#Yangiliklar #Dual_talim

✔️Dual ta’lim - kasbiy mahorat sari muhim qadam

🗣“Hidoya” o‘rta maxsus islom ta’lim muassasasida 2026-2027-o‘quv yilida bitiruvchi kurs talabalari uchun tashkil etilgan dual ta’lim jarayoni davom etmoqda.

🗣Mazkur tizim talabalarning nazariy bilimlarini amaliy tajriba bilan mustahkamlash, kasbiy ko‘nikmalarini rivojlantirish hamda kelgusidagi faoliyatiga puxta tayyorlashga xizmat qilmoqda.

⏺Dual ta’lim doirasida talabalar masjid va mahallalarda amaliy mashg‘ulotlarda ishtirok etib, ma’naviy-ma’rifiy tadbirlarni tashkil etish, aholi va yoshlar bilan muloqot qilish, milliy va umuminsoniy qadriyatlarni targ‘ib etish borasida tajriba orttirmoqdalar.

⏺Amaliyot davomida ular tajribali ustozlar faoliyatini o‘rganish bilan birga, ta’lim jarayonida egallagan bilimlarini hayotiy vaziyatlarda qo‘llash imkoniyatiga ega bo‘lmoqdalar. Bu esa talabalarning mas’uliyatini oshirish, mustaqil fikrlash va jamoa bilan ishlash ko‘nikmalarini shakllantirishda muhim ahamiyat kasb etadi.

⏺Ta’kidlash joizki, nazariya va amaliyot uyg‘unligiga asoslangan dual ta’lim tizimi bo‘lajak mutaxassislarning kasbiy salohiyatini yuksaltirish, ularni hayotga va kelajakdagi mehnat faoliyatiga tayyorlashda muhim o‘rin tutadi.

🔎Batafsil...

💻Ta’lim muassasasi Matbuot xizmati

🔗 t.me/hidoyauz – diniy-ma’rifiy kanal!

Bizni ijtimoiy tarmoqlarda kuzatib boring:👇
📱Telegram 📱Facebook 📱Instagram 📱Youtube

#Yangiliklar #Tartib_qoida

🔺TA’LIM MUASSASASIDA KASBIY, XIZMAT VA XIZMATDAN TASHQARI FAOLIYATGA OID TARTIB-QOIDALAR YUZASIDAN YIG‘ILISH O‘TKAZILDI

✔️“Hidoya” o‘rta maxsus islom ta’lim muassasasida “O‘zbekiston musulmonlari idorasi tizimi xodimlarining kasbiy, xizmat va xizmatdan tashqari faoliyatiga oid tartib-qoidalar” mazmun-mohiyatini tushuntirish, xodimlarning kasbiy mas’uliyatini oshirish, xizmat intizomini mustahkamlash hamda odob-axloq me’yorlariga rioya etish masalalariga bag‘ishlangan yig‘ilish tashkil etildi.

🗣Yig‘ilishda quyidagi masalalar atroflicha tushuntirildi:
⏺Kasbiy odob va xizmat mas’uliyati — faoliyatning muhim mezoni
Yig‘ilish davomida mazkur tartib-qoidalarning maqsad va vazifalari, amal qilish doirasi hamda xodimlar faoliyatida rioya etilishi lozim bo‘lgan asosiy prinsiplar atroflicha muhokama qilindi.
⏺Kiyinish madaniyati, muomala odobi va xizmat intizomi
Yig‘ilishda tartib-qoidalarning xodimlar kasbiy, xizmat va xizmatdan tashqari faoliyatiga oid talablarni belgilovchi bo‘limlari batafsil tushuntirildi.
⏺Axborot madaniyati va jamoatchilik bilan munosabatlar
Yig‘ilish davomida jamoatchilik va ommaviy axborot vositalari vakillari bilan munosabatlarda belgilangan qoidalarga rioya etish, axborot tarqatishda mas’uliyatli bo‘lish hamda ta’lim muassasasining obro‘-e’tiborini asrash masalalariga ham to‘xtalib o‘tildi.
⏺Ichki nazorat va qoidalarga rioya etish mas’uliyati
Tadbirda rahbariyatning kasbiy va axloqiy majburiyatlari, xodimlarning umumiy hamda qo‘shimcha majburiyatlari, belgilangan cheklovlar, shuningdek, xodimlarni rag‘batlantirish va qoidabuzarlik holatlari uchun javobgarlik masalalari ham ko‘rib chiqildi.

💬Yig’ilishda ta’lim muassasasi o‘quv ishlari bo‘yicha direktor o‘rinbosari S.Madmusayev, ma’naviy-ma’rifiy ishlar bo‘yicha direktor o‘rinbosari R.Nasriddinov, huquqshunos-maslahatchi A.Inomov hamda o‘qituvchi va xodimlari ishtirok etdi.

Batafsil... https://hidoya.uz/uz/news/2689

©️Ta’lim muassasasi Matbuot xizmati

🔗 t.me/hidoyauz – diniy-ma’rifiy kanal!

Bizni ijtimoiy tarmoqlarda kuzatib boring:👇
📱Telegram 📱Facebook 📱Instagram 📱Youtube

#Yangiliklar #Kitob

📚"Fiqh va Usulul fiqh" fan oyligi munosabati bilan kitoblar ko‘rgazmasi tashkil etildi

✅Ta’lim maskanlarida talabalarning ma’naviy dunyoqarashini kengaytirish, ularni diniy-huquqiy ilm-fan asoslari bilan yaqindan tanishtirish hamda mutolaa madaniyatini yuksaltirishga alohida e’tibor qaratilmoqda. Shu maqsadda "Hidoya" o‘rta maxsus islom ta’lim muassasasida oktabr oyi "Fiqh va Usulul fiqh" fani oyligi deb e’lon qilingan edi.

🗣Oylik doirasida ta’lim muassasasining tajribali fan o‘qituvchilari tashabbusi bilan boy kitoblar ko‘rgazmasi tashkil etilib, talabalar islom huquqshunosligining asosiy manbalari bo‘lgan nodir va mumtoz asarlar bilan yaqindan tanishtirildi.

⏺Tadbir davomida mutaxassislar va o‘qituvchilar tomonidan talabalarga hanafiy mazhabining asosiy manbalari hisoblangan quyidagi qimmatli asarlar haqida batafsil ma’lumot berildi:
“Muhtasar al-viqoya” – Ubaydullah ibn Mas’ud qalamiga mansub bo‘lib, ta’lim muassasasida darslik sifatida o‘qitiladigan ushbu kitobning bir necha nashrlari namoyish etildi.
"Viqoyatur rivoyat" – "Muhtasar al-viqoya" asarining asli va uning asosiy tayanuchi bo‘lgan manba.
“Umdatur rivoyat ala sharhil viqoya” – mazkur asarning ilmiy sharhi va uning o‘ziga xos xususiyatlari.

Batafsil... https://hidoya.uz/uz/news/2688

Ta’lim muassasasi matbuot xizmati

🔗 t.me/hidoyauz – diniy-ma’rifiy kanal!

Bizni ijtimoiy tarmoqlarda kuzatib boring:👇
📱Telegram 📱Facebook 📱Instagram 📱Youtube