📚وفاة القاسم ابن الامام الكاظم عليهم السلام
نعي لسان حال يتيمته  ...

طور گرناوي



مشيت وعايف بنيتك حرامات
يتيمه واليتم مالايگ الهه

تجرحها الحچايه وتنهضم حيل
يتيمه هاي لو واحد يگلهه

يل چانت بجالك عايشه بخير
هسه شحالهه من دون حلهه

يسگف البيت صرت ابلا سگف حيف
والله الدار بعدك بان خلهه

بوجودك چنت مامر عَلَي عوز
حسافه تروح وبنيتك تذلهه

شحلات امن الزم ايدك وامشي وياك
مامرتني حسره او لا اندلهه


نعي مجاريد

اشتاگينه لوجوه النودهم
الموت اخذهم مايردهم
ظلينه بالذله بعدهم


الابو ياناس شغلاته
طاريّه بالبيت شحلاته
حنين ويدلل بناته


عظم الله اجورنا واجوركم


ام محمد الحجاج

🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم الناشر .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا
https://t.me/hhhhhzxcvb

📚نعي للقاسم ابن الكاظم عليه السلام
===========

بلغربه عايش بين الاغراب

لا يمه اهله ولا اكو احباب

عاش العمر كله وي الاجناب

📘📘📘📘📘

لمن دنت منه المنيه

كال لهلي عندي وصيه

ودولهم  هاي  البنيه

📘📘📘📘📘

ابنيتي ودوها  لهلها

يتيمه والدمعه تهلها

ضايع تره ياناس املها

📘📘📘📘📘

فراكك يقاسم هد كياني

ولجيتك احسبلك ثواني

علمك هظمني يوم اجاني

📘📘📘📘📘

يلماشفت راحه بحياتك

اويه الغرب صارت وفاتك

فجعتني  يلقاسم  نايباتك

📘📘📘📘📘

اوصيج يبنيتي الوحيده

عكبي تره  صرتي غريبه

وماعندي  غيرج  يلحبيبه

📘📘📘📘📘

روحي مشت هاي المسيه

تره وفراككم  يصعب  عليه

وصلي  سلامي لكبر   للزجيه

===========
خادمة ال البيت الحجيه ام علي البصره نسألكم الدعاء


🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم الناشر .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا
https://t.me/hhhhhzxcvb

📚نعي للقاسم ابن الامام  موسى الكاظم عليه السلام

بالحله كبه تضوي للدوم
ابن الطيبين العاش مهموم
تشرد عن هله وتوفه مظلوم

------
هذا القاسم وهذي حياته
والشيخ عجبته صفاته
قرر يزوجه من بناته
-----
يوزع ماي بالديوان يمه
يكصد للنهر ويزيد همه
يتذكر العباس عمه
-----
صارت زفته وماعنده خوان
بس يهون ماصابو بالزان
ماعاف عمه بعده حيران
-----
ذكرني بزفاف الما تهنه
ودماه للجفين حنه
امه بكت بعده للونه
----
للحج اخذ بتي وامهه
تدليكم على اهلي بهظمهه
لو امي شافتهه تضمهه
---
ريحة وليدي بيج اشمن
يبنيه شسمج وانتي بتمن
من البواجي عيوني يعمن
----
من عرفت ابنهه مات ماتت
ريت بكربله يم رمله جانت
وسمعتهه على العريس ناحت
-----
تم لخادمة فضه خادمه الزهراء ع

🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم الناشر .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا
https://t.me/hhhhhzxcvb

📚نعي للقاسم ابن الكاظم عليهم السلام
=========

عشت بحزن مابين عربان

ولوحدي وبغير الاحنان

من اهلي ضيعني الزمان

والعمر كضيته بلحزان

..............😭

شتاكيت لمي ولخواتي

شيبن راسي نايباتي

عشت بغرب ولحد مماتي

ب هم وحزن خلصت حياتي

............😭

بعيده هلي والروح تشتاك

وفراكهم بلروح حراك

عشت ابعمر كله بلعراك

روحي حزينه وماخذه الراك

............😭

عشت العمر ونه على ونه

من اهلي وامي اكطعت ضنه 

وين الذي لهلي يتعنه

يكلهم ابنكم كضه جنه

.............😭

ياهو الذي يمشي يكلها

ل أمي وخل تكطع املها

ادري الهظم والبعد سلها

.............😭

وين اليودي ابنيتي لهلها

يتيمه بكت واليتم ذلها

بكت محزونه والدمعه تهلها

=========
خادمة ال البيت الحجيه ام علي البصره

🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم الناشر .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا
https://t.me/hhhhhzxcvb

