ګرانې!
که جګړه پای ته ورسېده، زه او ته به واده وکړو. يوې ښکلې خو کوچنۍ حویلۍ کې به زه او ته يوازې اوسو.
ښایسته ګلان به زما او ستا لپاره په باغچه کې زرغون شي. زما او ستا به يوه ښکلې لور وي، هو به هو لکه ته داسې!
هر څه به یوازې زما او ستا وي...
په جنګ کې د يو وژل شوي سرباز د لیک يوه برخه
ژباړه: فکري انقلاب

د بې عدالتۍ نړۍ ده،
که قبوله یې کړي،
په جرم کې شریکېږي او
که وغواړي اصلاح یې کړې جلاد کېږي.
ویلیم سامرست
ژباړه: فکری انقلاب

مهربانه اوسه او له هر چا سره چې مخ کېږې موسکی کېږه، ته نه پوهېږې چې په خلکو څه تېریږي، ښایي ستا موسکا د هغو لپاره ارزښتمنه خزانه وي او ښايي هغوئ د همدې موسکا محتاج وي.
چارلي چاپلین

طلایي پیوند (کینتسوګي)
جاپانیان مات شوي لوښي او شیان نه غورځوي، بلکې ټوټي یې په درنښت را ټولوي او بېرته یې د سرو زرو یا نورو قیمتي موادو د پوډرو په مرسته سره نښلوي. د ماتو شویو لوښو او شیانو د پیوند کولو همدې پخواني هنر ته د طلایي پیوند (کینتسوګي) هنر ویل کیږي. د طلایي پیوند هنر د جاپان د خلکو د ژوند او کلتور ارزښتمنه پانګه ګڼل کیږي. دوی باور لري، کله چې یو څه ماتیږي، صدمه ويني او ټکر خوري، بې ارزښته کیږي نه، بلکې کیدای شي له پخوا څو چنده جذاب او با ارزښته شي.
یاد هنر په پنځلسمه میلادي پېړۍ کې شروع شوی، تر ننه پالل شوی او مهمه دا چې اوس یې د هنر تر څنګ د بریالي ژوند کولو د یوې منظمې فلسفې او لارې ځای نیولی دی.
د یاد هنر د فلسفې پر بنسټ موږ ټول انسانان په ژوند کې له بېلابېلو کړاوونو او مشکلاتو سره مخ کېږو او ماتې خورو، نو پکار ده چې ماتې ومنو.
یاد هنر را زده کوي چې د سختو حالاتو او ستونزو له امله ماتېدل پدې مانا نه دي چې ګني موږ ځان بایللې او بېرته یې نشو موندلی. وایي همدغه ماتېدل سبب کیږي څو یو انسان تجربه وکړي، متوجې شي او تر پخوا ځان لا ډېر قوي، سم او با ارزښته جوړ کړي.
🖌فکرِستان

ستاسو احساسات تاسو ته لارښوونه کوي او تاسو ته د روزونکي په څېر سمه لاره درښیي!
ژباړه شعور

ويکتور هوګو:
زه د خپل يو بالښت په بدلولو سره تر سهاره خوب نشم کولى، نه پوهېږم چې دا خلک د وجدانونو او څېرو په بدلولو او خيانت کولو سره څنګه آرامه ويده کېږي؟
ژباړه: ویسا ساپی

موږ تلپاتې نه یو او له مرګه تېښته شونې نه ده، مګر لږ تر لږه دومره کولای شو چې ړانده و نه اوسو او ړانده مړه نه شو.
مه ړندېږئ!
انسانیت، زغم او ریښتینولي ولرئ!

که اړتیا شوه، ځان ورک که؛ خو په ځان تمرکز وکړه!!🖤

سقراط وایي: "کله چي زه د خپلي مور په غېږ کي وم، ما فکر کاوه چي نور هېڅ نه سي پېښیدای..."

شکسپیر وایي: "په دې نړۍ کي د مور تر غیږي لوی او آرام ورکونکی بالښت نسته."

جبران خلیل جبران وایي: "مور په دې ژوند کې هر څه دي، په غم کي تسلي، په مایوسۍ کي هیله، او په کمزورۍ کي ځواک."

ژان ژاک روسو وایي: "که زما په یوه لاس کي دنیا وي او په بل کي مي مور، نو زه به خپله مور انتخاب کړم."

ژباړه: #شُبیر

کله چي د روانشناسۍ د عالم او لیکوال، ایرک هوفر څخه وپوښتل سوه چي "د قومونو لپاره افیون څه شی دی؟"

هغه ځواب ورکړ:
"هغه مفکوره چي خلکو ته د ظلم پر وړاندي د زغملو تلقین ورکوي، پرته له دې چي د هغه پر ضد اعتراض وکړي؛ هغوی ته د فقر منلو لارښوونه کوي، پرته له دې چي د هغه د له منځه وړلو هڅه وکړي؛ او هغوی ته دا درس ورکوي چي د خپل برباد حال سره راضي واوسي، پرته له دې چي د بدلولو هڅه یې وکړي—
دا د قومونو لپاره افیون دی."

