فتح عينيك ٧
حتعرف فيها انا عمري ما صدقت ولا دعمت ولا ايدت سماح وملالي ايرا مهما بدا للكثير انهم يحاربون من أجل القدس والمقدسات والارض والحق والسلام

صباح الخير
حرب ايران مناورات مصر غزه
قهوه الصباح بتاعتك وتعالي للعبه الفظيعه لن تجدها نهائي في الاعلام
طبعا حضراتكم في الرسائل مستغربين ازاي انا متكلمتش عن خطاب الرئيس في ذكري تحرير سيناء ولا اتكلمت عن المناوره المصريه علي الحدود.
لكن الاصدقاء القدامي عارفين اني مش بتكلم الا لما اقدم ليك الصوره كامله
القصه و ما فيها
اولا من منتصف ابريل كان المفروض خطوه حماس لتفكيك اسلحتها حسب خطه ترامب للسلام وهي لم تفكك ولم ترد علي احد عن نوايا وتنتهي المهله بنهايه شهر ابريل
ثانيا حماس منذ اسبوع وهي في قتال مع فصائل فلسطينية اخري تعتبرها حماس مواليه للكيان المحتل
اما انتي يا حماس مواليه لمين☺️🙄
ثالثا تفويض ترامب العسكري في حرب ايران من الكونجرس ينتهي ١ مايو وترامب لن يستطيع تحريك جندي بعد هذا التاريخ الا بتصديق الكونحرس او اعطاء تفويض جديد
القصه وما فيها
مع نهايه ابريل تتوقف حرب ايران ويتم فتح جبهه اخري من ناحيه الحدود المصريه و جوله جديده من محاولات التهجير التي لم تنتهي
بس المره دي مش اسرائيل اللي بتهجر المره دي الفصائل الفلسطينية هي اللي حتنفذ التهجير عن طريق صراعات مسلحه وكل واحد يتهم الاخر انه عميل وفي وسط الحرب دي بيروح مواطنين عادين وأطفال ونساء ويجروا علي الحدود مع مصر يستغيثوا وطبعا مع التصوير والمشاهد والعياط والصريخ
حتنفذ حماس حلم الكيان بالتهجير وبعدين ترمي السلاح بعد ما يكون ليشع سيطر علي غزه بالكامل وداخل جوه الضفه كمان ويعيشوا في تبات ونبات وتخلص الحدوته يا ولاد .
نرجع بقي نعمل فلاش باك علي مسرحيه مريكا وايرا والكيان
كان لازم يتعمل خناقه هناك منها سرقه نفط واموال و تقويض الدب والتنين والتحكم في شريان الحياه وفيه مشهد كان لازم يقوم بيه اخوه يوسف انتي فين يا اميره جهاد التتار علي الابواب مسافه السكه راحت فين يا ولاد 🙄
علشان يتم سحب الجيش المصري هناك ويطحن من التلاته و يضيع في غياهب الجب هناك و يبقي هنا في سينا مسرح العمليات مفتوح للاوغاد 😲
مش عارف ما انت عندك قواعد امريكا الضخمه بتدفع لها ترليونات لحمايتك عايز بقي ليه الجيش المصري بتاع المكرونه والبلطي الغلبان😉🤔☺️
ويبقي جيشك مش ملاحق يلحق هناك ولا يلحق هنا سينا في الشمال ولا يلحق المتسللين و المخربين في الجنوب اللي كانوا داخلين بسلاح ومتمولين من جميع الفرقاء وحلق يسعدك بقي في حرب استنزاف عسكريه واقتصادية و تهديد وجود للامن القومي كمان .
لكن اللي عارف اللعبه صمد امام جميع الاستفزازات والتسخينات وكمان محاوله الاهانات من يهود لابسه عقال .
وقبل انتهاء جميع المهلات ب٧٢ ساعه كانت كلمه السر في الخطاب .
( ان هناك مساعي مدبره تحت دعاوي ايدولجيات متطرفه تسعي لاعاده رسم المنطقه و تقسيمها )
وهنا تحركت القوات بمناوره ضخمه بالذخيره الحيه الثقيله جدا علي مسافه ١٠٠ متر من الكيان المحتل لاول مره في تاريخها ولمده اربعه ايام تنتهي مع نهايه جميع المهلات ولكن ستكون فيها القوات اعدت تسخين عملي و اتخذت أوضاع دفاعيه وهجوميه و جميع مواسرها محشوه بالدانات و لن يكون هناك زمن تأخير وتجهيز هي ضغطه زر فقط لكل من يفكر مجرد تفكير في اي محاولات . وهنا تسائلت الصحف العبريه كيف نسمح بهذا 🤔 واقول لهم ليس في مقدروكم انتم ومن خلفكم ان تسمحوا او لا هنا جيش مصر يا 🐕
و المستوطين هناك يعيشون تحت اصوات الدانات الثقيله و اهتزاز الارض تحتهم من شروق الشمس لغروبها في استتنزاف نفسي ومعنوي وعصبي وهناك من اصيب بانهيار عصبي من الفرقعات وانا مش عارف اوصف حجم الصوت وحجم الاهتزاز لان كتير مدنين بس اللي دخل الجيش عارف اد ايه صوت دانه الدبابه واد ايه حجم اهتزاز الارض من الفرقعات .
دي اللعبه كلها والتحليل اللي مسمعتوش في اي مكان
وانا لما نزلت الاغنيه دي في افتتاح سلسله فتح عينيك اخترتها لان كل كلمه فيها لها معني وهدف عايز اقوله مش عارف حللتوها ولا لا يا جدعان
صباحكم جميل وحورس دايما حارسك وانت صاحي او نيمان
#حورمحب