📚🏴😭☘قصيده للقاسم ابن الكاظم ع☘


نعي عاشوري////

اه يلغريب المات محروم
ااااااااه   اااه  اه
نواسي الرضا جيناه هليوم
ااااااااه   اااه  اه
بمصاب اخوه المات مهموم
ااااااااه   اااه  اه


ياموسى ابن جعفر جينا  ننعاك
ااااااااه   اااه  اه
على فگد الولي الماعاش بحماك
ااااااااه   اااه  اه
منه لاخبر  لا طارش الجااااااك
ااااااااه   اااه  اه
__

القاسم  ياحسافه  مات معلول
ااااااااه   اااه  اه
هذا  ابن  الرساله  وابن الفحول
ااااااااه   اااه  اه
شنحجي وبلوصف مانكدر انكول
ااااااااه   اااه  اه


مثل عمه البطل ساقي العطاشا
ااااااااه   اااه  اه
لگوه ممدود ميت على فراشه
ااااااااه   اااه  اه
ابد  ما ينّسي لا  والله  حاشا
ااااااااه   اااه  اه


نون  الليله  ننعى  ب آه  ويلآه
ااااااااه   اااه  اه
ونعزی المنتضر  هليله  ذكراه
ااااااااه   اااه  اه
بخو موسى الرضا وصاحب الجاه
ااااااااه   اااه  اه



✍ بقلم شاعرة اهل البيت عليهم السلام
       ام فراس الساعدي

غير مبري الذمه لكل من يغيير الاسم
🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀..........https://t.me/hhhhhzxcvb...........🥺😭💔...خدمتكم شرف لنا

اهدي عملي هذا لصاحب العصر والزمان ((عج)) صدقة جارية لسلامته

📚نعي حول القاسم ابن الامام الكاظم ع



موت ابغرب والله اشصعبه
ومكسور من الهظم كلبه
القاسم غريب ابعيد دربه


مكسور كلبه ابغير خوان
ابعيد الدرب وايريد عوان
وين اليخبر بني عدنان


مات ابغرب واهله بعيدين
وشبحت لخوته وتجري العين
وين الرضا وين الميامين



يريد الاخو يحضر دفنته
وتنعه تجي معصومه اخيته
القاسم عظيمه يا محنته


تنعه تجي وشايل وليهه
وناحت لاخوهه وكل بجيهه
اتريد الولي اشتاكت يجيهه


حلوه الاخيه تحضر الموت
وتنعه عليه ابعالي الصوت
اتشوف الولي ابساعت التابوت


ابعاد اخوتج ماتو اشلون
وماحاضره يوم اليودعون
مكتوب بل غربه يموتون


خال ابنج يلوج وماحضرتيه
ومو مثل زينب شاهديتيه
يعالج اخوهه واكفه اعليه



سمعته ونينه واجت يمه
وكل ساع بل منحر تشمه
اموذر عزيزي اشلون المه



من ماتو اخوانج بعيده
مو مثل البكت بل طف وحيده
وكافل خدرهه كطعو ايده


انه اخوتي سمعيت ونهم
مذابيح يم عيني شفتهم
يخت الرضا ومحد دفنهم


عمل مشترك من شاعرات اهل البيت ام زينب كربلاء والعلويه ام جعفر
غير مبري الذمه من يحذف الاسماء وياخذ الكلام وينسبه له🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم الناشر .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا
https://t.me/hhhhhzxcvb

📚نعي للقاسم ابن الامام الكاظم

القاسم سلام الله عليه غريب بعيد عن وطنه وحينما يسألونه عن اهله وأصله يسكت ميجاوبهم يكلهم اني غريب الى ان وصل يوم وفاته واخبرهم عن حاله من يكون ومن اي عشيرة تحمل اللوعه والغربه طوال حياته اكووول ……

