ونسولف سوالف بل محنه
اخلافج صفه وحشه نزلنه


يوحش عليه البيت عكبج
وتدرين بيه شكد اودج
روحي كضت والكلب عدج


تعاي خلينه عله بالچ
ومعلمه انه الدلالج
اشسوه الوكت بينه اخلافج


تعاي لينه وموش تنسين
وحلوه اذا يمه تسيرين
للموت عنه لا تغربين


زغار وكتنه حيل فركاج
والبيت ظل يوحش بلياج
عونه المشه يا ام حسن وياج


وياج نمشي كون كلنه
ويم الكبر نبني نزلنه
بالدنيه عكبج بعد شلنه

يم الكبر نبنينه ابيوت
ويمج يشفجه نرافك الموت
هدمتني هدم شيلة التابوت


*لخادمة الزهراء.  العلويه ام جعفر*

🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚✍نعي حول استشهاد الزهراء




وسفه الحنينه شالت بعيد
وحزني الفكدها بعد شيفيد
وكتي الخذاها مني شيريد

شيجيبهه وترجع عليه


للموت راحت ما تجيني
وشيعودها شمعت سنيني
يالوالده يا بعد عيني
عليج ما يبطل ونيني

ردي علي يالوالده امي


بالروح لو تنسام اردهه
عزيزه الوالده والكلب عدهه
ثجيل ما احمل بعدهه

هلا بيج يالكلج محنه


غيابج ييمه غيراني
ويا يوم فكدج تلوهاني
وياج اريد الوالده اني


وياج يا محلا عشرتي


عونه اليرافكهه الحنينه
وياها كون اتنام عينه
الفاكده ما يبطل ونينه


تنشد عليه العمر كله
واخلافهه بس دمعي اهله
الفاكدهه بعد بالعمر شله


وياج كون العمر لكضيه
وبيتي ابصف بيتج لخليه
دير الوجع ليه تديريه


مستعجله ومني مشيتي
وبيه وبختي شفكريتي
نص حيل مني هدميتي


حيلي ييمه راح وياچ
يا ام المحنه وين نلكاچ
عزيزه علينه وضيعيناچ



*لخادمة الزهراء.  العلويه ام جعفر*

🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚✍نعي حول الزهراء



يدفان خل امي تجيني
وگلهه كثر كلش ونيني
وخلافهه ما غفت عيني

تدري الفراگ يهدم حيول
وسنين وياها تره تطول
ولو راحت أُمنه بعد شنگول

دفن علي عليه السلام الزهراء  وغفى عند قبرها
واذا بل زهراء قالت جزاك الله خيرا لقد اديت الامانه اما الان ف ارجع الى البيت هناك زينب تنتظرك