صباح الخير
مصر الامارات عمان ايران
قبل ما نتكلم عايز حضراتكم تبصوا فوق علي المنشور المثبت لتوقعات العام والذي نشر يوم ١ يناير قبل حدوث كل تلك الاحداث واللي قولت فيه نصا بالحرف ان عنوان السنه للعرب هو سنه مفترق الطرق والتحولات الحاده وشعره بين الموت والحياه وقولت ان هناك خلاف كبير بين السعوديه والامارات واخطار علي السعوديه وقولت ان الرئيس السيسي سيقوم بزيارات ماكوكيه لكل من السعوديه والامارات لرأب الصدع العربي وقولت ان عمان ستخرج عن صمتها و ستكون لاعب اساسي في اقرار السلام وانهاء الخلافات وقعدت من بعدها احلل لكم الاحداث واحده واحده وقولت لحضراتكم المسرحيه الهزليه اللي بتحصل بين امريكا و اسرائيل وايران لتقويض الدب الصيني وسرقه ثروات العالم بالتلاعب بالبورصات نتيجه رفع وخفض اسعار النفط و ايقاف التجاره العالميه و رفع اسعار المعادن لصالح الحكومه الخفيه التي تحكم العالم و يكون من ضمن الأهداف هو تنفيذ اسرائيل الكبري التي تريد ان تحتل اجزاء من العراق والسعوديه وتأمين ضهرها في الخليج عن طريق القبائل اليهوديه القديمه والتي الكثير منها يرتدي الزي الشيعي و حجمها ضخم في الخليج هناك وذلك بعد انهاك الخليج والسعوديه وفرار الكثير من الشعوب من هناك وتصبح ارض محروقه جاهزه للالتهام بدون عناء وذلك بمساعده الكثير من العملاء المدسوسين داخل ايران لتنفيذ المخطط وفيهم من في الدوائر المغلقه لاتخاذ القرارات هناك .
علشان كده بتلاقي في ايران الخطاب السياسي غير القرارات الحكوميه غير التحركات العسكريه علي الارض
علشان كده ضرب إيران للامارات اول امس ملوش غير معني واحد انك عايز الحرب تستمر وان الكونجرس الامريكي يعطي ترامب تفويض بعمليات عسكريه اخري واسرائيل ترجع تضرب وانت من ناحيه تانيه بتقول وقفوا الحرب انا تعبان وهلكان وشعبي بيموت يا ولداه🙄 طب ليه🤔
لان في اهداف لم يكتمل تحقيقها اه دبت الخلافات بين الامارات والسعوديه اه بقي فيه صدع عربي خليجي وانسحبت عده دول من قمه جده لكن لسه فيه كتير لازم نفتت كمان لازم الامارات يتفك اتحادها وهم ٧ امارات متحده الامارات مش ابو ظبي و بن زايد بس ده لازم يبقي مفيش امارات وتبقي كل اماره لوحدها .
انتوا عارفين اماره الشارقه ودي من اكبر الامارات فيه ١.٨ مليون نسمه يعني اقل من فيصل في القاهره وطولها ٢٣٥ كم يعني اصغر من طريق مصر اسكندريه الصحراوي 🙄 يعني انت بتتكلم في امارات حتكون لقمه سائغه جدا لاي من كان لو انفرط عقدها وحتبقي فوضي عارمه في الخليج لان كل واحد بينتمي لقبيلته اللي جزء منها في اماره اخري او البحرين او الكويت او قطر او السعوديه كمان وحتبقي انقسام مجتمعي رهيب وانفلات امني فظيع
وده لو حصل يبقي الامن القومي المصري في خطر كبير وده اللي قاله الرئيس في كلمته بعيد تحرير سيناء بس احنا مش بناخد بالنا وبنفتكره كلام انشا بتاع مناسبات .
الرئيس قال بالحرف ان محاولات تفكيك وانقسام الدول العربيه العربيه خط احمر وتهديد مباشر للامن القومي المصري لن تقبل به
طبعا علشان هو قاري وفاهم وشايف ابعد بكتير اوي اوي من اللي في خيال الناس وللاسف الاعلام ليس فيه المحللين الذين علي نفس المستوي او حتي اقل منه بقليل علشان يقول للناس مغزي الكلام الا من رحم ربي
ليه بقي امن قومي مصري🤔
لان الموضوع لو اتنفذ ومقرر له يخلص علي اخر ٢٠٢٩ حيبقي فاضل مين لتنفيذ اسرائيل الكبري يا ولاد 🤔
الجزء الشرقي خلاص خلص فلسطين سوريا لبنان العراق السعوديه الخليج فاضل مين في الخريطه🤔 الجزء الغربي مصر هي اللي فاضله وحيدوروا علي اي سبب وحيتكتلوا عليك علشان ينهوا المخطط اللي اخدوا فيه الاف السنوات وكل اللي انت شايفه من إنجازات يسرقوه ويدمروه والعالم كله حيكون في خراب من اسعار ونقص في الغذاء وكل يغني علي ليلاه بيدور علي لقمه ياكلها وفرشه عليها ينام .
علشان كده انت متفق مع فلان او مختلف معاه او هو واقف ضدك في ملفات للاسف انت مضطر تقف معاه مش عشانه عشانك انت لانك اللي جاي ولسه انت فاضلك تكه علشان تخلص بقيه المنظومه وتقولهم انا عايز حد شايف نفسه دكر راضع من صدر امه يوريني نفسه ويقف هنا قدامي يا 🐕.
عمان دائما الهادئ الرصين الحكيم اللي واقف علي باب المضيق من الناحيه التانيه لايران هي مفتاح اللعبه وحجر الزاويه القادم في التهدئه و السلام ولازم تنسيق مصر عماني كبير للم الشمل قبل ما الكل يتباع.
القوات المصريه في ال٧ امارات العربيه هناك لمنع الهجوم والتفتيت من اسرا و من اسرا اللي في ايران ومن اسرا الامريكيه وبقولها ده اللي ظهر في الاعلان 😉 فيه قوات بحريه مع قوات سعوديه علي جزر سعوديه قرب باب المندب وفيه دفاع جوي كمان .

وذي ما العالم اتفاجئ ان فيه قوات مصريه هناك ومعرفش اخبار ولا اقمار صناعيه ولا رادارات رصدت ومحدش عرف راحوا ازاي 🤔
احب اقولهم ان المخطط لمصر المنطقه الغربيه من الخريطه لها الجند الغربي الذي سيكون واقف صنديد لكم في نهايه الكلام وحتفاجؤا بالمارد طلع من القمم من كل مكان وستكون النهايه التي لن تكون في الحسبان ولا عزاء لاقمارك الصناعيه و قمر تجسس فلان وقمر فضائي علان
ومن هنا احب اهدي اسراء اغنيه الفنان العظيم الراحل هاني شاكر
كده برضه يا قمر تصاحبني علي السهر وتمشي من غير لا حس ولا خبر☺️
صباحكم جميل
#حورمحب