غريب يكول لمن يسألونـه
عن اهله وعمامه ينشدونه
يسكت مايرد تحچي عيونه

🏴🏴💔🏴🏴

خلص عمره غريب ومو بداره
وعن اهله مكطوعه اخباره
واحتار بأمره وبقراره

🏴🏴💔🏴🏴

القاسم يون ويدير عينه
ينظر على ابنيته الحنينه
ويكلها هلج بارض المدينه

🏴🏴💔🏴🏴

وكت المنازع كون يمه
يحظرون خوانه وأمـه
وتصير يم راسه اللمه

🏴🏴💔🏴🏴

بديرة غرب غمض عيونه
ومايمه أهل ويشيعونـه
عالراس نعشه يشيلونـه

🏴🏴💔🏴🏴

خبرو هله وخلهم يحظرون
وبجنازة القاسم يشيعون
عله چتافهم نعشه يشيلون

🏴🏴💔🏴🏴

چاوين عنه بني هاشم
خلتحظر اتذب العمايم
ابنهم بديرة غرب نايم

🏴🏴💔🏴🏴

چاوين ابو محمد يجيلــه
يلحك عله عضيده ويشيله
وينصب عزه اعله الأخو الليله

عميه عله الخوان عيني

🏴🏴💔🏴🏴

بقلم المله والشاعره ام علي الأماره
غير مبري الذمه اليحذف
🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚نعي قصة القاسم ابن الامام الكاظم عليهما السلام

القاسم يعيش في غربة ويتذكر اهله في كل حين وكأني به يقول
==============
ابنكم يا هلي بديار غربة
والمفاركَ هلة شيصير گلبة
علية شوفت اهلي حيف صعبة
مفاركَ والمفاركَ يدعي ربة
=================
يارببي الفرج ضاگت علية
اهلي بعاد ما يدرون بية
شاف ثنين لن يمشن سوية
وحكَ راعي الغدير اتگلها هية
================

القاسم ينضر للماء ويتذكر مصائب اعله الكرام وكأني به يخاطب الماء
==========
گلبي يزود يم الماي همة
حسين الماي ليش انحرم منة
ضامي اعله الترب ويسيل دمة
وجاسم وي الاكبر صفوا يمة
================
يا ماي الفرات اتروي الناس
بس شحيت لمن جاك عباس
گطعوها الچفوف وهشموا الراس
ومن طاح الكفيل اطفال تنداس
=================

فاطمة بنت القاسم تخرج تلعب مع الاطفال فيستزء بها الاطفال وينادونها الغريبة بنت الغريب فترجع تشتكي لامها ما يجري
=================
يبنيتي العزيزة لا تنوحين
شما گالوا اريدنچ تصبرين
بت اكرام انتي ولا تخافين
علوية وهلچ كلهم ميامين
================
عزيزة دمعتچ يمة علية
تعالي يالعزيزة ابين ادية
تكسر خاطري دموع الجرية
يبعد الروح ما احمل اذية
================

عندما دنت المنية للقاسم عليه السلام كأني بلسان الحال
===============
غريب وعاش بالغربة سنينة
ما حظروا هلة ولا شايفينة
يمين شمال گام ادير عينة
اهلة بعاد ماهم حاظرينة
===================
ها يهل المحنة مروا بية
اجتني يا هلي اليوم المنية
يكون امي التنگط الماي لية
وتصيح احاه يالنارك سرية
================

عندما رجعت فاطمة بنت القاسم للمدينة تبحث عن اهلها
=================
راحت فاطمة صوب المدينة
تدور بيت جدتها الحنينة
يا جدة تگلها ليچ اجينة
بت القاسم انة الفاگدينة
==============
صاحت يا هلة بيكم يالاحباب
اشمن ريحت القاسم بالثياب
ييمة فاطمة كل يوم بالباب
اتنطر خبر منكم يالاطياب
================
اسالكم الدعاء رائد الاسدي🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚نعي للقاسم أبن الأمام الكاظم ( عليهما السلام )