فزت وصاحت وينهه امنه
وجاوين خيمتنه التلمنه
راحت واظن ماترد يمنه

يمنه نريد أمنه الحنينه
ويرجع شخصهه رايدينه
شيجيبهه الراحت علينه


فزيت وامي ما شفتهه
ويمي تجي وتكعد ردتهه
ماني معلمه ولا فاركتهه

رجع الامام علي الى الدار فوجد زينب تبكي وتطلب امها. الزهراء

ركضت وصاحت وينهه امي
وين الذي تشرك بهمي
عليهه معلمه وتبات يمي

جاليش بويه ما جبتهه
واظن العزيزه ادفنتهه
مافكرت ابحال بتهه

بعيونهه لاجت الدمعه
وتگله ظعنهه ماترجعه
رده يبويه وخن نودعه

نودع الظعن وتروح خلهه
ونمشي ويه العافت حملهه
بويه الحنينه روح ردهه


*لخادمة الزهراء. العلويه ام جعفر*

🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚✍نعي حول الزهراء



تعالي ييمه فاگدينچ
والبيت وحشه ورايدينچ
يحبيبه حسافه اتنام عينچ


بينه عليچ شكثر لوعات
ويامنه صارن مظلمات
اخذينه تعالي يمج انبات

انبات يمج يالحنينه
وبيدج غطانه اتعدلينه
نشتاگلج ردي علينه


تعاي يل فكدچ هظمنه
ويومچ ثجيل شكثر يمنه
بحظنج تره يا ما گعدنه

گعدنه وربينه ابحظنچ اسنين
وسهرانه علينه وما تنامين
شهور وليالي من تسهرين


سهرتي شكثر يمنه سهرتي
وعلينه العمر كله تعبتي
وليل اليمر ما ساعه نمتي


هديتي حيلج بيش اجازيچ
ومحتاره كولي اشلون اوافيچ
كون العمر ينباع واشريچ


اشريچ صدكي ابشوف العيون
والحيل اوديه لليبيعون
واجيبج علينه لو يسومون

اسومچ ابغالي ولينه اجيبچ
وروحي ابيعنهه الطبيبچ
بس كون ما يبطي مغيبچ

اخاف الغياب يطول يومه
وگلبي يحن للغالي سومه
اليفكد عزيزه اشلون الومه



*لخادمة الزهراء.  العلويه ام جعفر*
🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚✍نعي لسان حال زينب بعد فراق الزهراء



صرنه يتامه. عكب ام حسن صرنه يتامه
ما انامه. واليل كله ما انامه
منه علامه بان الحزن منه علامه

ماترد لينه. شالت بعد ماترد لينه
ايسينيه. واليله منهه ايسينه
اشلون بينه  عكبچ ييمه اشلون بينه


ونات بيهه  روحي شكثر ونات بيهه
ماترد ليهه.  والغربت ماترد ليهه
كون امشي ليهه. للمگبره كون امشي ليهه


خالي نزلهه. صديت اله خالي نزلهه
وبس يبچي.ابنهه بصوت الحزن بس يبجي ابنهه
ماكو مثلهه. وين الگه يل ماكو مثلهه


ظلمه علينه. دارج بگت ظلمه علينه
من الحنينه. وظلت فارغه من الحنينه
ماغفت عينه. ويبجي الولد ماغفت عينه


واشتم عباتچ. مشتاگ الچ واشتم عباتچ
ظلن بناتچ  ابثوب الحزن ظلن بناتچ
ما ناسياتچ. ساعه ابد ما ناسياتچ


للموت تمشين. منهن غفل للموت تمشين
عليهن تحنين.عزيزات و عليهن تحنين
لو ماتبينين. مري بحلم لو ما تبينين


نشتم الشيله. نشتاگ بس نشتم الشيله
ومنام ليله.  وليل اليمر منام ليله
مهدوم حيله.الوالي بچه ومهدوم حيله


يبچي عليهه. حن الولد يبچي عليهه
ويريد ليهه.  عنت عليه ويريد ليهه
وانه اشتريهه.  لينه تجي وانه اشتريهه




*لخادمة الزهراء. العلويه ام جعفر*

🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚✍نعي للسيده الزهراء عليها السلام


البيت  وحشه   خلافج
غابت عليه يمه اوصافج
خيعونه الوياج وشافج


صارت  بلترب   رسومج
ابروحي الشريج وسومج
هدمني وصوباني يومج


جنت   بحضنج   اغفه
وغيابج  بيش   اوصفه
رحتي من اديه ياوسفه


نار   جوتني   بغيابج
ويهد  الحيل  مصابج
بلباب    صار  صوابج


جنت  انامن  عله  اديج
واسولف همي وحاجيج
وتجيني واكلج هله بيج


كل يوم  ببنيتج   تمرين
وماجيتي صارت سنين
نمتي  وبيه  ماتنشدين


حنيت  يايمه  الشوفتج
وبليل اسمع  ييمه ونتج
تكتل   وتوجع   حالتج


شكد حلوه وياج اليالي
صعب   بغيابج   يحالي
صفيتي  بلمكبره   تالي


الشاعره خادمة  السيده  الزهراء والسيده
رقيه ام زهراءالفاطميه لايجوزحذف الاسم
اسم   الكتاب   لبيك  يازهراء🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚✍نعي حول فراق الزهراء



يوم المشت ذيج الحنينه
وترجع انوبه ايسينه
اثر افراك الموت بينه

بينه ينار افراكهن حيل
تجوي ولا غمضنه باليل
يضعن الحبايب حمل ابليل


تانن شويه مسامر انريد
ودرب الخذاجن كلش بعيد
لو عاتبينه العتب شيفيد

بيج المحنه وبيج هيبه
ولو راح شخصج من يجببه
يمرافكتني والي حبيبه

لو ينسام شخصج جا شريته
وظعني ويه ظعنج حمليته
مشتاكه عله وجهج ضيعيته


ضيعيت شخصج وين اشوفه
وللموت اروح و ما اعوفه
جرحج بكلبي من يروفه


مافاد جرحي وبيش اشده
وشخصج عليه بيش ارده
كليلي بيش انوب اكعده


شخصج لون يرجع عليه
وراويه نار الفركه بيه
يفراكجن والله اذيه


*لخادمة الزهراء    العلويه أم جعفر*

🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚✍نعي مجرد للزهراء عليها السلام