والنبي ربنا رباركلكم ال١٢٠ مليون خبير عسكري استراتيجي بعد اذنك نقطنا بسكاتك علشان مع كامل الاحترام والتقدير انت مش عارف حاجه .
واللي بيقولي انت بتجيب منين التوقعات و انت بتحلل الكلام ده ازاي .
اسمع الكلمتين دول بالراحه عن مصر و امنها القومي وعلاقته بأيران من سياده اللواء اركان حرب محمود خلف الخبير الاستراتيجي مستشار اكاديميه ناصر العليا الله يرحمه ويحسن اليه كان حاجه عبقريه لا تتكرر فعلا وكان استاذي في الدرسات العليا للامن القومي وفضله عليا حيفضل علي دماغي وجميل في رقبتي طول العمر
اسمع الدقيقه دي من ٢٠١٤
#حورمحب

الكيلاس
بدايه انا محدش بيمشي دماغي ولا حد بيوجهني و لا حد بقول هو ده ومفيش غيره انا قضيت ٤٠ سنه بحث وتعلم و اي معلومه بشوفها او بسمعها ببحث وراها لغايه ما اقطع نفسها واصل للحقيقه فمحدش يقولي ده نظام الطيبات وده نظام الكيتو وده نظام مش عارف مين انا مع الصح بس اخده واللي مش صح حقول عليه مش صح ومش حمشي وراه لان كلنا بشر وغير معصومين من الخطاء بنقول حاجات صح وبرضه ممكن نقول حاجات غلط .انت متسيبش دماغك لحد ابحث واقراء وهات مصادر ثقه للتأكد من صحه او خطاء الكلام
مسحوق العضم
انت عارف عضم الحيوانات بيروح فين🤔 ده بيتاخد و ويتم سحقه بعد ما يعدي علي عمليات تعقيم ويوضع كعلف للفراخ
هل هو مفيد 🤔
هو مفيد لوجود به فيتامينات ومعادن هامه للنمو
هل هو خطير
خطير او زاد عن نسبه ٥٪ في العلف لانه فيه معادن ثفيله مدمره للصحه ذي الرصاص و الكادميوم الخ التي تؤدي الي الكثير من امراض الانسان التنفسيه والعظميه و الهضميه
وقد كانت احد اهم اسباب مرض الاعتلال الدماغي للبقر( جنون البقر) لذا حظرت العديد من دول اوروبا استخدامه
فوائد العلف الكيماوي
نمو سريع واعطاء لحم اكثر و جعل لحم الفرخه اكثر بياضا ( لكن الفرخه الطبيعيه لون لحمها ابيض مائل للوردي) و جعل قشره البيض اكثر قوه لسهوله النقل والتداول وجعل صفار البيض لونه ازهي
مخاطره ان زاد عن الجرعات المقرره .زياده المعادن الثقيله بالجسم التي تؤدي لامراض عده عظام واعصاب وسكري ونتيجه زياده الاوميجا ٦ بكميه كبيره فيها فهي تزيد من التهابات الجسم عامه سواء هي او بيضها
اللي بطل وحس بفرق يبقي كان بياكل من فراخ مزارعها لا تتبع المعايير و الجرعات المضبوطه واللي بطلها ومحسش بفرق يبقي كان بياكل من عند ناس بتتقي ربنا .
الناس اللي بتقول قال الله وقال الرسول لا احد يختلف علي ما قاله الله وقاله الرسول ولا احد يحرم ما احله الله من مخلوقات تاكل ما خلقه الله من حبوب و زروع الارض و الله و رسوله لم يقولوا كلوا ما تلاعبتم في خلفته جينيا وتغءيه صناعيه مضره لكم
سلام بلا معايير بلا هم
#حورمحب

فيروس هانتا
كله مكتوب في الكراسه بس محدش بيذاكر 👇
عرفتوا ليه الهجمه الشرسه علي اي نظام غذائي صحي 🤔
ما هو محدش قال جديد كل اللي اتقال قاله الدكتور مصطفي محمود في العلم والايمان من ٥٠ سنه و فديوهات علماء اجانب وصفحات علميه ودراسات بالكوم و قليل فاكرين
الصحوه دلوقتي مش مطلوبه خالص
الموضوع مش نظام فلان وعلان ده مع شويه ضغط اعلامي مع شويه لخبطه فكريه الناس حتتوه وتنسي المواضيع
لكن الموضوع المقلق جدا والخطير للغايه ان الناس ابتدت تفكر😲 دي مصيبه كبيره انتوا مش فاهمين 😳
الموضوع انك تفكر وتبدء تبحث عن صحتك وان الوقايه خير من العلاج وبدء كفرك بالمسكنات والمكملات والاكلات المضره للصحه وتسمع صوت جسمك بيقولك ارحمني والحقني من العذاب دي مصيبه ما بعدها مصيبه .
انت حتفوق ياض ولا ايه🙄
لا بقي قول علي الناس دي مجانين لا كافرين لا مدمرين لا سحره فرعون اكيد حارب بكل شراسه وخباثه وقول عليهم وسخين ويدعون لدين جديد.
ازاي انت حتقابل فيروستنا بمناعه قويه وجسم سليم 🙄 ازاي حتبعد عن الحاجات اللي حندس فيها الحاجات اللي تخلي مناعتك في الحضيض 🙄اما احنا حندي المصل الجديد لمين🤔
لا بقي دا احنا حنجيب عاليها واطيها و حنخرص اي لسان يقولك خد بالك من نفسك وحنقتل اي صوت يوعيك ويقولك فكر و جرب تبعد عن المضرات مش حتخسر كتير وابحث بنفسك عن المعلومات و فوق بقي قبل ما تلبس مصل جديد .
كل خطوه محسوبه انا مش بضرب الودع ولا بقرا الفنجان ده كله بميزان خلاص قلبنا العالم في تمثيليه حرب وكسبنا كتير من النفط وغلاء اسعار المنتجات وتلاعبنا بالبورصات و المعادن نقفل بقي الصفحه دي وندخل في موضوع جديد نقلب فيه عيشنا علي الجميع حته فيرس يعمل رعب ويموت شويه بني ادمين ونقولك الحق خد فيتامين كذا و مكمل كذا ومضاد كذا وتعالي يا حبيب والديك خد المصل ده احنا ربنا كرمنا واكتشفناه بعد تعب كتير وبيع تاني بترليونات وبعدها الناس تكتشف انها اخدت نانو تكنولجي حيقعد ينخر في جسمها ويموتهم بعد سنين .
ولا اقولكم خليكوا كده انا مش ناقص زحمه وتلزيق هو مليار حلو اوي علشان اققعد في هدوء علي شط ميامي لوحدي جنبي شمسيه واحده او اتنين بالكتير في هدوء مش طبله واغاني مهرجانات وصريخ
#حورمحب

