#MKBANK #bilimlarkuni #maktab

📚 Yangi o‘quv yili — yangi orzular va katta maqsadlarning boshlanishi!

🇺🇿 Bugun yurtimiz bo‘ylab barcha umumta’lim muassasalarida yangi o‘quv yili boshlandi. Ayniqsa, minglab jajji o‘g‘il-qizlar uchun bu kun unutilmas hayajon va quvonchga boy.

✅ Shunday qutlug‘ kunda “Mikrokreditbank” ATB Boshqaruv raisi M.Avazov o‘zi tahsil olgan Uchtepa tumanidagi 81-umumta’lim maktabiga tashrif buyurib, “Birinchi qo‘ng‘iroq” tadbirida ishtirok etdi.

🔘 Tadbirda so‘zga chiqqan M.Avazov barcha o‘quvchilarni, ayniqsa, maktab ostonasiga ilk bor qadam qo‘ygan 1-sinf o‘quvchilarini yangi o‘quv yili bilan tabriklab, ularga omad va zafarlar tiladi.

Eng quvonarlisi, tadbir davomida jajji bilimdonlarga 12 nomdagi o‘quv qurollaridan iborat “Prezident sovg‘alari” topshirildi.
Shuningdek, Boshqaruv raisi o‘zi tahsil olgan maktab kutubxonasiga 100 dan ortiq badiiy adabiyotlar to‘plamini sovg‘a qildi. Bu ezgu tashabbus yosh avlodning kitobga mehrini oshirish, ularning bilim va dunyoqarashini kengaytirishga xizmat qiladi.

👏 Aziz bolajonlar, ilk qo‘ng‘iroq sadosi sizlarni buyuk orzular, yorqin kelajak va ulkan marralar sari boshlasin!

💼@hrmkbank

✅MKBANK jamoasi Paltau sharsharasida!

😉 “Sayohatchi bankir” loyihasining bu galgi manzili — Toshkent viloyatining so‘lim va betakror maskanlaridan biri Paltau sharsharasi bo‘ldi.

⛰Tog‘lar bag‘ridagi musaffo havo, aql bovar qilmas go‘zallikka ega tabiat, qoyalar orasidan oqib tushayotgan zilol suv va sharsharaning mahobatli manzarasi MKBANK jamoasiga o‘zgacha zavq va ko‘tarinki kayfiyat bag‘ishladi.

⚡️Jamoamiz hiking sayohatini, avvalo, Obi Rahmat g‘origa borishdan boshladi.

✅ Sayohatning asosiy manzili — Paltau sharsharasiga yetib kelganimizda esa tabiatning betakror manzarasi barchaga unutilmas taassurot ulashdi.

👏 Samimiy suhbatlar, ko‘tarinki kayfiyat va mustahkam jamoaviy ruh — MKBANK jamoasi bilan har bir lahza o‘zgacha!

💼@hrmkbank

♟MKBANK xodimlari o‘rtasida onlayn shaxmat musobaqasi o‘tkazildi

⚡ Xodimlarning bo‘sh vaqtini mazmunli tashkil etish, mantiqiy fikrlash va intellektual salohiyatini rivojlantirish maqsadida bank xodimlari o‘rtasida onlayn shaxmat musobaqasi tashkil etildi.

🔘 5 bosqichdan iborat musobaqada 30 nafardan ortiq xodimlar o‘rtasida juftliklar random tartibida aniqlandi. Har bir bosqich yakunlari bo‘yicha g‘oliblar keyingi bosqichga yo‘l oldi. Yakuniy bosqichda esa saralangan ishtirokchilar o‘zaro kuch sinashdi.

📣 Musobaqada ishtirokchilar o‘zlarining strategik fikrlashi, tezkor qaror qabul qilishini namoyish etdilar va quyidagilar g‘olib deb topildi:

🥇 Dasturiy ta'minot va sun'iy intellektni rivojlantirish departamenti — Djurayev Nodir

🥈 Ijro nazorati departamenti — Jumayev Mirzohid

🥉 Budjet kontrolling va iqtisodiy tahlil departamenti — Qilichev Umarali.

👏 Qizg‘in va murosasiz kechgan bahslarda xodimlar nafaqat o‘zaro raqobatlashdi, balki jamoaviy do‘stlik va sog‘lom raqobat muhitini ham mustahkamladi.

✅ MKBANK — bilim, tafakkur va rivojlanish sari birgalikda!

💼@hrmkbank

#MKBANKHR

✅ MKBANK — “Kelajak tadbirkori – 2026” yarmarkasida!

24-sentabr kuni Mirzo Ulug‘bek nomidagi O‘zbekiston Milliy universitetida “Kelajak tadbirkori – 2026” kasb, bandlik va tadbirkorlik imkoniyatlari hududiy yarmarkasi bo‘lib o‘tdi.

👍 Yarmarkada yoshlar mavjud vakansiyalar, ishga qabul qilish jarayonlari hamda bank sohasida karyera qurish imkoniyatlari bilan tanishtirildi.

✅ MKBANK — imkoniyatdan karyera sari!

💼@hrmkbank