صديت دارج خليه
يحبيبه شيردج عليه
ودمعاتي الفكدج جريه


ردتج   ييمه  تردين
وهضم الكلبي تشيلين
سهرانه وما نامت العين


يكتل افراكج عذبانه
ضلينه عكبج حزانه
وين الجانت ويانه


كعدتهة  ويانه هيهات
ضعنهة حمل وفات
نجر عليج  حسرات


كلب المفارك شيهيده
والنودهة صارت بعيده
والنوح كل يوم ازيده


صبحت روحي نحيله
وعيني المدمع تسيله
وافراكج  ما بيه حيله


الشاعره العلويه ام رقيه البطاط 🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚✍نعي نخوه حول الزهراء


انه ابابج اجيت وهل نخيتج
حنينه ومثل امي لگيتچ
مهظومه وكفت اباب بيتج


طاح الدمع يالزهره شوفيه
وبيدج يبعد الروح مسحيه
همچ علي گليلي  گوليه

واسولف عليچ انه الاريده
واگلج تره دروبي بعيده
الحمله وگع لزميه من ايده


جبت الهموم وجيت ليهه
ومثل امي وارد اعتب عليهه
بيهه محنه اشكثر بيهه

مثل البنيه هيه وامهه
من تگعد اتسولف هظمهه
يم الزچيه اهمومي اظمهه

حنينه عليه وليهه اروحن
وشما اريدن يمهه اگولن
من المسامر وياها ما امن

يوم الرحت ليهه ومشيت
وبهموم گلبي سولفيت
ونيت شكثر يمهه وبچيت

بچيت ودموعي احرگني
ويم الزچيه زاد وني
اهموم العلي كتلهه اكتلني

كتلتني الهموم اشلون بيه
واجيت يم باب الزجيه
بيهه محنه شكثر هيه


*لخادمة الزهراء. العلويه ام جعفر*🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚✍نعي الابوذيه حول استشهاد الزهراء




الموت امنه الحنينه شو/بعدها
هم ترجع تجي لينه /بعد ها
ابنيتج عل يتم يمه/بعدهي
زغير وفركتج تصعب عليه


الدهر بجفاج يا يمه /ولانه
وسند جنتي الظهرنه/ولانه
صحت جاوين امي مشت /ولنه
يجيني الصوت ماتت هل مسيه



يكون الموت يا خذني /وراها
واشوف الغاليه ابعيني/وراها
وكعد ساعه ويه امي/ورهه
وترد الروح من ترجع اليه


علي سود اليالي لفن /يومن
الضايعله عزيز اشلون/يومن
اعتب والعتب ما جاج/يومن/يمي
خذيتي الروح وعيوني سويه


*لخادمة الزهراء    العلويه أم جعفر*

🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚✍نعي حول استشهاد الزهراء



يجي اليل وامي اكبال عيني
واكول بحلم بلكي تجيني
عليج اون مابطل ونيني


تجيني واكلهه امعاتب هواي
وبسكوت اون والنوح بهداي
يا فركتج مردتلي احشاي


يوم التجيني امي واكلهه
من رحتي بعد لبنيه شلهه
صدكي تره يثكل حملهه


تعاي يمي ونكعد انريد
ونسولف وبلكي كلوبنه تهيد
شفيد العتب ويه الراح شيفيد


شيفيد لو عتبيت يمي
ولو سولفت هليوم همي
بل كلب زايد حيل هظمي


يا خاطري مكسور تدرين
وما بطلت بدموعهه العين
اناطرج بلكت تعودين



*لخادمة الزهراء   العلويه أم جعفر*

🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚✍نعي حول استشهاد السيده الزهراء



ابعوز ارباج يا يمه /بعدني
اعتاب عليج ونكوله /بعدني/بعد انه
ليش الموت من امي/بعدني
وخذه روحي ومشت صوب المنيه