صباح الخير
ليه الصاعقه عملت ضاحيه يوم ١٤ مايو و ليه مدينه العبور بالذات
لا شئ صدفه كل مخطط وله هدف و رساله .
يوم ١٤ مايو هو اليوم اللي فيه المجلس الصه يوني العالمي قيام دوله اسرا. ئيل
وهو نفس اليوم في ٢٠١٨ نقل سفاره امريكا من تل ابيب للقدس
ومع تعالي اصوات اسرائيليه انه لابد من إتخاذ اي إجراءات وان وصلت للحرب لمواجه خطر تعاظم الجيش المصري و تواجده بكثافه في سيناء
فكان الرد في ذكري تاسييسهم هو تدريبات قوات النخبه الصاعقه التي كانت أعمالهم البطوليه التي ترقي الي الانتحاريه هي مفتاح النصر في حرب الاستنزاف والعبور العظيم في مدينه العبور وفي ميدان الشهيد طيار احمد المنيري الذي رفض القفز من الطائره وهي تسقط في٢٠١٦ ليوجهها في اتجاه الزراعات بعيد عن المواطنين حتي لا يصاب او يقتل احد منن مهمته الدفاع عنهم
فكانت الرساله
في ذكري تأسسيكم سنظل دائما قوه غاشمه للعدو وسنظل نفدي ارضنا و شعبنا بأرواحنا و العبور لم ينتهي بعد ولكنه فصل من فصول قادمه😎🤫
لذا كان اليوم ١٤ مايو وكانت مدينه العبور وكان ميدان الشهيد احمد المنيري .
عارف انه تحليل لم تروه في اي وسيله اعلاميه اخري والكلام ده مش بيتقال لاي اصدقاء لان هنا فقط وعي اخر لاصدقاء يستحقون معلومات تتناسب مع وعيهم الكبير
#حورمحب

الافروسنتريك
هنا بس حتعرف الحقيقه الكامله
اعتبروه ملخص بحث استراتيجي
كان يا ما كان يا سعد يا إكرام وما يحلي الكلام الا بذكر الله والنبي عليه الصلاه والسلام.
افريقيا القاره العفيه التي تملك مئات الانهار و اراضي خصبه وسله غذاء العالم وتمتلك من الثروه المعدنيه من الذهب ٥٠ ٪ و من البلاتين والكروم ٩٠٪ ومن الماس٥٠٪ غير بقيه المعادن
ناس كانت عايشه علي الفطره جه الراجل الابيض الطماع ودخل فيها واخدهم عبيد و جواري وربطهم بالحديد وعاملهم علي انهم قرود مستأنسه مش بني ادمين علشان يصلحوا ليهم قارتهم اوروبا وامريكا و دخل هو افريقيا يستكشف وعمل مستعمرات في كل افريقيا و بقوا اهلها عبيد في ملكهم يعطوهم الغذاء بالفتات اما الثروات الزراعيه والمعدنيه والدهب لهم هم الاسياد .
وافريقيا كانت قطعه واحده بدون حدود و دول ففي القرن ال١٩ عملوا مؤتمر في برلين لتقسيم افريقيا علشان يقسموا التورته وكل محتل يعرف حدود احتلاله ولكن الاهم انهم علشان يعرفوا يديروا هذا القطيع القوي البنيه انهم يوقعوا بين القبائل المختلفه داخل الدوله وخارجها من الدول الاخري ليظلوا في صراع ابدي ملهيين بقتل بعضهم البعض و يظلوا في حاجه دايمه للراجل الابيض علشان السلاح اللي حيحارب بيه اخوه
وظل هذا لامد طويل ومازال وكل ما الناس تفوق تيجي تزيل نظام موالي للرجل الابيض يقوم عملاء الراجل الابيض يعملوا انقلاب ويرجعوا تاني بحكام موالين للبيض
الراجل الابيض برضه له من يحكمه من الصهيو التي تملك المال والشركات و الاعلام وهي نفسها في الحلم الكبير بناء عرش الرب من النيل للفرات فدخلت الاسرا في افريقيا تتحكم في مفاصلها علشان تطوق المحروسه من بعيد وتلاقي كل اللي حواليها اعداء لا مساعده ولا حتي تحييد لا ده كمان حيبقي في كل مكان عملاء ينتظروا الانقضاض مع التانين
مصر بدولتها العميقه كانت بتحارب من زمان جدا ويمكن اقربها زمنيا مع الرئيس عبد الناصر و عمل اذاعه صوت افريقيا ودعمت مصر كل حركات التحرر بالمال والسلاح والسياسه وده مصؤ اتعاقبت عليه بأزمات كتير وفي فتره الرئيس السادات الدور كان شغال بس مش باين علشان البلد كانت في حاله حرب مستمره مع المحتلين وفي عهد مبارك تم استكمال الملف وبدء بدايه قويه بجولات في افريقيا وتعاون كبير لغايه ما حاولوا يغتالوه في اثيوبيا والموضوع بقي فيه مقاومه عنيفه من الأطراف الاخري ضد مصر في افريقيا.
كل هذا ومصر في عز ازماتها وتعبها كانت بتلحق اي بلد افريقي من امراض و مجاعات وكوارث طبيعيه وتصالح القبائل لوقف الصراعات اللي عملاها الناس البيض والناس تسال ليه دا احنا محتاجين 🤔 علشان متعرفش الحرب الدائره في الخفاء وانهم التارجت الكبير
في تلك الاوقات كانت هنا الدوله العميقه بتربي اجيال افارقه وتعلمهم يعتي ايه دوله وازاي تديرها وازاي هن اغنياء واقوياء لكن منهوبين من نخبه عظماء استراتيجين منهم الراجل الكبير.
ومن هنا كبر الغلمان و اشتد عودهم ومخهم بقي مستوعب الملعوب الكبير
لتبدء من ٢٠٢٢ فصل جديد بطرد مستعمرات الراجل الابيض ويتولي البلاد الافريقيه ناس فاهمين و وطنين عارفين من عدوهم الحقيقي مش اخوه في القاره ذي ما كانوا متفهمين
في تلك الاوقات و رغم مصر كانت في ازمات كتير لكنها ساعدت الدول في التنميه الشامله بسدود ومحطات كهربا و زراعه ومستشفيات ومدارس و تقويض الفيضانات واستخدامها للزراعه ونماء كبير والراجل الابيض واسرا انطردوا شر طرده وافريقيا اتحررت وبقي عندها الشجاعه تقول دي ارضي مش ارض البيض ويمكن ده ظهر في مقابله ترامب مع جنوب افريقيا و انفعال الوفد عليه وقاله امام كاميرات العالم اه حناخد ارضنا من البيض دي ارضنا احنا ومش حنسيبها لاي دخيل
المهم هنا افريقيا استدعت كل ذاكرتها وشافت مين كان بيساعدها بشرف وامانه علي مدي التاريخ وحتي الحين ومين بيقدم ليهم خطط للنماء وتنفيذ احلامهم في حياه كريمه واستغلال ثرواتهم بشراكه عادله من غير سرقه او استغلال او تضليل .
فأصبحت الطرف الموثوق فيه من الجميع ومش حيتعامل مع حد من بره الا بضمانتها وتحت اشرافها وده ظهر في قمه روسيا وافريقيا اللي قال فيها بوتين مصر بوابه افريقيا و زياره الرئيس الفرنسي من كام يوم وعمل المؤتمر الافريقي الفرنسي للتنميه وانتظره هناك علي باب السياره علشان المؤتمر مش حيشتغل الا بوجود مصر كضامن وشريك .
طب الطرف الاخر حيسكت🤔 دا انته خسرته شغل قرنين من الزمان😲 دا حيخليها سواد بس ازاي🤔
حعمل صراعات تؤثر علي امنك القومي علشان تتدخل عسكريا واضرب يالا فتصبح في خانه العدو مش الصديق لان الدنيا دايره قبائل واي حد حيموت من قبيله بقيت له عدو كبير ذي السودان والتشاد ومحاوله قلب النوبيين وبناء سد اثيوبيا علشان هناك فيه اكتر من ٨٠ قبيله وعرق ممتدين في دول افريقيه مجاوره كتير ذي إريتريا و جيبوتي والصومال وكينيا و ده حيخلي فيه عداوه كبيره مع قبايل تلك الدول وتخسر كتير