⊱─────⊱⁜⊰─────⊰

ابعيد مـات اشلون حـالـه
مـن الاهـل مـحـد اجـالـه
ولا غسله ولا نعشه شـاله

⊱─────⊱⁜⊰─────⊰

لا شـال نعشه اوشد النگاب
ولا وسـده ولا هـال التراب
ولاهـل عـليه الدمع سچاب

أم عــ✍🏻ــلــي الـحـلـفـي
⊱─────⊱⁜⊰─────⊰

وكت المنيه راد اخوته
جنه يعرف كرب موته
القاسم يوسفه خفه صوته

⊱─────⊱⁜⊰─────⊰

محد من احبابه زاره
ومحد عله القبله داره
صوب المدينه صدها انظاره

ام ✍🏻زين العابدين
لمحمداويه
⊱─────⊱⁜⊰─────⊰

محد حضرله وناح يمه
موت الغرب ياناس هضمه
لمصابه خلها العين تعمه

⊱─────⊱⁜⊰─────⊰

ودوخبر لهله يحضرون
يشيعون نعشه ابحرگه يبجون
وبالفاتحه همه اليگعدون

✍️ المله ام احمد الساعدي
⊱─────⊱⁜⊰─────⊰

ودو خـبـر لهله وعـمامه
گلـولـهـم حلـو الـجهامه
مات ابغرب يهل لشهامه

⊱─────⊱⁜⊰─────⊰

عافالـكم عدنـه ابنيه
حره وعقيله هاشميه
وتريد اهلها هل مسيه

✍🏻خادمة ال البيت ع
⊱─────⊱⁜⊰─────

للقاسم  احبابه تعنت
وبحزن للمهيوب ونت
روحه عليهم حيل سلت

⊱─────⊱⁜⊰─────⊰

سلت الروح من الفراك
ويغيابهم يكتل وحراك
بعيده  عليهم ارض العراك

ام ✍🏻رحمه الگاظميه
⊱─────⊱⁜⊰─────⊰
ــــــــــــــــــــــــــــ
(( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))

🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚نعي كرناوي للقاسم ابن
الامام الكاظم عليهما السلام
💧💧💧💔💧💧💧

بساعات الوداع القاسم اليوم
نوه يعلن على الوادم  هويته

انه  امن  الهواشم  يالتنشدون
محمد جدي وانه من اهل بيته

من ضلم الرشيد اتركت الديار
يريد  اركابنه  البايع   حميته

💧💧💧💔💧💧💧

اريد اوصي بوصيه كبل ما موت
ابنيتي  لو متت  ودوها  لمي

خلوها على اول درب الزقاق
وهيه الدار جدها بجفها تومي

ادري الوالده لو تدري بالصار
تموت امن القهر واتزيد همي

💧💧💧💔💧💧💧

ومعصومه تراهي مخزنه جروح
عله  الخوان  دمعتها   جريه

تكول اشلون بالغربه تموتون
عليكم يالحنان انه اشبديه

طشركم زماني بذيج البلاد
وما تدرون شنهي الصار بيه

💧💧💧💔💧💧💧

غريب الدار وصه وسلهم العين
ماشاف  الاهل حد  المنيه

مات وماحضرله كاظم الغيض
ولايدري علي ابموتت اخيه

ونو اليوم يا شيعه اعله بلواه
مات ابحسرته ويلي عليه

💧💧💧💔💧💧💧

بقلم خادمت اهل
البيت ام سجاد العسكري

نعي للقاسم بن الامام الكاظم عليهما السلام
يكلم ابنته حين اقترب اجله
@@

كَعدي بويه ارد اسولفلچ  کلام
هاچ رباط الحچي ومضمونه
انه اعرفچ حره يم عقل الچبير
خاف يعتبرونچ زغيرونه


هاي مو ديرتنه واهلچ موهذول
لچن بويه اهل السلف حيّونه
وانه احس روحي گرب ليهه الاجل
گلهه والدمعات ترس عيونه
انتي اهلچ بلنسب اشرف نسب
علي جدچ کلهم يهابونه
رجعي يبنيتي الهلچ من بعد ابوچ
بس هلچ قدرچ تره يعرفونه
بالمدينه اهلچ عشيرة يامناي
وفگد ابوچ ويتمچ يعوضونه

ام محمد الحجاج العبادي


🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚نعي للقاسم ابن الكاظم ع
*
وين اهله خليهم يجونه
وگت المنيه يحضرونه
یشیعون نعشه ویدفنونه

*
تبچي علـــيه الـيوم بته
ترید اهله تحضر دفنته
القاسم غریب آيا محنته
✍🏻ام احمد الدريعي
***
ميت غریب بديرت اجناب
لا یمه اهله ولا اله احباب
ولحد یعرفه ابن الاطیاب
✍🏻العلویه ام ضیغم المحنا
***
ويلي على الميت غريب
يتذكر اهله. ودمعه اسجيب
ياقصته تعلي النحيب
***
ياقصته المامن مثلها
هاي الجنازه وين اهلها
بس بتها تون والحزن سلها
✍🏻 ام حيدر العباديه عماره
****
وحيد ضل مابين الاغراب
ومحد من اهله يهيل التراب
معصومه تبچي بدمع سجاب

✍🏻العلويه  ام  علي
***

ابن الامام ابــين عربان
لايمه اهله ولاله اخوّان
يصب الدمع علاهل غدران
*
احوي تسعر نار الفراگ

والعايف هله كلساعه يشتاگ

نار البُعد بالگلب حراگ

عميه على القاسم عيوني

✍🏻 الحجيه ام علي
ـــــــــــــــــــــــــــــــــــ
تـــمـ بعون الله تعالى ـــت
بقلم شاعرات اهل البیت ع
في رابطة دموع العقیله ع 

🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚ابوذيات في حق مولاي القاسم ابن الامام الكاظم ع