ایرک هوفر
(لیکوال، ټولنیز روانشناس او سیاست پوه)

ژباړه: #شُبیر

ما څو ځله په دې موضوع فکر کړی دی چې، "مړینه" يعنې څه، د ژوند سره یې څه اړیکه ده؟
یو ځل ما یو سمندري بېړۍ ولیده، کله چې له ساحل څخه لرې شوه او له نظره پرېوته، نو خلکو وویل چې "لاړه."
ما فکر وکړ چې هلته به یوه بله بندرګاه وي، هلته به همدا بېړۍ ولیدل شي او خلک به ووایي، چې "راورسېده."
شاید همدا مړینه وي؛ د یوه پخواني ژوند پای او د یو نوي ژوند پیل.

#خليل_جبران
#ژباړه

استبداد په دې سره دوام کوي چې خلک دې ته قانع شي چې ظلم طبیعي دی.
فیلسوفه:سیمون دی بور

کامو وايي: اړیکې په دو حالتو کې ښکلې کیږي، اول د مشترکو ټکو پیدا کول یا د شباهتونو پیدا کول، دوهم تفاوتونو ته احترام کول.

موږ تر ډیره په اړیکه کې په شباهت یا مشترکو ټکو پسې ګرځو او اړیکه هم په همدې اساس ټینګوو، که چیرې مقابل لوري کې مشترک ټکي ونه وینو نو اړیکه ورسره نه جوړوو.

که غواړئ چې اړیکې مو ښکلې شي په مشترکو ټکو پسې وګرځئ او پیدا یې کړئ. داچې ټولو ټکو کې انسانان سره نه دي یو رقم، نو بله خبره داده چې همدې توپیرونو ته احترام وکړئ نو د یوې ښکلې اړیکې څېښتن به شئ. 🤗
لیکنه:بخت

"بدبختانه، زموږ د خلکو ټول تاریخ یوازې د تصادفونو زېږنده ( پایله) ده؛
تصادفي په چا زړه بایلو، تصادفي له چا کرکه کوو،
تصادفي یو ځای کېږو، تصادفي سره جلا کېږو،
تصادفي جګړو ته ورګډېږو، تصادفي ترې راوځو،
تصادفي نړۍ ته راځو... او په پای کې هم تصادفي له دې نړۍ د تل لپاره سترګې پټوو."

شامي شاعر او لیکوال
" نزار قباني "

وايي، که څوک دې د لاس نیولو نه و، نو خپل لاس دې په جیب کې دننه کیښږده او مزل ته دوام ورکړه، او که جیب هم نه درلوده، نو لاس دې موټي کې ټینګ او په حوصله مخ پر وړاندې لاړ شه.

خو زه وایم، اصلي خبره د لاس ایښودلو یا نیولو نه ده، بلکې د زغم او ثابت قدمۍ ده. که چیرې ملاتړ درسره نه وي، نو ځان سنبالول زده کړه، ځکه ژوند د درېدو نه، بلکې د پرلپسې تګ نوم دی.

#مهرستان #ژباړه

ناڅاپه مې ځان په څلوېښت، بیا په پنځه څلوېښت، او وروسته په پنځوس کلنۍ کې وموند! دغه داسې شمېرې وې چې ما نه مخکې اورېدلې وې او نه مې تصور کاوه چې دا دې امکان ولري. ویره را باندې راغله، کله مې چې ولیدل دوکانداران راته «حاجي» وايي، او تنکي ځوانان مې «تره» بولي. خو حالت هغه وخت لا بدتر شو، کله چې مؤدب هلکان په موټرو او بسونو کې پاڅېدل، څو زه د دوی په ځای کې کښېنم.

_احمد خالد توفیق
_ژباړه

زه د ګڼه ګوڼې ډکو ځایونو، د شتمنۍ او د نسب و نژاد په ویاړیدونکو، ظاهري جوړښت، تشو او بې محتوا خلکو، لنډمهاله اړیکو، او هغو مجلسونو سخت مخالف یم چې له منافقت او دروغو ډک وي.

— فیودر دوستویفسکي

جبران خلیل وایي!
درې کسان چي باید هیڅکله هېر نه کړل شي.
-هغه څوک چي د سختۍ په وخت کې یې مرسته درسره وکړه،
-هغه څوک چې د سختۍ په وخت کي یې ته یوازي پرېښودلې،
-او هغه څوک چي پر تا یې دغه سختي راوستلې.
ژباړه: فکري انقلاب

د ممتاز لۀ دوكان مفت ګلونه وړی شی
که څوک خوار وي د ګلونو په بازار کښې

ممتاز اورکزے
#ValentinesDay