ثانيا الحشد المجتمعي
ازاي انقلك من خانه صديق مؤتمن الي عدو و حرامي كبير 🤔
تمويل ضخم واسميه الافروسنتريك اوزع فيه اموال علي عملاء وشركات وصناع افلام تلعب علي وتر المشاعر وتفهمهم انتوا العظماء انتوا الكبار و انتوا اصحاب الحضاره العظيمه و المصريين هما المحتلين اللي سرقوا ده منكم و طردوكم منها وسابوكم في العذاب المهين حتي شوفوا لونهم مش سمر ذيكم دول بيض وطبعا في ذاكرتهم ان العدو هم الرجال البيض فتقوم حرب علي كل الميديا بين المصريين الغيورين علي وطنهم وبين الافارقه اللي شايفين انهم مسروقين ومن هنا يحصل احتقان شعبي وعلشان الدنيا هناك قبائل ينتقل الاحتقان للقبائل ورأس الحكم ويبقي عداء عسكري وسياسي ونهد كل اللي عملته مصر في سنين ونطلع احنا الحلوين الكيوت اللي دافعوا عنهم وعن حضارتهم المسروقه من المصريين البيض و ده بيرد علي استغرابكم ليه هوليوود تعمل افلام عن الحضاره المصريه وتغيير شكل الملوك والملكات لاشخاص لون بشرتهم سوداء وليه بيعملوا ليهم مؤتمرات في الخارج وليه الاستفزازات المعتمده علي كل وسائل السوشيال ميديا و ايضا بيلعبوا في دماغ المصريين بافلام عربيه منهم واحد لسه في السينيمات علشان يبقي وعي للجميع والجيل الجديد يفتكر انه حرامي وسارق الحضاره من الافريقيين ويشيل عقده الذنب ويبقي خانع ومستسلم للتخطيط
.دي اللعبه كلها من الالف للياء وحرب ضروس كبيره جدا جدا ممتده لمئات السنين .
علشان كده مكنتش بكتب عنه كتير
مقدرش اقولك متدافعش عن حضارتك ومقدرش في نفس الوقت اسكت علي هذا التهريج
علشان كده محدش يسحبكم لشتائم ومعايره و تنمر علي الاخرين
عايز ترد رد بالحقائق التاريخية فقط بدون ما تدخل في نقاش عقيم و بدون اي تجريح في الدول الاخري مهما استفزك لان اللي امامك ٩٠٪ منهم اكونتات فيك او عميل لعمل الوقيعه او مغيب مش عارف الحقائق واتزرع فيه التفكير .
اما غير كده حتكون انت بتنفذ معاهم مخططهم وانت لا تدري بدافع من وطنيتك الصادقه وحبك لوطنك و دفاعك لورثك الحضاري من اجدادك .
هذه هي اللعبه اللي انتوا مستغربينها وليه قامت مره واحده من قريب ومين اللي دافع تلك التمويلات الضخمه للتنفيذ .
#حورمحب

الكيلاس
امراض تظهر انها عضويه ولما تروح للدكتور حيكتبلك كتير ادويه ولكن ستفاجئ انها بدون تأثير و تشك في الدكتور او في صلاحيه الادويه
لكن انت لم تسال نفسك كيف طاقه المشاعر اللي جواك بتؤثر علي كمياء المخ واومر الاعصاب لاجهزه جسمك المعنيه
طاقه مشاعر الخوف
البطن الامعاء القولون انتفاخ عسر هضم مغص امساك او اسهال
طاقه مشاعر الحزن
الم بالصدر نهجان نفس رايح إجهاد عام
طاقه مشاعر القلق والضغط
الام الرقبه والاكتاف
طاقه الرفض وعدم السيطره
اوجاع الرأس صداع .صداع نصفي. نسيان .توهان .عدم تركيز
طاقه الغضب والصدمات
الام اسفل الظهر
لو قدرت تمحي المشاعر دي ٩٠٪ من الامك حتروح والباقي لو عضوي حيروح سهل جدا بالعلاج والادويه
#حورمحب