ليش امي بزغر سنهه/ولاجت
ونار افاركهه بل روح/ولاجت/وجت
صحت يالغاليه عليهه /ولاجت
وضليت بحزن عكب الزجيه


عافتني امي ورايحه بعيد
وشيلت ظعنهه كلش مجيد
ردي عليه وكل شي ماريد

لو ناويه اتروحين منه
وياج شيلي هم حملنه
نترافك سوه حبيبه بظعنه


انتي الحبيبه وموش غيرج
وهمي شجيته ودوم اشيرج
يالوالده اتردين اريدج

ردي عليه ولا تغيبين
وبعيد يمي اشلون تمشين
انتي العزيزه يل تشيلين
تروحين عنه وما تردين


شالو نعشهه ومشو بيهه
وعيني ولا بطل بجيهه
وياج البنيه تاخذيهه
رفيجت عمر بيني عليهه


عليهه تجين الهه وتريدج
سكتي البنيه وبجه وليدج
مري ونوميهم عله ايدج


شتاكو عليج وردي ليهم
طال الغياب اشلون بيهم
تعودين ما ظنه عليهم


*لخادمة الزهراء   العلويه أم جعفر*

🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚✍نعي حول استشهاد الزهراء



امي الحنينه فاركتهه
وشالت ابليل وضيعتهه
تكعد ابصفي رايدتهه



ردتهه تجي ونكعد سويه
وتمر بعد تنشد عليه
ماحسبيت الصار بيه



بيه الجره ما حسبيته
وشخص الحنينه فاركيته
بل باب يرجع ناطريته


نطريت ترجعلي الحنينه
امي تجي اتسير علينه
وين الحنان الجان وينه


اشتاكيت ليهه ورايده الهه
وتمرني نوبه ونوبه امرهه
حنينه الوالده والله ابسمرهه

ماحسبيت الفركه وياج
ويغيب عنه ذاك ملكاج
يل رحتي منه وين نلكاج


نلكاج ماظنه وتعودين
وعلينه ييمه من تسيرين
حنينه نريدج لو تنشدين


تنشدين يا زهراء عله بتج
وغيم عليهه شوفي حزنج
تجيني يا يمه ردتج


تعتب عليج وتجري العيون
وتكول فركه تصعب اشلون
اخلافج ييمه امغيره الون


*لخادمة الزهراء   العلويه أم جعفر*

🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚✍نعي حول فراق الزهراء لسان حال زينب



فزيت من نومي عليهه
والبيت خالي من حجيهه
اشتاكيت لامي اخذوني ليهه



للوالده بالله اخذوني
ااشتاگت عله امي ياعيوني
اتشوفني مخطوف لوني


فزيت مرعوبه واجيتج
وبدارچ ييمه ما لگيتچ
اظني بعجل من ضيعيتج


اجيتج وصيح اشويه تاني
وعدي عتب يمج ثواني
يل رايحه جا عدمن اني
انه ابگه ولا تخلص احزاني


حزني عليج يطول حزني
والو عاتبت يالوالده امي
عليه يبعد العين ردي


  چني بحلم فگديت روحي
وتنزف دمه ظلت جروحي
جنهه تگلي يمه نوحي


تگلي عله نوحج بديتي
وعله المصاب اتحزميتي
من زغر سنج فاركيتي
وحشه تصدين عله بيتي


فزيت من نومي واگلهه
وين البنيه اتذب حملهه
بالعمر عكبج گولي شلهه
تموت وي امهه المثلهه


گالتلي يمه وبجت هيه
مكسور حيل الظلع بيه
انه رايحه صوب المنيه
وهذه الوداع وهاي هيه



گتلهه تره انتي العزيزه
ورباچ صدگي يمه اريده
بس شوفتج صارت ابعيده


مرعوبه اجيت ودمعي بالعين
يا ام المحنه اتريد لاوين
تاني وعلينه موش تبطين


تبطين وتعذبين حالي
وعبكج بعد مرتاح بالي
خلاني الوكت.لا ام لا والي



*لخامة الزهراء.   العلويه ام جعفر*
غير مبري الذمه من يحذف الاسم وياخذ الكلام و ينسبه له🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم الناشر .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا
https://t.me/hhhhhzxcvb