الدهر لرض الغرب.  ياحيف حالاك
وتغير الف وسفه وتعب        حالاك
گيد الحزن ماضن يوم.         حالاك
مگيد بالدمع يبن الزچيه


يون ليله ونهاره.  وعلت.   ونتاه
وتاه بحزنه تنشد ليش.      ونتاه
الرضا تغرب المشهد راح.وانتاه
غريب وغربتك شميويه بيه


الك عند الله جاه وقدر.    منجاه
وتره الينخاك يعرف بيك. منجاه
ضريحك عالي سوره وفرح.  منجاه
اليجيك يحس گصد حامي الحميه


يالبجودك زدت مولاي.     كفيت
وكل حزني بفضل طرواك. كفيت
عساني من الدموع اعليك كفيت
واموت اعليگ حسره وهاي هيه

اسألكم الدعاء
خادم ابي الاحرار
ضياء الكناني

🎤إبوذيات في القاسم بن الأمام موسى الكاظم عليهما السلام
---------                                
إذا عندك هموم إكثـار مـُرّه == زور القاســــــــم المظلوم مـُرّه
إذا يمـّه صرت خـُطـّار مـَرّه == ﻳﮔضي حاجتك إبن الزﭽيــّه
ــ
ﻳﮔضي حاجتك معروف قاسم == يقســّم للهدايا إبجود قاسم
هذا إبن الولي المسجون قاسم == يغطــّي بالكـرم كـُل البريــّه
ــ
يغطـّي بالكرم عالي إباءه == معروفيــــــــن أجداده وإباءه
وذا عاﺷﮓ نخاه يكشف وإباءه == يزيل القاسـم آلامه القويـّه
ــ
يزيل القاسم الآلام عنــــــــــّه == إذا عاﺷﮓ إجاه إيزور عنـّه
طبيب إو كثرت الأخبار عنـّه == عنـده الجاه من الله إو نبيـّه
ــ
عنده الجاه إبن موسى يحلها == مشاكـل كل محب روحه يحلها
يمـّه إو حاجته إبحلوه يحلها == يحـَلـّيها إو تصير إبزود هيـّه
ــ
يحلّي إو ما تظل حاجات مـُرّات == زوره إو إﮔﻌد إبصحن الخير مـَرّات
مـُرّه إبكل وكت ياصاح مـَرّات == هذا القاسم إيغطـّيك ضيـــّه
------------
شاعر اهل البيت / جابر النجفي

🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚سلام عليكم نواعي عن لسان حال بنت الامام القاسم عليه السلام عند رجوعها لديار اهلها
ــــــــــــــــــــــــــــــ
اجت كابعه ابثوب المصيبه
تصرخ او دمعتهه سجيبه
ابحسره تشم اتراب طيبه
اجتها مهظومه مالومه وكئيبه
ــــــــــــــ
تكلهه ٠٠
خاب الرجه ونكطع ضني
الفركه على اوليدي عمتني
اترجه يجي ويهيد وني
لكضي العمر مايفل حزني
ـــــــــــــــــــــ
تشم اليتيمه اوشابكتهه

احجيلي تكلهه او ناشدتهه

نار اليتيمه زيدتهه

انه ونات ابوي الي اسمعتهه
من شال نعشه او ودعيته

الموت ياخذني رديته

يتيمه او عودي فاركيته

العلويه✍🏻 ام ناصر الياسري
ــــــــــــــــــــــــــــــــــــــــــــــــــ💔
وصلت لعدها وتجري العين

تكلها يجده راح الزين
مدفون ابغرب ماكو محبين

ضلي ابحزن عليه تنعين
ـــــــــــــــــــ
ضلي ابحزن ونعي المصيبه

راح الابو منين اجيبه

وصبحت من دونه غريبه
وضليت ياجده بريبه

ام ✍🏻زين العابدين لمحمداويه
ــــــــــــــــــــــــــــــــــــــــــــــــ💔
رديت دار اهلي وشفتها
واهل المحنه ناشتها
وبضيم گلبي عاتبتها
غصبا الفرگه ماردتها
____
ابجي ويسألوني اعله حالي
رديت اگلهم مالي والي
وكثرت علي سود اليالي
يتيمه الابو ضايع دلالي

✍🏻 ام زينب الأسدي
ـــــــــــــــــــــــــــــــــــــــــــــــــــ💔
سود الليالي وثكال  الهموم
ماشاف ابوي الراحه ابيوم
والكلبي  ياجده مالوم
من الابو يكليبي محروم

ياجده ابوي الراح مني
وانه يتيمه ابزغر سني
كتله يبويه لاتذبني
بعدني زغيره وياك خذني