صباح الخير تاني
احنا في العيد وانا مش اتكلم في مواضيع كتير علشان تستمتعوا بالاجازه الجميله عليكم ان شاءالله
في السجن ليس لك خيار الا ان تكون مسجون او سجان
في كلتا الحالتين انت جوه الاسوار غير حر مهما كان موضعك
لكن بره السجن ليس لك خيار الا ان تكون حر ودي تمنها غالي جدا جدا والا حيدخلوك السجن وتعيش وسط الانفار
علشان كده انا خسرت كتير جدا بأغرائات اعلانات و تنفيذ محتويات بدولارات كتير وشهره وكان زماني في دنيا تانيه خالص وعايش في ايجيبت مش مصر مع بقيه الناس .
معرفش ده صح ولا غلط في هذا الزمان و لكن ان انا راضي بكده ومن جوه مرتاح وراضي عن نفسي وشايف حريتي لا تضاهيها اموال
فالغلط حقول عليه غلط و الصح حقول عليه صح وجيشي و بلدي لا اقبل فيهم اي تفاوض او امتهان.
لينا كلام كتير عن البياعين من الاعلام و دكاتره التيك توك وقانون الأحوال الشخصيه .
اللي عايز يسمع اهلا وسهلا واللي مش عايز برضه اهلا وسهلا ولو الصفحه اتقفلت اهلا وسهلا انا مش عايز من حد حاجه ولا حد ليه عندي حاجه ومفيش حد يقدر يقولي انت سعرك كام
انا خرجت من الماتريكس من زمان ومش راجع مهما كانت الاغرائات ومهنا كانت التهديدات
صباحكم جميل
#حورمحب

صباح الخير
كان نفسي اعمل المنشور ده ڤويس بس انا في مكان دوشه
عامه انا بشكر حضراتكم علي السؤال والحمدلله بخير و تمام
ثانيا في اوقات بيكون فيها الصمت ابلغ من اي كلام .
مش عارف اعمل ايه اتكلم الاقي لجان داخله تصطاد في الميه العكره
يبقي ساعتها السكوت افضل من الكلام
اتكلمت علي موضوع اللاجئين وقولت الاحتقان زاد وحيبقي بعد كده فيه احتكاك واديكم شايفين حصل ازاي كام حادثه في المترو وكام في العمارات وكام في الشارع ودي شراره بدايات ومعظم عمليات غسيل الاموال والمخدرات من نصيبهم ومش عايزين نوصل للي بعده يا ناس .
اه الشرطه ماشاء الله بتتحرك بسرعه البرق لكن ماذا لو الوضع زاد🤔 نفس لعبه ٢٠١١ و نضع الشرطه في المواجهة نتيجه قصور في الاداء🤔
المعاشات
حتي الان الناس اللي خرجت معاش من فبراير مأخدتش معاش يعني ٦ شهور اسر كامله عايشه من غير اموال وكله علشان السيسيتم الجديد ما انتوا الحكومه الحاليه و السابقه معملتوش حسابكم ليه 🤔 وعملتوا حساب الناس اللي طالعه 🤔 بذمتكم ده اسمه كلام 🤔
الكلبجيه
مفيش اي ردع لقنابل بيولوجية تجهز في الشوارع ومحدش سأل نفسه ليه الان في مصر والاردن وبقيه الدول العربيه من المحيط للخليج لا🤔 لان دي الدول المجاروه لإسرائيل ولازم نعمل فيها ازمات .
ناس تتعقر و عربيات ناس تدمر ويبقي فيه صراع علي الارض بين الناس اللي عامله نفسها رفق يالحيوان وبين الناس التي تتأذي من تلك الافعال.
تعديل قانون الاسره لسه في المناقشات وقولنا جميع الملاحظات و الان بتخرج نفس النسويات اللي عامله بنود هباب بتنادي بتقنين الدعاره بترخيص و حمايه الداعرات وفي الناحيه التانيه فيه لعب كبير و عمل مجلس قومي للرجال ولما دخلت اكلمهم محدش سمع لان واضح ان التوجه مش حقوق المرأة ولا حقوق الرجل التوجه قلب الزواج من علاقه انسانيه روحيه لاستمرار الحياه الي علاقه صراع مين يكسب من مين و حتاخد ايه وحتدفع كام
قولت ويمكن اقتراحي غلط لكن ده راي الشخصي لا مجلس مرأه ولا مجلس رجل ولا مجلس طفل هو مجلس واحد للاسره تقوم عليه رجال دين وعلماء نفس واجتماع وعلماء قانون وشخصيات نسائيه و رجال مثقفه تعبر عن المجتمع لحل المشكلات من الاساس
بقوانين منظمه توافق الشرع لكل الاديان و التقاليد والعادات .
مش طاليقين علينا شويه .. في القنوات بيقولوا اي كلام و الضيف الاخر يقولها الشرع بيقول لا.
تقوله الازهر يقدر يعمل الكلام ده الان🤔 كأن الازهر حيفصل الشرع علي هوا المدام و تطلع بره علي صفحتها تقول يجب ترخيص الدعاره وحمايه الداعرات 🙄
المخطط واضح لاعمي البصر والبصيرة خلق مجتمع بعيد عن الله ويمارس الفحشاء ومعباء بالامراض والقضاء علي الشباب والبنات المحترمات الذين لايريدون الا وجه الله
ما هو قاعد عند امه بياكل ويشرب وتغسله هدومه وبحب كبير كمان حيقرف نفسه ليه بقي ويضيع ٣ مليون شقه ومهر و شبكه وبتاع علي الاقل ويقعد في نزناز سنوات وهي قاعده في بيت ابوها ملكه متوجه من غير مسؤوليات يبقي علشان ايه بقي علشان العلاقه الزوجيه🤔 متقلقوش حنعمل ليكم المساكنه والشذوذ و الدعاره بقانون وبتمن ساندوتشين شاورما تفرغوا طاقتكم من غير وجع دماغ .
هي دي اللعبه بمنتهي الصراحه وبدون مجاملات .
سلبيات سلبيات و في وجه نظري الشخصيه الحكومه ادائها دون المستوي نهائي وتأخير شديد في ردود الأفعال
علشان كده سكت لان هذا الكلام تتلقفه اللجان وتدخل تزيط في الزيطه و تزيد الاحتقان .
ويطلعوا في التعليقات يقولك ننزل نعمل وقفه سلميه 🙄سلميه ايه يا ابوسلميه ما شفناها من ٢٠١١ وازاي اتبهدلنا والبلد وقعت وكانت ايام سوده ولو حصل تاني ملهاش قومه نهائي وحتبقي اسوء من اللي فات
بقولها بمنتهي الصراحه لو مصر قالت الحقوني يا ولاد كل الكلام اللي قولته فوق ححطه تحت جزمتي كأنه ما كان و اقولها انا تحت رجليكي يا امه معاش ولا كان يمسك اي حيوان
وبرضه مش عشان خاطر الحكومه ولا اي حد لا عشان لما أقسمت من ٤٠ سنه اني حدافع عنها كان قسمي لله مش لاي من كان و كان مشروط ان ترك السلاح بالوفاه مش بالخروج علي المعاش
وبرضه الاقي لجان بتحاول الانتقاص من الرئيس وده لن اقبل بيه نهائي مهما كان لان البلد اللي ملهاش كبير بيتداعي عليها الهلافيت والخونه والعملاء والوضع ساعتها انتوا عيشتوه وشفتوه بعنيكم من زمان ومش حتتلم تاني .
فاللي ملوش كبير مش حيعرف يشتري ليه كبير علشان كل اللي علي الساحه ... ولا بلاش.
ومهما كانت السلبيات ومهما كانت الانتقادات فا اللي انقذ البلد وانا وقتها كنت جوه المطحنه وشايف اللي لسه كمان ما اتقال فهو رمانه الميزان ومازال في كل حته بيحارب ازمات بتعملها البت الصهيو من كل اتجاه وحروب علي كل الحدود وتهجير فلسطنين وايقاف قناه السويس بصراعات في باب المندب والخليج وكل ما نيجي نفوق نلاقي ازمه تانيه متجهزه علشان تدخل حرب وانت ماسك نفسك بالعافيه علشان تكمل مستقبل البلاد يقوم يعمل ازمات في الداخل علشان الصراع يبقي من جوه بين الجبهه

الصلبه التي لم يخترقها انس ولا جان علي مر الزمان . يبقي العقل بيقول مندهاش فرصه يا حكومه ونطفي كل النيران اللي شررها بان.
انا بكلمكم بصراحه وبفضفض معاكم
لازم الحكومه تفوق و لازم اجرائات حازمه جدا لكل تلك الملفات لان حتي الافتتاحات الجميله امس في البحيره محدش فرح بيها علشان الناس شالت من الهموم جبال
ده الموضوع بمنتهي الصراحه من وجه نظري الشخصيه بدون بمجاملات
وبتأسف ليكم عن الغياب
#حورمحب

القول الفصل
الفراخ البيض السمك الغذاء
اولا الخطوات حتي الان
الاول حنبهدلكم ومش حنسيبكم وهجوم كاسح اعلاميا وسياسيا وصلت لاروقه البرلمان
ثانيا اللعبه علي الضمير الوطني ان من يهاجم ذلك يهاجم الدوله و يهد الصناعه ويقطع ارزاق الناس
ثالثا فديوهات حملات الاجهزه الرقابية التموينيه و البيطريه اكدت الكلام وان هناك غذاء مضر بيتم فيه التلاعب بصحه الناس
رابعا الان بعد عدم الاقتناع وفشل الخطوات السابقه وتعالي اصوات الشرفاء والناس اللي جريت علي جوجل تبحث عن المصادر والتقارير والابحاث و وجدت ما وجدت من كلام بدء الاعلان ان فيه فعلا مشكلات ولازم نحلها و اصبحت حرب بين الكيانات المصنعه الكبري و بين الكيانات الاصغر و بيضحوا ببعض الان .
الفراخ والبيض
كان أصلها ديناصور كان اصلها بتاع ميهمناش وميمنعش اكلها .
بالعلم و الطب هناك فرق كبير بين التهجين الوراثي و التعديل الجيني
ده علشان لما تسمع الكلام تعرف بيتكلموا علي ايه
التهجين الوراثي هو اني اجيب نوعين مختلفين من نفس الفصيله اجوزهم لبعض يطلع نتيجتها جيل جديد افضل في الصفات الوراثيه من جيل الاباء
ذي ما واحد او واحده مصريه بتتجوز حد اجنبي من أوروبا فبيكون نتاج هذا طفل يحمل افضل جينات الابوين ذي كده الفنانه سعاد حسني و شويكار و صفيه العمري و ليلي علوي ونيلي كريم الخ كلهم نتاج تزاوج مصريين من اتراك و ارمن و سوريين و روسيين الخ
وده بيحصل مع كل الكائنات انسان او حيوان ذي الكلاب و ايضا البقر و العجول لتحسين السلالات من حيث انتاج اللحم وجودته او مقاومه الامراض المعديه وده مفهوش اي مشكله غذائيه او صحيه.
ده حصل مع الفراخ🤔
لا اللي حصل هو التعديل الجيني وده بينتج من عده حلقات تزاوج من نوعين مختلفين تم التغيير الجيني لهم ينتج عنه نوع جديد احادي الجنس لا ذكر ولا انثي ولا يستطيع التكاثر
ذي زواج الحصان بالحماره نوعين مختلفين ينتج عنه البغل اقوي من الحصان واعلي من الحمار ولكن لا يتزواج وينتج عنه جيل جديد من البغال لانه عقيم ولكن ده طبيعي لكن اللي بيحصل انه الاباء المتزوجين تم التغيير الجيني عليهم لينتج احادي الجنس بمواصفات معينه.
علشان كده الفراخ اللي في المزارع متقدرش تتزواج وتجيب كتاكيت جديده هي دوره الحياه الواحده ويروح يشتري كتاكيت تانيه لدوره جديده.
بتقولي يشتري من مين🤔 يشتري من امريكا وأوروبا او وكلائهم في الدول الذين معهم الجيل الرابع فقط اللي هو امهات معدله جينيا تنتج الكتكوت الاحادي الجنس فقط ومينفعش يبقي دكر ديك او انثي فرخه يتجوزوا ويجيبوا مولود ويفضل عندهم الجيل الاول والتاني اللي عمره ما حيديه ليك علشان تفضل تشتري منه .
طب ده التعديل الجيني الطبيعي طب وايه تاني حصل🤔 التعديل الصناعي.
ازاي تم التغيير في جينات المنتج الاحداي الجنس فنزع منه چين الشبع و جين الانتقاء فالكتكتوت قاعد ياكل طول النهار والليل و اي حاجه حتتحط ليه حياكلها بدون تمييز
الكتكوت بيروح المزارع بتعليمات تشغيل معينه علشان يكبر في ٣٠ يوم . مقادير علف معين و فيتامينات وحاجه اسمها مركزات تسمين ومش حتكلم عن دول دلوقت خلينا في الواضح جدا وهو مضادات سموم والبكتيريا و مساحيق العظم .
علشان كده لو جبت نفس الكتكوت وربيته في السطوح و وضعت ليه علف طبيعي فقط حبوب فقط من غير بقيه الحاجات دي عمره ما حيديك كيلو واحد في ٣٠ او ٤٥ يوم كبيره ٥٠٠ او ٦٠٠ جرام .
اه المضادات مهمه للحفاظ علي العلف و مقاومه البكتيريا لكن ايضا ان اخذت بجرعات اكبر وذبحت قبل انسحاب اثار تلك المواد الكيميائية من الفراخ تنتقل للانسان وتسبب له العديد من الامراض في الجهاز الهضمي والعصبي والتنفسي وان استخدم مضادات من انواع معينه مثل الجينتاميسين الذي منع في كل اوروبا فهو يحتاج ل٣٠ يوم للانسحاب ويسبب للانسان الفشل الكلوي وضعف السمع واعتلال الاعصاب غير انه بيجعل الجسم في حال دخول بكتيريا ليه مقاوم للادويه المعالجه ولا يستجيب للعلاج .
اما مساحيق العظام والتي تأتي من الاسماك النافقه والفراخ النافقه و عظام الحيوانات المذبوحة علي انها بها كميات عاليه من الكالسيوم لتغذيه الفراخ وذلك بتعريضهم لنار عاليه جدا ثم سحقهم بودره بالات ولكن مع هذا الغرض من كالسيوم عالي هناك مخاطر جمه جدا جدا.
فأصلا الاسماك والفراخ النافقه نفقت ليه 🤔 علشان فيها امراض وعند تعريضها للنار فليس كل البكتيريا والفيروسات بها تموت مثل بكتيريا المطثيات والسالمونيلا و ان العضام محمل بها المعادن الثقيله مثل الرصاص والزئبق .
وطبعا حجم الامراض والاضرار التي تسبهها هذه المواد والبكتيريا لا تعد ولا تحصي لذا النشرات العلميه البيطريه تسمح بمسحوق العظم بجرعات قليله جدا لتكون شبه امنه ومانعه تماما للحوامل والأطفال.