أم ✍🏻حسين الابراهيميه ناصرية
ــــــــــــــــــــــــــــــــــــــــــــــــــــ💔
يادار ماريدن اشوفج

ارد امشي للهيمه وعوفج

شال الابو وحزنت اضيوفج

مالي بعد جيه وطوفج
ـــــــــــــ
وين الابو من جان بيها
وهسه الترب صاير عليها
وعيوني مابطل بجيها

يابو المحنه ما تجيها

✍️الشاعره كريمه البو حلوه
ـــــــــــــــــــــــــــــــــــــــــــــــــــ💔
رديت لاهلي الساده لاطهار
اهل العلم ولتحمل اسرار
بيهم الي ريحه وتذكار
ضل الگلب يالاهل محتار
ــــــــــــ
عيني عليهم دوم تربي

اهل العلم واعزاز گلبي
عيني دمه علراح اصبي

عل صار صبرني يربي
✍ام مرتضى الخزرجي
ـــــــــــــــــــــــــــــــــــــــــــــــــــ💔
تمت بعون الله بأقلام شاعرات رابطة سيد الشهداء عليه السلام غير مبري الذمه اليحذف الاسماء او يتلاعب بيها

،✍️الشاعره ام زين العابدين المحمداويه



نعي.........

القاسم ابن الامام الكاظم
...................................

ويلي على ابن الامام موسى الكاظم
اسم امه ام البنـــين واسمــه القاســم
اشرف نسب جده النبي من آل هاشم
امه البتول ام الحسن مظلومه فاطم
اصل الكرم اهل العفو وبصمته عالم
هذا اخو البحر الرضا وتنخاه الوادم
ارحم خلق ربي على من جاه شاتم
تلقى على وجهه الأمل والخير راسم
ليله ابصلاته للفجر وبيومه صايم
قصته مثل قصة كليم الله الدائم
قلبي عليه ابكل حزن بالآه لاطم
آل النبي وصار الجفن للآل خادم
ما اهتم ابذم العدو اشماكان لايم
لآل النبي في كل زمن موجود ظالم
ومهما تجي صوبي المحن ابقى الهايم
والي ترك ال الهدى بالدين آثم
أظهر ولائك يالتحب لاتبقى كاتم
وانحب على ذاك الذي للجور هادم
سبط الوصي في كربلا الينعاه القائم
ابن البتوله الي لطم خدها الغاشم
.......................................

لعن الله ظالميك يافاطمه

#ابراهيم_مكي


🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚نعي للقاسم ابن الامام الكاظم


مات  غريب  ولايمه   عشيره
وكلبه علئ  هله مهموم بحيره
ويون  ويعالج  والوجه  يديره


ولا واحد  حضر  ابن الاجواد
وين  الساده يلحكون الامجاد
مثل ابوه  ينطي ابساع المراد


وحيدابدارغربه يون مهضوم
ولااجاه الرضا اخوه المعصوم
تكرهه الكفروحاقده عليه اليوم


يون علئ هله  ومانسه جداده
والهم علئ  حسين  حيل  زاده
وبيوم  المنيه راد اهله  والساده


مهيوب   ابن  الكاظم   ادخيله
خلص عمره  وخلص كل حيله
وماناسي هله ويذكرهم  ابليله


مدفون  القاسم  بالارض الحله
وينطي المراد  ابساع  مثل اهله
ونشكي يمه ونجري الدمع ونهله


الشاعره خادمة  السيده  الزهراء والسيده
رقيه ام زهراءالفاطميه لايجوزحذف الاسم
اسم   الكتاب   لبيك  يازهراء 🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚٢٢ جمادی الاولی وفاة القاسم ابن الامام موسی ابن جعفر عليهم السلام


لسان حال يتيمته
كاني بها تقول ..

ابو ذيه

آنه وياك بويه روح  وي روح
المثلك عاف بنته شلون ويروح
بجفاك انترس گلبي هموم ويروح ( وجروح )
وطاري اليتم ما لايگ عليّه


.....
.....