اما البيض فايضا تم الدخول عليه بمحسنات قشره و محسنات لون صفار البيض وهذه ايضا كيماويات لها اضرار للصحه العامه و ده الفرق بين قشره بيض مزارع وقشره بيض فرخه بلدي متربيه علي سطح الدار دي جامده و تخينه والتانيه ضعيفه و رقيقه
نفس الكلام للسمك من نوعيه اعلاف ضاره وفراخ نافقه ومضادات باستخدام عشوائي وقد قام فريق طبي من علماء الطب البيطري بجامعات مصر بالاشتراك مع علماء طب بيطري الماني بمتابعه بعض مزارع اسماك في دمياط وجد بها ان الأسماك مصابه ببكتيريا فتاكه مضاده للمضادات الحيويه MRSA وهذه البكتيريا تنتقل للانسان وتسبب سميه الدم والاسهال و النزلات المعويه والالتهابات العظميه والجلديه ومقاومه الادويه والمضادات الحيويه ضد اي مرض يصيب الانسان مما يجعل المرض متمكن من الانسان فتره طويله بدون علاج وقد وجدت الدراسه ان ٧٠ ٪ من عمال تلك المزارع اصيبوا بتلك البيكتيريا وقد تم نشر هذا في جريده اخبار اليوم الرسميه المصريه بتاريخ ٢٨-٤-٢٠٢٦👇
علشان كده مكنش فيه دوله بتسمح باستيراد للاسماك والدواجن و البيض المصريه لوقت قريب الا ان ظهرت مزارع الجيش التي تتبع جميع المعايير الطبيه والغذائية العالميه وتقدم منتجات صحيه غذائيا بدون اي كيماويات.
المشكله الان بكل وضوح
١ عدم وجود اشراف وتفتيش طبي بيطري كامل علي مزارع الفراخ يكون في جميع مراحل التسمين
٢- الاستخدام العشوائي للمضادات والمساحيق و بجرعات اكبر من المسموح به طبيا واستخدام انواع تم منع استخدامها عالميا رغبه في سرعه التسمين
٣- وجود العديد من المزارع العشوائيه غير المرخصه وغير المشرف عليها طبيا و بيئيا والتي تسمي صغار المربيين
٤- رؤيه ضيقه و حلول واهيه
فبدلا من البحث عن حلول جذريه طبيه و اداريه وبيئه لحل لتلك المشكلات برؤيه ضيقه و حلول نهائيه وتصحيح مسار
كان الحل من وجهه نظر المصنعين الترهيب والتخويف لمن يقول الحقيقه والهجوم علي الوطنين الغيورين علي وطنهم و محاوله انقاذ خسائر رجال الاعمال مقابل ان يخسر الناس حياتهم وصحتهم باقناع الناس بشراء وتناول تلك المنتجات .
اللعب علي الضمير العاطفي بان الخسائر ستغلق بيوت العاملين البسطاء بتسريحهم من العمل مع ان المقابل التضحيه وخساره صحتك وصحه اسرتك وحياتها فعن اي خسائر تتحدث ايها الاعلامي الاقرع الثعبان 🤔
الحل الصحيح .
اغلاق جميع المزارع العشوائيه واشراف وتفتيش طبي كامل علي المزارع المدرجه رسميا
اغلاق جميع المصانع العشوائيه للاعلاف و التي لا تتبع الجرعات الطبيه المسموح بها عالميا ومصريا .
عدم طرح اي دواجن او اسماك مزارع الا بعد تصديق الجهات الرقابيه بشهاده بعد تحليلها وخلوها من اي بكتيريا او كيماويات
ذكر اسماء المزارع والمحال والمصانع المخالفه حتي لا يضار اصحاب المزارع والمصانع والمحال التي تقدم منتج سليم مغذي خالي من مسببات الامراض.
اخيرا
من الغباء ان تعتقد انك اذكي الناس و بهجوم اعلامي او تصريحات صحفيه ستستطيع التلاعب بوعي الناس و تقنعهم بان يتناولوا ما يضرهم حتي لا تخسر الاموال
الناس وعيهم زاد ولم تعد انت ولا انا المصدر الوحيد للمعلومه والكل ورائها ينساق.
الكل بضغطه ذر يستطيع البحث في كل العالم عن المعلومه ويعرف من يقول الحقيقه ومن مزور و مدلس وكذاب
اما انا فسأعود لمنزلي ذي زمان اعمل اكلي بنفسي مربي وحلاوه وجبنه وعيش كمان لان من ساعه ما سيبت نفسي للاكل الجاهز والمصنعات صحتي راحت وبقيت عايش بالادويه والبرشام حاكل قليل واصوم كتير واسيب هذا الجهاز الرباني يقوم بنفسه باعاده البرمجه والاستشفاء الذاتي من تلك المسببات.
هذا راي الشخصي وهذا كلام مثبت علميا وطبيا ومصادره في كل مكان
والشعب تعلم الدرس انه من غير اي حد يقدر يصحح الأحوال و سيجبركم تقدموا الصحي وبالاسعار المناسبه كمان
سلام .صباحكم جميل
#حورمحب