عگب عينك بنيتك راح املها
وسهمها النوح والون  راحه ملها
الدنيه اخلاف وجهك راح املها
شلي بيهه لون ماترد ليّه


عظم الله اجورنا واجوركم


ام محمد الحجاج

🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚نعي للقاسم 

عن لسان حال أم القاسم عندما رأت بنت أبنها

شتگلها

گعدي ييمه وسولفيلي

على فرگاكم رگدان حيلي

مشتعله نيران بدليلي

🏴🏴💔🏴🏴

على والدج وحجيلي انوب

يحن الگلب وبعيده الدروب

ينعاب گلبي أبوكت الغروب

🏴🏴💔🏴🏴

گضاني وعماني صعب الفراگ

غير الحزن يلگلب ماضاك

وضلت يروحي ماخذه الراگ

✍️ أم احمد ناصريه

🏴🏴💔🏴🏴

أحاه يلقاسم يمظلوم

خلص حياته حزن وأهموم

والعين منه تجري أدموم

🏴🏴💔🏴🏴

خلص حياته يهمل العين

من يذكر أمصاب الميامين

يبچي عله العباس وحسين

✍️ أم طاهر نجف

🏴🏴💔🏴🏴

يبچي وابد ماهادت الروح

يذكر هله والگلب مجروح

دومه يون مابطل النوح

🏴🏴💔🏴🏴

فراك الأهل يعميله العيون

دربه بعيد أومايمرون

عل قاسم أوحاله  ينشدون

🏴🏴💔🏴🏴
دنتله المنيه اوماكو أحباب

أيودي سلامه أويه الهوه الهاب

ياحيف مات أبديرة أجناب

✍️ أم حوراء كربلاء

🏴🏴💔🏴🏴

گضه العمر محروم ويلوب

واليبعد عله أهله ايموت متعوب

نام الولد ياناس مهيوب

🏴🏴💔🏴🏴

حال الفگد ياناس غالي

يشبع هضم طول الليالي

حال الولد يابعد حالي

✍️ أم علي الأكبر السماوي

🏴🏴🏴💔🏴🏴


مات الغريب القاسم أبعيد

روحه عله الأهل ماتقبل أتهيد

يفراگهم هم صعب وأمچيد
🏴🏴💔🏴🏴

ومانگطع عزاء وأنعلي الونين

أيلوج اخو الرضا وأيدير بلعين

أنعزي الزچيه وأبو الحسنين

✍️ أم عقيل نجف
🏴🏴💔🏴🏴

تمت والحمد والفضل لله ☝️
هذا العمل مهداه ثوابه الى مولاي صاحب العصر والزمان عج 🙆‍♀️

✍️ شاعرات (رابطة آل مُحمد ص) والى شيعت أمير المؤمنين جميعا
والى روح أبني الشاب طاهر أبراهيم الزيادي
🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم الناشر .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا
https://t.me/hhhhhzxcvb

📚نعي
لما اوصلو الطفله ابنت القاسم عليه السلام  للى دار اهلها. استقبلتها النساء باكيه  اخذتها ام القاسم شمتها وحضنتها
شتگول
---------_

هله بيج يامن جاينتي

وبريحه ابني ذكرتني

يومه شلع كلبي ومردني


تعاي ليــــــــه وسولفيلي

وين  اندفن واجاوبيني

شباب وعليه زايد ونيني

✍🏻ام وسام ال حيدر

**

مدفون ابوج ابدار غربه

زاد الفگد للگلب كُربه

چانت عيوني تربي دربه


أيست منه وخاب ظني

لديم البچه وما فله حزني

الراح وترك ذكراه  بحضني

العلوية أم منتظر جمال الدين

**

يامن اجيتي بغير والي

يبنيت القاسم الغالي

يتمچ هدم ياجده حالي


ياريحة وليدي وبگاياه

ريته عزيزي متت وياه

بديرة غرب مدفون ويلاه

زمــ✍🏻ــــن حـاتــم الربيعــــي
واســــــــــــــــــــــــط
ــــــــــــــــــ،،،،، ـــــــــــــ

يا ريحة اولـيـدي وشمها

عيونچ مثل عينه رسمها

ما حسبـت ذاري يطمها

ماحسبت ماشوف ضنواي

يكبر گلـت ويـردلي ارباي

دزلي اليتيمه وهوه ماجاي

ام ســ✍ــجاد العسكري
ــــــــــ،،،،،،،،،،،،،،، ـــــــــــــ

ما اجة القاسم واني اتانيه

محتامة اشوفنة و احاجيه

غالي البزر والگلب يكضيه

غالي البزر تدرون غالي

و ياه يا محــله الليالي

و بفراگه اعيوني عمالي


✍️رغــد البهادلي
ـــــــــــ،،،،،،،،، ــــــــــــ
نايم وعاف امدللاته

محروم شم الهوى فاته

بالكلب والله ياغلاته
...............

شايل وعايفنه بهضيمه

ماكال عن بته يتيمه

والحزن للوالي نجيمه

✍🏻ام حسين العسكري ناصريه
ــــــــــــ،،،،،،،،،،، ــــــــــــــــ

للوالـي اجيمنها العزيه

ردت الولد اگعد ابفييه

عـايفـنـي وتـارك ابنيه
__

تاركـني وحسراتـي اعليه

محله الولد ياحلـو طاريه

طول العمر هالغالي انعيه

أم عــ✍🏻ــلــي الـحـلـفـي

ــــــــــــ،،،،،،،،، ـــــــــــــــــ
تمت بحمد الله وتوفيقه بقلمي الشاعره الحاجه باقلام ناعيات الطف باشراف الشاعره الحاجه ام حسين العسكري ناصريه يحرم الحذف والتلاعب
🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚*ابوذيه ونعي للقاسم ابن الامام الكاظم عليه السلام*
ـــــــــــــــــــــــــــــــــــــــــــــــــــــ
طفله  وعله   القاسم  ذبل   عــــــوداج
اجيتي بيا طريق منين عــــــوداج
صدگ   حدر التراب ندفن عـــــــــــــوداج
تعالي وياج خل  ننصب عزيه
ــــــــــــــــــــــــــــــــــــــــــ
ننصب عزانه يهل دمعنه
بمصاب ابوج احنه نفجعنه
لمصابه ياشيعه نجمعنه
ــــــــــــــــــــــــــــــــــــــــــــــ
تبجي عليه ابنيته اليوم
وتصيح يابويه  يمظلوم
ذكرو مصاب المات مظلوم
ــــــــــــــــــــــــــــــــــــــــــــــــ
نذكر مصابه اليوم ننعاه
من مات محد حضر وياه
وعله البنيه شبح عيناه
ــــــــــــــــــــــــــــــــــــــــــــــــ
شبحت عيونه وسبل ايديه
خلونه للكاظم نعازيه
يحضر ويانه ودمعه يجريه
ــــــــــــــــــــــــــــــــــــــــ
يحضر يجي يسجل لطمنه
ماجوره يل تبجي عله ابنه
دنيا اخره هوه ذخرنه
ــــــــــــــــــــــــــــــــــــــــــــــ
ينظر الماي وذكر عاشور
ويذكر حسين المات   منحور
مذخور كله البجي مذخور
ـــــــــــــــــــــــــــــــــــــــــــــــــــ
هنياله الذكرت القاسم
بالگبر صبح حيف نايم
خلصوو وسف اهل العمايم
ــــــــــــــــــــــــــــــــــــــــــــــ
*تمت بقلم خادمة اهل البيت ع ام وليـــ✍️ــــد الموسوي لا اجيز حذف الاسم شرعا الفاتحه الى روح والدي*

🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚أبوذيه للقاسم ع
____
عليك ادموعي اصبنهه واهله
يمن خيرك غطه الحله واهله
بضريحك ما تضل عله واهله
طبيب وحاز من موسى الهويه

✍ بقلم العلويه الاء العذاري🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb

📚نعي للقاسم ابن الكاظم ع
😭😭😭😭😭😭
گضه العمر بالاه والونه
ومن جاه الأجل اهله بعاد عنه
نعزي المنتظر ونعلي حزنه

اويلي عالقاسم وغربته
ظلت تون وتبچي بته
ضل يجري على بته دمعته
✍️ خادمة الزهراء أم أحمد الدريعي
❥━──➸➽❥💔

وصاها بوصايه وشال عنه
بديره غريبه وتبجي اضنه
وبهل وضع  ويلي  محنه

بنته وحيده وماله احد
شبعت هظم والابو مارد
يتيمه بقت مامش سند

✍️ ام محمد الساري
❥━──➸➽❥💔
شال الذي اتشمه ويشمها

ومن شوفته ينزاح همها

افراك الابو زيد ولمها

افراكه صعب يكتل وجارح

العطره ورد باالبيت فايح

خلاها ابيتم للغرب رايح

✍ام مرتضى الخزرجي
❥━──➸➽❥💔

يكلها ودمع تهمل عينه
روحي يبويه للمدينه
اهلج هناك يالحزينه

لازم يبويه الهم تروحين
دار اهلج واجداج الطيبين
ولدارهم ليها تطبين

ام✍ احمد الحسناوي
❥━──➸➽❥💔تمت بعون الله بأقلام شاعرات رابطة سيد الشهداء عليه السلام غير مبري الذمه اليحذف الاسماء او يتلاعب بيها
،✍️الشاعره ام زين العابدين المحمداويه


🏴أنت المعزى سيدي يا صاحب الزمان ... عظم الله اجوركم💔

✍️..(مشكول الذمه الي يحذف الاسم  الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

https://t.me/hhhhhzxcvb